![](http://trend.cdn3.mspiral.biz/cdn/farfuture/RDbiC0-lUhm-37CKQPDdm9BUsB4poQux_SfAkb5xMJw/mtime:1440137345/sites/www.trend.com.mm/files/styles/slide_img/public/field/image/11903303_1648504352075143_991953697_n.jpg?itok=Pm5bU3il)
-တစ်ကိုယ်တော်ခွေလေးလုပ်နေတယ်ကြားတယ်။ ဘယ်အတိုင်းအတာလောက်ထိပြီးသွားပြီလဲ။
လုပ်နေတာက ၃နှစ်လောက်ရှိပြီ။ အမှန်ဆိုပြီးနေပြီ။ ရေဘေးဝင်လာတဲ့အတွက် အခွေကိုရပ်ထားပြီး ရေဘေးမှာပါဝင်ကူညီပေးဖြစ်တယ်ပေါ့။ ၇၀ ရာခိုင်နှုန်းလောက်တော့ပြီးနေပြီ။ ၁၀လပိုင်းထဲမှာတော့ မရရအောင်ထွက်မယ်လို့စဉ်းစားထားတယ်။ သီချင်းအမျိုးအစားက အစုံပဲ။ Featuring အနေနဲ့က ကိုဝေလ၊ G Fatt ၊ YZ ၊ ဒိုးပတ်နဲ့ RN ပါမယ်။ Oasis ပါမယ်။ တခြားသူတွေလဲပါဦးမယ်။ နောက်ပြီးတော့ Underground ကပေါင်းထားတဲ့ သီချင်း၁ပုဒ်ကို နာမည်ကြီးအဆိုတော်တစ်ယောက်နဲ့တွဲပြီးပြန်ထုတ်လာဖို့ရှိတယ်။ ၁၀လပိုင်းတော့မှန်းထားတယ်။ ဒါပေမဲ့ဒီကြားထဲမှာ ဘာဖြစ်လာမလဲဆိုတာဘယ်သူမှကြိုမသိနိုင်ဘူးလေ။ အဲ့ဒါကြောင့် ကျွန်တော်ကတော့ အခွေထွက်ချင်တာကကြာပြီ။ ကျွန်တော့ဟာ ကျွန်တော်မျောလိုက်၊ တခြားကိစ္စလေးတွေကပေါ်လာလိုက်၊ စားဝတ်နေရေးအတွက် လုပ်လိုက်နဲ့ကြန့်ကြာနေတာပါ။ ဒါပေမဲ့ ၁၀လပိုင်းကို ထွက်ဖို့တော့ကြိုးစားနေပါတယ်။ အခွေ title ကိုလောလောဆယ် True Love လို့တော့ ပေးထားပါတယ်။ တေးရေးက ကျွန်တော်ရေးတာများမယ်။ ကိုဝေလပါမယ်။ ဒိုးပတ်ရေးတာပါမယ်။
-ဒီရက်ပိုင်း ဖေ့စ်ဘုတ်လူမှုကွန်ယက်ပေါ်မှာ သူငယ်ချင်းနဲ့ပတ်သက်တဲ့ စာတိုလေးတွေတင်တာတွေ့ရတယ်။ အဲ့ဒီအပိုင်းကိုလဲ သိချင်ပါတယ်။
ဒီတစ်ရက်နှစ်ရက်အတွင်းမှာ တင်ဖြစ်တဲ့ စာလေးတွေက ကျွန်တော့သူငယ်ချင်းစိတ်နဲ့တင်တာပေ့ါနော်။ ကျွန်တော်ပေါင်းတယ်ဆိုတာက အဆိုတော်ကိုပေါင်းတာမဟုတ်ဘူး။ သူ့ဟာသူဘာကောင်ပဲဖြစ်ဖြစ် နာမည်ကြီး အဆိုတော်ဖြစ်ဖြစ် မဖြစ်ဖြစ်ပေါ့။ ကျွန်တော်ခင်တယ်ဆိုပေါင်းတယ်။ ပေါင်းသင်းဆက်ဆံတယ်။ သူ့သတင်းနဲ့ပတ်သက်ပြီး ကျွန်တော့်ရဲ့ညီအစ်ကိုရင်းချာ တစ်ယောက်ဖြစ်သလိုပဲ ခံစားရတယ်။ အဲ့ဒါကလဲ ပြောရမယ်ဆိုရင် အရှည်ကြီးပါပဲ။ ကျွန်တော်လဲ ဘာမှမပြောချင်တော့ပါဘူး။ ပြောရင်ကိုယ့်ပါ တိုင်လာပတ်နေမှာစိုးလို့ပါ။
