 |
| ရန်ကုန်မြို့ Green Hill Hotel မှာ ဇွန်လ ၂၃ ရက်နေ့ကကျင်းပတဲ့ သတင်းစာရှင်းလင်းပွဲမှာ NCCT အဖွဲ့ခေါင်းဆောင် ဦးနိုင်ဟံသာကို တွေ့ရစဉ်။ Photo: Kyaw Lwin Oo/ RFA |
တစ်နိုင်ငံလုံး အပစ်ခတ်ရပ်စဲရေးအတွက် နိုင်ငံတော်သမ္မတက တိုင်းရင်းသားလက်နက်ကိုင်အဖွဲ့ တွေထံ စာရေးသားပေးပို့ထားတာနဲ့ ဆက်စပ်ပြီး တိုင်းရင်းသား လက်နက်ကိုင်အဖွဲ့တွေဖက်က သဘောထားနဲ့ လတ်တလော ပြည်ခိုင်ဖြိုးပါတီအတွင်း အပြောင်းအလဲနဲ့ပတ်သက်ပြီး မေးမြန်းရာမှာ ဦးနိုင်ဟံသာက ပြော တာဖြစ်ပါတယ်။
"ယုံကြည်မှုကိုတော့ အထိုက်အလျောက်တော့ လျော့ကျသွားစေတာတော့ အမှန်ပဲလေ၊ သူတို့အတွင်းမှာတောင် သူတို့ကြိုက်သလိုမဖြစ်ရင် သူတို့ကတော့ ဒီလိုပုံစံမျိုးနဲ့လုပ်လာရင် တခြားတိုင်းရင်းသားတွေအပေါ်မှာလည်း ဒါကတော့ သူတို့လိုချင်တဲ့ပုံမရရင်တော့ ဒီလိုလုပ်လာနိုင်တယ်ဆိုတဲ့ဟာကလည်း ထည့်တွက်စရာတော့ ဖြစ်နေ ပြီ"
နိုင်ငံတော်သမ္မတက တိုင်းရင်းသားလက်နက်ကိုင်အဖွဲ့ ၁၅ ဖွဲ့ကို လာမယ့် ရွေးကောက်ပွဲမတိုင်ခင် စက်တင်ဘာ လဆန်းပိုင်းမှာ အပစ်အခတ်ရပ်စဲရေး လက်မှတ်ရေးထိုးဖို့ ဖိတ်ကြားထားပေမယ့် တိုင်းရင်းသား လက်နက် ကိုင်တွေဖက်က ဆုံးဖြတ်ချက်မချရသေးဘူးလို့ ပြောပါတယ်။
လက်ရှိအချိန်ထိ တိုင်းရင်းသားတွေရဲ့ အဆင့်မြှင့်ညှိနှိုင်းရေး ကိုယ်စားလှယ်အဖွဲ့က တိုင်းရင်းသားအဖွဲ့ အားလုံးပါဝင် လက်မှတ်ရေးထိုးရေးမှုကိုသာ လက်ခံထားကြောင်းနဲ့ အဖွဲ့အားလုံးကို လက်ခံပေးဖို့ အတွက်လည်း နိုင်ငံတော်သမ္မတနဲ့ အခုလကုန်ပိုင်းမှာ တွေ့ဆုံညှိနှိုင်းသွားဖို့ရှိတယ်လို့ သိရပါတယ်။
ရွေးကောက်ပွဲမတိုင်ခင် တိုင်းရင်းသားအဖွဲ့အများစုနဲ့ အပစ်အခတ်ရပ်စဲရေး လက်မှတ်ရေးထိုးဖြစ် မဖြစ်ကတော့ နိုင်ငံတော်သမ္မတနဲ့ တိုင်းရင်းသားခေါင်းဆောင်တွေ တွေ့ဆုံမှုအပြီး သမ္မတက တိုင်းရင်းသားတွေရဲ့ တောင်းဆိုချက်အပေါ် ဘယ်လောက်အတိုင်းအတာအထိ လိုက်လျောမှုရှိသလဲ ဆိုတဲ့အပေါ်မူတည်တယ်လို့ ပြောပါတယ်။
အစိုးရက ရခိုင်တပ်မတော် AA၊ ရခိုင်အမျိုးသားကောင်စီ ANC ၊ ကိုးကန့်တပ်မတော် MNDAA၊ တအာင်းပလောင် လွတ်မြောက်ရေးတပ်မတော် PSLF/ TNLA၊ ဝအမျိုးသားတပ်မတော် WNOနဲ့ လားဟူဒီမိုကရက်တစ်ယူနီယံ LDU တို့နဲ့ လက်မှတ်မထိုးလိုသေးပဲ ကျန်တဲ့ ၁၅ ဖွဲ့နဲ့ အရင်လက်မှတ်ရေးထိုးလိုတာ ဖြစ်ပါတယ်။
RFA Burmese
http://www.rfa.org/burmese
No comments:
Post a Comment