ယင်းထုတ်ပြန်ချက်ကို ဇူလိုင် ၃ရက်က ထုတ်ပြန်ကြေညာခဲ့ခြင်း ဖြစ်ပြီး အလုပ်သမားများ အတွက် နစ်နာကြေး ပေးဆောင်ရမည့် နှုန်းထားဆယ်မျိုး သတ်မှတ် ပေးထားကြောင်း၊ ယင်းသတ်မှတ်ချက်အရ အလုပ်ပိတ်သိမ်းပါက လုပ်သက်ခြောက်လမှ တစ်နှစ် အတွင်းရှိသည့် အလုပ်သမားများ အနေဖြင့် နစ်နာကြေး လ၀က်စာ၊ တစ်နှစ်နှင့် နှစ်နှစ်အတွင်း အလုပ်သမားများမှာ နစ်နာကြေး တစ်လစာ၊ လုပ်သက်နှစ်နှစ်မှ သုံးနှစ်အတွင်း အလုပ်သမားများမှာ နစ်နာကြေး တစ်လခွဲစာ၊ လုပ်သက် သုံးနှစ်နှင့်လေးနှစ် အတွင်း အလုပ်သမားများမှာ နစ်နာကြေး သုံးလစာ၊ လုပ်သက်ခြောက်နှစ်မှ ရှစ်နှစ်အတွင်း နစ်နာကြေး ငါးလစာ၊ လုပ်သက်ရှစ်နှစ်မှ တစ်ဆယ့်နှစ်နှစ် အတွင်း အလုပ်သမားများမှာ နစ်နာကြေး ခြောက်လစာ၊ လုပ်သက် တစ်ဆယ့်နှစ်နှစ်မှ နှစ်နှစ်ဆယ်အတွင်း အလုပ်သမားများမှ နစ်နာကြေး ရှစ်လစာ၊ လုပ်သက် နှစ်ဆယ်နှစ်မှ နှစ်ဆယ့်ငါး နှစ်အတွင်း လုပ်သားများမှာ နစ်နာကြေး ဆယ့်တစ်လစာ၊ လုပ်သက် နှစ်ဆယ့်ငါးနှစ်အထက် ရှိသည့် အလုပ်သမားများမှာ နစ်နာကြေး ဆယ့်သုံးလစာ ရရှိခံစားရမည်ဟု အလုပ်သမားရေးရာ အငြင်းပွားမှု ဖြေရှင်းရေး ဥပဒေ ပုဒ်မ ၅၉ပုဒ်မခွဲ(ခ)နှင့် အလုပ်ကိုင်ကျွမ်းကျင်မှု ဖွံ့ဖြိုးတိုးတက်ရေး ဥပဒေ ပုဒ်မ ၄၁ ပုဒ်မခွဲ(ခ)တို့အရ အပ်နှင်းထားသော လုပ်ပိုင်ခွင့်များအား ကျင့်သုံးပြီး အလုပ်မှ ရပ်စဲခံရသော အလုပ်သမားများနှင့် ပတ်သက်၍ နစ်နာကြေးနှုန်းထားများအား အလုပ်သမား အလုပ်အကိုင်နှင့် လူမှုဖူလုံရေး ၀န်ကြီးဌာန ပြည်ထောင်စုဝန်ကြီး ဦးအေးမင်းက အမိန့်ကြေငြာစာ အမှတ် (၈/၂၀၁၅)ဖြင့် ထုတ်ပြန်ကြေညာလိုက်ခြင်း ဖြစ်သည်။
အလုပ်သမားများ အတွက် နစ်နာကြေးနှင့် ပတ်သက်ပြီး အလုပ်သမား ၊အလုပ်အကိုင်နှင့် လူမှုဖူလုံရေး ၀န်ကြီးဌာန အနေဖြင့် ပထမဆုံးအကြိမ် ထုတ်ပြန်ကြေညာခြင်းဖြစ်ပြီး နစ်နာကြေးပေးရာတွင် အလုပ်သမားများ၏ နောက်ဆုံးထုတ်ယူခဲ့သော လစာအား တွက်ချက်၍ ပေးဆောင်ရမည် ဖြစ်ကြောင်းကိုလည်း အလုပ်သမား ၊အလုပ်အကိုင်နှင့် လူမှုဖူလုံရေး ၀န်ကြီးဌာနမှ သိရသည်။
ကွန်းဇော်
http://www.tomorrow.com.mm/?q=articles/1741
No comments:
Post a Comment