ေရြးေကာက္ပြဲ ေကာ္မရွင္လုပ္ရပ္ NLD ေဝဖန္

အမ်ဳိးသားဒီမိုကေရစီအဖြဲ႔ခ်ဳပ္ တာဝန္ရွိသူေတြက ေရြးေကာက္ပဲြဆိုင္ရာ အခက္အခဲေတြနဲ႔ပတ္သက္လို႔ သတင္းဌာနမ်ားကို ေတြ႔ဆံုရွင္းလင္းစဥ္။ (စက္တင္ဘာ ၂၁၊ ၂၀၁၅)

 ႏိုဝင္ဘာလမွာက်င္းပမယ့္ ေရြးေကာက္ပဲြအတြက္ မဲဆႏၵရွင္စာရင္း မွားယြင္းေနမႈေတြအေပၚ အမ်ိဳးသားဒီမိုကေရစီအဖြဲ႔ခ်ဳပ္ (NLD) က ေဝဖန္လိုက္ ပါတယ္။ ဒါ့အျပင္ေရြးေကာက္ပြဲေကာ္မရွင္ အေနနဲ႔ ဥပေဒနဲ႔မညီတဲ့လုပ္ေဆာင္မႈေတြရွိတယ္လို႔လည္း ေျပာလိုက္ပါတယ္။ ပါတီအခ်ိဳ႕ရဲ႕ ဥပေဒမဲ့ လုပ္ေဆာင္ေနမႈေတြကို ေကာ္မရွင္ကိုတိုင္ၾကားေပမယ့္ အေရးယူေပးျခင္းမရွိဘဲ မ်က္ကြယ္ျပဳ ထားတယ္လို႔လည္း NLD က ေျပာပါတယ္။ ဒီအေျခအေနကို ဗီြအိုေအျမန္မာပိုင္း သတင္းေထာက္ ေမခကသတင္းေပးပို႔ထားပါတယ္။

ဒီကေန႔ ပါတီေအာင္ႏိုင္ေရး႐ံုးခန္းမွာေရြးေကာက္ပြဲနဲ႔ပတ္သက္ၿပီး လက္ရွိႀကံဳေတြ႔ေနရတဲ့ အခက္အခဲေတြကို မီဒီယာနဲ႔ေတြ႔ဆံု ေျပာၾကား ခ်ိန္မွာ အမ်ိဳးသား ဒီမိုကေရစီအဖြဲ႔ခ်ဳပ္ (NLD) က ခုလိုေျပာဆိုလိုက္တာပါ။

“ဦးတင္ဝင္း..ဆိုတဲ့ အေနနဲ႔ေပါ့။ ………… သြားေရာက္ၿပီးေတာ့ မွတ္ပံုတင္တင္တယ္။ အဓိပၸာယ္ကေတာ့ တပ္မေတာ္က ကင္းရွင္းသြားၿပီ ျဖစ္တယ္၊ ဒါေၾကာင့္မို႔လို႔ သူဟာ ေရြးေကာက္ပဲြဝင္ေရာက္တယ္ဆိုၿပီးေတာ့ကာ …အဲဒီမွာသြားၿပီးေတာ့ ေၾကညာခ်က္အတုိင္းပဲ သြားၿပီး ေျပာတယ္၊ လုပ္တယ္ေပါ့။ သို႔ေပမယ့္ အဲဒီပုဂၢိဳလ္ဟာ ျပန္လာၿပီးတဲ့အခါမွာ ဦးတင္ဝင္းမဟုတ္ေတာ့ဘဲနဲ႔ မူလတာဝန္ျဖစ္တဲ့ ဗိုလ္မႉးႀကီး တင္ဝင္းအေနနဲ႔ တန္းျပည့္ ျပန္လည္ စစ္မႈထမ္းခိုင္းတယ္ဆိုတာေပါ့။ စစ္မႈထမ္းေဆာင္ရြက္တဲ့အဆက္ဆက္ကို ျပန္လည္ၿပီးေတာ့ တန္းျပည့္ ျပန္ ေဆာင္ရြက္ခြင့္ေပးလုိက္တယ္ ဆိုၿပီးေတာ့ လုပ္တဲ့ကိစၥဟာ ဒါကိုလည္း ကန္႔ကြက္လႊာတင္တာကိုလည္း ေနာက္က်သြားၿပီဆိုၿပီး အေၾကာင္းျပခ်က္နဲ႔ ….လ်စ္လွ်ဴ႐ႈလိုက္တဲ့ကိစၥပံုစံမ်ဳိး ေတြ႔ပါတယ္။”