-4 Album ကရော ဘယ်လောက်ပြီးနေပြီလဲ။
ကျွန်တော်က ၂ပုဒ်ရိုက်ဖို့ကျန်တယ်။ X box ကတစ်ပုဒ်ရိုက်ဖို့ကျန်တယ်။ lil ‘ z က ၂ပုဒ်ကျန်သေးတယ်။ ထက်ယံကလဲပြီးတော့မယ်။ ဒါပေမဲ့ကြားထဲမှာ ဒီလိုပြသနာတွေဖြစ်တော့ အားလုံးကဆက်လုပ်ချင်စိတ်ကိုမရှိဘူးဖြစ်နေတယ်။
-သူ့သတင်းစကြားကြားချင်းမှာဘယ်လိုခံစားရလဲ။
ကျွန်တော်တို့ကပြောရရင် အခုချိန်မှာကြိုးစားနေတဲ့ တက်လူပေါ့။ တက်တူဆိုတဲ့အနေအထားမှာ ဒီလိုမျိုးမပြောနဲ့ဗျာ။ တစ်လလောက်တောင် ဒီလောကကြီးနဲ့အဆက်အသွယ်မပြတ်စေချင်ဘူး။ ကိုယ်ကိုတိုင်လဲဗျာ အဲ့ဒီလိုမျိုးအဖြစ်မခံနိုင်ဘူး။ ကိုယ့်ဘော်ဒါဖြစ်တော့လဲတကယ်စိတ်မကောင်းပါဘူး။
-ဂီတနဲ့ပတ်သက်ပြီးဘယ်လိုမျိုးရော ထပ်မံဖန်တီးသွားဖို့ရှိမလဲ။
ကျွန်တော်တစ်ကိုယ်တော်ခွေထွက်ဖို့ရှိတယ်။ အခုကဒီလိုဗျာ။ အစက 4 Album ထွက်ပြီးတော့မှ တစ်ကိုယ်တော်ကိုထွက်မှာ။ အဲ့ဒါကြောင့်လဲ ၄ယောက်လုံးက အမြန်ဆုံးထွက်နိုင်အောင်ကြိုးစားနေကြတာ။ အစက 4 Album ကို ၉လပိုင်းမှာထွက်ဖို့စဉ်းစားထားကြတာ။ ပြီးမှ ၁၀ လပိုင်းမှာ ကျွန်တော့်တစ်ကိုယ်တော်ခွေထွက်မယ်။ ပြီးရင် ၁၁လပိုင်းမှာ တခြားသူတွေရဲ့ အခွေတွေလဲထွက်လာဦးမှာပေါ့။ အခုကဗျာ။ 4 Album ကြောင့်ပဲအားလုံးကို နောက်ဆုတ်ထားတာ။ အခုတော့ ဘယ်လိုဆက်လုပ်ရမှန်းကိုမသိဘူး။ အခုချိန်မှာ စိတ်ထဲမကောင်းတာပဲရှိတယ်။ သီချင်းကိစ္စကိုလဲခေါင်းထဲမှာမထည့်နိုင်ဘူး။
-သူနဲ့ရောသွားတွေ့ပြီးပြီလား။ ဘာသတင်းရောကြားရသေးလဲ။ အခုဖေ့စ်ဘုတ်ပေါ်မှာက ဘယ်သူမှ မသိရသေးပဲနဲ့ သူနဲ့ပတ်သက်တဲ့ သတင်းတွေကို မျိုးစုံတင်ပြီးဝေဖန်ကြတာမျိုးတွေလဲတွေ့နေရတယ်။ ဒီအပေါ်မှာရော သူငယ်ချင်းတစ်ယောက်အနေနဲ့ဘယ်လိုပြောချင်ပါလဲ။
တစ်ခုပဲ တောင်းဆိုချင်တာပါ။ အကျိုးအကြောင်း ဘာမှသိတာ မသိတာထက် သူ့ကို ကြိုက်တဲ့သူရှိမယ်။ မကြိုက်တဲ့သူရှိမယ်။ ကျွန်တော်ဆိုလိုတာက မကြိုက်ဘူးဆိုရင်တောင်မှ ချောက်ချတဲ့ စကားလုံးတွေတော့ မသုံးနဲ့ဗျာ။ အကောင်းဆုံးသူ့ကို နှစ်သိမ့်စကားမပြောရင်နေဗျာ။ သူ့ပရိသတ်ဟုတ်တဲ့သူတွေရော၊ မဟုတ်တဲ့သူတွေရောကို တိတ်တိတ်လေးနေပေးဖို့ပဲအားလုံးကို request လုပ်တယ်လို့။ ကျွန်တော်ကိုယ်တိုင်လဲ ဘာသတင်းမှကို မသိရသေးဘူး။ သူအဲ့ဒီလိုဖြစ်သွားတယ်ဆိုတဲ့သတင်းပဲကြားတာ။ အဆက်အသွယ်လဲဘာမှမရသေးဘူး။ သွားတွေ့လို့ရပြီဆိုတာနဲ့ကျွန်တော်တို့သွားတွေ့မှာပါ။
