ရန်ကုန်မြို့ရှိ ငွေလဲကောင်တာတစ်ခုတွင် မေလ ၆ ရက်က ဒေါ်လာရောင်းဝယ်နေစဉ် (ဓာတ်ပုံ − ကျော်ဇင်သန်း)
ပြည်တွင်းပုဂ္ဂလိကဘဏ်များနှင့် ငွေလဲကောင်တာများ တွင် အမေရိကန်ဒေါ်လာနှင့် မြန် မာကျပ်ငွေလဲနှုန်းကို ပြင်ပပေါက် ဈေးအတိုင်း ရောင်းချပါက မေလ ၁၂ ရက်မှစ၍ အရေးယူမည်ဟု မြန်မာနိုင်ငံတော် ဗဟိုဘဏ်က ဘဏ်များနှင့် ငွေလဲကောင်တာ များအား မေလ ၁၁ ရက် ညနေ၌ ခေါ်ယူသတိပေးကြောင်း သတင်း ရရှိသည်။
‘‘ပုံမှန်မဟုတ်တဲ့ ဈေးမြင့် တက်မှုတွေပဲ။ ဈေးတက်မယ်လို့ ပြောပြီး ဘဏ်တွေကိုယ်တိုင် လိုက်ဝယ်လို့ ဈေးပိုတက်တာ။ ဗဟိုဘဏ်ကတော့ သတ်မှတ်ထားတဲ့အတိုင်းမရောင်းရင် နိုင်ငံခြားသုံးငွေ စီမံခန့်ခွဲမှုဥပဒေနဲ့ အ ရေးယူမှာပဲ’’ဟု မြန်မာနိုင်ငံတော် ဗဟိုဘဏ် ဒုတိယညွှန်ကြားရေးမှူးတစ်ဦးကပြောသည်။ အမေရိကန်ဒေါ်လာနှင့် မြန်မာကျပ်ငွေလဲနှုန်းကို မြန်မာနိုင်ငံတော်ဗဟိုဘဏ်က လက်ရှိအချိန်တွင် တစ်ဒေါ်လာလျှင် ၁,၀၈၀ကျပ်သာ သတ်မှတ်ထားသည်။ ၎င်း ပမာဏကို ဘဏ်များက ရှစ်ကျပ် ၀န်းကျင်သာ အတိုးအလျှော့ ပြု လုပ်၍ ရောင်းချခွင့်ပြုထားသည်။
သို့သော် တရားမ၀င်ပြင်ပ ဈေးကွက်တွင် ငွေလဲနှုန်းသည် မေလ ၁၁ ရက်၌ အမေရိကန် တစ်ဒေါ်လာလျှင် ၁,၁၃၀ ကျပ်အထိ ဈေးမြင့်တက်နေကြောင်း ငွေလဲလုပ်ငန်း လုပ်ကိုင်နေသူတစ်ဦးက ပြောကြားသည်။ ထို့ကြောင့် မြန်မာနိုင်ငံဗဟိုဘဏ်က သတ်မှတ်ပေးသောနှုန်းကို ပြည်တွင်းပုဂ္ဂလိက ဘဏ်များနှင့် ငွေလဲကောင်တာများက မလိုက်နာဘဲ ပြင်ပဈေးဖြင့် ပမာဏအနည်းငယ်ကို ထိန်း၍ ရောင်းချနေကြသည်။
‘‘ဘဏ်တွေကို အရေးယူမယ်ဆိုရင် ယာယီအရောင်းပိတ်ထားရုံပဲ’’ဟု မြန်မာ့ရှေ့ဆောင်ဘဏ်မှ တာဝန်ရှိသူတစ်ဦးက ပြောကြားသည်။
ဗဟိုဘဏ်က ထိုကဲ့သို့အရေး ယူပါက ငွေလဲနှုန်းလျှော့ချခြင်းထက် တရားမ၀င်မှောင်ခိုဈေးကွက်ကို အားပေးသကဲ့သို့ဖြစ်နိုင် ကြောင်း ငွေလဲဝန်ဆောင်မှုလုပ် ကိုင်သူများကပြောလာသည်။
