၂၀၁၅ ခုနှစ် အထွေထွေရွေးကောက်ပွဲကို လာမယ့် နိုဝင်ဘာလ ၈ရက် တနင်္ဂနွေနေ့မှာ ကျင်းပမှာဖြစ်ကြောင်း ပြည်ထောင်စု ရွေးကောက်ပွဲကော်မရှင်က ကော်မရှင်အဖွဲ့ခွဲတွေထံကို အကြောင်းကြား လိုက်ပါတယ်။
ဒီနေ့မနက်က နှုတ်နဲ့အကြောင်းကြားတာဖြစ်တယ်လို့ တနင်္သာရီတိုင်းဒေသကြီး ရွေးကောက်ပွဲကော်မရှင်အဖွဲ့ခွဲ ဥက္ကဌ ဦးသန်းစိန်က ပြောပါတယ်။
"နိုဝင်ဘာ ၈ ရက်နေ့ လုပ်မယ်လို့ပြောတယ်၊ နှုတ်နဲ့တော့ တယ်လီဖုန်းဆက်ထားတာရှိတယ်၊ စာနဲ့တော့မရောက်သေးဘူး"
တစ်နိုင်ငံလုံးအနှံ့ မဲဆန္ဒနယ်မြေ တစ်ထောင့်တစ်ရာခုနှစ်ဆယ့်တစ် (၁၁၇၁) ခုရှိပါတယ်။ အဲဒီမှာ ပြည်သူ့လွှတ်တော် မဲဆန္ဒနယ် ၃၃၀၊ အမျိုးသားလွှတ်တော် မဲဆန္ဒနယ် ၁၆၈၊ တိုင်းဒေသကြီးနဲ့ ပြည်နယ်လွှတ်တော် မဲဆန္ဒနယ် ၆၄၄ နဲ့ တိုင်းရင်းသားရေးရာဝန်ကြီး မဲဆန္ဒနယ် ၂၉ ခုရှိတယ်လို့ ပြည်ထောင်စုရွေးကောက်ပွဲကော်မရှင်က ဒီလဆန်းပိုင်းမှာ ကြေညာထားပါတယ်။
လက်ရှိ ပြည်ထောင်စု ရွေးကောက်ပွဲကော်မရှင်မှာ တရားဝင်မှတ်ပုံတင်ထားတဲ့ နိုင်ငံရေးပါတီ ၈၃ခုရှိပြီး လာမယ့် ၂၀၁၅ ရွေးကောက်ပွဲမှာ ပါတီတွေဟာ အနည်းဆုံး မဲဆန္ဒနယ်မြေ ၃နေရာမှာ ၀င်ရောက်ယှဉ်ပြိုင်ရမှာဖြစ်ပါတယ်။
RFA Burmese
https://www.facebook.com/pages/RFA-Burmese
No comments:
Post a Comment