သည်းခြေအိတ်ရဲ့စိမ်ခေါ်သံ-ဆောင်းပါးရှင် - ကိုညီညီ ( တောင်ကြီး )

ဆောင်းပါးရှင် - ကိုညီညီ ( တောင်ကြီး )
.
အလုပ်ကအပြန် ကားမောင်းနေတုန်း Voicemail ( ၂ ) ခု ဝင်လာတယ်။ တစ်ခုက ပြနေကျဆေးရုံက ခွဲစိပ်ဋ္ဌာနကဖြစ်ပြီး နောက်တစ်ခုက ကျွန်တော်ရွေးထားတဲ့ မိသားစုဆရာဝန်ဆီကပါ။ ဖုန်းထဲမှာ သူတို့ချန်ထားခဲ့တဲ့ အသံတွေကို နားထောင်ပြီးတော့ စိတ်ထဲမှာ တစ်မျိုးကြီးဖြစ်သွားတယ်။ တစ်သက်လုံး ဘာခွဲစိပ်မှုမှ မလုပ်ဖူးခဲ့တဲ့ ကျွန်တော့ကို ခွဲစိပ်ဋ္ဌာနက ရက်ချိန်းယူဖို့ဆက်တယ်ဆိုတာ မဖြစ်နိုင်တာပဲ။ သူတို့ လူမှားဆက်တာပဲဖြစ်မယ်လို့ယူဆပြီး အဲဒီနံပါတ်ကို ပြန်ဆက်ကြည့်တော့ ဟုတ်နေတယ် .. တစ်ကယ် ခွဲစိပ်ဋ္ဌာနက ဖြစ်နေတယ်။ နောက်ထပ် Voicemail တစ်ခုကို နားထောင်ကြည့်တော့မှ စိတ်ပိုလှုပ်ရှားလာမိတယ်။
.
ဆရာဝန်မ အသံက ခပ်မြန်မြန်ပြောတာဖြစ်ရုံတင်မက သူ့ဆီကို ဖုန်းပြန်ဆက်ပါ .. ဒါမှမဟုတ် ဆေးရုံဝဘ်ဆိုဒ်က ကျွန်တော်ကိုယ်ပိုင်ဖိုင်ထဲမှာ မက်ဆေ့ပို့ထားတယ်လို့ ပြောတယ်။ ဒါနဲ့ စွမ်းကိုကျောင်းကြိုအပြီး ဖုန်းထဲက Kp.org App ကိုဖွင့်ပြီး စွမ်းကိုပဲ ဖတ်ခိုင်းရင်း အိမ်ပြန်လာခဲ့တယ်။
.
.
ဆရာဝန်မက .. 
“ ရှင့်ကို ကျွန်မ ခေါ်သေးတယ်။ မတွေ့လို့ ဒီအီးမေးလ်ကိုဖတ်မိရင်လည်း အဆင်ပြေပါတယ်။ ရှင်ရိုက်ထားတဲ့ အပ်ထရာဆောင်းကို ကြည့်ပြီးတဲ့နောက် စိတ်ပူရလောက်တာ တစ်ခုမှ မတွေ့ရှိရပါဘူး။ ဒါပေမယ့် သည်းခြေအိတ်ရဲ့ အရွယ်အစားက ( 0.5 cm x 1.1 cm ) ဖြစ်နေတာ တွေ့ရတယ် ”
.
“ ဖြစ်သင့်တာထက် ပိုကြီးနေတဲ့ ဒီသည်းခြေအိတ်ဟာ ကင်ဆာကြွက်သားတွေဖြစ်လာနိုင်တဲ့ အရွယ်အထိ ဖြစ်နိုင်ခြေရှိတာကို တွေ့ရတယ်။ အဲဒီထဲမှာ Gallbladder Polyp ( သည်းခြေအသားသီး ) ရှိနေတယ်။ ဒါကြောင့် သည်းခြေအိတ်ကို ခွဲစိပ်ထုတ်ပစ်လိုက်ဖို့ ကျွန်မတိုက်တွန်းပါတယ်။ ”
.