မၾကာေသးခင္က ရန္ကုန္တိုင္းလံုၿခံဳေရးနဲ႔ နယ္စပ္ေရးရာဝန္ႀကီးတာဝန္ကေန အၿငိမ္းစားယူခဲ့တဲ့ ဦးတင္ဝင္းနဲ႔ပတ္သက္ၿပီး NLD နာယက ဦးတင္ဦးက ခုလိုေျပာဆိုခဲ့တာျဖစ္ပါတယ္။

ဒါ့အျပင္ လက္ရွိမွာ တပ္မေတာ္ကေနအၿငိမ္းစားယူၿပီး ႏိုင္ငံေရးနယ္ပယ္ထဲဝင္ေရာက္လာတဲ့ တပ္မေတာ္သားေဟာင္းေတြျဖစ္ၾကတဲ့ ဦးလွေဌးဝင္း၊ ဦးေဝလြင္နဲ႔ ဝန္ႀကီးေဟာင္း ဦးျမင့္လႈိင္တို႔ဟာ ထုတ္ျပန္ထားတဲ့စည္းကမ္းခ်က္ကို မလိုက္နာဘဲ မဲဆြယ္စည္း႐ံုးမႈ လုပ္ေဆာင္ခဲ့တဲ့ အေထာက္အထားေတြ ရွိေပမယ့္ ေရြးေကာက္ပြဲေကာ္မရွင္က အေရးမယူခဲ့ဘူးလို႔ သူက ေထာက္ျပ ေျပာဆိုခဲ့ပါတယ္။

အမ်ိဳးသားဒီမိုကေရစီအဖြဲ႔ခ်ဳပ္ (NLD) က ဗဟိုေကာ္မတီဝင္ဦးဝင္းထိန္ကလည္း မအူပင္ကေန ႀကံ့ခိုင္ေရးပါတီလႊတ္ေတာ္ ကိုယ္စားလွယ္ အေနနဲ႔ ဝင္ေရာက္ယွဥ္ၿပိဳင္မယ့္ ဦးသိန္းညႊန္႔မွာ မိဘႏွစ္ပါးစလံုး ႏိုင္ငံျခားသားျဖစ္ေၾကာင္း အေထာက္ထားေတြရွိေနေပမယ့္ လႊတ္ေတာ္ကိုယ္စားလွယ္အေနနဲ႔ ဝင္ေရာက္ ယွဥ္ၿပိဳင္ခြင့္ေပးထားေၾကာင္း ဒီအေပၚ NLD အေနနဲ႔တင္ျပခဲ့ေပမယ့္ ေကာ္မရွင္အေနနဲ႔ ကိုယ္စားလွယ္အျဖစ္က ႐ုပ္သိမ္းျခင္းမရွိဘဲ စစ္ေဆးေနဆဲ ျဖစ္တယ္လို႔သာ အေၾကာင္းျပခ်က္ေပးခဲ့တယ္လို႔ ဦးဝင္းထိန္က ေျပာပါတယ္။

ဒါ့အျပင္ ပါတီဥကၠ႒ ေဒၚေအာင္ဆန္းစုၾကည္ကို မဲမေပးေရး ပါတီႀကီးတခုနဲ႔ မဘသအဖြဲ႔က လႈံ႔ေဆာ္တိုက္ခုိက္မႈေတြနဲ႔ပတ္သက္လုိ႔ေတာ့ သူက အခုလို ေျပာပါတယ္။

