 |
| Samantha Cristoforetti က အာကာသအတွင်း တစ်ကြိမ်တည်း အကြာဆုံးနေသူ အမျိုးသမီး အဖြစ် စံချိန်တင်။ |
အဲဒီ အာကာသယာဉ်မှူး ၃ ဦးဟာ ပြီးခဲ့တဲ့ လအတွင်းက ပြန်လာဖို့ သတ်မှတ် ထားတာ ဖြစ်ပေမယ့် သူတို့ရဲ့ ထောက်ပံ့ရေး ယာဉ်ပျံက ကမ္ဘာ့လေထုထဲ ဝင်ရောက်စဉ် မီးလောင် ပျက်စီးခဲ့တဲ့အတွက် ခုလို နှောင့်နှေးခဲ့ရတာပါ။
အဲဒီလို နှောင့်နှေးခဲ့ရတာကြောင့် သူတို့ထဲက တစ်ယောက် ဖြစ်တဲ့ အီတလီ နိုင်ငံသူ အာကာသယာဉ်မှူး Samantha Cristoforetti က အမျိုးသမီးတွေထဲမှာ အာကာသ အတွင်း ခရီးတစ်ခေါက်တည်း အကြာဆုံးနေသူ အဖြစ် ကမ္ဘာ့စံချိန် တင်လိုက်နိုင်ပါတယ်။
သူတို့ ၃ ဦး ပြန်လည် လိုက်ပါလာတဲ့ ဆိုယု အာကာသ ယာဉ်ဟာ ကာဇက်စတန် နိုင်ငံမှာ ဆင်းသက်မှာ ဖြစ်ပါတယ်။
လောလောဆယ်မှာ နိုင်ငံတကာ အာကာသစခန်း ISS ကို ရုရှား အာကာသယာဉ်မှူး Gennady Padalka က ထိန်းချုပ်နေပြီး ဇူလိုင် လမှာတော့ နောက်ထပ် အာကာသ ယာဉ်မှူး ၃ ယောက် ISS ကို ထပ်မံ ရောက်ရှိမှာ ဖြစ်ပါတယ်။
BBC Burmese
http://www.bbc.com/burmese
No comments:
Post a Comment