ႏိုင္ငံေရးပါတီေတြ ႐ိုးသားတဲ့နည္းနဲ႔ မဲဆြယ္ဖို႔ ေဒၚစု တိုက္တြန္း

ရွမ္းျပည္နယ္ က်ိဳင္းတံုၿမိဳ႕ မဲဆြယ္ စည္းရံုးေရး ခရီစဥ္မွာ လူအမ်ားအျပား ႀကိဳဆိုခဲ့

အမ်ိဳးသား ဒီမိုကေရစီ အဖြဲ႕ခ်ဳပ္ဥကၠ႒ ေဒၚေအာင္ဆန္း စုၾကည္ဟာ ဒီကေန႔မွာ မိုင္းျဖတ္နဲ႔ က်ိဳင္းတံု ၿမိဳ႕တို႔မွာ ပါတီ စည္းရံုးေရး မဲဆြယ္ေဟာေျပာမႈေတြ လုပ္ခဲ့ၿပီး ႏွစ္ရက္ အၾကာ ရွမ္းျပည္အေရွ႕ပိုင္း ခရီးစဥ္ကို ေအာက္တိုဘာ၂၂ ရက္ေန႔က အၿပီးသတ္လိုက္ၿပီ ျဖစ္ပါတယ္။

ရွမ္းျပည္အေရွ႕ပိုင္း ခရီးစဥ္မွာ ေဒၚေအာင္ဆန္း စုၾကည္က မဲဆြယ္စည္းရံုးေရး ကိစၥေတြ၊ အဂတိ လိုက္စားမႈေတြနဲ႔ တိုင္းျပည္ ရဲ့ စနစ္ကို ေျပာင္းလဲဖို႔ NLD ပါတီကို မဲထည့္ပါလို႔ အဓိက ေျပာခဲ့ပါတယ္။

မိုင္းျဖတ္ၿမိဳ႕ ေလယာဥ္ကြင္းမွာ ေဟာေျပာခဲ့ရာမွာ ေဒၚေအာင္ဆန္း စုၾကည္က လာမယ့္ ေရြးေကာက္ပြဲကို အန္အယ္လ္ဒီက ဝင္ၿပိဳင္တာဟာ ႏွစ္ေပါင္း ၅၀ ေက်ာ္ လြွမ္းမိုးခဲ့တဲ့ အာဏာရွင္ စနစ္ကို ေျပာင္းလဲဖို႔ ျဖစ္တယ္လို႔ ေျပာခဲ့ပါတယ္။

ျပည္သူေတြ အေနနဲ႔ စိတ္လံုၿခံဳမႈ ရွိရမယ္၊ ၿခိမ္းေျခာက္ခံရမႈၾကားမွာ မေနသင့္ဘူး၊ ကိုယ့္ အခြင့္ အေရးကို သိရွိၿပီး ရပိုင္ခြင့္ေတြလည္း ရွိရမယ္လို႔ လည္း ေဒၚေအာင္ဆန္း စုၾကည္က ေျပာပါတယ္။

က်ိဳင္းတံုၿမိဳ႕ မဂၤလာ ဖားစည္ကြင္းမွာ လုပ္တဲ့ ေဟာေျပာပြဲမွာ ႏိုင္ငံေရးပါတီေတြ ႐ိုးသားတဲ့နည္းနဲ႔ မဲဆြယ္ဖို႔ လိုတယ္လို႔ ေျပာခဲ့ပါတယ္။

မိုင္းျဖတ္နဲ႔ က်ိဳင္းတံုမွာ လူထု ေဟာေျပာပြဲေတြ မတိုင္ခင္တစ္ရက္ကလည္း တာခ်ီလိတ္မွာ ေဟာေျပာခဲ့ပါတယ္။

ၿပီးခဲ့တဲ့လ အေစာပိုင္းက ပထမဆံုး ရွမ္းျပည္ ခရီးစဥ္မွာ ရွမ္းျပည္ေတာင္ပိုင္း ပအိုဝ္း ကိုယ္ပိုင္အုပ္ခ်ဳပ္ခြင့္ရေဒသက ဟိုပံုးနဲ႔ ဆီဆိုင္ၿမိဳ႕တို႔မွာ လူထု နဲ႔ ေတြ႕ဆံု ေဟာ ေျပာခဲ့ပါ ေသးတယ္။

ေဒၚေအာင္ဆန္း စုၾကည္ရဲ့ ႏွစ္ရက္ၾကာ ရွမ္းျပည္ စည္းရံုးေရး ခရီးစဥ္ကို ေဒသခံ ရွမ္းတိုင္းရင္းသား အေတာ္မ်ားမ်ားက ႀကိဳဆိုခဲ့ၾကၿပီး ေဟာေျပာပြဲေတြကို လူေတြ ေသာင္းနဲ႔ ခ်ီၿပီး တက္ေရာက္ခဲ့ပါတယ္။

ရွမ္းတိုင္းရင္းသားမ်ား ဒီမိုကေရစီအဖြဲ႕ခ်ဳပ္ ဥကၠဌ ဦးခြန္ထြန္းဦးကေတာ့ ေဒၚေအာင္ဆန္းစုၾကည္ရဲ့ ရွမ္းျပည္မဲဆြယ္ ခရီးစဥ္ေတြေၾကာင့္ ရွမ္းျပည္နယ္တြင္းမွာ ေနရာစံု ယွဥ္ၿပိဳင္ဖို႔ ရွိတဲ့ ရွမ္းတိုင္းရင္းသား ပါတီေတြကို လူထုေထာက္ခံမႈ ေလ်ာ့သြားမွာ မဟုတ္ဘူးလို႔ ဘီဘီစီကို ေျပာပါတယ္။

BBC Burmese
http://www.bbc.com/burmese

................................................................

