ေကာ့ေတာင္အမႈ ျမန္မာ သံအရာရွိ သက္ေသ ထြက္ဆုိ

ျဗိတိန္ႏွစ္ဦး အသတ္ခံရမႈ စြပ္စြဲခံရတဲ့ ျမန္မာေရႊ႕ေျပာင္း အလုပ္သမားႏွစ္ဦး လူသတ္ခဲ့ပံု ထိုင္းရဲေတြက သရုပ္ျပခိုင္းေနစဥ္။ 

 ထုိင္းႏိုင္ငံ ေကာ့ေတာင္ ကၽြန္း လို႔ေခၚတဲ့ လိပ္က်ြန္းမွာ ျပီးခဲ့တဲ့ႏွစ္က ျဗိတိိန္ႏို္င္ငံသား ၂ဦး သတ္ျဖတ္ ခံရမႈ ကို တရားရံုး တင္ စစ္ေဆးေန တာမွာ မေန႔ကေတာ့ တရားခံျပ သက္ေသ အျဖစ္ ထိုင္းႏိုင္ငံ ဘန္ေကာက္ျမ္ိဳ ႔ ျမန္မာသံရံုးက ဒုအတြင္း၀န္ ဦးထြန္းေအး အပါ အ၀င္ ၃ဦးကို တရားရံုးက စစ္ေဆးခဲ့ပါတယ္။ တရားခံျပ သက္ေသေတြ ရဲ႕ ထြက္ဆိုခ်က္ အရ စြပ္စဲြခံရတဲ့ ျမန္မာ လူငယ္၂ဦး ဟာ ထိုင္းအာဏာပိုင္ေတြ ရဲ႕ ႏွိပ္စက္ ညႇင္းပမ္းမူေတြေၾကာင့္ ေျဖာင့္ခ်က္ေပး ရတယ္ ဆုိတာကုိ သံရံုးက ကုိယ္စားျပဳေကာ္မတီက သက္ေသထြက္ဆုိခဲ့တယ္လုိ့ အက်ိဳးေဆာင္ေရွ႕ေနေတြက ဗီြအိုေအကို ေျပာပါတယ္။ ထိုင္းအေျခစိုက္ ဗီြအိုေအ သတင္းေထာက္ မေအးေအးမာက သတင္းေပးပို႔ထားပါတယ္။

စက္တင္ဘာလ ၂၂ရက္ေန႔က စတင္ခဲ့တဲ့ တရားခြင္ ေနာက္ဆံုးေန႔ ျဖစ္ တဲ့ ေသာၾကာေန႔ မွာေတာ့ ျမန္မာသံရံုးက ဒုအတြင္းဝန္ ဦးထြန္းေအးနဲ႔ ျမန္မာသံရံုး ကိုယ္စားျပဳေကာ္မတီက တာ၀န္ရွိသူေတြကို ေကာ့စေမြ တရားရံုးမွာ စစ္ေဆးခဲ့တာပါ။

ထိုင္းႏိုင္ငံ ဘန္ေကာက္ျမိဳ႕ အေျခစုိက္ ျမန္မာသံရံုးဘက္ကေတာ့ အခင္းျဖစ္ ပြားျပီးခ်ိန္က စလုိ ့ေကာ္မတီ အဖဲြ႔ စံုစမ္းစစ္ေဆးမူေတြ လုပ္ခဲ့ေၾကာင္းနဲ႔ တရားခံ အျဖစ္ စြပ္စဲြ ခံထားရတဲ့ ျမန္မာ လူငယ္၂ဦးဟာ ႏိွိပ္စက္ ညႇင္းပမ္းမူေတြေၾကာင့္ ထြက္ဆုိခဲ့ရတယ္ ဆုိတာကို သက္ေသအျဖစ္ တရားရံုးမွာ တင္ျပခဲ့တယ္လို႔ တရားခံတုိ့ရဲ႕ အက်ိဳးေဆာင္ေရွ႕ေန ဦးေအာင္မ်ိဳးသန္႔ ကဆုိပါတယ္။

