အမျိုးသားပါတီဟု အမည်ပေးထားသည့် ပါတီသစ်တခုတည်ထောင်မည်ဟုသတင်းများတရားဝင်ထွက်ပေါ်ပြီး မကြာမီရက်ပိုင်းတွင်ပင် သမ္မတအကြံပေးအဖြစ်မှ ဒေါက်တာနေဇင်လတ်ကို နုတ်ထွက်ခွင့်ပေးလိုက်ကြောင်း သတင်းများလည်း ထွက်ပေါ်လာခဲ့သည်။ သမ္မတဦးသိန်းစိန်၏ အကြံပေးလည်းဖြစ်၊ မဟာဗျုဟာနှင့်နိုင်ငံတကာ လေ့လာရေးဗဟိုဌာန၏ ပါမောက္ခ၊ ဌာနမှူးလည်းဖြစ်သည့် ဒေါက်တာနေဇင်လတ်အနေဖြင့် အမျိုးသားပါတီတွင် နာယကအဖြစ်တာဝန်ယူမည်ဟု ဆိုသည်။ လက်ရှိ ပြည်သူများအနေဖြင့် အမျိုးသားပါတီ တည်ထောင်မည့်သတင်းအပေါ် စိတ်ဝင်စားမှုမြင့်တက်လျက်ရှိပြီး နိုင်ငံရေးလေ့လာသူများအနေဖြင့်မူ ဒေါက်တာနေဇင်လတ်နှင့် အမျိုးသားပါတီကြားတွင် နိုင်ငံရေးလှည့်ကွက် သို့မဟုတ် မြှပ်ကွက်တခုရှိနေမလား သံသယရှိနေကြသည်။
''ကျွန်တော်တို့က သူ့ကိုအနားယူခွင့်ပြုလိုက်တာ။ ဘာကြောင့်လဲ ဆိုတာကိုတော့ ကာယကံရှင်ကိုပဲ မေးလိုက်ပါ''ဟု ဧပြီ ၃၀ ရက်က ပြည်တွင်းသတင်းဌာနတခုသို့ သမ္မတရုံးညွှန်ကြားရေးမှူး ဦးဇော်ဌေးက ပြောဆိုခဲ့သည်ကို တွေ့ရသည်။ ဒေါက်တာနေဇင်လတ်အနားယူခြင်းနှင့် ပတ်သက်၍ သတင်းစာများမှ တရားဝင်ကြေညာလိမ့်မည်ဟု သမ္မတရုံး အကြီးတန်းအရာရှိကြီးတဦးကပြောကြောင်း ပုဂ္ဂလိကသတင်းစာတချို့ က ရေးသားဖော်ပြခဲ့သည်ကိုလည်း တွေ့ရသည်။ လက်ရှိအချိန်ထိတော့ ကြေညာသည်ကို မတွေ့ရသေးပေ။
ဒေါက်တာနေဇင်လတ်က သမ္မတအကြံပေးအဖြစ်မှ နုတ်ထွက်ပြီး အသစ်တည်ထောင်သော အမျိုးသားပါတီလုပ်ငန်များကို ဆောင်ရွက်နေပြီဟုလည်း ဧပြီ ၃၀ ရက်တွင်ပင် ၎င်း၏လူမှုကွန်ရက်စာမျက်နှာမှ ရေးသား ခဲ့သည်။ သို့သော် ပြည်တွင်းသတင်းစာများမှ အကြံပေးအဖြစ်မှ နုတ် ထွက်ခြင်း၊ အမျိုးသားပါတီ တည်ထောင်ခြင်းတို့နှင့်ပတ်သက်၍ ဆက်သွယ်မေးမြန်းရာတွင် လက်ခံဖြေကြားခြင်းမရှိကြောင်း ရေးသားဖော်ပြခဲ့ကြသည်ကို တွေ့ရသည်။
