အကယ်၍များ သင်ဟာ စိတ်ကူးစိတ်သန်းကောင်းတဲ့ ကလေးတစ်ယောက်ရဲ့ မိဘဆိုရင်၊ သူဟာ လှည့်ဖျားဖို့အတွက် အပြောကောင်းလေးတွေ ပြောဆိုတတ်တာကို သင် သတိပြုမိမှာပါ။ ဒီအချက်ဟာ သင်စိုးရိမ်ရလောက်တဲ့အထိ မကောင်းတဲ့ အလားအလာတော့လည်း မဟုတ်ပြန်ပါဘူး။
အလိမ်အညာကောင်းတဲ့ ကလေးတွေရဲ့ မှတ်ဉာဏ်တွေဟာ ကောင်းကောင်း အလုပ်လုပ်ကြကြောင်း နဲ့ အလိမ်အညာ သိပ်မကောင်းတဲ့ ကလေးတွေရဲ့ မှတ်ဉာဏ်ဟာတော့ သူတို့လောက် မကောင်းကြောင်းကို Experimental Child Psychology ဂျာနယ်မှာပါတဲ့ လေ့လာမှု တစ်ရပ်အရ သိရပါတယ်။ မှတ်ဉာဏ်ပိုကောင်းတဲ့ ကလေးတွေဟာ သူတို့ရဲ့ လိမ်ညာမှုတွေကို ဂရုတစိုက်နဲ့ ကျွမ်းကျွမ်းကျင်ကျင် လုပ်သွားနိုင်တာကြောင့်ပဲ ဖြစ်ပါတယ်။
၆ နှစ်မှ ၇နှစ်အရွယ် ကလေးတွေကို ဓာတ်ခွဲခန်းထဲမှာ သုတေသီအဖွဲ့က ပုံနှိပ်ထားတဲ့ အညွှန်းကပ်ပြားတွေပေါ်မှာ မေးခွန်းသုံးခုပါတဲ့ ပေါ့ပေါ့ပါးပါး ဉာဏ်စမ်းတွေကို ဖြေခိုင်းပြီး လေ့လာမှုပြုခဲ့တာပါ။ အဖြေတွေက ကပ်ရဲ့နောက်ကျောဘက်မှာ ရှိပါတယ်။ မေးခွန်းမေးသူ အခန်းအပြင်ဘက် ထွက်သွားပြီး စောင့်ကြည့်ကင်မရာက တဆင့်ကလေးတွေကို တွေ့မြင်နေရပါတယ်။ ပြန်ဝင်လာပြီး မေးမြန်းတဲ့အခါ အလိမ်အညာကောင်းတဲ့ ကလေးက မေးခွန်းအားလုံးရဲ့ အဖြေအသေးစိတ်ကို လိမ်ညာဖြေဆိုနိုင်ပြီး အလိမ်အညာ ညံ့သူတွေကတော့ တစ်ခုလောက်ကိုသာ လိမ်ညာဖြေဆိုနိုင်ခဲ့တာကို တွေ့ရပါတယ်။ အဲ့တော့ အလိမ်အညာကောင်းတဲ့ ကလေးတွေက မှတ်ဉာဏ်စမ်းသပ် ရမှတ်မှာ ပိုကောင်းနေတာကို စိတ်ဝင်တစား တွေ့ရှိရပါတယ်။
ကလေးတချို့က ဆင်ခြေတွေနဲ့ အချက်အလက်ကျကျ လိမ်ညာတတ်တာဟာ စိုးရိမ်စရာတော့ မဟုတ်ပါဘူး။ ဒါဟာ သူတို့ရဲ့ ဉာဏ်ရည်ဖွံ့ဖြိုးမှုအတွက် သူတို့ကိုယ်တိုင် လေ့ကျင့်ပျိုးထောင်နေတာဖြစ်ပါတယ်။ အနည်းဆုံးတော့ သူတို့လေးတွေဟာ တော်တယ်၊ ထက်တယ်လို့ ဆိုလိုတာပါပဲ။
Skyler
TrendMyanmar
http://www.trend.com.mm/2015/06/23/lifestyle-6966
CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
Subscribe to:
Post Comments (Atom)
No comments:
Post a Comment