ယခုနှစ် တက္ကသိုလ်ဝင်တန်းဖြေဆိုထားသော ကျောင်းသား၊ ကျောင်းသူများအတွက် စိတ်ကြိုက်ရွေး ချယ်လျှောက်ထားခွင့်ရှိသော ဝင်ခွင့်များကို ပညာရေးဝန်ကြီးဌာနမှ အကောင်အထည်ဖော်ရန် စီစဉ် လျက်ရှိနေသည်။ ယင်းအတွက်ကြောင့် လုပ်ဆောင်မည့် လုပ်ငန်းစဉ်များနှင့် ပတ်သက်ပြီး မန္တလေး တက္ကသိုလ်ပါမောက္ခချုပ် ဒေါက်တာမောင်သင်းနှင့် တွေ့ဆုံမေးမြန်းဖော်ပြလိုက်ရပါသည်။
မေး။ ။ ယခုနှစ်မှာ ဖွင့်လှစ်မယ့် တက္ကသိုလ်ပညာသင်နှစ်ရဲ့ ဝင်ခွင့်တွေကို တက္ကသိုလ်ဝင်တန်းရမှတ် နဲ့ မဆုံးဖြတ်တော့ဘဲ တက္ကသိုလ်အလိုက်ရွေးချယ်တဲ့ဝင်ခွင့်တွေနဲ့ ခေါ်ယူတော့မယ်လို့ကြားသိရပါ တယ်။ အဲဒီအတွက် တက္ကသိုလ်အလိုက်ခေါ်ယူမယ့် ဝင်ခွင့်တွေနဲ့ပတ်သက်ပြီး တက္ကသိုလ်တွေနဲ့ပညာ ရေးဝန်ကြီးဌာနတို့ ဆောင်ရွက်ထားမှုအခြေအနေကို သိချင်ပါတယ်။
ဖြေ။ ။ ဒီကိစ္စနဲ့ပတ်သက်ပြီး တို့တစ်တွေဆီက သဘောထားတွေတော့ တောင်းထားတယ်။ အဲဒီအ ကြံဉာဏ်တွေအားလုံး စုပေါင်းပြီးတော့ဆွေးနွေးမှ ရလဒ်ကဒီလိုရှိပါတယ်ဆိုပြီးတော့ ပြောလို့ရမှာပါ။ လက်ရှိမှာ ပညာရေးဝန်ကြီးဌာနကကျောင်းတွေမှာ ဘယ်လိုပုံစံမျိုး ကျင့်သုံးချင်လဲဆိုတဲ့ သဘောထား တွေတော့ တောင်းထားတယ်။ တောင်းထားတာတွေနဲ့ပတ်သက်ပြီး ဆွေးနွေးဖို့မအားကြသေးတော့ ညှိ နှိုင်းဆွေးနွေးတာတွေ ဘာမှမလုပ်နိုင်ကြသေးဘူး။
မေး။ ။ မန္တလေးတက္ကသိုလ်အနေနဲ့ရော ဒီလိုဝင်ခွင့်ပုံစံမျိုးပြောင်းလဲဖို့ အဆင့်သင့်ဖြစ်နေပြီလားခင် ဗျာ။ ဘာတွေများပြင်ဆင်ထားပြီးသွားပြီလဲ။ မန္တလေးတက္ကသိုလ်အနေနဲ့ ဘယ်လိုပုံစံမျိုးခေါ်ချင်ပါသ လဲ။
ဖြေ။ ။ တို့တက္ကသိုလ်ကတော့ လူဘယ်လောက်ခေါ်မယ်ဆိုတာကိုပဲ သတ်မှတ်နိုင်သေးတယ်။ ဘယ်လိုမျိုးပုံစံတွေနဲ့ သတ်မှတ်ရမယ်ဆိုတာကိုတော့ မသတ်မှတ်နိုင်သေးပါဘူး။ ဆက်လက်တင်ပြပါ မယ်ဆိုပြီးပဲ လုပ်ထားသေးတယ်။ မန္တလေးတက္ကသိုလ်အနေနဲ့ ကျောင်းသားကနည်းတယ်။ ကျောင်း သားဘယ်လောက်ခေါ်မလဲဆိုတာတော့ စီစဉ်ထားတယ်။ လွန်ခဲ့တဲ့နှစ်တွေကတော့ ဘွဲ့ကြိုကျောင်း သားယောက်ျားလေး ၅၀၊ မိန်းကလေး ၅၀ စီခေါ်တာပေါ့။ နောက်နှစ်တော့ နည်းနည်းတိုးခေါ်ဖို့ စိတ် ကူးထားတယ်။ ဆရာတို့တက္ကသိုလ်ကအရင်က ဘွဲ့ကြိုသင်တန်းကျောင်းသားက တစ်သောင်းကျော် လောက်အထိရှိခဲ့တယ်။ အခုကလေးထောင်လောက်ပဲရှိတော့တယ်။
မေး။ ။ ကျွန်တော်တို့နိုင်ငံက တက္ကသိုလ်တွေရဲ့ ဝင်ခွင့်ပြောင်းလဲတာကို ဘယ်နိုင်ငံတွေရဲ့ ပုံစံတွေ ကိုယူပြီး အနီးစပ်ဆုံးဖြစ်အောင် သတ်မှတ်မှာမျိုးရှိလား။ ဒါမှမဟုတ်ကိုယ့်အစီအစဉ်တွေနဲ့ ကိုယ်သတ် မှတ်ကြတာလားဆိုတာကို သိချင်ပါသလဲ။
ဖြေ။ ။ ကိုယ့်တိုင်းပြည်အခြေအနေအရ နိုင်ငံတကာတက္ကသိုလ်တွေ နည်းလမ်းအတိုင်းတော့ လုပ်လို့မရနိုင်သေးဘူး။ သူတို့ဆီက ကောင်းတဲ့စနစ်တွေကိုယူကြမယ်။ ကိုယ့်တိုင်းပြည်အခြေအနေနဲ့ လိုက်လျောညီထွေဖြစ်အောင် ကျင့်သုံးနိုင်မလဲဆိုတာ စဉ်းစားကြရမှာပေါ့။ နိုင်ငံတကာနည်းလမ်းတွေ အတိုင်းတော့ အခြေခံရမှာပါ။ ဝင်ခွင့်လုပ်တယ်ဆိုကတည်းက နိုင်ငံတကာရဲ့ ပုံစံသဘောတရားလို လုပ်ကြတာပါ။ ရွေးချယ်ပုံစနစ်ကတော့ ကိုယ့်တိုင်းပြည်ကိုယ့်တက္ကသိုလ်အခြေအနေနဲ့ ဘယ်လိုလုပ် သင့်လုပ်ထိုက်လဲဆိုတာ ဆုံးဖြတ်ရမှာပါ။ နိုင်ငံတကာနည်းအားလုံးကိုလဲ အတုမခိုးဘူး။ လက်ရှိအခြေ အနေအရ ဆရာတို့တက္ကသိုလ်တွေကိုယ်တိုင်ကလဲ နိုင်ငံတကာတက္ကသိုလ်တွေပုံစံမဟုတ်သေးတော့ ကြားကာလမှာ နိုင်ငံတကာပုံသဏ္ဌာန်တွေကို ဆရာတို့ဆီက ကျောင်းအခြေအနေနဲ့ ကိုက်ညီမယ့် အခြေအနေနဲ့ ပြောင်းကြရမှာပေါ့။
မေး။ ။ တက္ကသိုလ်ဝင်ခွင့်ပြောင်းပြီဆိုရင် တက္ကသိုလ်တွေ၊ ကျောင်းသားတွေက ဘယ်လိုအခက်အခဲ မျိုးတွေတွေ့နိုင်လဲ။ တွေ့လာမယ့်အခက်အခဲတွေအတွက်ရော ဆရာတို့ဘက်က ဘယ်လိုတွေပြင် ဆင်ဆောင်ရွက်ထားပါသလဲ။
