လွှတ်တော်ကိုယ်စားလှယ် ပိုင်ဆိုင်မှု စာရင်းထုတ်ပြန်ချက်အပေါ် အမြင်

  ရွေးကောက်ပွဲတွေ ကျင်းပဖို့ လပိုင်းလောက်သာ လိုတော့တဲ့ အချိန်မှာပဲ နိုင်ငံရေး ပါတီတွင်းက ဘဏ္ဍာရေး သုံးစွဲမှုတွေ၊ ပါတီဝင်တွေရဲ့ ပိုင်ဆိုင်မှုတွေကို အများပြည်သူ သိရှိနိုင်အောင် ထုတ်ပြန်ဖို့ တိုက်တွန်းမှုတွေလည်း ထွက်ပေါ်လာနေပါတယ်။ စစ်ဗိုလ်ချုပ်ဟောင်းတွေ အများစုနဲ့ ဖွဲ့စည်းထားတဲ့ အာဏာရပါတီကတော့ ဒီလိုထုတ်ပြန်ကြေညာဖို့ မလိုဘူးလို့ ပြောပါတယ်။ အပြည့်အစုံကိုတော့ ဗွီအိုအေ မြန်မာပိုင်းသတင်းထောက် မေခက သတင်းပေးပို့ထားပါတယ်။

လက်ရှိပြဌာန်းထားတဲ့ နိုင်ငံရေးပါတီများ မှတ်ပုံတင်ခြင်းနည်းဥပဒေမှာ ပါတီတခုအနေနဲ့ နိုင်ငံပိုင်ပစ္စည်း၊ ငွေကြေး၊ ယာဉ်အဆောက်အအုံ တို့ကိုတိုက်ရိုက်ဖြစ်စေ သွယ်ဝိုက်ဖြစ်စေ သုံးခြင်း၊ နိုင်ငံခြားတိုင်းပြည်တခုခု၊ ဒါမှမဟုတ် အဖွဲ့စည်းတခုခုမှ ငွေကြေး၊ ပစ္စည်း၊ အထောက်အပံယူခြင်း မပြုရလို့ တားဖြစ်ထားပါတယ်။ ဒါပေမဲ့လည်း လွှတ်တော်ကိုယ်စားလှယ်တဦး ပိုင်ဆိုင်ခွင့်နဲ့ ပါတီပိုင်ဆိုင်ခွင့်ကို ကြေညာဖို့ ပြဌာန်းမထားတဲ့အတွက် မသမာမှုတွေဖြစ်နိုင်တယ်လို့ ထောက်ပြနေကြတာပါ။

အမျိုးသားဒီမိုကရေစီအင်အားစုက ပါတီဥက္ကဌ ပြည်သူ့လွှတ်တော် ကိုယ်စားလှယ် ဦးသိန်းညွှန့်ကတော့ လွှတ်တော်ကိုယ်စား လှယ်တိုင်း ပိုင်ဆိုင်ခွင့်ထုတ်ပြဖို့လိုကြောင်း၊ ဒီလိုဥပဒေရှိလာအောင် တင်ပြသွားမှာဖြစ်တယ်လို့ ပြောပါတယ်။ တရားဝင်ထုတ်ပြန် ချက်တွေအရ လွှတ်တော်ကိုယ်စားလှယ်မဖြစ်သင့်တဲ့အရည်ချင်းမှာ နိုင်ငံပိုင်ငွေမသုံးဖို့ နိုင်ငံခြားအထောက်အပံ့ယူကာ ရွေးကောက်ပွဲမှာ ပါဝင်ယှဉ်ပြိုင်ခြင်းမပြုရလို့ ထုတ်ဖော်ထားပေမယ့် စိစစ်ဖို့အားနည်းနေကြောင်း ဒါကိုထိရောက်အောင်တားဖို့ ဥပဒေရှိ် ဖို့လိုတယ်လို့ပြောပါတယ်။

