မေ ၉ ရက် ထိုင်းနိုင်ငံ ဖုတ်ဖရ မြို့နယ် အုန်းဖန် ၃၁ ကီလိုမီတာ လမ်းပေါ်မှာ ကားတိုက်မှု ဖြစ်ပွားပြီး မြန်မာ အလုပ်သမား ၁၀ ယောက်ကျော် ဒဏ်ရာရခဲ့ပါတယ်။
မြန်မာ အလုပ်သမား ၁၃ ဦးကို တင်တာလာတဲ့ ဟိုင်းလတ်ကား အပြာရောင်ဟာ ခြံထဲကနေထွက်လမ်းဖြတ်အကူးမှာ တဖက်က အီဆူဆူးပစ်ကပ် ကားနဲ့ ၀င်တိုက်မိတာ ဖြစ်ပါတယ်။
“ကျနော်ကားကထွက်လာပြီ လမ်းကလည်းရှင်းနေတယ်၊ စိတ်ထဲကနေ ကားမလာဘူးဆုိုပြီး ထွက်လာတာ၊ လမ်းအလယ်လဲရောက်တော့ ဟိုဘက်မှာလာနေတာကို လှမ်းမြင်လုိုက်တယ်။ သူဘရိုတ်နင်းလုိုက်တယ်။ ဒါပေမယ့်မထင်မှတ်ဘဲ ဒီလုိုဖြစ်ပါတယ်” လို့ ကားမောင်း သမား တဦးက ပြောပါတယ်။
အီဆူဆူး ပစ်ကပ် ကားက အဝေးကနေ အရှိန်နဲ့ ဖြတ်တိုက်လိုက်တာကြောင့် လိုက်ပါလာတဲ့ အလုပ်သမား ၁၃ ဦးစလုံး လွင့်စင့်ကြခဲ့ပြီး တချို့ အလုပ်သမားတွေ ဒဏ်ရာ ပြင်းထန်ခဲ့ပါတယ်။
ချက်ချင်းပဲ ကယ်ဆယ်ရေး ယာဉ်တွေနဲ့ ရဲတပ်ဖွဲ့ဝင်တွေရောက်လာပြီး လူနာတွေကို ဆေးရုံပို့နိုင်အောင် အမြန်ဆုံး ဆောင်ရွက်ခဲ့ကြပါတယ်။
ကားမောင်းသမား ၂ ဦးကိုတော့ သက်ဆိုင်ရာ ထိုင်းအာဏာပိုင်တွေက ဖုတ်ဖရ ရဲစခန်းကို ခေါ်ဆောင်သွားပြီး ဥပဒေနဲ့အညီ ဆက်လက် စစ်ဆေးမှုတွေ ပြုလုပ်နေပါတယ်။
By ဒီဗွီဘီ
http://burmese.dvb.no
No comments:
Post a Comment