“ ဒီအဖြေလွှာကို ခွဲစိပ်ပါရဂူနဲ့ တိုင်ပင်ပြီး ကျွန်မတို့ ထပ်ဖတ်ကြည့်ပါသေးတယ်။ ခွဲစိပ်ဆရာဝန်ကလည်း ကျွန်မနဲ့အမြင်တူပြီး အထွေထွေခွဲစိပ်ဋ္ဌာနကို လွှဲပြောင်းပေးဖို့ သဘောတူထားတယ်။ ဆက်ဖတ်နိုင်ဖို့ အသေးစိတ်အချက်အလက်တွေကို အောက်မှာ တစ်ပါတည်းတွဲပေးလိုက်ပါတယ် ”
.
“ သည်းခြေအိတ်အကြောင်းသိသင့်တာများနဲ့ မခွဲစိပ်ခင် လုပ်ဆောင်ရန် နဲ့ ရှောင်ရန်ကိစ္စများကို ရှင်းပြထားတဲ့ ( Emmi ) Program မှာ ဗွီဒီယိုပြကွက်တွေပါပါတယ်။ အဲဒါကိုကြည့်ပြီး ခွဲစိပ်ဆရာဝန်နဲ့ ရက်ချိန်းမယူခင် လေ့လာနိုင်အောင် ကြိုတင်မိတ်ဆက်ပေးလိုက်ပါတယ် ” လို့ စွမ်းက ကားပေါ်မှာ ဖတ်ပြတယ်။
.
.
အမ်မီ - Emmi အစီအစဉ်ကိုလေ့လာကြည့်မိတော့ ရိုးရှင်းတဲ့ အင်္ဂလိပ်စာအသံထွက်နဲ့ သာမန်လူနားလည်အောင် Clipart ဗွီဒီယိုပြကွက်တွေသုံးပြီး ရှင်းပြထားတာတွေ့တယ်။ ကျွန်တော်ကြည့်ရတာက သည်းခြေအိတ်အကြောင်း အစကနေ ထုတ်ယူပုံအဆင့်ဆင့် နဲ့ ထုတ်ယူပြီးအထိ ဘယ်လိုနေထိုင်ရမယ်ဆိုတာကို မျက်စိထဲတန်းဝင်ပြီး မှတ်မိစေတဲ့ Emmi ပါ။ 
.
အမ်မီ ကို Laparoscopic Emmi ဒါမှမဟုတ် Laparoscopic Cholecystectomy လို့ခေါ်ပြီး Emmi ရဲ့ အရှည်ဖွင့်က Expectation Management and Medical Information ဆိုတာ သိရတယ်။ သူ့ကို နောက်တစ်မျိုး “ လက် ကိုလီ - Lap Chole ” လို့လည်း ခေါ်ပါသေးတယ်။ မိခင်ကုမ္ပဏီက Emmi Solution ဖြစ်ပြီး အခုလို ကျန်းမာရေးအကြောင်းရှင်းပြခြင်း၊ ပညာရေးကိရိယာများအကြောင်းရှင်းပြခြင်းအလုပ်တွေကို ဆော့ဝဲလ်ရေးသားပြီး တင်ပေးထားတာ အင်မတန်ကောင်းပါတယ်။
.
.
နားလည်အောင်ကြည့်ပြီးတော့ ဆေးရုံမှာ ကျွန်တော် ရက်ချိန်းသွားတောင်းတယ်။ သူတို့ပေးတဲ့ရက်က ခွဲစိပ်ဖို့မဟုတ်ပဲ မခွဲခင်အကြို အကြံပေးဆွေးနွေးတဲ့ Consultation Appointment အတွက် ဖြစ်ပါတယ်။ ဆရာဝန်နဲ့ မျက်နှာချင်းဆိုင်မိတဲ့အခါကျတော့ Emmi ထဲကအတိုင်းပဲ ခပ်တိုတို ရှင်းပြတယ်။ 
.
သူပြောပြတာတွေက ..
.