“ဒါက ကျနော်တုို့က လာမယ့် လွှတ်တော်မှာ၊ သုို့မဟုတ် အခုမကုန်ဆုံးသေးတဲ့ လွှတ်တော်မှာ လွှတ်တော်ကုိုယ်စားလှယ်တွေရဲ့ ပုိုင်ဆုိုင်မှု စာရင်းအင်းကုို ကြေညာရမယ်ဆုိုတဲ့ ဥပဒေတခု ထုတ်ပြန်ဖုို့လုိုတယ်။ အဲဒီဥပဒေ ထုတ်ပြန်လုို့ရှိရင် ဘယ်သူမှ ငြင်းပယ်လုို့ မရတော့ဘူး။ အတိအလင်း ဥပဒေပြဌာန်းပြီးတော့ လုပ်ကုိုလုပ်ရမယ်။”

အရင်က နိုင်ငံကို အုပ်ချုပ်ခဲ့တဲ့ စစ်ဗိုလ်ချုပ်ဟောင်းတွေ ဦးဆောင်ဖွဲ့စည်းထားတဲ့ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ရွေးကောက်ပွဲ မဲဆွယ် လှုပ်ရှားမှုတွေမှာ အများပြည်သူနဲ့ဆိုင်တဲ့ ငွေကြေးတွေကို သုံးစွဲနေတယ်လို့ စွပ်စွဲချက်တွေလည်း ထွက်ပေါ်ခဲ့တာပါ။ ပြည်ခိုင်ဖြိုးပါတီရဲ့ ဘဏ္ဍာငွေရရှိမှုနဲ့ ပါတီဝင်ကိုယ်စားလှယ်တဦးချင်းဆီရဲ့ပိုင်ဆိုင်မှုအပေါ်မှာ ဝေဖန်မှုတွေ ရှိနေပေမယ့် ပါတီတွဲဖက် ဥက္ကဌ ဦးဌေးဦးကတော့ ပါတီဝင်ကိုယ်စားလှယ် တဦးချင်းဆီရဲ့ပိုင်ဆိုင်မှုကို ပြည်သူတွေသိအောင်ချပြမှာ မဟုတ်ဘူးလို့ ပြောပါ တယ်။

“ကျနော်တုို့ ချပြဖုို့မရှိပါဘူး။ ဘာဖြစ်လုို့လဲဆုိုတော့ လွှတ်တော်ထဲရောက်တဲ့ အမတ်တွေက စီးပွားရေးလုပ်တဲ့လူတွေ မဟုတ်ဘူး။ စီးပွားရေးမလုပ်တဲ့အတွက် ပုိုပြီးချမ်းသာလာတယ်၊ မတရားလုပ်နုိုင်တယ်ဆုိုတဲ့ အခွင့်အရေးတွေ ရှိတယ်ဆုိုတာလည်း တကယ်တော့ မရှိပါဘူး။ ဖွဲ့စည်းပုံ အခြေခံဥပဒေမှာ ဒီအကြောင်းနဲ့ ပတ်သက်လုို့လည်း ကြိုပြီးစဉ်းစားထားတာရှိတယ်။ အဲဒီအထဲမှာ ကန့်သတ်ထားတာရှိတယ်။ သမ္မတတုို့၊ ဒုတိယသမ္မတတုို့ အစုိုးရအဖွဲ့၊ နောက်ပြီး ထိပ်ဆုံးကပုဂ္ဂိုလ်တွေက လုပ်ပုိုင်ခွင့်လည်းများတယ်။ လုပ်ပုိုင်ခွင့်များတဲ့ ပုဂ္ဂိုလ်တွေ ဆုိုလုို့ရှိရင်တော့ ခင်ဗျားတုို့မှာ ဘယ်လောက်ရှိသလဲ ဆုိုတဲ့ဥစ္စာကုို ကြေညာရတယ်။ ကြေညာတယ်ဆုိုတာ လူထုကုို ကြေညာတာမဟုတ်ဘူး။ သူတုို့မှတ်တမ်းထားတာ၊ မှတ်တမ်းထားပြီးတော့မှ သိမ်းထားတယ်။ အဲဒီတော့ ဖွဲ့စည်းပုံ အခြေခံဥပဒေထဲမှာကုိုက ကုိုယ်စားလှယ်လောင်းတွေနဲ့ ပတ်သက်လုို့ ဘာမှကန့်သတ်တာ မရှိဘူး။ လွှတ်တော် ကုိုယ်စားလှယ်လောင်းဆုိုတာ ဥပဒေပြုရေးပဲ၊ အခုတော့ မလုိုသေးဘူးလုို့ ကျနော်ထင်တယ်။”