“အဲဒီေၾကညာခ်က္က မဘသကထုတ္တာ၊ ေသခ်ာတယ္။ က်ေနာ္တို႔ပါတီဥကၠ႒ကို နာမည္နဲ႔တကြ ေဖာ္ျပတဲ့အျပင္ကို က်ေနာ္တို႔ဟာ သူတို႔ အမ်ဳိး၊ ဘာသာ၊ သာသနာ၊ ဥပေဒကို မေထာက္ခံတဲ့အတြက္ေၾကာင့္ မဲမေပးဖို႔ဆိုတဲ့ လႈံ႔ေဆာ္တဲ့စာ။ အဲဒါနဲ႔ပတ္သက္လို႔ ျဖန္႔ေဝတဲ့ပုဂၢိဳလ္က အာဏာရ ပါတီႀကီးက ပုဂၢိဳလ္။ ျမစ္ဝကၽြန္းေပၚတို႔၊ ဟသၤာတတို႔၊ ပုသိမ္တို႔မွာဆိုလို႔ရွိရင္ အဲဒီ ရန္ကုန္ကေန ပို႔လိုက္တဲ့ေၾကညာခ်က္ အထုတ္လိုက္၊ အထုတ္လိုက္ကို ဓာတ္ပံုရွိတယ္၊ ျဖန္႔ေဝတဲ့စာေတြရွိတယ္။ ျဖန္႔ေဝတဲ့ပုဂၢိဳလ္ေတြရွိတယ္။အဲဒါေတြနဲ႔ပတ္သက္ၿပီးေတာ့ အက်ဳိးအေၾကာင္း ေဖာ္ျပၿပီးေတာ့ UEC ကို တင္ျပတဲ့ အခါမွာ က်ေနာ္တို႔ ေျပာတာကို ဘယ္လိုမွ အေရးယူမေပးဘူး။”

အမ်ိဳးသားဒီမိုကေရစီအဖြဲ႔ခ်ဳပ္ (NLD) က ဗဟိုေကာ္မတီဝင္ဦးဝင္းထိန္ေျပာဆိုထားတာပါ။ လက္ရွိ ေနာက္ဆံုးထုတ္ျပန္ထားတဲ့ မဲစာရင္းနဲ႔ ပတ္သက္ၿပီး ႀကံဳေတြ႔ ေနရတဲ့အေပၚမွာလည္း သူကခုလိုေျပာျပပါတယ္။

“ရန္ကုန္တုိင္းက တခ်ဳိ႕ၿမိဳ႕နယ္ေတြမွာေတြ႔တာေရာ၊ ရွမ္းျပည္မွာေရာ၊ တနသၤာရီမွာေရာ တိုင္းနဲ႔ျပည္နယ္အႏွံ႔မွာေတြ႔တာက တခ်ဳိ႕ မိသားစုေတြမွာ ကိုယ့္မိသားစုမဟုတ္ဘဲနဲ႔ ေလးေယာက္ပိုတာရွိတယ္။ ၈ ေယာက္ပိုတာရွိတယ္။ အဲဒါကို သက္ဆုိင္ရာမိသားစုေတြက ၿမိဳ႕နယ္ေကာ္မရွင္ကို သြားပို႔တယ္။ ကန္႔ကြက္မယ္လို႔ေျပာတာ၊ ကန္႔ကြက္ပိုင္ခြင့္မရွိဘူး။ လဝက-သြား၊ လဝက-ကို သြားၿပီးေျပာတဲ့ အခါက်ေတာ့ လဝက-က သူတို႔နဲ႔မဆုိင္ဘူး၊ ေကာ္မရွင္နဲ႔ ဆုိင္တယ္- အဲဒီလို ေဘာလီေဘာပုပ္တယ္-တဲ့။ ပိုတဲ့ပုဂၢိဳလ္ေတြက ဘယ္သူေတြလဲ မသိဘူး။ အဲဒီေတာ့ တၿမိဳ႕နယ္၊ တၿမိဳ႕နယ္မွာ ပိုေနမယ္ ဆိုလို႔ရွိရင္ တတိုင္းလံုးဆိုလို႔ရွိရင္ေသာင္းနဲ႔ သိန္းနဲ႔ခ်ီ ရွိမယ္လို႔ က်ေနာ္တို႔ မွန္းဆရ တယ္။”

