ထုိင္းဘုရင္ က်န္းမာေရးအေျခအေန စိုးရိမ္ရ

 ထုိင္းႏုိင္ငံကုိ ၁၉၄၆ ခုႏွစ္ကတည္းက အုပ္ခ်ဳပ္လာခဲ့တဲ့ ဘုရင္မင္းျမတ္ရဲ႕ က်န္းမာေရးအေျခအေန ယုတ္ေလ်ာ့လာမႈအေပၚ စုိးရိမ္မႈေတြ ႀကီးထြားလာေနပါတယ္။

လြန္ခဲ့တဲ့ ႏွစ္အနဲငယ္အတြင္း ၿမိဳ႕ေတာ္ ဘန္ေကာက္က ေဆး႐ုံမွာ ေဆးကုသမႈ ခံယူေနရတဲ့ အသက္ ၈၇ ႏွစ္အရြယ္ ဘုရင္ Bhumibol အတြက္ အနာေရာဂါ ေပ်ာက္ကင္းေစတဲ့ ဂါထာေတြ ရြတ္ဖတ္ၿပီး ဆုေတာင္း ေမတၱာပုိ႔ၾကဖုိ႔ သမီးေတာ္ Chulabhorn က ၿပီးခဲ့တဲ့ သီတင္းပတ္အတြင္း တုိင္းသူျပည္သားေတြကုိ ရွားရွားပါးပါး ေမတၱာရပ္ခံခဲ့ပါတယ္။

ရာမဘုရင္မင္းဆက္ ၉ ေယာက္အျဖစ္ လူသိမ်ားတဲ့ ဘုရင္ Bhumibol အခုလ အေစာပုိင္းတုန္းက သူေဆးကုသမႈ ခံယူေနတဲ့ Siriraj ေဆး႐ုံကေန အျပင္ကုိ ခဏတာ ထြက္လာတဲ့အခ်ိန္က ေနာက္ဆုံးအႀကိမ္ လူထုေရွ႕ကုိ ထြက္ျပခဲ့တာ ျဖစ္ပါတယ္။ ဘုရင္မင္းျမတ္အေနနဲ႔ ေသြးနဲ႔ပတ္သက္တဲ့ ကူးစက္ေရာဂါ၊ ကုိယ္ပူ ဖ်ားနာတာနဲ႔ အဆုပ္ေရာင္ေရာဂါေတြကုိ ခံစားေနရေၾကာင္း နန္းေတာ္ က်န္းမာေရး တာ၀န္ရွိသူေတြက ေျပာပါတယ္။

အိမ္ေရွ႕မင္းသား Maha Vijaralongkorn ကေတာ့ သူ႔မိဘေတြေလာက္ လူထုရဲ႕ ခ်စ္ခင္ေလးစားမႈကုိ မရရွိပါဘူး။ အိမ္ေရွ႕မင္းသား Maha Vijaralongkorn ဟာ အသက္ ၈၃ ႏွစ္ရွိၿပီျဖစ္တဲ့ က်န္းမာေရး ခ်ဳိ႕တဲ့ေနတဲ့ မိခင္ျဖစ္သူ -  မိဘုရားႀကီး သီရိေခတ္ကုိ ပူျပင္းလွတဲ့ ၾသဂုတ္လ ေနေရာင္ေအာက္မွာ ၄၃ ကီလုိမီတာ ရွိတဲ့ ခရီးကုိ လူေပါင္း ၁ သိန္းခြဲေလာက္နဲ႔အတူ စက္ဘီးစီး ဂုဏ္ျပဳခဲ့ပါတယ္။

ဗီြအိုေအ (ျမန္မာပိုင္း)
http://burmese.voanews.com
.............................................................

 ထိုင်းနိုင်ငံကို ၁၉၄၆ ခုနှစ်ကတည်းက အုပ်ချုပ်လာခဲ့တဲ့ ဘုရင်မင်းမြတ်ရဲ့ ကျန်းမာရေးအခြေအနေ ယုတ်လျော့လာမှုအပေါ် စိုးရိမ်မှုတွေ ကြီးထွားလာနေပါတယ်။

လွန်ခဲ့တဲ့ နှစ်အနဲငယ်အတွင်း မြို့တော် ဘန်ကောက်က ဆေးရုံမှာ ဆေးကုသမှု ခံယူနေရတဲ့ အသက် ၈၇ နှစ်အရွယ် ဘုရင် Bhumibol အတွက် အနာရောဂါ ပျောက်ကင်းစေတဲ့ ဂါထာတွေ ရွတ်ဖတ်ပြီး ဆုတောင်း မေတ္တာပို့ကြဖို့ သမီးတော် Chulabhorn က ပြီးခဲ့တဲ့ သီတင်းပတ်အတွင်း တိုင်းသူပြည်သားတွေကို ရှားရှားပါးပါး မေတ္တာရပ်ခံခဲ့ပါတယ်။

ရာမဘုရင်မင်းဆက် ၉ ယောက်အဖြစ် လူသိများတဲ့ ဘုရင် Bhumibol အခုလ အစောပိုင်းတုန်းက သူဆေးကုသမှု ခံယူနေတဲ့ Siriraj ဆေးရုံကနေ အပြင်ကို ခဏတာ ထွက်လာတဲ့အချိန်က နောက်ဆုံးအကြိမ် လူထုရှေ့ကို ထွက်ပြခဲ့တာ ဖြစ်ပါတယ်။ ဘုရင်မင်းမြတ်အနေနဲ့ သွေးနဲ့ပတ်သက်တဲ့ ကူးစက်ရောဂါ၊ ကိုယ်ပူ ဖျားနာတာနဲ့ အဆုပ်ရောင်ရောဂါတွေကို ခံစားနေရကြောင်း နန်းတော် ကျန်းမာရေး တာဝန်ရှိသူတွေက ပြောပါတယ်။

အိမ်ရှေ့မင်းသား Maha Vijaralongkorn ကတော့ သူ့မိဘတွေလောက် လူထုရဲ့ ချစ်ခင်လေးစားမှုကို မရရှိပါဘူး။ အိမ်ရှေ့မင်းသား Maha Vijaralongkorn ဟာ အသက် ၈၃ နှစ်ရှိပြီဖြစ်တဲ့ ကျန်းမာရေး ချို့တဲ့နေတဲ့ မိခင်ဖြစ်သူ -  မိဘုရားကြီး သီရိခေတ်ကို ပူပြင်းလှတဲ့ သြဂုတ်လ နေရောင်အောက်မှာ ၄၃ ကီလိုမီတာ ရှိတဲ့ ခရီးကို လူပေါင်း ၁ သိန်းခွဲလောက်နဲ့အတူ စက်ဘီးစီး ဂုဏ်ပြုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com