CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
Friday, June 19, 2015
မသိမှု များခြင်းသည် ဦးနှောက်ကို ပေါ့ပါး လန်းဆန်းစေ
မသိခြင်းတွင်လည်း အားသာချက် ရှိသည်။
ဘာမဆို နည်းနည်းစီတော့ သိထားရမည်၊ လူကြားထဲ ရောက်လို့ ဟိုဟာမသိ ဒီဟာ မသိနဲ့ဆို အရှက် ကွဲရလိမ့်မည်ဟု ဆိုဆုံးမတတ်ကြ သည်။ နာ့ဗ်ကြော စိတ်ပညာရှင်များကမူ မသိခြင်းသည် လည်းကောင်း ကျိုးရှိသည်ဟု ဆိုလိုက်သည်။
မသိခြင်းကြောင့် လူအများသည် အခြားသော အတွေးအခေါ်များ၊ သတင်း အချက်အလက်များ၏ လွှမ်းမိုးမှု ကင်းကာ လွတ်လပ်စွာ တွေးခေါ်နိုင်ခြင်း၊ ရွေးချယ်နိုင်ခြင်း အားသာချက် ရှိသည်ဟု ဆိုလိုက်ကြသည်။
““မသိခြင်းနဲ့ ဆက်စပ်ပြီး ရလာတဲ့ အကျိုးကို ပြောပါဆိုရင်တော့ လွတ်လပ်မှုပဲ”” ဟု သုတေသန အဖွဲ့ခေါင်းဆောင် သြစတြေးလျ တက္ကသိုလ် စိတ်ပညာ ပါမောက္ခ မိုက်ကယ်စမစ်ဆန်က ပြောသည်။
““သိတာတွေ များတဲ့အခါ သိထားတဲ့ အချက်အလက်တွေရဲ့ လွှမ်းမိုးမှု အောက်က ရုန်းမထွက်နိုင် ဖြစ်တတ်တယ်။ မသိတဲ့ အခါကျတော့ ကိုယ်ပိုင်ဉာဏ်ရည်နဲ့ လွတ်လပ်စွာ တွေးခေါ် ရွေးချယ်ခွင့်ရတယ်”” ဟု မစ္စတာ စမစ်ဆန်က ပြောသည်။
““များများ သိထားတဲ့အခါ ကျတော့ လမ်းကြောင်းကို ကြိုသိထားတဲ့ လူလိုပဲ လမ်းဟောင်းလိုက် ဖြစ်ဖို့ ရာခိုင်နှုန်း များသွားတယ်”” ဟု ၄င်းက သုံးသပ် ပြောကြားသည်။
မသိမှုသည် တီထွင် ဖန်တီးမှုကို မွေးဖွားပေးသည်ဟု ၄င်းက ဆိုလိုက်သည်။ မသိမှုကြောင့်သာ ကိုယ်တိုင် သိအောင် စူးစမ်း ဖြစ်သွားပြီး တီထွင် ဆန်းသစ်မှုများ ပေါ်လာရသည်ဟု ၄င်းကဆိုသည်။ အကြောင်းအရာ တစ်ခုနှင့် ပတ်သက်ပြီး အခြားသူများ လုပ်ထားသည်များကို အများအပြား သိထား သူများသည် ကိုယ်တိုင် တီထွင် ဖြစ်သည့်ဘက် ရောက်ဖို့ထက် သူများ လုပ်ထား ပြီးသားများကိုသာ စုပေါင်း စပ်ပေါင်းကာ ထူးမခြားနား တစ်ခု တီထွင် ဖြစ်သည့်ဆီ ပိုရောက်ရ တတ်သည်ဟုလည်း ၄င်းက ဆိုလိုက်သည်။
Messenger
http://www.messengernewsjournal.com/news/Tech/detail.php?id=38202
မသိမှု များခြင်းသည် ဦးနှောက်ကို ပေါ့ပါး လန်းဆန်းစေ
Reviewed by သတင်းစုံပျော်ဝင်အိုးကြီး
on
June 19, 2015
Rating: 5
Subscribe to:
Post Comments (Atom)
No comments:
Post a Comment