“ သည်းခြေအိပ်ရဲ့သဘာဝက ( 1 cm ) ထက် ငယ်နေရင် ဒါဟာ ဘာပြသနာမှ မရှိတဲ့အဆင့်ပဲ။ ( 1 cm ) ကနေ ( 1.8 cm ) အထိရှိလာတဲ့ သည်းခြေအိတ်ဟာ လူကို ဒုက္ခပေးဖို့ ရာခိုင်နှုန်းများလာတယ်။ ဒီတော့ ( 1 cm ) ထက်ကြီးလာတဲ့ သည်းခြေအိတ်ဟာ မရှိလည်းဖြစ်နေတာမို့ ( လိုလည်း မလိုတော့တဲ့အတွက် ) ခွဲထုတ်ခြင်း - Surgery နည်း နဲ့ ရှင်းထုတ်ပစ်လိုက်မယ် ”
.
“ General Anesthesia - မေ့ဆေးပေးပြီး ခွဲစိပ်မယ်၊ ဗိုက်မှာ အပေါက် ( ၄ ) ပေါက်ဖောက်မယ်၊ ( ၃ ) ပေါက်ကအသေးတွေ၊ ကျန် ( ၁ ) ပေါက်က သည်းခြေအိတ်ကိုညှပ်ထုတ်ဖို့အတွက်မို့ နည်းနည်းကြီးမယ်။ ကင်မရာအကူအညီနဲ့ သည်းခြေအိတ်ကိုရှာပြီး ကလစ်နဲ့ညှပ်၊ ဖြတ်ထုတ်၊ ပြန်ချုပ် စတဲ့ အပိုင်းတွေကို ကျွန်တော်နားလည်လာအောင် ရှင်းပြတယ် ”
.
ဆရာဝန်က ထပ်ပြီး “ ဒီခွဲစိပ်မှုဟာ နေ့ချင်းအိမ်ပြန်ရတဲ့ အမျိုးအစားဖြစ်တယ်။ မခွဲခင် ( ၂ ) နာရီ စောပြီး လာရမယ်။ ခွဲစိပ်မှုက မိနစ် ( ၆ဝ ) နဲ့ ( ၉ဝ ) ကြား ကြာမှာဖြစ်ပြီး ခွဲပြီးသွားရင် ပြန်လည်နလံထဖို့အခန်းထဲမှာ ( ၂ ) နာရီလောက်အနားယူပြီးရင် အိမ်ပြန်နိုင်တယ် ” လို့ ဆက်ရှင်းပြတယ်။
.
“ မခွဲစိပ်ခင် အရှေ့ည သန်းခေါင်ကျော်တာနဲ့ ဘာအစားမှ မစားလာပါနဲ့ .. Fasting လုပ်ထားပါ။ ဒါမှ ခွဲစိပ်တဲ့အခါ အစာအိမ်မှာ အနှောင့်အယှက်ကင်းပြီး အောင်မြင်ထိရောက်ပါလိမ့်မယ် ”
.
“ အလုပ်ကနေ အနည်းဆုံး ( ၁ ) ပတ်၊ လိုအပ်ရင် ( ၂ ) ပတ် အနားယူရမယ်။ ခွဲစိပ်ပြီးခါစ .. ဗိုက်မှာ နာကျင်တာ၊ ဗိုက်ကယ်တာ၊ ဗိုက်ဖောင်းနေတာ နဲ့ အန်ချင်တာ တို့ ဖြစ်နိုင်တယ်။ ( ၄၈ ) နာရီပြည့်ရင် ရေချိုးနိုင်ပြီး ( ၂ ) ရက် နဲ့ ( ၃ ) ရက်ခန့် နလံထူလာတဲ့ပေါ် မူတည်ပြီး ကားပြန်မောင်းနိုင်မယ် ”
.
“ ခွဲစိပ်ပြီး ညနေပိုင်းမှာ အရည်၊ အပျော့စာတွေ စတင်စားသောက်နိုင်ပြီး အခန့်မသင့်ရင် တစ်ချို့ဆို ဝမ်းလျှောတာမျိုး ရှိတတ်တယ်။ စိုးရိမ်စရာမရှိတဲ့ ခွဲစိပ်မှုဆိုပေမယ့် အန္တရာယ်ကျရောက်နှုန်းက ( ၂% ) ရှိတယ်ဆိုတာကို သိထားရမယ် ”
.