မဲစာရင္းမွားယြင္းမႈေတြေၾကာင့္ ပါတီေအာင္ႏိုင္ေရးအေပၚမွာထိခိုက္ႏိုင္တယ္လို႔ လည္း ဦးဝင္းထိန္က ခုလိုေျပာပါတယ္။ ပါတီေအာင္ႏိုင္ေရး လုပ္ေဆာင္တဲ့ အေပၚမွာ အခက္ခဲေတြရွိေနေပမယ့္ ရာခိုင္ႏႈန္းျပည့္ေအာင္ျမင္ေအာင္လုပ္ေဆာင္မွာ ျဖစ္ေၾကာင္း နာယကဦးတင္ဦးက ေျပာပါတယ္။

ေမခ / ဗြီအုိေအ (ျမန္မာပုိင္း)
http://burmese.voanews.com
......................................................................................................................

အမျိုးသားဒီမိုကရေစီအဖွဲ့ချုပ် တာဝန်ရှိသူတွေက ရွေးကောက်ပွဲဆိုင်ရာ အခက်အခဲတွေနဲ့ပတ်သက်လို့ သတင်းဌာနများကို တွေ့ဆုံရှင်းလင်းစဉ်။ (စက်တင်ဘာ ၂၁၊ ၂၀၁၅)
 နိုဝင်ဘာလမှာကျင်းပမယ့် ရွေးကောက်ပွဲအတွက် မဲဆန္ဒရှင်စာရင်း မှားယွင်းနေမှုတွေအပေါ် အမျိုးသားဒီမိုကရေစီအဖွဲ့ချုပ် (NLD) က ဝေဖန်လိုက် ပါတယ်။ ဒါ့အပြင်ရွေးကောက်ပွဲကော်မရှင် အနေနဲ့ ဥပဒေနဲ့မညီတဲ့လုပ်ဆောင်မှုတွေရှိတယ်လို့လည်း ပြောလိုက်ပါတယ်။ ပါတီအချို့ရဲ့ ဥပဒေမဲ့ လုပ်ဆောင်နေမှုတွေကို ကော်မရှင်ကိုတိုင်ကြားပေမယ့် အရေးယူပေးခြင်းမရှိဘဲ မျက်ကွယ်ပြု ထားတယ်လို့လည်း NLD က ပြောပါတယ်။ ဒီအခြေအနေကို ဗွီအိုအေမြန်မာပိုင်း သတင်းထောက် မေခကသတင်းပေးပို့ထားပါတယ်။

ဒီကနေ့ ပါတီအောင်နိုင်ရေးရုံးခန်းမှာရွေးကောက်ပွဲနဲ့ပတ်သက်ပြီး လက်ရှိကြုံတွေ့နေရတဲ့ အခက်အခဲတွေကို မီဒီယာနဲ့တွေ့ဆုံ ပြောကြား ချိန်မှာ အမျိုးသား ဒီမိုကရေစီအဖွဲ့ချုပ် (NLD) က ခုလိုပြောဆိုလိုက်တာပါ။

“ဦးတင်ဝင်း..ဆိုတဲ့ အနေနဲ့ပေါ့။ ………… သွားရောက်ပြီးတော့ မှတ်ပုံတင်တင်တယ်။ အဓိပ္ပာယ်ကတော့ တပ်မတော်က ကင်းရှင်းသွားပြီ ဖြစ်တယ်၊ ဒါကြောင့်မို့လို့ သူဟာ ရွေးကောက်ပွဲဝင်ရောက်တယ်ဆိုပြီးတော့ကာ …အဲဒီမှာသွားပြီးတော့ ကြေညာချက်အတိုင်းပဲ သွားပြီး ပြောတယ်၊ လုပ်တယ်ပေါ့။ သို့ပေမယ့် အဲဒီပုဂ္ဂိုလ်ဟာ ပြန်လာပြီးတဲ့အခါမှာ ဦးတင်ဝင်းမဟုတ်တော့ဘဲနဲ့ မူလတာဝန်ဖြစ်တဲ့ ဗိုလ်မှူးကြီး တင်ဝင်းအနေနဲ့ တန်းပြည့် ပြန်လည် စစ်မှုထမ်းခိုင်းတယ်ဆိုတာပေါ့။ စစ်မှုထမ်းဆောင်ရွက်တဲ့အဆက်ဆက်ကို ပြန်လည်ပြီးတော့ တန်းပြည့် ပြန် ဆောင်ရွက်ခွင့်ပေးလိုက်တယ် ဆိုပြီးတော့ လုပ်တဲ့ကိစ္စဟာ ဒါကိုလည်း ကန့်ကွက်လွှာတင်တာကိုလည်း နောက်ကျသွားပြီဆိုပြီး အကြောင်းပြချက်နဲ့ ….လျစ်လျှူရှုလိုက်တဲ့ကိစ္စပုံစံမျိုး တွေ့ပါတယ်။”