လက်ရှိမြန်မာနိုင်ငံတွင် သမ္မတ၊ ဒုသမ္မတ၊ ပြည်ထောင်စုဝန်ကြီးများနှင့် အစိုးရ၀န်ထမ်းများအနေဖြင့် နိုင်ငံရေးပါတီတည်ထောင်ခြင်း၊ ပါတီတခုခုထဲသို့ ၀င်ရောက်လုပ်ကိုင်ခြင်းတို့ကို ၂၀၀၈ ဖွဲ့စည်းပုံအခြေခံ ဥပဒေအရ တားမြစ်ထားသည်။ သို့သော် အစိုးရ၀န်ထမ်းလည်းမဟုတ်၊ သာမန်နိုင်ငံသားများနှင့် တခြားလွတ်လပ်သည့်ပညာရှင်များထက်လည်း အစိုးရနှင့်ပိုမိုနီးစပ်မှုရှိသည့် အကြံပေးပုဂ္ဂိုလ်များနှင့်ပတ်သက်၍ သီးခြား ဥပဒေပြဋ္ဌာန်းထားမှု မရှိပေ။ သမ္မတသဘောတူမည်ဆိုလျှင် ပါတီတည်ထောင်ခွင့်၊ ပါတီထဲဝင်ရောက်လုပ်ကိုင်ခွင့်များ ရကောင်းရနိုင်မည့်သဘော ရှိသည်။ သို့သော် သမ္မတပြောခွင့်ရပုဂ္ဂိုလ် ဦးရဲထွဋ်ပြောဆိုချက်မှာတော့ ထိုသဘောတရားနှင့်လွဲချော်သည်ကို တွေ့ရသည်။ နိုင်ငံသားတိုင်းတွင် ဖွဲ့စည်းပုံအခြေခံဥပဒေအရ ရွေးချယ်ခံပိုင်ခွင့်၊ ရွေးချယ်ပိုင်ခွင့်များရှိသော်လည်း သမ္မတအကြံပေးတဦးက ပါတီတခု၏လုပ်ငန်းများတွင် ထဲထဲဝင်ဝင် ပါဝင်ပတ်သက်နေပါက အကျိုးစီးပွားပဋိပက္ခရှိလာနိုင်သည်ဟု ဆိုသည်။ သမ္မတအကြံပေးတဦးအနေဖြင့် သီးခြားပါတီထူထောင်ခြင်း သို့မဟုတ် ပါတီတခုခုတွင် ၀င်ရောက်လုပ်ကိုင်ခွင့်မရှိဟူသော မူဝါဒမျိုး ချမှတ်ထားရှိလျှင် ဦးရဲထွဋ်ပြောဆိုမှုမှာလည်း လက်ခံရမည့်သဘောရှိသည်။ အကျိုးစီးပွားပဋိပက္ခဆိုသည်ကတော့ ရှင်းလင်းမှု မရှိပေ။ ဦးသိန်းစိန်နှင့် လုံးဝဆက်စပ်ပတ်သက်နေသည့် ပြည်ခိုင်ဖြိုးနှင့် အမျိုးသားပါတီကြား ပဋိပက္ခကို ဆိုလိုခြင်းလား။ ဤအချက်က ဖြစ်ကောင်းဖြစ်နိုင်သည်။ အကြောင်းမှာ ဒေါက်တာနေဇင်လတ်အနေဖြင့် ဦးသိန်းစိန်အကြံပေးလုပ်လျှင် ပြည်ခိုင်ဖြိုး ကောင်းရာကောင်းကြောင်းကိုလည်း တတ်သမျှ မှတ်သမျှ အကြံပေးပြောဆိုရမည်ဖြစ်ရာ လက်ရှိပါတီသစ်တည်ထောင်လိုက်ချိန်တွင် ထိုသို့ လုပ်ဆောင်နိုင်မည် မဟုတ်တော့ပေ။ သို့သော် လက်ရှိနိုင်ငံ ရေးလေ့လာသုံးသပ်သူများ ထင်မြင်ယူဆနေကြသည်က ထိုသို့မဟုတ် ပေ။ အမျိုးသားပါတီမှာ ပြည်ခိုင်ဖြိုး၏ ဖွားဖက်တော်ဖြစ်ပြီး ၂၀၁၅ ရွေး ကောက်ပွဲတွင် NLD ကို တိုက်ခိုက်ရန်ရည်ရွယ်ချက်ဖြင့် တည်ထောင်လာသည့်ပါတီအဖြစ် ထင်မြင်ယူဆကြသည်။
''နိုင်ငံတော်သမ္မတအကြံပေးတယောက်က နိုင်ငံရေးပါတီသစ်တခုမှာ နာယကအဖြစ် တာဝန်ယူမယ်ဆိုတော့ သမ္မတကပဲ ပါတီတခုထောင်သလိုလို ထင်ရတာပေါ့''ဟု ဖက်ဒရယ်ပြည်ထောင်စုပါတီ (FHP) ဒုဥက္ကဋ္ဌလည်းဖြစ်၊ NLD ပြောခွင့်ရပုဂ္ဂိုလ်တဦးလည်းဖြစ်သည့် ဦးစောသန်းမြင့်က သုံးသပ်ထားသည်ကို တွေ့ရသည်။
၂၀၁၁ ခုနှစ် ဧပြီ ၁၉ ရက်တွင် သမ္မတဦးသိန်းစိန်အကြံပေးအဖြစ် နိုင်ငံရေး၊ စီးပွားရေးနှင့် ဥပဒေရေးရာ အကြံပေးအဖွဲ့သုံးဖွဲ့ကို ဖွဲ့စည်းလိုက်ကြောင်း ကြေညာခဲ့သည်။ ပုဂ္ဂိုလ် ၉ ဦးဖြင့် ဖွဲ့စည်းခဲ့သည့် အဆိုပါအဖွဲ့သုံးဖွဲ့တွင် ဒေါက်တာနေဇင်လတ်မှာ နိုင်ငံရေးအကြံပေးအဖြစ် ပါဝင်ခဲ့သည်။
လက်ရှိရွေးကောက်ပွဲကော်မရှင်မှ နိုင်ငံရေးပါတီအဖြစ် ခွင့်ပြုထား ပြီး ၇၃ ပါတီနှင့် စီစစ်ဆဲ ၁၇ ပါတီရှိကြောင်း သိထားရသည်။ နိုင်ငံရေး ပါတီ ၄၀ ခန့်သာ ၀င်ရောက်ယှဉ်ပြိုင်ခဲ့သည့် ၂၀၁၀ ရွေးကောက်ပွဲနှင့် ယှဉ်လျှင် ၂၀၁၅ တွင် ၀င်ရောက်ယှဉ်ပြိုင်မည့် ပါတီအရေအတွက်မှာ လေးဆယ်ကျော် ငါးဆယ်နီးပါး ပိုမိုများပြားလာမည့်သဘောရှိသည်။ စိစစ်ဆဲအထဲတွင် ဒေါက်တာနေဇင်လတ် နာယကအဖြစ်ဆောင်ရွက်မည့် အမျိုးသားပါတီသည်လည်း တခုအပါအ၀င်ဖြစ်သည်။ အများစုမှာ တိုင်းရင်းသားပါတီများဖြစ်သည်။ ပြည်မပါတီများအနေဖြင့် တိုင်းရင်းသားဒေသများတွင် သွားရောက်ယှဉ်ပြိုင်၍ အနိုင်ရဖို့ဆိုသည်ကတော့ မလွယ်ကူပေ။ NLD အနေဖြင့် ပြည်မတွင် တဦးတည်းသော ယှဉ်ပြိုင်ဖက်အဖြစ် ရှိနေခဲ့သည်မှာ ပြည်ခိုင်ဖြိုးဖြစ်သည်။ ယခုအမျိုးသားပါတီဆိုသည်ကိုပါ ထည့်သွင်းစဉ်းစားရဖွယ် ရှိလာသည်။ မဲဆန္ဒနယ် ၂၅၀ မှ ၄၀၀ အထိ ၀င်ရောက်ယှဉ်ပြိုင်မည်ဟုဆို၍ အင်နှင့်အားနှင့် လာမည့်သဘောရှိသည်။ ရွေးကောက်ပွဲတွင် စည်းရုံးရေးသည်လည်း များစွာအရေးပါနေရာ မည်သို့သောနည်းဗျုဟာများဖြင့် စည်းရုံးလှုံ့ဆော်လာမည်ဆိုသည်က မသိရသေးပေ။ NLD အနေဖြင့် ပေါ့ပေါ့တွေးလျှင် မှားနိုင်သည်။
ဒေါက်တာနေဇင်လတ်အနေဖြင့် တခြားအကြံပေးများနှင့်ယှဉ်လျှင် သိသိသာသာ ထူးခြားမှုတချို့ ရှိခဲ့သည်။ တခြားတော့မဟုတ်ပေ။ သမ္မတ ဦးသိန်းစိန်၏လုပ်ဆောင်ချက်များကို ကာကွယ်ပြောဆိုသည့်နေရာတွင် ဖြစ်သည်။ ဦးသိန်းစိန်တို့ လိုလားသဘောကျမှုမရှိခဲ့သည့် လေးပွင့်ဆိုင်၊ ခြောက်ပွင့်ဆိုင်တို့နှင့်ပတ်သက်၍ ကာကွယ်ပြောဆိုခဲ့သည်။ ဦးသိန်းစိန် ဦးဆောင်မှုဖြင့် ကျင်းပခဲ့သည့် ၁၄ ပွင့်ဆိုင်၊ ၄၈ ပွင့်ဆိုင်တို့နှင့်ပတ်သက် ၍ အများ၏ကန့်ကွက်ဝေဖန်မှုများကိုလည်း ပြန်လည်တုံ့ပြန်ခဲ့သည်။ ဒေါက်တာနေဇင်လတ်ရေးသားခဲ့သည့် ဆောင်းပါးများကို ပြန်ရှာဖတ်ကြည့်လျှင် ထိုသဘောတရားများကို တွေ့နိုင်သည်။
ဦးသိန်းစိန်နှင့် လေးနှစ်တာလက်တွဲလုပ်ဆောင်ခဲ့သည့် ဒေါက်တာနေဇင်လတ်အနေဖြင့် အကြံပေးအဖြစ်မှ အနားယူလိုက်ပြီး သီးခြားပါတီတခုတည်ထောင်မည်ဟုဆိုခြင်းမှာ ဦးသိန်းစိန်နှင့်မတူညီသည့် သီးခြား နိုင်ငံရေးရည်ရွယ်ချက်တခုကြောင့်ဟု ဆိုရမလိုလိုဖြစ်နေသည်။ သို့သော် ဤသည်က ဖြစ်နိုင်ခြေ နည်းနေသည်။ ဒေါက်တာနေဇင်လတ်အနေဖြင့် ဦးသိန်းစိန်နှင့် လုံးဝလက်တွဲဖြုတ်၍ သီးခြားနိုင်ငံရေးလမ်းတလမ်းကို လျှောက်လှမ်းဖို့ဆိုသည်မှာ များစွာသံသယရှိဖွယ်ရာပင်ဖြစ်သည်။ ကံသေကံမမဟုတ်သည့်တိုင် နိုင်ငံရေးဆိုင်ရာ အကျိုးစီးပွားဆက်နွယ်မှုက ဆက်လက် ရှိကောင်းရှိနေနိုင်ပေသည်။
မင်းထင်