အေမရိကန္ေရာက္ ျမန္မာေတြ ႀကိဳတင္မဲေပးမႈ မေက်နပ္မႈနဲ႔ ၿပီးဆံုး

ႀကိဳတင္မဲေပးျခင္းလုပ္ငန္းကို ေကာင္စစ္ဝန္႐ံုးႏွင့္ ျမန္မာႏိုင္ငံသားမ်ား အတူတကြပူးေပါင္းေဆာင္ရြက္ျခင္းျဖင့္ ေအာင္ျမင္စြာ အဆံုးသတ္ႏုိင္ေၾကာင္း ေလာ့စ္အိန္ဂ်လိစ္ ေကာင္စစ္ဝန္႐ံုးမွ ထုတ္ျပန္ခ်က္။

 အေမရိကန္ျပည္ေထာင္စုမွာ ေအာက္တုိဘာ ၁၈ ရက္ တနဂၤေႏြေန႔ဟာ ႀကဳိတင္မဲေပးခြင့္ရွိတဲ့ ေနာက္ဆုံးေန႔ ျဖစ္ပါတယ္။ ဒီလိုမဲေပးရာမွာ မဲျပား အစုံအလင္နဲ႔ မဲေပးခြင့္ရသူေတြရွိသလို မဲျပား မစုံလင္တဲ့အတြက္ ရသေလာက္ပဲ မဲေပးခဲ့ၾကသူေတြလည္း ရွိပါတယ္။ အေၾကာင္းစုံကို ကိုဉာဏ္ ဝင္းေအာင္က တင္ျပေပးထားပါတယ္။

ေအာက္တိုဘာ ၁၇-၁၈ ႏွစ္ရက္မွာ အေမရိကန္ျပည္ေထာင္စုအတြင္း ေနရာသုံးခုမွာ ႀကဳိတင္မဲေပးႏိုင္တယ္လို႔ ျမန္မာသံ႐ုံးက ေၾကညာထားခဲ့ တာပါ။ ဝါရွင္တန္ဒီစီက ျမန္မာသံ႐ုံး ၊ နယူးေယာက္ ျမန္မာအစိုးရကိုယ္စားလွယ္႐ုံးနဲ႔ Los Angeles မွာ႐ွိတဲ့ ျမန္မာေကာင္စစ္ဝန္ခ်ဳပ္႐ုံးေတြမွာ ျမန္မာပတ္စ္ပို႔ ကိုင္ထားတဲ့ ျမန္မာႏိုင္ငံသားေတြမဲသြားေပးၾကရတာပါ။

Los Angeles စစ္ဝန္ခ်ဳပ္႐ုံးမွာ မဲေပးခြင့္ရသူ ၈၅ ဦးရွိတယ္လို႔ ေၾကညာထားပါတယ္။ Los Angeles ၿမဳိ့ တကၠသိုလ္တခုမွာေက်ာင္းတက္ေနတဲ့ ကိုေကာင္းထက္ကေတာ့ မဲေပးပိုင္ခြင့္ ရွိသူစာရင္းထဲမွာ သူ႔နာမည္ပါေပမယ့္ တကယ္တန္း သူအေနနဲ႔ မဲခြင့္မရခဲ့ဘူးလို႔ VOA ကို ေျပာပါတယ္။