" သံရံုးက ဒုအတြင္းဝန္ ဦးထြန္းေအး ပါတယ္။ ေနာက္တခါ သံရံုးက ဦးေအာင္စုိး ပါတယ္။ ေနာက္တေယာက္က တကၠသိုလ္က ဆရာမ ေဒၚသူဇာႏြယ္ပါတယ္။ သံုးေယာက္ပါ။ အန္ကယ္လ္တို႔ သံရံုးက ၅ရက္ ၁၀လ ၂၀၁၄ ကေနၿပီးေတာ့ သံအမတ္ႀကီးက ေနၿပီးေတာ့ အန္ကယ္လ္တို႔ကို အဖြဲ႔ဖြဲ႔ေပးတယ္။ အဲ့ဒီ့အဖြဲ႔က ေဆာင္ရြက္ေနတာ။ ေကာ့စေမြ အက်ဥ္းေထာင္ သြားၿပီးေတာ့မွ သူတို႔နဲ႔ေတြ႔တယ္။ ေတြ႔တဲ့အခါ ကေလးေတြကို ေတြ႔ဆံုေမးျမန္းတယ္။ အဲ့ဒီ့အခါ ႏွိပ္စက္ညႇင္းပမ္းတယ္ဆိုတာ အေျဖရပါတယ္။ အဲ့တာလည္း တခ်က္ပါပါတယ္။ ဘဂၤလီ ကို ဘာသာျပန္ခိုင္းတဲ့ကိစၥနဲ႔ပတ္သက္လို႔ ရခုိင္လူမ်ိဳးေတြရဲ႕ အမႈကို ဘဂၤလီက ဘာသာျပန္တာ ကြဲလြဲတဲ့အခ်က္လည္း ပါပါတယ္။"

အခုဆိုရင္ တရားစဲြ အဖဲြ႔အစည္းအေနနဲ႔ အခ်က္ ၂ခ်က္နဲ႔ ျမန္မာလူငယ္ ၂ဦးကုိ လူသတ္မူနဲ႔ စြပ္စဲြ ထားတာပါ ဒီအခ်က္၂ခ်က္ကို သက္ေသ အေထာက္အထားေတြ နဲ႔ ေခ်ပ တင္ျပခဲ့တယ္ လုိ့ တရားခံေတြ ရဲ ့အက်ိဳးေဆာင္ေရွ႕ေနျဖစ္သူ ဦးေအာင္မ်ိဳးသန္႔က ဆုိပါတယ္။

" တရားစြဲတဲ့အဖြဲ႔က အခ်က္ ၂ခ်က္နဲ႔ အန္ကယ္လ္တို႔ ကေလးေတြကို အျပစ္ရွိေၾကာင္းေျပာတယ္။ ၁အခ်က္က ေျဖာင့္ခ်က္ေပးတယ္။ ၂ အခ်က္က DNA တူတယ္။ DNA တူတဲ့ကိစၥနဲ႔ပတ္သက္ၿပီးေတာ့ မူခင္းဆရာဝန္ အေတာ္မ်ားမ်ားကေနၿပီးေတာ့ ဒီ DNA မတူဘူး ဆိုတာကို ထြက္ဆိုၿပီးသြားၿပီ ဒီဟာကေတာ့ ပညာရွင္ပိုင္းဆုိင္မွာပါ။ အခုဟာကေတာ့ ကေလးေတြ ေျဖာင့္ခ်က္ေပးတဲ့ ကိစၥနဲ႔ပတ္သက္ၿပီးေတာ့ ရဲစခန္းမွာ ေျဖာင့္ခ်က္ေပး တယ္။ ၁ အခ်က္ အက်ိဳးေဆာင္ေရွ႕ေနမရွိဘူး။ ၂ အခ်က္က ေဆြမ်ိဳးသားခ်င္း တေယာက္တေလမွ မရွိဘူး။ ဒါတင္ မကေသးပဲနဲ႔ ဗမာဘာသာ နားမလည္တဲ့ ထိုင္းရဲတပ္ဖြဲ႔က ရခိုင္ႏွစ္ေယာက္ရဲ႕ အမႈမွာ ဘဂၤလီကို ဘာသာျပန္တာ လြဲမွားတယ္ဆိုတာကို အန္ကယ္လ္တို႔ တရားရံုး တင္ျပတာပါ။"

