အမျိုးသမီးအရေး မြန်မာအစိုးရကို ဂျိုလီ တိုက်တွန်း

 ဟောလိဝုဒ် ရုပ်ရှင်မင်းသမီး အင်ဂျလီနာဂျိုလီ ဇူလိုင် ၃ဝ ရက်နေ့က ကချင်ပြည်နယ် မြစ်ကြီးနားမြို့ ဂျန်မိုင်ကောင် ဒုက္ခသည်စခန်းကို သွားရောက်စဉ်။ Photo: Kyaw Myo Min/RFA

 လိင်ပိုင်းဆိုင်ရာ အကြမ်းဖက်သူတွေကို တရားဥပဒေနဲ့ အညီ အရေးယူယူဖို့ မြန်မာနိုင်ငံ ရောက်နေတဲ့ ဟောလီးဝုဒ်အကျော်အမော် ရုပ်ရှင်မင်းသမီး Angelina Jolie က ကြာသပတေးနေ့က တိုက်တွန်း လိုက်ပါတယ်။

အော်စကာဆုရှင်လည်းဖြစ်၊ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီး ရုံး အထူး ကိုယ်စားလှယ်လည်းဖြစ်တဲ့ Angelina Jolie ဟာ စစ်ဘေးကြောင့် ကချင် ပြည်နယ်က နေရပ်ရွှေ့ပြောင်းခံရသူတွေနဲ့ သွားရောက် တွေ့ဆုံပြီး တဲ့နောက် အဲဒီလို ပြောလိုက်တာပါ။ ကချင်အမျိုးသမီး ၇ ဖွဲ့ နဲ့ တွေ့ဆုံချိန်မှာ အမျိုးသမီးတွေ အကြမ်းဖက်ခံ ရမှုတွေကို ဆွေးနွေးပါတယ်။

အဲဒီလိုတွေ့ဆုံချိန်မှာ ထွယ်Genderနဲ့ ဖွံ့ဖြိုးရေး ဖောင်ဒေးရှင်းက အစီအစဉ် ညှိနှိုင်းရေးမှူး ဒေါ်နန်ပူက သူဆွေးနွေးခဲ့တာတွေကို ပြောပြပါတယ်။

"လက်ရှိငြိမ်းချမ်းရေး ဖော်ဆောင်မှုမှာလည်း ငြိမ်းချမ်းရေးစားပွဲဝိုင်းပေါ်မှာ အမျိုးသမီး အရေးနဲ့ အမျိုးသမီးတွေရဲ့ဆင်းရဲဒုက္ခတွေ စစ်ကြောင့်ဖြစ်ပေါ်လာတဲ့ အမျိုးသမီးတွေရဲ့ လိင်ပိုင်းဆိုင်ရာ အကြမ်းဖက်မှုကို ဖြေရှင်းပေးမှု၊ ဆွေးနွေးမှုပေါ့နော်၊ အဲ့ဒါတွေမရှိဘူး ဆိုတာသူတင်ပြသွားတယ်၊ အဲ့ဒါကြောင့်မို့လို့ ကချင်ဒေသမှာ ကျမတို့အမျိုးသမီးတွေရဲ့ ဆင်းရဲဒုက္ခတွေကို တင်ပြတယ်၊ ဒီနေ့ထိကို ၁၀၀ ကျော်ပြီ၊ အမျိုးသမီးတွေ လိင်ပိုင်း ဆိုင်ရာ အကြမ်းဖက်မှုခံရတဲ့အကြောင်းတွေကို ကျမတို့ပြောဖြစ်ပါတယ်"

ငြိမ်းချမ်းရေးလုပ်ငန်းစဉ်တွေမှာ အမျိုးသမီးတွေနဲ့ မိန်းကလေးတွေ အဓိပ္ပာယ်ရှိရှိနဲ့ တက်တက်ကြွကြွပါဝင်ဖို့ လိုအပ်တယ်လို့ Angelina Jolie က ပြောပါတယ်။

နေရပ်ရွေ့ပြောင်းခံရသူတွေ အပါအ၀င် မြန်မာပြည်သူအားလုံး သူတို့အနာဂတ် အကျိုးသက်ရောက်စေမယ့် ဆုံးဖြတ်ချက်ချမှတ်နိုင်ဖို့ အပစ်ရပ်ရေးဆွေးနွေး ပွဲတွေနဲ့ လာမယ့်ရွေးကောက်ပွဲမှာ ပါဝင်ရေးက မရှိမဖြစ်လိုအပ်ပါတယ်လို့လည်း ပြောပါတယ်။

အသက် ၉၀ ရွယ် အမျိုးသမီးကြီးတစ်ဦးက ၁၉၆၀ ပြည့်လွန်နှစ်တွေကစလို့ သူ့ဘ၀တလျှောက် နေရပ်ပဲရွေ့ပြောင်းနေရတာ ၁၀ ကြိမ်လောက်ရှိပြီး ၂၀၁၂ ခု က နောက်ဆုံးပြောင်းရွှေ့ရတယ်လို့ Angelina Jolie ကို ပြောပြပါတယ်။

ဒီလူတွေအတွက် ဆေးဝါးအကူအညီ၊ ဥပဒေရေးရာနဲ့ စိတ်ဓာတ်ရေးရာ အကူအညီတွေ အရေးတကြီးလိုအပ်နေပါတယ်လို့ ကမ္ဘာကျော် ရုပ်ရှင်မင်းသမီး က ပြောပါတယ်။ ဒါတင်မက လ်ိင်ပိုင်းဆိုင်ရာအကြမ်းဖက်သူအားလုံးကို တရားဥပဒေအရ အရေးယူဖို့ လိုတယ်လို့ပြောပါတယ်။

ကချင်ပြည်နယ်က လိင်ပိုင်းဆိုင်ရာ အကြမ်းဖက်ခံခဲ့ရသူတွေနဲ့ တွေ့ရတာ စိတ်ထိခိုက် ရပါတယ်လို့လည်း ပြောပါတယ်။

Angelina Jolie ဟာ မြစ်ကြီးနားကနေ ရန်ကုန်ကို မနေ့က ရောက်ရှိလာပြီး မဲစာရင်းပညာပေး အဖွဲ့တစ်ဖွဲ့နဲ့ တွေ့ဆုံပါတယ်။

သူဟာ မြန်မာနိုင်ငံကို ဗုဒ္ဓဟူးနေ့က ရောက်ရှိလာပြီး ၂၀၁၁ ခုက စတင်ဖြစ်ပွားတဲ့ တိုက်ပွဲတွေကြောင့် လူ တစ်သိန်းလောက် စစ်ဘေးရှောင်ဖို့နေရပ် ကရွှေ့ပြောင်းရတဲ့ ကချင်ပြည်နယ်ကို မထွက်ခွာခင် သမ္မတဦးသိန်းစိန်နဲ့ နေပြည်တော်မှာ တွေ့ဆုံခဲ့ပါတယ်။

RFA Burmese
http://www.rfa.org/burmese