“LA ေကာင္စစ္ဝန္႐ံုးက ထုတ္ျပန္ထားတဲ့စာရင္းထဲမွာ က်ေနာ့္နာမည္က မပါလာဘူး။ မပါလာေတာ့ သူတို႔ကိုျပတယ္၊ အစိုးရ၏ခြင့္ျပဳခ်က္ျဖင့္ ေရာက္ရွိေနေသာ ဆႏၵမဲေပးပိုင္ခြင့္ရွိသူမ်ားစာရင္း-ဆိုၿပီးေတာ့ အဲဒီထဲမွာ က်ေနာ့္နာမည္ပါလာတယ္။ ဒါေပမယ့္ အဲဒီမွာပါလာရက္နဲ႔ ဘာလို႔ ေကာင္စစ္ဝန္႐ံုးရဲ႕စာရင္းထဲမွာမပါလာတာလဲဆိုေတာ့ - တို႔လည္း အဲဒါကို မသိဘူးတဲ့။ ႐ံုးထဲက ဝန္ထမ္းေတြ ႏွစ္ေယာက္လားမသိဘူး၊ စာရင္းထဲမွာ မပါလာဘူး-ေပါ့။ အဲဒီေတာ့ သူတို႔ ႏိုင္ငံျခားေရးဝန္ႀကီး႐ံုးနဲ႔ ေရြးေကာက္ပြဲေကာ္မရွင္ကိုပဲ သူတို႔လႊဲခ်လိုက္တယ္။ ႏိုဝင္ဘာ ၈ ရက္ေန႔ ျမန္မာျပည္မွာ မဲေပးတဲ့အခ်ိန္မွာ သြားေပးမွ ရလိမ့္မယ္-တဲ့။ အဲဒါအျပင္ေတာ့ တျခား ဘာမွ လုပ္ႏိုင္စရာမရွိေတာ့ဘူးလို႔ ေျပာတယ္။ ဒါေပမယ့္ ႏိုဝင္ဘာ ၈ ရက္ေန႔ ျပန္ဖို႔ဆိုတာကေတာ့ နည္းနည္းခက္ခဲတာေပါ့။”

ဝါရွင္တန္ဒီစီက ျမန္မာသံ႐ုံးမွာ မဲသြားေပးခဲ့တဲ့ ေမရီလန္းျပည္နယ္မွာေနထုိင္သူ ကိုတင္ထြန္းဦးကေတာ့ မဲျပား မစုံလင္တဲ့ျပႆနာနဲ႔ရင္ဆိုင္ ခဲ့ရတယ္လို႔ ေျပာပါတယ္။

“လႊတ္ေတာ္သံုးခုအတြက္ မဲျပား သံုးခု ရရမယ့္ဟာ တစ္ခုပဲရတယ္ေပါ့ေနာ္။ အမ်ဳိးသားလႊတ္ေတာ္အတြက္ပဲ မဲျပားပါလာတယ္။ က်ေနာ့္ရဲ႕ အင္းစိန္ၿမိဳ႕နယ္ ကေပါ့ေနာ္။ သံ႐ံုးကေတာ့ ရွင္းျပတာက သူတို႔ကို ႏိုင္ငံျခားေရးဝန္ႀကီးဌာနကေနၿပီးေတာ့ သံ႐ံုးေတြကို ပို႔လိုက္တဲ့အထဲမွာ က်ေနာ္တို႔အတြက္ မဲတစ္မဲ အတြက္ပဲပါတယ္။ တခ်ဳိ႕ၿမိဳ႕နယ္ေတြက မပါဘူးေပါ့။ ေကာ္မရွင္႐ံုးကို ဗမာျပည္ကို ခ်က္ျခင္းပဲ အေၾကာင္းၾကား ထားပါတယ္ ေပါ့ေနာ္။ သူတို႔လည္း မသိေသးဘူးေပါ့။ ႏိုဝင္ဘာ ၈ ရက္ကို ဗမာျပည္အေရာက္ ျပန္လာခဲ့မယ္ဆိုလို႔ရွိရင္ သံ႐ံုး၊ သံမႉးေတြဆီက ေထာက္ခံစာယူၿပီးလို႔ သြားရင္ သက္ဆုိင္ရာ မဲဆႏၵနယ္ေတြမွာ မဲေပးလို႔ရတယ္ဆိုတဲ့ ဝဘ္ဆိုက္မွာ သူတို႔ေၾကာ္ျငာေတြကို တင္ထားတယ္။ ကိုယ္တုိင္သြားၿပီးေပးဖို႔ဆိုတာက ဒါ မျဖစ္ႏုိင္တဲ့ကိစၥေပါ့ ေနာ္။ ”

နယူးေယာက္ၿမဳ့ိက မေဝေဝႏုိင္ကေတာ့ သူကိုယ္တိုင္ မဲေပးရာမွာ အဆင္ေျပခဲ့ေပမယ့္ သူ႔နဲ႔ တရက္ထဲ မဲေပးသူေတြမွာေတာ့ မဲစာရင္းထဲ မိမိ အမည္စာရင္း ပါမလာတာ၊ မဲျပားမစုံတာေတြ ရွိတယ္လို႔ ႐ွင္းျပပါတယ္။