အခုဆိုရင္ တရားခံဘက္က သက္ေသစစ္ခ်က္ေတြ ကျပီးသေလာက္ျဖစ္သြားျပီမုိ႔ လာမယ့္ တရားရံုးခ်ိန္ျဖစ္တဲ့ ေအာက္တုိဘာလ ၁၀ရက္ေနနဲ႔ ၁၁ရက္ေန႔မွာေတာ့ တရားခံအျဖစ္ စြပ္စဲြခံထားတဲ့ ကုိ၀င္းေဇာ္ထြနး္နဲ႔ ကိုေဇာ္လင္းတို့ ၂ဦးက စစ္ေဆးေတာ့မွာျဖစ္ပါတယ္။

ျမန္မာေရႊ႕ေျပာင္းအလုပ္သမား (၄၀၀၀) ခန္႔ အလုပ္လုပ္ကိုင္ေနတဲ့ လိပ္က်ြန္းမွာ ၂၀၁၄ ခုႏွစ္ စက္တင္ဘာ ၁၅ ရက္ေန႔ က ျဗိတိန္ႏိုင္ငံသား လူငယ္ ၂ဦး သတ္ျဖတ္ခံရတာပါ။ အခင္းျဖစ္ပြားျပီး ရက္ပိုင္းအတြင္း မွာ လက္ရွိ တရားခံေတြ အျဖစ္ စြပ္စဲြခံရသူ ကို၀င္းေဇာ္ထြန္းႏွင့္ ကိုေဇာ္လင္းတိုကို တျခားေရႊ႕ေျပာင္း အလုပ္သမားေတြနဲ႔ အတူ သံသယရွိသူေတြ အျဖစ္ ရဲေတြက DNA စစ္ေဆး ရယူခဲ့တာပါ။

အဲ့ဒီ့အခ်ိန္တုန္းက DNA တူညီမႈမရွိဘူး ဆိုကာ ျပန္လႊတ္ေပး ခဲ့ၿပီး ၂ပတ္ခန္႔ အၾကာ၂၀၁၄ခုႏွစ္ စက္တင္ဘာလ ကုန္ပိုင္းမွာပဲ ျမန္မာ လူငယ္၂ဦး ကိုု ျပန္လည္ ဖမ္းဆီးျပီး လူသတ္မူနဲ႔ တရားစဲြဆုိထားတာျဖစ္ပါတယ္။

ဒီႏွစ္ မကုန္ခင္မွာေတာ့ လိပ္က်ြန္းလူသတ္မူနဲ႔ ပတ္သက္လုိ႔ အမိန္႔ ခ်မွတ္ဖြယ္ ရွိႏိုင္တယ္ လို႔ေတာ့ တရားခံေတြရဲ႕ အက်ိဳးေဆာင္ေရွ႕ေနက ဆုိပါတယ္။

မေအးေအးမာ / ဗြီအုိေအ (ျမန္မာပုိင္း)
http://burmese.voanews.com

...............................................................................................................

 ဗြိတိန်နှစ်ဦး အသတ်ခံရမှု စွပ်စွဲခံရတဲ့ မြန်မာရွှေ့ပြောင်း အလုပ်သမားနှစ်ဦး လူသတ်ခဲ့ပုံ ထိုင်းရဲတွေက သရုပ်ပြခိုင်းနေစဉ်။
 ထိုင်းနိုင်ငံ ကော့တောင် ကျွန်း လို့ခေါ်တဲ့ လိပ်ကျွန်းမှာ ပြီးခဲ့တဲ့နှစ်က ဗြိတိိန်နို်င်ငံသား ၂ဦး သတ်ဖြတ် ခံရမှု ကို တရားရုံး တင် စစ်ဆေးနေ တာမှာ မနေ့ကတော့ တရားခံပြ သက်သေ အဖြစ် ထိုင်းနိုင်ငံ ဘန်ကောက်မြ်ို ့ မြန်မာသံရုံးက ဒုအတွင်းဝန် ဦးထွန်းအေး အပါ အဝင် ၃ဦးကို တရားရုံးက စစ်ဆေးခဲ့ပါတယ်။ တရားခံပြ သက်သေတွေ ရဲ့ ထွက်ဆိုချက် အရ စွပ်စွဲခံရတဲ့ မြန်မာ လူငယ်၂ဦး ဟာ ထိုင်းအာဏာပိုင်တွေ ရဲ့ နှိပ်စက် ညှင်းပမ်းမူတွေကြောင့် ဖြောင့်ချက်ပေး ရတယ် ဆိုတာကို သံရုံးက ကိုယ်စားပြုကော်မတီက သက်သေထွက်ဆိုခဲ့တယ်လို့ အကျိုးဆောင်ရှေ့နေတွေက ဗွီအိုအေကို ပြောပါတယ်။ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။

