 |
| KIO ခေါင်းဆောင်တွေ နေပြည်တော်မှာ ဆွေးနွေးခဲ့ |
အခုလို အရေး တကြီး တွေ့ဆုံတာ ဟာ ပုံမှန် တလတကြိမ် တွေ့တာ အပြင် ဧပြီ ၁၈၊ ၁၉၊ ၂ဝ က အစိုးရနဲ့ ကေအိုင်အေ လက်အောက်ခံ တပ် တွေ ကြား ဖြစ်ပွားတဲ့ ကိစ္စ တွေ အတွက် ဆွေးနွေးခဲ့တာလို့ PCG က တာဝန်ရှိသူ ဦး လမိုင်ဂွမ်ဂျာ က ပြောပါတယ်။
တပ်မဟာ ၂ လက်အောက်ခံ တပ်ရင်း ၆ ၊ ၁၄ တွေနဲ့ ကေအိုင်အေ ကြား နယ်နိမိတ် ချောင်း ဖြတ်သန်းမှု အငြင်းပွား ခဲ့လို့ ဒီကိစ္စ ပြေလည်အောင် အောက်ခြေ အထိ သွားရောက် ကြည့်ရှု ဖို့ ဒီအစည်းအဝေး က သဘောတူ ခဲ့ပါတယ်။
ဘယ်နေ့ သွားမယ် ဆိုတာ မဆုံးဖြတ် ရသေး ပေမယ့် တရက် ၂ ရက် အတွင်း ဖြစ်နိုင်တယ်လို့ ဦး လမိုင်ဂွမ်ဂျာ က ပြောပါတယ်။
၁၉၉ဝ ကျော်က အပစ်အခတ် ရပ်စဲတုန်းက နယ်နိမိတ် သတ်မှတ်ချက် ရှိခဲ့ပေမယ့် ၂ဝ၁၁ မှာ တိုက်ပွဲတွေ ပြန်ဖြစ်ပြီး နောက် ဒီလို နယ်နိမိတ် အငြင်းပွား တဲ့ ပဋိပက္ခတွေ ၂ ဘက် လက်နက်ကိုင် တွေကြား မကြာခဏ ဖြစ်ခဲ့ဖူးတယ် လို့ သိရပါတယ်။
BBC Burmese
http://www.bbc.com/burmese
No comments:
Post a Comment