“ ခွဲစိပ်ပြီးတဲ့နောက် အနာမကျက်တာ၊ သွေးစိမ့်တာ၊ အတွင်းကလီစာတွေကို ထိခိုက်မိတာ စတဲ့ နောက်ဆက်တွဲကိစ္စရပ်တွေ ပေါ်ပေါက်လာရင် ပြန်လည်ခွဲစိပ်ရတာမျိုး ရှိတတ်တယ်။ ဒါကြောင့် သူရှင်းပြတာတွေကို သဘောတူရင် ( လုပ်မယ်ဆိုရင် ) Appointment ယူဖို့ ဖုန်းနံပါတ်ပေးတယ် ”
.
.
ဆရာဝန်နဲ့စကားပြော၊ ရက်ချိန်းတောင်းဖို့ဖုန်းဆက်၊ အိမ်ပြန်ရောက်တော့ ကွန်ပျူတာဖွင့်တာနဲ့ ဆေးရုံ က အီးမေးလ် ( ၂ ) စောင် စောင့်ကြိုနေတာ တွေ့ရတယ်။ ဒီမှာ ခွဲစိပ်ဆရာဝန်က ကျွန်တော်နဲ့တွေ့တုန်းက ပြောဆိုခဲ့သမျှကို ခြုံငုံမိအောင် စာနဲ့ရေးပြီး ထပ်သတိပေးတာပါ။ တစ်ခုခုလုပ်တိုင်း သူတို့ဖက်က စေ့စပ်သေချာမှု နဲ့ သက်သေသာဓကရှိအောင် အထူးသဖြင့် သူတို့ရဲ့ပေါ့ဆမှုကြောင့် တရားမဆွဲခံရအောင် စီစဉ်တာလို့ အမေရိကန်မြေဆီလွှာမှာ ( ၅ ) နှစ်ကျော်နေထိုင်ဖူးတဲ့အတွေ့အကြုံအရ ကျွန်တော် နားလည်လိုက်ပါတယ်။
.
.
နောက်တစ်စောင်က Surgery Support Services က လာတာပါ။ ခွဲစိပ်ဖို့ကျရောက်တဲ့မနက်မှာ ၁.. သူနာပြု - Nurse Practitioner ၊ ၂.. အကူပြင်ဆင်ဝန်ထမ်း - Pre-op Physician (Hospitalist) ၊ ၃.. လက်ထောက်ဆရာဝန် - Physician’s Assistant နဲ့ ခွဲစိပ်ဆရာဝန်ကြီး - Surgeon တို့ရဲ့ ညွှန်ကြားမှုကို လိုက်နာရမယ်လို့ ပါတယ်။
.
ခွဲစိပ်ခန်းမဝင်ခင် ဖြစ်နိုင်ရင် ရေချိုးလာပါ။ ခွဲစိပ်မယ့်နေရာပတ်လည်မှာ အမွှေးအမျှင်များကို မရိတ်လာပါနဲ့။ 
.
ရေချိုးပြီးတဲ့အခါ Lotion ၊ ရေမွှေး၊ မိတ်ကပ်၊ ဆီ နဲ့ ချိုင်းလိမ်းဆေးတွေ မလိမ်းပါနဲ့။ 
.
တန်ဖိုးရှိတဲ့လက်ဝတ်တန်ဆာ၊ နားဆွဲ၊ နားကပ်၊ မျက်ကပ်မှန်၊ သွားအတု စတာတွေချွတ်ခဲ့ပါ။ ( မျက်မှန်ထည့်တဲ့ဗူးတော့ ယူခဲ့ပါ )
.
သွားတိုက်ခဲ့ပါ။
.
သက်တောင့်သက်သာရှိတဲ့ ချောင်ချောင်ချိချိ အဝတ်အစား ဝတ်လာပါ။
.