စက်တင်ဘာလ ၂၂ရက်နေ့က စတင်ခဲ့တဲ့ တရားခွင် နောက်ဆုံးနေ့ ဖြစ် တဲ့ သောကြာနေ့ မှာတော့ မြန်မာသံရုံးက ဒုအတွင်းဝန် ဦးထွန်းအေးနဲ့ မြန်မာသံရုံး ကိုယ်စားပြုကော်မတီက တာဝန်ရှိသူတွေကို ကော့စမွေ တရားရုံးမှာ စစ်ဆေးခဲ့တာပါ။

ထိုင်းနိုင်ငံ ဘန်ကောက်မြို့ အခြေစိုက် မြန်မာသံရုံးဘက်ကတော့ အခင်းဖြစ် ပွားပြီးချိန်က စလို ့ကော်မတီ အဖွဲ့ စုံစမ်းစစ်ဆေးမူတွေ လုပ်ခဲ့ကြောင်းနဲ့ တရားခံ အဖြစ် စွပ်စွဲ ခံထားရတဲ့ မြန်မာ လူငယ်၂ဦးဟာ နှိိပ်စက် ညှင်းပမ်းမူတွေကြောင့် ထွက်ဆိုခဲ့ရတယ် ဆိုတာကို သက်သေအဖြစ် တရားရုံးမှာ တင်ပြခဲ့တယ်လို့ တရားခံတို့ရဲ့ အကျိုးဆောင်ရှေ့နေ ဦးအောင်မျိုးသန့် ကဆိုပါတယ်။

" သံရုံးက ဒုအတွင်းဝန် ဦးထွန်းအေး ပါတယ်။ နောက်တခါ သံရုံးက ဦးအောင်စိုး ပါတယ်။ နောက်တယောက်က တက္ကသိုလ်က ဆရာမ ဒေါ်သူဇာနွယ်ပါတယ်။ သုံးယောက်ပါ။ အန်ကယ်လ်တို့ သံရုံးက ၅ရက် ၁၀လ ၂၀၁၄ ကနေပြီးတော့ သံအမတ်ကြီးက နေပြီးတော့ အန်ကယ်လ်တို့ကို အဖွဲ့ဖွဲ့ပေးတယ်။ အဲ့ဒီ့အဖွဲ့က ဆောင်ရွက်နေတာ။ ကော့စမွေ အကျဉ်းထောင် သွားပြီးတော့မှ သူတို့နဲ့တွေ့တယ်။ တွေ့တဲ့အခါ ကလေးတွေကို တွေ့ဆုံမေးမြန်းတယ်။ အဲ့ဒီ့အခါ နှိပ်စက်ညှင်းပမ်းတယ်ဆိုတာ အဖြေရပါတယ်။ အဲ့တာလည်း တချက်ပါပါတယ်။ ဘင်္ဂလီ ကို ဘာသာပြန်ခိုင်းတဲ့ကိစ္စနဲ့ပတ်သက်လို့ ရခိုင်လူမျိုးတွေရဲ့ အမှုကို ဘင်္ဂလီက ဘာသာပြန်တာ ကွဲလွဲတဲ့အချက်လည်း ပါပါတယ်။"

အခုဆိုရင် တရားစွဲ အဖွဲ့အစည်းအနေနဲ့ အချက် ၂ချက်နဲ့ မြန်မာလူငယ် ၂ဦးကို လူသတ်မူနဲ့ စွပ်စွဲ ထားတာပါ ဒီအချက်၂ချက်ကို သက်သေ အထောက်အထားတွေ နဲ့ ချေပ တင်ပြခဲ့တယ် လို့ တရားခံတွေ ရဲ ့အကျိုးဆောင်ရှေ့နေဖြစ်သူ ဦးအောင်မျိုးသန့်က ဆိုပါတယ်။

