 |
| ရေဆိုးရေညစ်တွေကြောင့် မန္တလေးမြို့ အမရပူရမြို့နယ် တောင်သမာန်အင်းမှာ ဧပြီလ ၃ဝ ရက်နေ့က ငါးတွေအစုလိုက်အပြုံလိုက် ဒုတိယအကြိမ်မြောက် သေဆုံးစဉ်။ Photo: Nay Thwae/RFA |
စက်ရုံတွေက ထုတ်လွှတ်တဲ့ အညစ်အကြေးတွေကြောင့် တောင်သမန်အင်းရေ ညစ်ညမ်းပြီး ငါးတွေအမြောက်အများ သေဆုံးခဲ့ပြီးတဲ့နောက် မန္တလေးစည်ပင်သာယာက အဲဒီစက်ရုံတွေကို မေလ ၂ ရက်နေ့က လုပ်ငန်းတွေဆိုင်းငံ့ထားဖို့ မေလ ၂ ရက်နေ့က အမိန့်ထုတ်ခဲ့ပါတယ်။
စက်ရုံတွေဟာ ညွှန်ကြားချက်တွေအတိုင်း မလိုက်နာဘဲ စည်းကမ်းချိုးဖေါက်ခဲ့ကြတဲ့အတွက် လုပ်ငန်းတွေ ဆိုင်းငံ့လိုက်တာဖြစ်တယ်လို့လည်းပြောပါတယ်။
တောင်သမန်အင်းဟာ မန္တလေးမြို့ရဲ့ သမိုင်းဝင် ထင်ရှားတဲ့နေရာတစ်ခုဖြစ်ပြီး၊ နိုင်ငံခြားခရီးသွားတွေ အလာများပါတယ်။ ပြီးခဲ့တဲ့နှစ်က မန္တလေးမြို့ကို နိုင်ငံခြားခရီးသွားဦးရေ လေးသိန်းခြောက်သောင်းကျော် လာရောက်ခဲ့ပါတယ်။
ဒီအတွင်း ဂျပန်နိုင်ငံ ကူဘိုတာကုမ္ပဏီက ရေဆိုးရေညစ်သန့်စင် စက်ရုံတစ်ရုံကို ရန်ကုန်တိုင်း သံလျင် သီလာဝါစက်မှုဇုန်မှာ တည်ဆောက်တော့မယ်လို့ သိရပါတယ်။
စက်ရုံတွေက စွန့်ပစ်လို့ထွက်လာမယ့် ရေတွေကိုသိုလှောင်ပြီး၊ ပြန်လည်သန့်စင်တဲ့ စက်ရုံတည်ထောင်မှာဖြစ်ပါတယ်။ စက်ရုံကို အောက်တိုဘာလမှာ စတင်တည်ဆောက်မယ်လို့ဆိုပါတယ်။
RFA Burmese
http://www.rfa.org/burmese
No comments:
Post a Comment