“အိမ်ထဲမှာ ဒါမှမဟုတ် ကားတွေထဲမှာ မြွေတစ်ကောင်လောက်ရောက်နေရင်တောင်၊ ကျွန်မကတော့ ပြေးရတော့မှာပဲ။” လို့ အိမ်ပိုင်ရှင် Vicki Barnett ကပြောခဲ့ပါတယ်။
Barnett နဲ့ သူ့ရဲ့ခင်ပွန်းဖြစ်သူတို့ဟာ ပြီးခဲ့တဲ့ ရက်သတ္တပတ်အတွင်း မြွေအကောင် ၃၀ သတ်ခဲ့ပြီး ပြီးခဲ့တဲ့ ၂၁ရက်နေ့ညကလည်း မြွေတစ်ကောင် သတ်ခဲ့ရတယ်လို့ NBC သတင်းဌာနကို ပြောပြခဲ့ပါတယ်။ Barnett တို့နှစ်ယောက်ဟာ လွန်ခဲ့တဲ့ ၂နှစ်ကစလို့ ယခုအိမ်ကိုပြောင်းလာကတည်းက မြွေပြဿနာကို ရင်ဆိုင်နေခဲ့ကြရတာပါ။
“ကျွန်မလေ၊ မြွေကို တက်နင်းမိတော့မလို့။ နောက်တော့ ကျွန်မလဲပြေးရုံပြေးပြီး သူတို့ကိုသတ်ဖို့ ကျွန်မခင်ပွန်းထွက်လာတာကို စောင့်နေခဲ့တယ်။” လို့ Barnett ကပြောပါတယ်။
မြွေတွေဟာ အများစု ညဘက်မှာ တက်ကြွလှုပ်ရှားတတ်ကြပြီး Barnett ကလည်း မြွေမြင်ရင် ပစ်ဖို့ သွားလေရာ ရိုင်ဖယ်တစ်လက်ကို ဆောင်ထားပါတယ်။ နောက်တော့ Fort Worth တောရိုင်းထိန်းသိမ်းရေး ကိုဖုန်းဆက်ပြီး အကူအညီရယူဖို့ လုပ်ဆောင်ခဲ့ရပါတော့တယ်။
Ref:Daily Mail
http://www.trend.com.mm/2015/07/24/news-7248
No comments:
Post a Comment