" တရားစွဲတဲ့အဖွဲ့က အချက် ၂ချက်နဲ့ အန်ကယ်လ်တို့ ကလေးတွေကို အပြစ်ရှိကြောင်းပြောတယ်။ ၁အချက်က ဖြောင့်ချက်ပေးတယ်။ ၂ အချက်က DNA တူတယ်။ DNA တူတဲ့ကိစ္စနဲ့ပတ်သက်ပြီးတော့ မူခင်းဆရာဝန် အတော်များများကနေပြီးတော့ ဒီ DNA မတူဘူး ဆိုတာကို ထွက်ဆိုပြီးသွားပြီ ဒီဟာကတော့ ပညာရှင်ပိုင်းဆိုင်မှာပါ။ အခုဟာကတော့ ကလေးတွေ ဖြောင့်ချက်ပေးတဲ့ ကိစ္စနဲ့ပတ်သက်ပြီးတော့ ရဲစခန်းမှာ ဖြောင့်ချက်ပေး တယ်။ ၁ အချက် အကျိုးဆောင်ရှေ့နေမရှိဘူး။ ၂ အချက်က ဆွေမျိုးသားချင်း တယောက်တလေမှ မရှိဘူး။ ဒါတင် မကသေးပဲနဲ့ ဗမာဘာသာ နားမလည်တဲ့ ထိုင်းရဲတပ်ဖွဲ့က ရခိုင်နှစ်ယောက်ရဲ့ အမှုမှာ ဘင်္ဂလီကို ဘာသာပြန်တာ လွဲမှားတယ်ဆိုတာကို အန်ကယ်လ်တို့ တရားရုံး တင်ပြတာပါ။"

အခုဆိုရင် တရားခံဘက်က သက်သေစစ်ချက်တွေ ကပြီးသလောက်ဖြစ်သွားပြီမို့ လာမယ့် တရားရုံးချိန်ဖြစ်တဲ့ အောက်တိုဘာလ ၁၀ရက်နေနဲ့ ၁၁ရက်နေ့မှာတော့ တရားခံအဖြစ် စွပ်စွဲခံထားတဲ့ ကို၀င်းဇော်ထွနး်နဲ့ ကိုဇော်လင်းတို့ ၂ဦးက စစ်ဆေးတော့မှာဖြစ်ပါတယ်။

မြန်မာရွှေ့ပြောင်းအလုပ်သမား (၄၀၀၀) ခန့် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့ က ဗြိတိန်နိုင်ငံသား လူငယ် ၂ဦး သတ်ဖြတ်ခံရတာပါ။ အခင်းဖြစ်ပွားပြီး ရက်ပိုင်းအတွင်း မှာ လက်ရှိ တရားခံတွေ အဖြစ် စွပ်စွဲခံရသူ ကိုဝင်းဇော်ထွန်းနှင့် ကိုဇော်လင်းတိုကို တခြားရွှေ့ပြောင်း အလုပ်သမားတွေနဲ့ အတူ သံသယရှိသူတွေ အဖြစ် ရဲတွေက DNA စစ်ဆေး ရယူခဲ့တာပါ။

အဲ့ဒီ့အချိန်တုန်းက DNA တူညီမှုမရှိဘူး ဆိုကာ ပြန်လွှတ်ပေး ခဲ့ပြီး ၂ပတ်ခန့် အကြာ၂၀၁၄ခုနှစ် စက်တင်ဘာလ ကုန်ပိုင်းမှာပဲ မြန်မာ လူငယ်၂ဦး ကိုု ပြန်လည် ဖမ်းဆီးပြီး လူသတ်မူနဲ့ တရားစွဲဆိုထားတာဖြစ်ပါတယ်။

ဒီနှစ် မကုန်ခင်မှာတော့ လိပ်ကျွန်းလူသတ်မူနဲ့ ပတ်သက်လို့ အမိန့် ချမှတ်ဖွယ် ရှိနိုင်တယ် လို့တော့ တရားခံတွေရဲ့ အကျိုးဆောင်ရှေ့နေက ဆိုပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com