မြန်မာနိုင်ငံတော်ဗဟိုဘဏ် ဥပဒေတွင် ဗဟိုဘဏ်က သတ်မှတ်သည့် ငွေရေးကြေးရေးအချိုးများကို လိုက်နာရန်ပျက်ကွက်သော မည်သည့်ပုဂ္ဂိုလ်(သို့မဟုတ်) ငွေရေးကြေးရေးအဖွဲ့အစည်းမဆို ယင်းဥပဒေပါပြဋ္ဌာန်းချက်များအရလည်းကောင်း၊ ငွေရေးကြေးရေးအဖွဲ့အစည်းများနှင့်စပ်လျဉ်းသည့် ဥပဒေများအရလည်းကောင်း စီမံခန့်ခွဲမှုဆိုင်ရာပြစ်ဒဏ်များ ကျခံရမည်ဟု အခန်း (၁၅) ပုဒ်မ ၉၇ တွင် ပြဋ္ဌာန်းထားသည်။
ငွေလဲနှုန်းသည် ၂၀၁၄ အောက်တိုဘာမှ စတင်မြင့်တက်ခဲ့သည်။ ထိုစဉ်က တစ်ဒေါ်လာလျှင် ၉၇၀ ကျပ်ခန့်ရှိခဲ့သည်။ ယင်းနောက်ပိုင်းတွင် ဈေးအနည်း ငယ် ထပ်မံ မြင့်တက်ခဲ့သည်။ ၂၀၁၅ မှစတင်၍ အမေရိကန်တစ်ဒေါ်လာ ကျပ် ၁,၀၀၀ ကျော်လာချိန်တွင် ပြည်တွင်းပုဂ္ဂလိကဘဏ်များနှင့် ငွေလဲကောင်တာများသည် အမေရိကန်ဒေါ်လာရောင်းချမှုကို ထိန်းချုပ်ပြီး အနည်းငယ် သောပမာဏသာ ရောင်းပေးနေ သည်။
ပြည်တွင်းဈေးကွက်တွင် လက်ရှိအချိန်၌ ပုဂ္ဂလိကဘဏ်များနှင့် ငွေလဲကောင်တာများသို့ ဗဟိုဘဏ်သတ်မှတ်သော နှုန်းဖြင့် ရောင်းပါက ဆုံးရှုံးမှုများစွာ ဖြစ်လာနိုင်ပြီး ဘဏ်နှင့် ငွေလဲ ကောင်တာများမှ ဒေါ်လာကိုဝယ် ပြီး ပြင်ပတွင် ပြန်လည်ရောင်းချသည့်ဈေးကွက်တစ်ခုလည်း ဖြစ် လာမည်ကို ငွေလဲ ၀န်ဆောင်မှု လုပ်ကိုင်နေသူများက စိုးရိမ်နေသည်။
လက်ရှိအချိန်တွင် အမေရိကန်ဒေါ်လာလိုအပ်ချက်သည် ပြည်တွင်း၌ ကြီးမားနေသည်။ သွင်းကုန်များအတွက် ငွေပေးချေ မှုများ၊ နိုင်ငံခြားဖုန်းအော်ပရေတာများမှ အမေရိကန်ဒေါ်လာ ၀ယ်ယူမှုများနေပြီး နယ်စပ်မှ တရားမ၀င်ငွေများ ဈေးကွက်သို့ အ၀င်နည်းနေသဖြင့် ပြည်တွင်း၌ နိုင်ငံခြားငွေနည်းပြီး တန်ဖိုးတက်နေခြင်းဟု စက်မှုဇုန်ဥက္ကဋ္ဌတစ်ဦးက ပြောကြားသည်။
No comments:
Post a Comment