မကြာသေးခင်က ရန်ကုန်တိုင်းလုံခြံုရေးနဲ့ နယ်စပ်ရေးရာဝန်ကြီးတာဝန်ကနေ အငြိမ်းစားယူခဲ့တဲ့ ဦးတင်ဝင်းနဲ့ပတ်သက်ပြီး NLD နာယက ဦးတင်ဦးက ခုလိုပြောဆိုခဲ့တာဖြစ်ပါတယ်။

ဒါ့အပြင် လက်ရှိမှာ တပ်မတော်ကနေအငြိမ်းစားယူပြီး နိုင်ငံရေးနယ်ပယ်ထဲဝင်ရောက်လာတဲ့ တပ်မတော်သားဟောင်းတွေဖြစ်ကြတဲ့ ဦးလှဌေးဝင်း၊ ဦးဝေလွင်နဲ့ ဝန်ကြီးဟောင်း ဦးမြင့်လှိုင်တို့ဟာ ထုတ်ပြန်ထားတဲ့စည်းကမ်းချက်ကို မလိုက်နာဘဲ မဲဆွယ်စည်းရုံးမှု လုပ်ဆောင်ခဲ့တဲ့ အထောက်အထားတွေ ရှိပေမယ့် ရွေးကောက်ပွဲကော်မရှင်က အရေးမယူခဲ့ဘူးလို့ သူက ထောက်ပြ ပြောဆိုခဲ့ပါတယ်။

အမျိုးသားဒီမိုကရေစီအဖွဲ့ချုပ် (NLD) က ဗဟိုကော်မတီဝင်ဦးဝင်းထိန်ကလည်း မအူပင်ကနေ ကြံ့ခိုင်ရေးပါတီလွှတ်တော် ကိုယ်စားလှယ် အနေနဲ့ ဝင်ရောက်ယှဉ်ပြိုင်မယ့် ဦးသိန်းညွှန့်မှာ မိဘနှစ်ပါးစလုံး နိုင်ငံခြားသားဖြစ်ကြောင်း အထောက်ထားတွေရှိနေပေမယ့် လွှတ်တော်ကိုယ်စားလှယ်အနေနဲ့ ဝင်ရောက် ယှဉ်ပြိုင်ခွင့်ပေးထားကြောင်း ဒီအပေါ် NLD အနေနဲ့တင်ပြခဲ့ပေမယ့် ကော်မရှင်အနေနဲ့ ကိုယ်စားလှယ်အဖြစ်က ရုပ်သိမ်းခြင်းမရှိဘဲ စစ်ဆေးနေဆဲ ဖြစ်တယ်လို့သာ အကြောင်းပြချက်ပေးခဲ့တယ်လို့ ဦးဝင်းထိန်က ပြောပါတယ်။

ဒါ့အပြင် ပါတီဥက္ကဋ္ဌ ဒေါ်အောင်ဆန်းစုကြည်ကို မဲမပေးရေး ပါတီကြီးတခုနဲ့ မဘသအဖွဲ့က လှုံ့ဆော်တိုက်ခိုက်မှုတွေနဲ့ပတ်သက်လို့တော့ သူက အခုလို ပြောပါတယ်။

