 |
| ပထမ အကြိမ် တုန်းက လို အမှား အယွင်းတွေ ရှိနေ |
နိုဝင်ဘာလ ၈ ရက် နေ့မှာ ကျင်းပမယ့် ရွေးကောက်ပွဲမှာ မဲပေးနိုင်ဖို့ အတွက် ဒုတိယအကြိမ် မဲစာရင်းကို ပြည်ထောင်စု ရွေးကောက်ပွဲ ကော်မရှင်က စက်တင်ဘာ ၁၄ ရက်နေ့မှာ ထုတ်ပြန်လိုက်တာ ဖြစ်ပါတယ်။
ပထမအကြိမ် ထုတ်ပြန်ခဲ့တုန်းက မပါတဲ့ လူတွေ အခုထုတ်ပြန်တဲ့ မဲစာရင်းမှာ ပြန်ပါလာတာ တွေ့ရပေမယ့် အမှားအယွင်းတွေနဲ့ မဲစာရင်းမှာ မပါတဲ့ လူတွေကတော့ ရှိနေပါသေးတယ်။
အခု ထုတ်ပြန်တဲ့ မဲစာရင်းကိုတော့ ပထမအကြိမ် ထုတ်ပြန်တုန်းကထက် လာရောက်ကြည့်ရှုသူတွေ များတာကို တွေ့ရပါတယ်။
စတင် ထုတ်ပြန်တဲ့ တစ်နေ့တည်းမှာကိုပဲ မဲစာရင်းမှာ အချက်အလက် မှားလို့ နဲ့ နာမည် မပါလို့ ကော်မရှင် ရုံးကို လာရောက် လျှောက်ထားသူ ၅၀ ခန့် ရှိတယ်လို့ ကျောက်တံတား မြို့နယ် ရွေးကောက်ပွဲ ကော်မရှင် ဥက္ကဌ ဦးမြင့်သိန်းက ပြောပါတယ်။
အခု ထုတ်ပြန်တဲ့ မဲစာရင်းမှာ မပါတဲ့ လူတွေ၊ အချက်အလက် မှားတဲ့ လူတွေ အနေနဲ့ စက်တင်ဘာလ ၂၇ ရက်နေ့ နောက်ဆုံးထားပြီး၊ သက်ဆိုင်ရာ ရပ်ကွက် ကော်မရှင် ရုံးတွေမှာ လျှောက်ထားရမှာ ဖြစ်ပါတယ်။
BBC Burmese
http://www.bbc.com/burmese
No comments:
Post a Comment