 |
| သာယာဝတီထောင်မှာ ဖမ်းဆီးထားတဲ့ ကျောင်းသားတွေနဲ့ ကူညီသူတွေကို လက်ပံတန်းမြို့နယ် တရားရုံးမှာ ဧပြီလ ၂၃ ရက်နေ့က ၄ ကြိမ်မြောက် ရုံးထုတ်ခဲ့စဉ်။ Photo: Kyaw Zaw Win/RFA |
လာမယ့် ဧပြီလ ၃၀ရက်နေ့ကစပြီး သာယာဝတီမြို့နယ် တရားရုံးမှာ ပြောင်းရွှေ့စစ်ဆေးမှာဖြစ်ကြောင်း ဒီနေ့ ရုံးထုတ်မှာ ကြေညာလိုက်တယ်လို့ ဖမ်းဆီးခံထားရ သူတွေရဲ့ အမှုကိုလိုက်ပါကူညီပေးမယ့် တရား လွှတ်တော် ရှေ့နေ ဦးရောဘတ်စန်းအောင်က ပြော ပါတယ်။
"လုံခြုံရေးအခြေအနေအရ ရုံးပြောင်းလျှောက်တဲ့ အတွက် သာယာဝတီမြို့နယ် တရားရုံးကို ပြောင်းရွှေ့ လိုက်တယ်၊ နောက်တစ်ပတ် ၃ဝ ရက်နေ့လို့ ယူဆ ရတယ်၊ အဲ့နေ့ သာယာဝတီမှာ အမှုဆိုင်ရတော့မယ်၊ သူတို့က လက်ပံတန်း တာဆုံကနေ ဒီထဲဝင်ရတဲ့အကွာ အဝေးရယ်၊ ဖြတ်သန်းရတဲ့ လူနေရပ်ကွက်တွေရယ် အနီးနားမှာ ပြည်သူလူထုဝန်းရံမှုက အင်အားများလာတဲ့ အခါကျတော့ သူတို့လုံခြုံရေးအရ စိုးရိမ်မှုတွေရှိလာတယ်၊ အဲ့ဒါကြောင့်ပါ"
ပြီးခဲ့တဲ့ မတ်လ ၁၀ရက်နေ့က လက်ပံတန်းမြို့နယ်မှာ အမျိုးသားပညာရေး ဥပဒေကို သပိတ်မှောက်တဲ့ ကျောင်း သားကျောင်းသူတွေနဲ့ ၀န်းရံသူတွေကို အင်အားသုံးရိုက်နှက်ဖမ်းဆီးခဲ့ပြီး စုစုပေါင်း ၁၂၇ ဦးကို သာယာဝတီ အကျဉ်းထောင်မှာ ဖမ်းဆီးထိန်းသိမ်းထားတာ ဖြစ်ပါတယ်။
အဲဒီအထဲက လက်ရှိကျောင်းတက်နေသူ ကျောင်းသူကျောင်းသားတွေနဲ့ လက်ပံတန်းမြို့ခံတွေအပြင် သတင်းမီဒီယာသမား ၂ဦး စုစုပေါင်း ၅၀ကို ပြီးခဲ့တဲ့ မတ်လအတွင်းက လွှတ်ပေးခဲ့ပါတယ်။
ဖမ်းဆီးခံထားရသူတွေထဲက မဖြိုးဖြိုးအောင်၊ ကိုနန္ဒာစစ်အောင်နဲ့ ကိုဖြိုးဓနတို့ကို ဗိုလ်တထောင်မြို့နယ်နဲ့ ပန်းဘဲတန်းမြို့နယ် ရဲစခန်းတို့ကလည်း တရားမ၀င် စီတန်းလှည့်လည်မှုဆိုင်ရာ ပုဒ်မ ၁၈ နဲ့ ထပ်တိုးအမှုဖွင့်ထားပါတယ်။
လက်ရှိ သာယာဝတီအကျဉ်းထောင်ထဲကို ခြင်ထောင်ပို့ခွင့်မပြုတာကြောင့် ဖမ်းခံထားရသူတွေဟာ အရေပြားယားယံတဲ့ဝေဒနာတွေ ခံစားနေရတယ်လို့ ပြောပါတယ်။ သာယာဝတီအကျဉ်းထောင်မှာ ဖမ်းဆီးခံထားရသူ ၇၀ ရှိနေပါတယ်။
RFA Burmese
http://www.rfa.org/burmeseဘယ်တော့မှ အဆုံးမသတ်တဲ့ောာ်လှန်ရေး
No comments:
Post a Comment