 |
| ကယ်ဆယ်ခံရတဲ့ ဒုက္ခသည် တစ်ထောင်လောက် အင်ဒိုနီးရှား နိုင်ငံ၊ အာချေကို ရောက်ရှိခဲ့။ |
လူမှောင်ခိုမှုတွေကို ထိုင်းနိုင်ငံမှာ မကြာသေးခင်က စတင် တိုက်ဖျက် နှိမ်နင်းနေတာကြောင့် လူမှောင်ခိုသမားတွေက သူတို့ ခေါ်လာတဲ့ လူတွေကို ကမ်းပေါ် ခေါ်ယူဖို့ တွန့်ဆုတ်နေတဲ့အတွက် လူပေါင်း ၈ ထောင်လောက် ပင်လယ်ပြင်ထဲက လှေတွေပေါ်မှာ ပိတ်မိနေကြတယ်လို့ IOM ပြောခွင့်ရသူက ပြောပါတယ်။
ဒီကနေ့ တနင်္လာနေ့မှာတော့ မလေးရှား နိုင်ငံ၊ အနောက်မြောက်ပိုင်းက လန်ကာဝီ ကျွန်းကို ဒုက္ခသည် တစ်ထောင်လောက် ရောက်လာခဲ့ကြတယ်လို့ မလေးရှား ရဲတွေက ပြောပါတယ်။
လွန်ခဲ့တဲ့ ၂ ရက်ကလည်း ရိုဟင်ဂျာလို့ ယူဆရတဲ့ ရွှေ့ပြောင်း ဝင်ရောက်လာသူ တစ်ထောင်လောက် အင်ဒိုနီးရှား နိုင်ငံ၊ အာချေ ဒေသကို ရောက်လာခဲ့ကြပါတယ်။
မြန်မာနဲ့ ဘင်္ဂလားဒေ့ရှ် နိုင်ငံတို့ကနေ အခုနှစ် ပထမ သုံးလအတွင်း လှေတွေနဲ့ ထွက်ပြေးလာသူ အရေအတွက်ဟာ မနှစ်က အလားတူ အချိန်အတွင်း ထွက်ပြေးခဲ့ကြသူ ဦးရေထက် နှစ်ဆ ရှိတယ်လို့ UNHCR ကုလသမဂ္ဂ ဒုက္ခသည်များဆိုင်ရာ အေဂျင်စီက ပြောပါတယ်။
BBC Burmese
http://www.bbc.com/burmese
No comments:
Post a Comment