ဖြေ။ ။ အရင်တုန်းက ဝင်ခွင့်ပုံစံကိုလုပ်ခဲ့ကြသေးတယ်။ စိုက်ပျိုးရေးနဲ့သစ်တောတက္ကသိုလ်တွေက အခုလုပ်မယ့်အနေအထားမျိုး လုပ်ခဲ့သေးတယ်။ အဲဒီတုန်းကတော့ အခက်အခဲဆိုတာမျိုးမရှိခဲ့ကြဘူး။ နောက်တစ်ခုက စစ်တက္ကသိုလ်ကထွက်ရင် ဘယ်တက္ကသိုလ်လျှောက်ထားခွင့်ရှိသည်ဆိုပြီး လုပ်ထား တယ်။ အဲဒီလိုတော့ ဆောင်ရွက်ထားရမှာပါ။ ဆိုလိုတာက ဆရာ့ကျောင်းက ၇၅ ယောက်ပဲလက်ခံ မယ်။ ၁၀၀ လာလျှောက်ရင် ပိုတဲ့ကျောင်းသားတွေအတွက် ဘယ်နေရာတွေမှာထပ်ပြီး လျှောက်ထား ခွင့်ရှိတယ်ဆိုတာမျိုးတွေတော့ လုပ်ထားရမှာပါ။ တက္ကသိုလ်ပေါင်း ၁၆၉ ခုပါဝင်ညှိနှိုင်းပြီး ဆုံးဖြတ်ရ မယ့်အနေအထားတွေ ရှိနေသေးတယ်။ ဆေးတက္ကသိုလ်လျှောက်ထားခဲ့ပြီး မရတဲ့ကျောင်းသားတစ် ယောက်က ပညာသင်နှစ်တစ်ခုမဆုံးရှုံးရအောင် တို့တစ်တွေ အဓိကဦးစားပေးဆောင်ရွက်ရမှာပါ။ ကျောင်းသားတစ်ယောက်ကို ဘယ်ကျောင်းမှ လက်မခံဘူးဆိုတဲ့ပုံစံတော့ မဖြစ်စေရဘူးပေါ့။ အဲဒါက အဓိကအကြီးကျယ်ဆုံးပြဿနာဖြစ်တဲ့အတွက် အသေးစိတ်တော့ မလုပ်ကြရသေးဘူး။
မေး။ ။ ကျွန်တော်နားလည်ထားတာတစ်ခုက တက္ကသိုလ်တွေရဲ့ ဝင်ခွင့်တွေကို ပြောင်းလဲသတ်မှတ် မယ်ဆိုရင် တက္ကသိုလ်တွေက ကိုယ်ပိုင်စီမံခန့်ခွဲခွင့်ရရှိဖို့ လိုအပ်တယ်လို့ နားလည်ထားပါတယ်။ ဒါ ကြောင့် လက်ရှိမှာဆရာတို့တက္ကသိုလ်တွေအနေနဲ့ ကိုယ်ပိုင်စီမံခန့်ခွဲခွင့် ဘယ်လောက်အထိ ရရှိနေပြီ လဲ။
ဖြေ။ ။ ကိုယ်ပိုင်စီမံခန့်ခွဲခွင့်ဆိုတဲ့နေရာမှာ လေးမျိုးရှိတယ်။ (တစ်) ကပညာရပ်ဆိုင်ရာ ကိုယ်ပိုင်စီမံ ခန့်ခွဲလွတ်လပ်ခွင့်၊ (နှစ်)က ငွေကြေးရန်ပုံငွေ၊ နောက်တစ်ခုက ဝန်ထမ်းဖွဲ့စည်းပုံ၊ နောက်ဆုံးတစ်ခုက ကျောင်းတစ်ခုလုံးရဲ့ဖွဲ့စည်းပုံပေါ့။ အဲဒီလေးမျိုးထဲက ပညာရပ်ဆိုင်ရာ ကိုယ်ပိုင်စီမံလွတ်လပ်ခွင့်က အခုဒီအစိုးရလက်ထက်မှာ တဖြည်းဖြည်းလျှော့ချပေးလာတယ်။ ဒါကြောင့်ကိုယ့်ကျောင်းနဲ့ကိုယ် စီမံ ခန့်ခွဲရတာ တော်တော်များများတော့ ပေးထားပြီးပြီ။ ဥပမာ-ပညာတော်သင်မှာ ဟိုတုန်းကမျိုးစုံခွင့်ပြု ချက်တွေ တောင်းရတာ။ အခုကျတော့ တက္ကသိုလ်ပညာရေးအဖွဲ့ကခွင့်ပြုရင် ကျန်တဲ့အဖွဲ့အစည်း