“အဲဒီကြေညာချက်က မဘသကထုတ်တာ၊ သေချာတယ်။ ကျနော်တို့ပါတီဥက္ကဋ္ဌကို နာမည်နဲ့တကွ ဖော်ပြတဲ့အပြင်ကို ကျနော်တို့ဟာ သူတို့ အမျိုး၊ ဘာသာ၊ သာသနာ၊ ဥပဒေကို မထောက်ခံတဲ့အတွက်ကြောင့် မဲမပေးဖို့ဆိုတဲ့ လှုံ့ဆော်တဲ့စာ။ အဲဒါနဲ့ပတ်သက်လို့ ဖြန့်ဝေတဲ့ပုဂ္ဂိုလ်က အာဏာရ ပါတီကြီးက ပုဂ္ဂိုလ်။ မြစ်ဝကျွန်းပေါ်တို့၊ ဟင်္သာတတို့၊ ပုသိမ်တို့မှာဆိုလို့ရှိရင် အဲဒီ ရန်ကုန်ကနေ ပို့လိုက်တဲ့ကြေညာချက် အထုတ်လိုက်၊ အထုတ်လိုက်ကို ဓာတ်ပုံရှိတယ်၊ ဖြန့်ဝေတဲ့စာတွေရှိတယ်။ ဖြန့်ဝေတဲ့ပုဂ္ဂိုလ်တွေရှိတယ်။အဲဒါတွေနဲ့ပတ်သက်ပြီးတော့ အကျိုးအကြောင်း ဖော်ပြပြီးတော့ UEC ကို တင်ပြတဲ့ အခါမှာ ကျနော်တို့ ပြောတာကို ဘယ်လိုမှ အရေးယူမပေးဘူး။”

အမျိုးသားဒီမိုကရေစီအဖွဲ့ချုပ် (NLD) က ဗဟိုကော်မတီဝင်ဦးဝင်းထိန်ပြောဆိုထားတာပါ။ လက်ရှိ နောက်ဆုံးထုတ်ပြန်ထားတဲ့ မဲစာရင်းနဲ့ ပတ်သက်ပြီး ကြံုတွေ့ နေရတဲ့အပေါ်မှာလည်း သူကခုလိုပြောပြပါတယ်။

“ရန်ကုန်တိုင်းက တချို့မြို့နယ်တွေမှာတွေ့တာရော၊ ရှမ်းပြည်မှာရော၊ တနင်္သာရီမှာရော တိုင်းနဲ့ပြည်နယ်အနှံ့မှာတွေ့တာက တချို့ မိသားစုတွေမှာ ကိုယ့်မိသားစုမဟုတ်ဘဲနဲ့ လေးယောက်ပိုတာရှိတယ်။ ၈ ယောက်ပိုတာရှိတယ်။ အဲဒါကို သက်ဆိုင်ရာမိသားစုတွေက မြို့နယ်ကော်မရှင်ကို သွားပို့တယ်။ ကန့်ကွက်မယ်လို့ပြောတာ၊ ကန့်ကွက်ပိုင်ခွင့်မရှိဘူး။ လဝက-သွား၊ လဝက-ကို သွားပြီးပြောတဲ့ အခါကျတော့ လဝက-က သူတို့နဲ့မဆိုင်ဘူး၊ ကော်မရှင်နဲ့ ဆိုင်တယ်- အဲဒီလို ဘောလီဘောပုပ်တယ်-တဲ့။ ပိုတဲ့ပုဂ္ဂိုလ်တွေက ဘယ်သူတွေလဲ မသိဘူး။ အဲဒီတော့ တမြို့နယ်၊ တမြို့နယ်မှာ ပိုနေမယ် ဆိုလို့ရှိရင် တတိုင်းလုံးဆိုလို့ရှိရင်သောင်းနဲ့ သိန်းနဲ့ချီ ရှိမယ်လို့ ကျနော်တို့ မှန်းဆရ တယ်။”

မဲစာရင်းမှားယွင်းမှုတွေကြောင့် ပါတီအောင်နိုင်ရေးအပေါ်မှာထိခိုက်နိုင်တယ်လို့ လည်း ဦးဝင်းထိန်က ခုလိုပြောပါတယ်။ ပါတီအောင်နိုင်ရေး လုပ်ဆောင်တဲ့ အပေါ်မှာ အခက်ခဲတွေရှိနေပေမယ့် ရာခိုင်နှုန်းပြည့်အောင်မြင်အောင်လုပ်ဆောင်မှာ ဖြစ်ကြောင်း နာယကဦးတင်ဦးက ပြောပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com