မေ ၅ ရက် မနက်ခင်း ၁၁ နာရီခွဲအချိန်က ချင်းမိုင်မြို့ ကန်းကနုတ် -၁၉ စီမံကိန်းအိမ်ရာမှာ ကိုယ်ဝန်ဆောင်အမျိုးသမီးတဦး သေဆုံးကြောင်း အကြောင်းကြားချက်အရ သွားရောက်စစ်ဆေးရာမှာ မဲ့ခါချောင်းထဲက ပိန်းပင်တွေကြား အသက် ၂၀ ကျော်ရွယ် ကိုယ်ဝန်ဆောင်အမျိုးသမီး သေဆုံးနေတာ တွေ့ရတယ်လို့ ချင်းမိုင်မြို့မရဲစခန်း တာဝန်ကျ ဒုရဲမှူး ဆူဝစ် ဗန်ယိုက သတင်းထောက်တွေကို ပြောပါတယ်။
အလောင်းမှာ ခုခံတိုက်ခိုက်ရာတွေ မရှိဘဲ အနီးနားဓာတ်တိုင်ကနေ တန်းလန်းကျနေတဲ့ မီးကြိုး ၂ ချောင်းရှိပြီး တချောင်းမှာ ပေါက်ပြဲနေတဲ့အတွက် ဓာတ်လိုက်သေဆုံးတာ ဖြစ်နိုင်တယ်လို့ ဒုရဲမှူးက ပြောပါတယ်။
ဆက်လက်စစ်ဆေးချက်အရ သေဆုံးသူအမျိုးသမီးဟာ အသက် ၂၁ နှစ်ရှိ မြန်မာအလုပ်သမား မအေး ဆိုသူဖြစ်ပြီး ကိုယ်ဝန် ၈ လရှိကြောင်း၊ မျက်မြင်သက်သေတွေ ပြောပြချက်အရ ဒီမတိုင်ခင် မေလ ၄ ရက် နေ့ခင်းပိုင်းက ဟင်းရှာထွက်မယ်ဆိုပြီး ပျောက်ဆုံးနေတာလို့ ဆိုပါတယ်။
ခင်ပွန်းဖြစ်သူ ကိုဒေးဗစ်မှာ ဆောက်လုပ်ရေး လုပ်ငန်းခွင်မှအပြန် ဇနီးဖြစ်သူကို မတွေ့ရတဲ့အတွက် တညလုံးရှာဖွေပေမယ့် မတွေ့ခဲ့ကြောင်း၊ မေ ၅ ရက် မနက်ပိုင်းမှာ ဆောက်လက်စတိုက် ဒုတိယထပ်မှာ မှန်သုတ်နေတဲ့ အလုပ်သမားတဦးက ရေမြောင်းနားမှာ လဲကျနေတဲ့ မအေးကို အပေါ်ကနေ လှမ်းမြင်ခဲ့တာလို့ ဆိုပါတယ်။
မအေးရဲ့ အလောင်းကို လိုအပ်သလို ဆက်လက်စစ်ဆေးဖို့အတွက် တာဝန်ရှိသူတွေက ချင်းမိုင်မဟာရတ်ခ်ျဆေးရုံကို သယ်ဆောင်သွားတယ်လို့ ထိုင်းသတင်းမှာ ဖော်ပြသွားပါတယ်။
ကိုးကား ထိုင်းသတင်းများ – ထိုင်းသတင်းဌာန၊ ခေါဝ်ဆွတ်သတင်းဌာန ၊ ချင်းမိုင်နယူးစ်
By ဒီဗွီဘီ
http://burmese.dvb.no
No comments:
Post a Comment