တွေက ကန့်ကွက်ခြင်းတွေမရှိတော့ဘူး။ အထက်ကလဲ မကန့်ကွက်တော့ဘူး။ အဲဒီလောက်အထိပေး ထားတယ်။ ဒါကြောင့် ပညာရေးဆိုင်ရာကိစ္စမှာ အပြည့်မဟုတ်တောင် အားလုံးနီးပါး ဆရာတို့လက်ထဲ ရောက်နေပြီ။ နောက်ဆုံးအဆင့်ကတော့ ဒီဝင်ခွင့်တွေကို ဘယ်လိုပြောင်းရမလဲဆိုတာကိုပါ အပ်နှင်း တော့မယ်ဆိုတဲ့သဘောပေါ့။
မေး။ ။ အခြားသောနိုင်ငံတွေက ကျောင်းသားတွေက တက္ကသိုလ်မတက်ရောက်ခင်ကတည်းက သူတို့ဘာဝါသနာပါလဲ၊ ဘယ်ဘာသာရပ်ကိုယူရင် သူနဲ့သင့်တော်တယ်ဆိုတာကို ဆုံးဖြတ်နိုင်ကြတယ် လို့ကြားဖူးပါတယ်။ ကျွန်တော်တို့ဆီက ကျောင်းသားတွေကတော့ ဒီလိုအခြေအနေမျိုးကိုဆုံးဖြတ်ဖို့ အနည်းငယ်အားနည်းမှုတွေရှိတယ်လို့လဲ သိရပါတယ်။ ဒါကြောင့် ဆရာတို့အနေနဲ့ရော ဘယ်လိုပြင် ဆင် ပေးမယ်လို့ ရည်ရွယ်ထားပါသလဲ။
ဖြေ။ ။ ဒီကိစ္စက တက္ကသိုလ်ရောက်မှပြင်လို့မရဘူး။ အခြေခံမှာကတည်းက ပြင်မှရမယ်။ ထိုင်းမှာဆို ရင် အထက်တန်းစာမေးပွဲပြီးတယ်ဆိုတာနဲ့ တက္ကသိုလ်တွေကို သွားလည်ကြတယ်။ တက္ကသိုလ်တွေ မှာ ဘာသုတေသနတွေလုပ်တယ်။ ဘယ်လိုပညာတွေ သင်နေတယ်ဆိုတာ လေ့လာစုံစမ်းကြတယ်။ တက္ကသိုလ်တွေကလဲ သူတို့ကိုဌာနတွေနဲ့ မိတ်ဆက်ပေးကြတယ်။ သူတို့ပါဝင်နိုင်တဲ့ လုပ်ငန်းတွေနဲ့ မိတ်ဆက်ပေးကြတယ်။ တို့ဆီမှာတော့ စစချင်းတော့မလုပ်နိုင်သေးဘူး။ နောက်နောင်တော့ပါလာမှာ ပေါ့။
မေး။ ။ တက္ကသိုလ်ဝင်ခွင့်တွေနဲ့ပတ်သက်ပြီး ဆရာနောက်ဆုံးပြောချင်တာများရှိရင် ပြောပေးပါခင် ဗျာ။
ဖြေ။ ။ တက္ကသိုလ်ဝင်ခွင့်တွေကိုသွားရင် နိုင်ငံတကာအဆင့်ပုံစံတွေနဲ့ သွားကြရမှာဖြစ်ပါတယ်။ ဒါကြောင့်ဝင်ခွင့်တွေကို ပြောင်းကိုပြောင်းလဲရမှာဖြစ်ပါတယ်။ အမျိုးသားပညာရေးဥပဒေမှာလဲ ဒါနဲ့ ပတ်သက်ပြီးပြဋ္ဌာန်းထားတယ်။ ဒါကြောင့်နိုင်ငံတကာပုံစံတွေနဲ့အညီဖြစ်အောင် ဝင်ခွင့်တွေကိုပြောင်း လဲကြမယ်။ အကောင်အထည်ဖော်ကြပါမယ်လို့ ပြောချင်ပါတယ်။ ။
Democracy Today Daily
No comments:
Post a Comment