“အဲဒီမွာ ညီမေလးတစ္ေယာက္ကိုေတြ႔တယ္။ သူက မီခ်ီဂန္ကေနေတာင္ လာေပးရတာ။ Form 15 တင္ၿပီးၿပီ-တဲ့။ တင္ၿပီးေပမယ့္ သူ႔နာမည္က လာတဲ့ အခါမွာ ရွာလို႔မေတြ႔ဘူး။ သံ႐ံုးေတြက ရွင္းျပတာကေတာ့ သူတို႔ရဲ႕ တၿမိဳ႕နယ္လံုးက မပါလာဘူးလုိ႔ ေျပာတယ္။ ဗမာျပည္ ျပန္ေပးပါလို႔ ေျပာတယ္-တဲ့။ ဗမာျပည္ကိုလည္း သူက ဘယ္လိုမွ မသြားႏိုင္ဘူးဆိုေတာ့ အဲဒီမွာ သူက မေက်နပ္ဘူး၊ မေက်နပ္ေတာ့ အဲဒီမွာ သူ႔ကိုေတာ့ ေထာက္ခံစာေလး ေပးလုိက္ တယ္-တဲ့။ ေနာက္ တေယာက္ကက်ေတာ့ မဲေပးခြင့္ရလိုက္ေပမယ့္ မဲျပား တစ္ျပားပဲပါလာတယ္။ အမ်ဳိးသားလႊတ္ေတာ္ပဲ။ အဲဒီႏွစ္မဲက ပါမလာတဲ့အခါက် ေတာ့ အဲဒီအတြက္ ႐ံႈးသြားတဲ့သေဘာမ်ဳိးမို႔လို႔ မေက်နပ္ဘူး။”

အေမရိကန္ျပည္ေထာင္စုမွာ ႀကဳိတင္မဲေပးခြင့္ရဖို႔ ပုံစံ ၁၅ ေလွ်ာက္ထားသူ ဦးေရ ၄၂၃ ဦးရွိတယ္လို႔ အေစာပိုင္းမွာ ဝါရွင္တန္ဒီစီ ျမန္မာသံ႐ုံး က ေၾကညာခဲ့ပါတယ္။ တကယ္တမ္း မဲေပးခ်ိန္မွာေတာ့ ဝါရွင္တန္ဒီစီမွာ ၁၃၁ ဦး၊ နယူးေယာက္မွာ ၁၉၃ ဦးနဲ႔ Los Angeles မွာ ၈၅ ဦး စုစုေပါင္း ၄ဝ၉ ဦးသာ မဲေပးခြင့္ရခဲ့ၾကပါတယ္။

ကိုဉာဏ္ဝင္းေအာင္ / ဗြီအုိေအ (ျမန္မာပုိင္း)
http://burmese.voanews.com
..........................

ကြိုတင်မဲပေးခြင်းလုပ်ငန်းကို ကောင်စစ်ဝန်ရုံးနှင့် မြန်မာနိုင်ငံသားများ အတူတကွပူးပေါင်းဆောင်ရွက်ခြင်းဖြင့် အောင်မြင်စွာ အဆုံးသတ်နိုင်ကြောင်း လော့စ်အိန်ဂျလိစ် ကောင်စစ်ဝန်ရုံးမှ ထုတ်ပြန်ချက်။
 အမေရိကန်ပြည်ထောင်စုမှာ အောက်တိုဘာ ၁၈ ရက် တနင်္ဂနွေနေ့ဟာ ကြိုတင်မဲပေးခွင့်ရှိတဲ့ နောက်ဆုံးနေ့ ဖြစ်ပါတယ်။ ဒီလိုမဲပေးရာမှာ မဲပြား အစုံအလင်နဲ့ မဲပေးခွင့်ရသူတွေရှိသလို မဲပြား မစုံလင်တဲ့အတွက် ရသလောက်ပဲ မဲပေးခဲ့ကြသူတွေလည်း ရှိပါတယ်။ အကြောင်းစုံကို ကိုဉာဏ် ဝင်းအောင်က တင်ပြပေးထားပါတယ်။

