 |
| ထိုင်း-မြန်မာနယ်စပ် မဲဆောက်မြို့တွင် စိုက်ထူထားသော လူကုန်ကူးမှု ဆန့်ကျင်တိုက်ဖျက်ရေး ပိုစတာ ဆိုင်းဘုတ်တခု ဖြစ်ပါသည်။ (Photo: RFA) |
အခုမေလအစောပိုင်းမှာ အဲ့ဒီလူတွေကိုခေါ်လာပြီး၊ သူတို့ဆီက အဖိုးတန်ပစ္စည်းတွေ လုယက်ယူဆောင် လိုက်တဲ့အပြင် တောထဲမှာပစ်ထားခဲ့တာဖြစ်ပါတယ်။ ဒါ့အပြင် အဲဒီထဲက အသက် ၁၈ နှစ်နဲ့ ၂ဝ ကြား မြန်မာ မိန်းကလေး ၃ ယောက်ကိုလည်း လူမှောင်ခိုသမားတွေ က အဓမ္မပြုကျင့်လိုက်တယ်လို့ ဆိုပါတယ်။
ဒီအမှုအတွက် ချမ်ဖုန်တရားရုံးက လူ ၄ ယောက်ကို အလိုရှိကြောင်း ကြာသပတေးနေ့က ဖမ်းဝရမ်း ထုတ်လိုက်တဲ့အထဲမှာ အသက် ၅၂ နှစ်အရွယ်အဲ့ဒီ ရွာသူကြီးပါဝင်နေတာ ဖြစ်ပါတယ်။
အလားတူ ဆူဖန်ဘူရီခရိုင်က ကာရာအိုကေဆိုင်တစ်ဆိုင်ကို သောကြာနေ့မနက် လင်းအားကြီးအချိန်လောက်က ရဲကဝင်ရောက်စီးနင်းရှာဖွေတဲ့အခါ အသက် ၂ဝ ကနေ ၃ဝ ကြား မြန်မာအမျိုးသမီး ၁ဝ ယောက်ဝန်းကျင်နဲ့ အသက် ၁၈ နှစ်အောက် မြန်မာမိန်းကလေး ၄ ယောက်ကို ဖမ်းဆီးလိုက်ပါတယ်။ အဲ့ဒီဖြစ်ရပ်အတွက် ဆိုင်ပိုင်ရှင် ထိုင်းလူမျိုးကိုလည်း ခွင့်ပြုချက်မဲ့ ကာရာအိုကေဘားဆိုင်ဖွင့်မှု၊ ကြေးစားအမျိုးသမီးတွေထားရှိမှု၊ လူမှောင်ခိုမှုတွေနဲ့ ဖမ်းဆီးလိုက်ပါတယ်။
စစ်ဆေးတွေ့ရှိချက်အရ အဲ့ဒီအမျိုးသမီးတွေဟာ သူတို့ကိုခေါ်လာတဲ့လူကို ထိုင်းနိုင်ငံကို ခေါ်လာပေးခအဖြစ် ဘတ်ငွေ ၅ သောင်း အကြွေးဆပ်ရမှာဖြစ်တဲ့အတွက် အခုလို ပြည့်တန်ဆာအလုပ် ဝင်လုပ်နေကြတာလို့ သိရပါတယ်။
RFA Burmese
http://www.rfa.org/burmese
No comments:
Post a Comment