-X box နဲ့က 4 Album ကျမှစခင်တာလား။
ဟုတ်ပါတယ်။ 4 Album မှစခင်တာဆိုပေမဲ့ ဒီကောင်နဲ့သီချင်းတူတူလုပ်လို့ကျွန်တော်ကခင်တာမဟုတ်ဘူး။ တကယ့်ဘော်ဒါအရင်းကြီးလိုကိုခင်တာ။ ညီအစ်ကိုအရင်းတွေလိုမျိုးပေါ့။ ကျွန်တော်တို့ဘားသွားတယ်။ ကလပ်သွားတယ်။ စားကြတယ်။ သောက်ကြတယ်။ ပျော်ပါးတယ်။ သီချင်းတွေလုပ်ကြတယ်။ ခင်တာထက်ကို ပိုပါတယ်။
-သူ့ကို အားပေးစကားအနေနဲ့ရောဘယ်လိုမျိုးပြောချင်လဲ။
တစ်ခုပေါ့ဗျာ။ ယောကျာ်းဖြစ်တဲ့အတွက် ကိုယ်ဖြစ်ရင်တော့ ကိုယ်ခံရမှာပဲ။ ဘယ်သူမှတော့ လာခံပေးမှာမဟုတ်ဘူး။ အဲ့ဒီအတွက် ကျွန်တော်တို့တွေက အကောင်းဆုံး အနေအထားဖြစ်အောင် ဆုတောင်းပေးဖို့ပဲရှိတယ်။ ကျွန်တော်ဘုရားသွားတယ်။ ဆုတောင်းတယ်။ အရင်တုန်းကဆို ကျွန်တော်ဘုရားမရှီခိုးတာကြာပြီ။ အခုဆိုကျွန်တော်သူ့အတွက်ဘုရားနေ့တိုင်းရှီခိုးဖြစ်တယ်။ ဆုတောင်းပေးဖြစ်တယ်။ ကျွန်တော့ အပေါင်းအသင်းတွေ အကုန်လုံးကိုလဲ အကူအညီလိုက်တောင်းတယ်။ သူ့အတွက်ကျွန်တော်တို့ကဘေးကနေဆုတောင်းပေးလို့ပဲရတယ်။ သူ့သတင်းစကြားကြားချင်းတုန်းကဆို ကျွန်တော် မျက်ရည်ကျတယ်။ ငိုတောင်ငိုမိတယ်။ မနေ့ညကဆို အိပ်လို့မရဘူး။ တစ်ညလုံး ထိုင်ငိုနေတာဗျာ။ သူငယ်ချင်းဗျာ။ အဆင်မပြေဘူး။ အခုချိန်မှာ ဘာမှကို မတွေးနိုင်ဘူး။ ကျွန်တော့်သူငယ်ချင်းစိတ်နဲ့ဘာမှကို မလုပ်နိုင်ဘူးဖြစ်နေတယ်။
-ပရိသတ်တွေကိုရောဘာများပြောချင်သေးလဲ။
အခုချိန်မှာ ရာသီဥတုကလဲ မကောင်းဘူး။ နေကောင်းအောင်နေကြပါ။ နိုင်ငံရေးအခြေအနေကလဲမကောင်းဘူး။ တစ်ကမ္ဘာလုံးဖြစ်နေကြတာပါ။ အထူးအဆန်းမဟုတ်ဘူးဆိုပေမဲ့ ကျန်းမာအောင်ဂရုစိုက်ကြပါလို့။ ကျွန်တော့တစ်ကိုယ်တော်အခွေကို ကံတရားကမျက်နှာသာပေးခဲ့လို့ရှိရင်အကောင်းဆုံးထွက်လာနိုင်မှာပါ။ အဲ့ဒီအခါကျရင်လဲအားပေးကြပါလို့ပြောချင်ပါတယ်။
http://www.trend.com.mm/2015/08/21/music-7476
No comments:
Post a Comment