အောက်တိုဘာ ၁၇-၁၈ နှစ်ရက်မှာ အမေရိကန်ပြည်ထောင်စုအတွင်း နေရာသုံးခုမှာ ကြိုတင်မဲပေးနိုင်တယ်လို့ မြန်မာသံရုံးက ကြေညာထားခဲ့ တာပါ။ ဝါရှင်တန်ဒီစီက မြန်မာသံရုံး ၊ နယူးယောက် မြန်မာအစိုးရကိုယ်စားလှယ်ရုံးနဲ့ Los Angeles မှာရှိတဲ့ မြန်မာကောင်စစ်ဝန်ချုပ်ရုံးတွေမှာ မြန်မာပတ်စ်ပို့ ကိုင်ထားတဲ့ မြန်မာနိုင်ငံသားတွေမဲသွားပေးကြရတာပါ။

Los Angeles စစ်ဝန်ချုပ်ရုံးမှာ မဲပေးခွင့်ရသူ ၈၅ ဦးရှိတယ်လို့ ကြေညာထားပါတယ်။ Los Angeles မြို့ တက္ကသိုလ်တခုမှာကျောင်းတက်နေတဲ့ ကိုကောင်းထက်ကတော့ မဲပေးပိုင်ခွင့် ရှိသူစာရင်းထဲမှာ သူ့နာမည်ပါပေမယ့် တကယ်တန်း သူအနေနဲ့ မဲခွင့်မရခဲ့ဘူးလို့ VOA ကို ပြောပါတယ်။

“LA ကောင်စစ်ဝန်ရုံးက ထုတ်ပြန်ထားတဲ့စာရင်းထဲမှာ ကျနော့်နာမည်က မပါလာဘူး။ မပါလာတော့ သူတို့ကိုပြတယ်၊ အစိုးရ၏ခွင့်ပြုချက်ဖြင့် ရောက်ရှိနေသော ဆန္ဒမဲပေးပိုင်ခွင့်ရှိသူများစာရင်း-ဆိုပြီးတော့ အဲဒီထဲမှာ ကျနော့်နာမည်ပါလာတယ်။ ဒါပေမယ့် အဲဒီမှာပါလာရက်နဲ့ ဘာလို့ ကောင်စစ်ဝန်ရုံးရဲ့စာရင်းထဲမှာမပါလာတာလဲဆိုတော့ - တို့လည်း အဲဒါကို မသိဘူးတဲ့။ ရုံးထဲက ဝန်ထမ်းတွေ နှစ်ယောက်လားမသိဘူး၊ စာရင်းထဲမှာ မပါလာဘူး-ပေါ့။ အဲဒီတော့ သူတို့ နိုင်ငံခြားရေးဝန်ကြီးရုံးနဲ့ ရွေးကောက်ပွဲကော်မရှင်ကိုပဲ သူတို့လွှဲချလိုက်တယ်။ နိုဝင်ဘာ ၈ ရက်နေ့ မြန်မာပြည်မှာ မဲပေးတဲ့အချိန်မှာ သွားပေးမှ ရလိမ့်မယ်-တဲ့။ အဲဒါအပြင်တော့ တခြား ဘာမှ လုပ်နိုင်စရာမရှိတော့ဘူးလို့ ပြောတယ်။ ဒါပေမယ့် နိုဝင်ဘာ ၈ ရက်နေ့ ပြန်ဖို့ဆိုတာကတော့ နည်းနည်းခက်ခဲတာပေါ့။”

ဝါရှင်တန်ဒီစီက မြန်မာသံရုံးမှာ မဲသွားပေးခဲ့တဲ့ မေရီလန်းပြည်နယ်မှာနေထိုင်သူ ကိုတင်ထွန်းဦးကတော့ မဲပြား မစုံလင်တဲ့ပြဿနာနဲ့ရင်ဆိုင် ခဲ့ရတယ်လို့ ပြောပါတယ်။