ဆေးရုံဆင်းရင် ကူပေးဖို့၊ ကားမောင်းပြန်ပေးဖို့ လူတစ်ယောက် လိုပါတယ်။ ဆေးရုံက စီစဉ်ပေးမှာမဟုတ်ပါဘူး။ ကိုယ့်အစီအစဉ်နဲ့ကိုယ် လာရမှာဖြစ်ပါတယ်။ တက္ကစီ နဲ့ ရထားစီးပြန်လို့ရပေမယ့် ကားသမားအပြင် ကူဖော်လောင်ဖက်တစ်ယောက် အနည်းဆုံးပါရပါမယ်။ အပြန်ကားကိစ္စစီစဉ်ထားခြင်းမရှိရင် ခွဲစိပ်ပေးမှာ မဟုတ်ပါ။
.
ဧည့်သည်ထဲက လာကူသူထဲမှာ ( ၁၄ ) နှစ်အောက်အရွယ်ပါရင် လက်မခံပါ။
.
တာဝန်ကျဆေးရုံက ခွဲစိပ်မှုမတိုင်ခင် ( ၃ ) ရက်မှာ ဖုန်းလှမ်းဆက်ပြီး သတိပေးတာမျိုးတွေကို အပြည့်အဝ လိုက်နာပါ။
.
မခွဲစိပ်ခင် စိတ်ပူတာ၊ ဖျားနာတာ၊ အအေးမိတာ၊ တုပ်ကွေးဖြစ်တာ စတဲ့ အကြောင်းချင်းရာတွေ ပေါ်လာခဲ့ရင် ခွဲစိပ်ဆရာဝန်ရုံးခန်းကို ဖုန်းဆက်အကြောင်းကြားပါ … ဆိုတဲ့ သတိပေးစာတွေ ပါဝင်ပါတယ်။
.
.
ပြောရရင် ဒီအသက်အရွယ်အထိ ကျွန်တော့ခန္ဓာကိုယ်ရဲ့ ဘယ်အစိတ်အပိုင်းကိုမှ ခွဲထုတ်ခဲ့ဖူးခြင်း လုံးဝမရှိခဲ့ဘူး။ ဘယ်တော့မဆို ကျွန်တော့ရဲ့ စိတ်စေရာကို အသွေးအသားနဲ့ အရေပြားအောက်က ပေါင်းစုအသားစိုင်တွေက ကျွန်တော်ခိုင်းစေသမျှ လုပ်နိုင်နေတုန်းလို့ ထင်ခဲ့တယ်။ ဒါဟာ သဘာဝတရားကို ကျွန်တော် ပြောင်းပြန်တွေးနေမိတာပဲ။
.
ငယ်ရာကနေ ကြီးသွားတဲ့အသက်၊ ရွယ်ရာကနေ အိုသွားတဲ့ခန္ဓာ၊ ရှင်ရာကနေ သေသွားတဲ့ လွှတ်သွေး-ပြန်သွေး .. ဒါတွေအားလုံးဟာ ခဏတာလေးအတွင်းမှာ အဆက်မပြတ်ဖြစ်နေကြလို့သာ မပျက်စီးဘူးလို့ထင်နေကြတာ ကျွန်တော့ရဲ့ ရေရှည်အမှား မဟုတ်ပါလား?
.
ကျေးဇူးတင်ပါတယ်။ ဒီ Missed Call လေး ( ၂ ) ခု ကို စ,ပြီး ကျေးဇူးတင်ပါတယ်။ ဒီခွဲစိပ်မှုဟာ Minor Case လို့ သတိပေး၊ နှစ်သိမ့်တဲ့ ရပ်ဝေး ရပ်နီး၊ မြန်မာ့မြေပေါ်၊ အမေရိကန်မြေပေါ် က မိတ်ဆွေများရဲ့ အားပေးမှုများကို ပိုပြီး ကျေးဇူးတင်ပါတယ်။ ရန်ကုန်ကနေ အနောက်တိုင်းဆေးပညာအဘိဓာန် တကူးတက ပို့ပေးတဲ့ ဆရာဝန်အသစ်စက်စက် ကိုလက်ယာ ကိုလည်း အထူးကျေးဇူးတင်ရှိပါတယ်။
.
koko2yeye@gmail.com