ကျွန်မတို့နေ့စဉ်စားသုံးနေသော အသီးအနှံများထဲမှ ကျော်ကဖရုံသီး၏ အကျိုးအာနိသင်ကို ဖော်ပြပေး ချင်သည်။ ကျွန်မ၏ခင်ပွန်းသည် ကျောက်ကပ်ရောဂါကို ပြင်းထန်စွာခံစားခဲ့ရသည်။ ဆေးခန်းပေါင်း များစွာကိုပြသခဲ့သော်လည်း ဆေးထိုးစဉ် ခဏသာသက်သာခဲ့သည်။ တစ်နေ့ကျွန်မ၏မိတ်ဆွေက အမျိုးသားခံစားနေရသော ရောဂါအကြောင်းစကားစပ်ပြောမိရာ ကျောက်ကပ်ရောဂါနှင့် ပတ်သက် လျှင် ကျောက်ဖရုံသီးဖြင့် အမြစ်ပြတ်နိုင်ကြောင်း အကြံဉာဏ်ပေးသောကြောင့် ကျောက်ဖရုံသီးကို ဂျစ် ဖြင့်ခြစ်ကာ ဆားအနည်းငယ်၊ သကြားသင့်တော်ရုံထည့်၍ ဖျော်ရည်အဖြစ်ပြုလုပ်ပြီး နေ့စဉ်နံနက်တစ် ခွက် ညတစ်ခွက်အမြဲသောက်သုံးပေးသောကြောင့် မခံမရပ်နိုင်အောင်ခံစားနေရသော ဝေဒနာသည် နှစ်ပတ်ခန့်အကြာတွင် ယူပစ်သလိုသက်သာပျောက်ကင်းသွားသည်ကို လက်တွေ့ကြုံခဲ့ရသည်။ ကျောက်ဖရုံသီးသည် ကျောက်ကပ်ရောဂါသာမက ဆီးလမ်းကြောင်းတွင် ကျောက်တည်ခြင်းများကို လည်း ပျောက်ကင်းစေကြောင်း သိခဲ့ရသည်။
ဆီးလမ်းကြောင်းတွင် ပိတ်ဆို့နေသော ကျောင်းများကိုပင် အရည်ပျော်စေသည်မှာ အမျိုးသားကြောင့် လက်တွေ့ကြုံခဲ့ဖူးပါသည်။ ထို့ကြောင့်ဆီးနှင့်ပတ်သက်သော ရောဂါများတွင်လည်း ကျောက်ဖရုံသီးကို လိုအပ်သလို စားသုံးပေးခြင်းဖြင့် ငွေကုန်သက်သာ လူမပင်ပန်းဘဲ ရောဂါပျောက်ကင်းစေသည်။ ထို့ ကြောင့်မြန်မာ့စိုက်ပျိုးရေးမှ ထွက်သောသီးနှံများသည် ကျန်းမာရေးအတွက် အထူးကောင်းမွန်သော အစားအစာများဖြစ်သလို အလွန်အသုံးဝင်သော ဆေးစွမ်းကောင်းများလည်းဖြစ်သည်။ ကျောက်ဖရုံ သီးကိုကြော်ချက်၍လည်းကောင်း၊ ဟင်းချိုအဖြစ်လည်းကောင်း၊ နှစ်သက်သလို ချက်ပြုတ်၍လည်း စား သုံးနိုင်သည်။ ဝေဒနာခံစားရသောရောဂါအတွက် ငွေကုန်ကြေးကျသက်သာသည့် ဆေးကောင်းတစ် လက်ပင်ဖြစ်သည်။
နွယ်မြက်သစ်ပင် ဆေးဖက်ဝင်ဟူသော စကားနှင့်အညီ မြန်မာနိုင်ငံတွင် ပေါက်ရောက်နေသော အပင် များသည်တိုင်းရင်းဆေးအဖြစ် အသုံးဝင်လျက်ရှိသည်ကို အသိနည်းနေသေးသည်။ နိုင်ငံခြားဆေးများ ကိုသာ အလေးထားသုံးစွဲနေခြင်းကြောင့် ဘေးထွက်ဆိုးကျိုးတို့ကို တောရွာများသာမက မြို့ပေါ်၌ပင် ခံစားနေရခြင်းဖြစ်သည်။ နိုင်ငံခြားမှတင်သွင်းသော ပဋိဇီဝဆေးများသည် အခန့်မသင့်လျှင် ဆိုးကျိုး များဖြစ်ပေါ်စေပြီး အထူးသဖြင့် ကျေးလက်ဒေသနှင့် တောင်ပေါ်ဒေသတို့တွင် ကျွမ်းကျင်ဆရာ၊ ဆရာ မများရှားပါးနေခြင်းကြောင့် အစာလည်းဆေး၊ ဆေးလည်းအစာဟူသောစကားကို မေ့လျော့လျက် ဆိုး ကျိုးအချို့ကို ကြုံ့တွေ့နေရခြင်းဖြစ်သည်။ ကျောက်ကပ်ဝေဒနာသည် လွန်စွာခံရခက်သော ဝေဒနာ ဖြစ်ကြောင်းခံစားရဖူးသူတိုင်း သိရှိပြီးဖြစ်သည်။ ယောက်ျားတွင် ဆီး၊ မိန်းမတွင် မီးဟူသော စကားနှင့် အညီအမျိုးသမီးများအတွက် ကျောက်ကပ်ရောဂါသည်လည်း ဆိုးရွားစွာခံစားရကာ အသက်အန္တရာယ် နှင့်နီးစပ်ကြောင်း ဝေဒနာခံစားရဖူးသူတိုင်း သိရှိပြီးဖြစ်သည်။
ကျောက်ဖရုံသီးတစ်လုံးလုံးသာမက အရွတ်၊ အမြစ်ပါ ကျောက်ကပ်ရောဂါအတွက် အသုံးဝင်နေပါ ကြောင်းကို အသုံးပြုနိုင်ရန် စာဖတ်သူတို့ထံ တင်ပြအပ်ပါသည်။
မြန်မာ့အလင်းသတင်းစာ
No comments:
Post a Comment