“လွှတ်တော်သုံးခုအတွက် မဲပြား သုံးခု ရရမယ့်ဟာ တစ်ခုပဲရတယ်ပေါ့နော်။ အမျိုးသားလွှတ်တော်အတွက်ပဲ မဲပြားပါလာတယ်။ ကျနော့်ရဲ့ အင်းစိန်မြို့နယ် ကပေါ့နော်။ သံရုံးကတော့ ရှင်းပြတာက သူတို့ကို နိုင်ငံခြားရေးဝန်ကြီးဌာနကနေပြီးတော့ သံရုံးတွေကို ပို့လိုက်တဲ့အထဲမှာ ကျနော်တို့အတွက် မဲတစ်မဲ အတွက်ပဲပါတယ်။ တချို့မြို့နယ်တွေက မပါဘူးပေါ့။ ကော်မရှင်ရုံးကို ဗမာပြည်ကို ချက်ခြင်းပဲ အကြောင်းကြား ထားပါတယ် ပေါ့နော်။ သူတို့လည်း မသိသေးဘူးပေါ့။ နိုဝင်ဘာ ၈ ရက်ကို ဗမာပြည်အရောက် ပြန်လာခဲ့မယ်ဆိုလို့ရှိရင် သံရုံး၊ သံမှူးတွေဆီက ထောက်ခံစာယူပြီးလို့ သွားရင် သက်ဆိုင်ရာ မဲဆန္ဒနယ်တွေမှာ မဲပေးလို့ရတယ်ဆိုတဲ့ ဝဘ်ဆိုက်မှာ သူတို့ကြော်ငြာတွေကို တင်ထားတယ်။ ကိုယ်တိုင်သွားပြီးပေးဖို့ဆိုတာက ဒါ မဖြစ်နိုင်တဲ့ကိစ္စပေါ့ နော်။ ”

နယူးယောက်မြို့က မဝေဝေနိုင်ကတော့ သူကိုယ်တိုင် မဲပေးရာမှာ အဆင်ပြေခဲ့ပေမယ့် သူ့နဲ့ တရက်ထဲ မဲပေးသူတွေမှာတော့ မဲစာရင်းထဲ မိမိ အမည်စာရင်း ပါမလာတာ၊ မဲပြားမစုံတာတွေ ရှိတယ်လို့ ရှင်းပြပါတယ်။

“အဲဒီမှာ ညီမလေးတစ်ယောက်ကိုတွေ့တယ်။ သူက မီချီဂန်ကနေတောင် လာပေးရတာ။ Form 15 တင်ပြီးပြီ-တဲ့။ တင်ပြီးပေမယ့် သူ့နာမည်က လာတဲ့ အခါမှာ ရှာလို့မတွေ့ဘူး။ သံရုံးတွေက ရှင်းပြတာကတော့ သူတို့ရဲ့ တမြို့နယ်လုံးက မပါလာဘူးလို့ ပြောတယ်။ ဗမာပြည် ပြန်ပေးပါလို့ ပြောတယ်-တဲ့။ ဗမာပြည်ကိုလည်း သူက ဘယ်လိုမှ မသွားနိုင်ဘူးဆိုတော့ အဲဒီမှာ သူက မကျေနပ်ဘူး၊ မကျေနပ်တော့ အဲဒီမှာ သူ့ကိုတော့ ထောက်ခံစာလေး ပေးလိုက် တယ်-တဲ့။ နောက် တယောက်ကကျတော့ မဲပေးခွင့်ရလိုက်ပေမယ့် မဲပြား တစ်ပြားပဲပါလာတယ်။ အမျိုးသားလွှတ်တော်ပဲ။ အဲဒီနှစ်မဲက ပါမလာတဲ့အခါကျ တော့ အဲဒီအတွက် ရှုံးသွားတဲ့သဘောမျိုးမို့လို့ မကျေနပ်ဘူး။”

အမေရိကန်ပြည်ထောင်စုမှာ ကြိုတင်မဲပေးခွင့်ရဖို့ ပုံစံ ၁၅ လျှောက်ထားသူ ဦးရေ ၄၂၃ ဦးရှိတယ်လို့ အစောပိုင်းမှာ ဝါရှင်တန်ဒီစီ မြန်မာသံရုံး က ကြေညာခဲ့ပါတယ်။ တကယ်တမ်း မဲပေးချိန်မှာတော့ ဝါရှင်တန်ဒီစီမှာ ၁၃၁ ဦး၊ နယူးယောက်မှာ ၁၉၃ ဦးနဲ့ Los Angeles မှာ ၈၅ ဦး စုစုပေါင်း ၄ဝ၉ ဦးသာ မဲပေးခွင့်ရခဲ့ကြပါတယ်။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com