နိုင်ငံရေးပါတီတွေ ရိုးသားတဲ့နည်းနဲ့ မဲဆွယ်ဖို့ ဒေါ်စု တိုက်တွန်း

အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်း စုကြည်ဟာ ဒီကနေ့မှာ မိုင်းဖြတ်နဲ့ ကျိုင်းတုံ မြို့တို့မှာ ပါတီ စည်းရုံးရေး မဲဆွယ်ဟောပြောမှုတွေ လုပ်ခဲ့ပြီး နှစ်ရက် အကြာ ရှမ်းပြည်အရှေ့ပိုင်း ခရီးစဉ်ကို အောက်တိုဘာ၂၂ ရက်နေ့က အပြီးသတ်လိုက်ပြီ ဖြစ်ပါတယ်။

ရှမ်းပြည်အရှေ့ပိုင်း ခရီးစဉ်မှာ ဒေါ်အောင်ဆန်း စုကြည်က မဲဆွယ်စည်းရုံးရေး ကိစ္စတွေ၊ အဂတိ လိုက်စားမှုတွေနဲ့ တိုင်းပြည် ရဲ့ စနစ်ကို ပြောင်းလဲဖို့ NLD ပါတီကို မဲထည့်ပါလို့ အဓိက ပြောခဲ့ပါတယ်။

မိုင်းဖြတ်မြို့ လေယာဉ်ကွင်းမှာ ဟောပြောခဲ့ရာမှာ ဒေါ်အောင်ဆန်း စုကြည်က လာမယ့် ရွေးကောက်ပွဲကို အန်အယ်လ်ဒီက ဝင်ပြိုင်တာဟာ နှစ်ပေါင်း ၅၀ ကျော် လွှမ်းမိုးခဲ့တဲ့ အာဏာရှင် စနစ်ကို ပြောင်းလဲဖို့ ဖြစ်တယ်လို့ ပြောခဲ့ပါတယ်။

ပြည်သူတွေ အနေနဲ့ စိတ်လုံခြုံမှု ရှိရမယ်၊ ခြိမ်းခြောက်ခံရမှုကြားမှာ မနေသင့်ဘူး၊ ကိုယ့် အခွင့် အရေးကို သိရှိပြီး ရပိုင်ခွင့်တွေလည်း ရှိရမယ်လို့ လည်း ဒေါ်အောင်ဆန်း စုကြည်က ပြောပါတယ်။

ကျိုင်းတုံမြို့ မင်္ဂလာ ဖားစည်ကွင်းမှာ လုပ်တဲ့ ဟောပြောပွဲမှာ နိုင်ငံရေးပါတီတွေ ရိုးသားတဲ့နည်းနဲ့ မဲဆွယ်ဖို့ လိုတယ်လို့ ပြောခဲ့ပါတယ်။

မိုင်းဖြတ်နဲ့ ကျိုင်းတုံမှာ လူထု ဟောပြောပွဲတွေ မတိုင်ခင်တစ်ရက်ကလည်း တာချီလိတ်မှာ ဟောပြောခဲ့ပါတယ်။

ပြီးခဲ့တဲ့လ အစောပိုင်းက ပထမဆုံး ရှမ်းပြည် ခရီးစဉ်မှာ ရှမ်းပြည်တောင်ပိုင်း ပအိုဝ်း ကိုယ်ပိုင်အုပ်ချုပ်ခွင့်ရဒေသက ဟိုပုံးနဲ့ ဆီဆိုင်မြို့တို့မှာ လူထု နဲ့ တွေ့ဆုံ ဟော ပြောခဲ့ပါ သေးတယ်။

ဒေါ်အောင်ဆန်း စုကြည်ရဲ့ နှစ်ရက်ကြာ ရှမ်းပြည် စည်းရုံးရေး ခရီးစဉ်ကို ဒေသခံ ရှမ်းတိုင်းရင်းသား အတော်များများက ကြိုဆိုခဲ့ကြပြီး ဟောပြောပွဲတွေကို လူတွေ သောင်းနဲ့ ချီပြီး တက်ရောက်ခဲ့ပါတယ်။

ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဌ ဦးခွန်ထွန်းဦးကတော့ ဒေါ်အောင်ဆန်းစုကြည်ရဲ့ ရှမ်းပြည်မဲဆွယ် ခရီးစဉ်တွေကြောင့် ရှမ်းပြည်နယ်တွင်းမှာ နေရာစုံ ယှဉ်ပြိုင်ဖို့ ရှိတဲ့ ရှမ်းတိုင်းရင်းသား ပါတီတွေကို လူထုထောက်ခံမှု လျော့သွားမှာ မဟုတ်ဘူးလို့ ဘီဘီစီကို ပြောပါတယ်။

BBC Burmese

http://www.bbc.com/burmese