 |
| ပန်းချီပညာရှင် ဆန်းဇော်ထွေး ရေးသားတဲ့ နှစ်သစ်ဦးကျိန်စာ ကို တွေ့ရစဉ်။ Photo: San Zaw Htway( Facebook ) |
နှစ်သစ်ဦးကျိန်စာကို ဘာရည်ရွယ်ချက်နဲ့ ရေးသားတာလဲဆိုတာကို မေးမြန်းပြီး ထွက်ဆိုချက်တွေကို အထက်ကိုတင်ပြမှာဖြစ်ကြောင်း ရဲမှူးတွေကပြောတယ်လို့ မနေ့ညက လွတ်မြောက်လာတဲ့ ကိုဆန်းဇော်ထွေး က ပြောပါတယ်။
"ကျနော်ရေးခဲ့တဲ့ကျိန်စာနဲ့ ပတ်သက်ပြီးတော့ ဘာလို့လုပ်တာလဲ၊ ဘယ်လိုရည်ရွယ် ချက်လဲ၊ အဲ့လိုမျိုးတွေမေးတယ်၊ သူတို့နဲနဲပိုပြီးသိချင်တာက ဒါဟာ အောက်လမ်းလုပ်တာလား၊ အထက်လမ်းလုပ်တာလား၊ ယတြာလုပ်တာလား၊ သူတို့ပြောတာက အထက်ကိုတင်မယ်လို့ပြောတယ်၊ လူကြီးတွေက မင်္ဂလာယူနေတဲ့အချိန်မှာ မင်းရဲ့ကျိန်စာဆိုတာကိုတွေ့သွားတော့ သူတို့ကစိတ်အနှောက်အယှက်ဖြစ်သွား တယ်တဲ့၊ အဲ့တော့ငါတို့က အရေးမယူ လို့မရတော့ဘူးတဲ့၊ ခံဝန်ကတော့ သူတို့ လိုအပ်လို့ပြန်ခေါ်တဲ့အချိန်မှာ လိုက်ပြီးတော့ဖြေရှင်းပေးပါ့မယ်ဆိုတဲ့ဟာမျိုး ခံဝန် ထိုးခဲ့ရတယ်၊ အမှုဖွင့်ဖို့ကိုလည်း သူတို့ကမပြောဘူး၊ သူတို့ကိုယ်တိုင်လည်း အထက်က လုပ်ခိုင်းတဲ့အတွက်ကြောင့် အထက်ကဘာပြန်ပြောဦး မလဲမသိဘူးဆိုပြီးတော့ဘဲ ကျနော့် စစ်ချက်ကိုသူတို့ဖက်စ်နဲ့ ပို့တယ်လို့ပြောတယ်"
ကိုဆန်းဇော်ထွေးဟာ ဒီလ ၁၃ ရက်နေ့ သင်္ကြန်အကြိုနေ့ကစပြီး သူ့ရဲ့နေအိမ်ရှေ့မှာ နှစ်သစ်ဦးဆုတောင်းနဲ့ နှစ်သစ်ဦးကျိန်စာကို ရေးသားခဲ့တာဖြစ်ပါတယ်။
နှစ်သစ်ဦးဆုတောင်းက ဖမ်းဆီးခံထားရတဲ့ ကျောင်းသား ကျောင်းသူတွေနဲ့ ကူညီသူတွေ ပြန်လည်လွတ်မြောက်ဖို့ ဆုတောင်းထားပြီး နှစ်သစ်ဦးကျိန်စာကတော့ အစိုးရ၊ ရဲ၊ စစ်သားနဲ့ စွမ်းအားရှင်တွေ ဘေးဆိုးကြုံတွေ့ ပါစေဆိုပြီး ရေးသားထားတာဖြစ်ပါတယ်။
ကိုဆန်းဇော်ထွေးဟာ လွန်ခဲ့တဲ့ ၁၉၉၉ ခုနှစ်မှာ ဗကသ ပြန်လည်ဖွဲ့စည်းရေးအတွက် ဦးဆောင်လှုပ်ရှားခဲ့တာ ကြောင့် ထောင်ဒဏ် ၃၆ နှစ် ချမှတ်ခံခဲ့ရပြီး ၂၀၁၂ ခုနှစ်မှာ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာ သူဖြစ်ပါတယ်။
သူဟာ သူတတ်မြောက်ထားတဲ့ စွန့်ပစ်ပစ္စည်းတွေကနေ အနုပညာဖန်တီးမှုကို မိဘမဲ့ကလေးတွေကို သင်ကြားပေးနေသူဖြစ်ပါတယ်။
RFA Burmese
http://www.rfa.org/burmese
No comments:
Post a Comment