ဒီအပေါ်မှာလည်း ပြင်ဆင်မှုတွေ ပြုလုပ်ထားတယ်လို့ သူကပြောပါတယ်။

“ကျနော်တုို့ ဥစ္စာတွေကုို စာရင်းတွေ အကုန်စစ်ခံရတယ်။ အစစ်ခံရပြီးတော့မှ အစုိုးရဘတ်ဂျက်နဲ့ ဆုိုတဲ့ဥစ္စာတွေ တခုမှမရှိခဲ့ဘူး။ ဒါကြောင့် ကျနော်တုို့က ပြောရဲတယ်၊ ဒီဥစ္စာနဲ့ပတ်သက်လုို့ စာရင်းလည်း အစစ်ခံပြီးပြီ။ အဲဒီတုန်းကလည်း ကျနော်တုို့ မဆောင်ရွက်ခဲ့ဘူး၊ ငွေတွေဘယ်လုိုရသလဲ၊ သူများတွေရသလုို ရတာပဲ၊ သူများတွေရသလုိုဆုိုတာ ပြည်သူတွေ တော်တော် များများရသလုို၊ အဲဒီလောက်တောင် မရပါဘူး တကယ်တမ်းပြောလုို့ ရှိရင်တော့။ လုပ်ငန်းတွေ လုိုအပ်တာပေါ့။ စုိုက်ပျိုးရေးတွေရှိတယ်။ စုိုက်ပျိုးရေးကတော့ ဒီလောက်များများစားစား မရဘူး။ သုို့သော်လည်းပဲ မွေးမြူရေးရှိတယ်၊ မွေးမြူရေး ကတော့ ထုိုက်သင့်သလောက်ရပါတယ်။ အခုလည်းရှိပါတယ်။ တခါတလေကျတော့လည်း ကုန်သွယ်မှုရှိတယ်။ ကုန်သွယ်မှုဆုိုတဲ့ ဥစ္စာမျိုးတွေကျတော့ ကျနော်တုို့ လုပ်ခဲ့ဖူးတယ်။ ဒါပေမဲ့လုို့ အမြဲတမ်း မရပါဘူး။”

မကြာသေးခင် ရက်ပိုင်းတွေ အတွင်းမှာပဲ ခေါင်းဆောင်ပိုင်း အပြောင်းအလဲတွေ ရုတ်တရက် ဖြစ်ခဲ့တဲ့ ပြည်ခိုင်ဖြိုးပါတီ အပေါ် ဘဏ္ဍာရေးအရ သုံးစွဲမှုတွေကိုလည်း အများက မေးခွန်းထုတ်လာကြတာပါ။ အထူးသဖြင့် ရွေးကောက်ပွဲအတွက် မဲဆွယ်စည်းရုံးလှုပ်ရှားမှုတွေ လုပ်တဲ့အခါ အများပြည်သူနဲ့ သက်ဆိုင်တာတွေကို သုံးစွဲတာတွေ ရှိနိုင်တယ်လို့လည်း ဝေဖန်သူတွေက ထောက်ပြနေကြတာ ဖြစ်ပါ တယ်။

မေခ / ဗွီအိုအေ (မြန်မာပိုင်း)
http://burmese.voanews.com