၁။သူမ သုံးတဲ့ပိုက်ဆံတွေကို လိုက်ကတ်သတ်ပြီး ပြောဆိုခြင်း
ကိုယ့်အိမ်သူက ငွေဆိုရေလိုသုံးနေတယ်ဆိုရင်တော့ ပြောသင့်တာ ညှိုနှိုင်းဆွေးနွေးသင့်တာ ဆွေးနွေးပါ။ ဒါပေမယ့် သူမရဲ့အစားအသောက် ကုန်ကျစရိတ်၊ တစ်လတစ်ခါ shopping ထွက်လို့ကုန်ကျစရိတ်၊ GYM ဆော့တဲ့အတွက် ကုန်ကျစရိတ်၊ အိမ်သုံးပစ္စည်းတွေ ၀ယ်မိတာကြောင့် ကုန်ကျတဲ့ငွေတွေကိုတော့ ဘယ်လောက်ပဲသုံးကိုသုံးရမယ်ဆိုပြီး ကန့်သတ်အပြစ်တင်နေလို့ မဖြစ်နိုင်ပါဘူး။
၂။အ၀တ်တွေပုံနေလို့ မလျှော်ရသေးတဲ့အတွက် အပြစ်တင်ပြောဆိုခြင်း
အိမ်သူအနေနဲ့ အိမ်အလုပ်တွေ လုပ်နေရလို့ ဒီအ၀တ်တွေကို မလျှော်ရသေးတာလား၊ ဒါမှမဟုတ် သူကိုယ်တိုင်လည်း အလုပ်ထွက်လုပ်နေရသေးတာလား။ ဘယ်လိုပဲဖြစ်ဖြစ် ပုံနေတဲ့အ၀တ်တွေကို နောက်ဆုံးလျှော်တဲ့သူဟာ သူပါပဲ။ ဒါကို မမေ့ပါနဲ့။ ဒီ့အတွက် သူ့အလုပ်သူ ပြီးအောင် လုပ်ပါလိမ့်မယ်။ အဲ့ဒါကိုလည်း အပြစ်တင်ပြောဆိုတာမျိုး မလုပ်သင့်ပါဘူး။
၃။ကလေးတွေကိုသာ ဂရုစိုက်နေတဲ့အတွက် အပြစ်တင်ပြောဆိုခြင်း
မိခင်တွေအတွက်ကတော့ ကလေးတွေကသာ ပထမဖြစ်လာပါလိမ့်မယ်။ ဒါအထူးအဆန်းတော့ မဟုတ်ပါဘူး။ ဒါပေမယ့် ကိုယ့်ထက်ကလေးတွေကို နေရာပေး အချိန်ပေးနေလို့ မနာလိုဖြစ်နေတာထက် အပြစ်တင်ပြောဆိုနေတာ ထက်စာရင် နှစ်ဦးသားအချိန် သီးသန့်ရအောင် ဘယ်လိုလုပ်ယူမလဲဆိုတာကို ဆွေးနွေးပါ။
၎။အပြင်မှာ၊ အလုပ်မှာ အဆင်မပြေတာကြောင့် အိမ်သူကို မဲခြင်း
တစ်ချို့အမျိုးသားတွေဟာ အပြင်မှာ အလုပ်အဆင်မပြေတော့ဘူးဆိုရင် အိမ်ပြန်လာပြီး မိန်းမကို မဲတော့တာပါပဲ။ အပြစ်မရှိ အပြစ်ရှာ ပြောဆိုတာမျိုးတွေ လုပ်လာတတ်ကြပါတယ်။ ဒီလိုကိစ္စမျိုးတွေ မဖြစ်ရအောင် ဂရုစိုက်ဖို့တော့ လိုပါလိမ့်မယ်။
၅။လုပ်ခဲ့ဖူးတဲ့ အမှားအသေးလေးတွေကို ပြန်လည်ထောက်ပြပြောဆိုခြင်း
တစ်ယောက်နဲ့တစ်ယောက် အဆင်မပြေဖြစ်ကြတိုင်း လုပ်ခဲ့ဖူးတဲ့ အမှားတွေကို ပြန်ထောက်ပြပြောဆိုနေခြင်းဟာ အိမ်ထောင်တစ်ခုပြိုကွဲစေတဲ့ အက်ကြောင်းတွေထဲက တစ်ခုပါ။ အရင်တုန်းက အမှားတွေကို ၊ အတိတ်က ဖြစ်ရပ်တွေကို မေ့ပြီး ရှေ့ကိုအတူလက်တွဲ လျှောက်လှမ်းနိုင်ဖို့သာ အရေးကြီးတယ်ဆိုတာ အိမ်ထောင်ဦးစီးတွေ သိပါစေ။
TrendMyanmar
No comments:
Post a Comment