ဂျာနယ်လစ်များ အတွက် သင်္ချိုင်း

         အာရှဒေသတွင် ပါကစ္စတန်ကို ဂျာနယ်လစ်များ အတွက် သင်္ချိုင်းဟု သတ်မှတ်ထား ကြသည်။ ပါကစ္စတန်မှာ ဂျာနယ်လစ်များ အတွက် သင်္ချိုင်း အဖြစ် သာမက ဂျာနယ်လစ် များကို သတ်ဖြတ်ခဲ့ သူများ အတွက် ဘေးမဲ့တောကြီး အဖြစ်လည်း နာမည်ကျော်ကြား သေးသည်။ ပါကစ္စတန်တွင် စစ်တပ် က အာဏာသိမ်းမှု များကို အကြိမ်ကြိမ် ပြုလုပ်ခဲ့ဖူး သော်လည်း နိုင်ငံမှာ ရွေးကောက်ပွဲများ ပုံမှန် ကျင်းပနေသော ဒီမိုကရေစီ နိုင်ငံ တစ်နိုင်ငံ ဖြစ်နေ ခဲ့သည်။ ဂျာနယ်လစ်များ သတ်ဖြတ်ခံနေ ရခြင်းနှင့် သတ်ဖြတ်သူများ လွတ်မြောက်နေ ခြင်းကြောင့် ပါကစ္စတန်၏ ဒီမိုကရေစီ စနစ် အပေါ် ဆိုးရွားသော သက်ရောက်မှုများ ရှိလာတော့မည်ဟု ပြောဆိုမှုများ ရှိလာခဲ့သည်။
                ပါကစ္စတန်ရှိ ဂျာနယ်လစ် များအား တိုက်ခိုက်နေသူများကို အလယ်ခေတ် ကာလက လူအများက ရှိခဲ့သည်ဟု ယူဆခဲ့သည့် မိစ္ဆာ တစ်ကောင် နှင့် ခိုင်းနှိုင်းတတ် ကြသည်။ မိစ္ဆာမှာ  သက်တမ်းရှည်နေပြီ။ ရက်စက် ကြမ်းကြုတ်သည်။ အချိန်မရွေးလည်း ထွက်ပေါ်လာ တတ်သည်။  ယင်း မိစ္ဆာ အင်အားစု က မာလာလာလို မိန်းကလေးမျိုး၊ ဗီအိုအေမှ သတင်းထောက် မက်ကာရမ်ခန်း အတစ်ဖ်ကဲ့သို့ ၀ါရင့်သတင်းထောက်များကို ခြိမ်းခြောက်မှုများ ပြုလုပ်ခဲ့သည်။ ခြိမ်းခြောက်မှုမှာ အပြောနှင့်သာ မဟုတ်။ အလုပ်က နောက်က ပါလာ တတ်သည်။ သို့သော် သတိ်္တရှိသော ဂျာနယ်လစ်များမှာ အသက်ကို ဖက်နှင့်ထုပ်ထား ရကြောင်း သိသိကြီးနှင့်ပင် တာဝန် ကျေပွန်စွာဖြင့် ဆက်လက် သတင်းပေးပို့နေ ကြဆဲ ဖြစ်သည်။ သူတို့ကို သတ်ဖြတ်သူများ မှာလည်း အပြစ်ပေးမခံရဘဲ ဆက်လက် လွတ်မြောက် နေကြဆဲ ဖြစ်သည်။
             တို့တွေပြောတာကို မင်းတို့ လစ်လျူရှုရင် ဒါကိုရန်စတာလို့ သတ်မှတ်မှာပဲ၊ မင်းတို့ ဆီကို လာပြီး ရန်ရှာမှာကို မမေ့လိုက်လေနဲ့ ဟု နောက်ကွယ် က ခြိမ်းခြောက်သော အသံရှင်က ပြောဆိုခဲ့သည်။ မက်ကာရမ်ခန်း အတစ်ဖ်သည်လည်း ယခင်က ခြိမ်းခြောက်ခံခဲ့ရဖူးသည်။ ၂၀၁၁ ခုနှစ်တွင် ကျွန်တော် ပက်ရ်ှဝါကို ရောက်ရှိပြီး၊ သူနဲ့တွေ့ဆုံစဉ်တွင် ယင်းခြိမ်းခြောက်မှု အကြိမ် ပိုစိပ် လာကြောင်း သတိမိခဲ့သည်။
                ခန်းမှာ သတင်းစာ ပညာ လွတ်လပ်ခွင့်ကို တန်ဖိုးထားသူ ဖြစ်သည်။ လွတ်လပ်ခွင့်ကို တန်ဖိုးထားသူ ဖြစ်လင့် ကစား အသက်ဘေး အတွက် တော့ စိုးရိမ်ခဲ့သည်။ တစ်ခုခုကို သိထားပြီး မရေးပြန်၊ မဖော်ပြရန်လည်း မရိုးသား သလို ခံစားရပြန်ရော၊ တော်ပါသေးရဲ့ ကျွန်တော့်မှာ ကလေးတွေ မရှိ တော့ စိုးရိမ်စရာ မရှိတော့ဘူး ပေါ့ဗျာ ဟု သူက ကျွန်တော့်ကို ပြောဆိုခဲ့သည်။ သူ့လေသံ ထဲတွင် စိုးရိမ်မှုနှင့် ၀မ်းနည်းမှုတို့ ရောစွက် နေသည်။ သူတို့က လက်နက်ရှိတော့ နောက်ဆုံး သူတို့တွေပဲ နိုင်မယ် ဆိုတာကို သိပါတယ် ဟု ခန်းက ပြောဆိုခဲ့ သည်။ စိတ်ပျက်ဟန်ဖြင့် ပြောဆိုခဲ့ သော်လည်း ခန်းသည် သူ့ယုံကြည်ရာ အလုပ်ကို ဆက်လုပ် ခဲ့သည်။
                ၂၀၁၂ ခုနှစ်၊ ဇန်န၀ါရီ (၁၇) ရက်နေ့တွင် မက်ကာရမ် ခန်းအဆစ်ဖ် တစ်ယောက် ပါကစ္စတန်တာလီဘန်များ၏ သေနတ်ဖြင့် ပစ်ခတ်မှုကြောင့် သေဆုံးခဲ့သည်။ ခန်း သတ်ဖြတ်ခံရမှု က ပက်ရ်ှဝါရှိ အခြား ဂျာနယ်လစ် များကို သတိပေးလိုက် သလို ဖြစ်ခဲ့သည်။ တာရီးခ်-အီ-တာလီဘန် ပါကစ္စတန် (TTP) က ပေးပို့လိုက်သော မက်ဆေ့ဂ်ျ ဖြစ်သည်။ တို့အကြောင်း ရေးရင် မင်းတို့ အသတ်ခံရမယ် ဟူ၍သာ ဖြစ်သည်။
                သိပ်မကြာလိုက် အခြားဂျာနယ်လစ် ဆာလင်း ရှာဇတ် သတ်ဖြတ်ခံခဲ့ရ ပြန်သည်။ ဆာလင်း ရှာဇတ်သည် အယ်လ်ခိုင်ဒါနှင့် ပါကစ္စတန် ထောက်လှမ်းရေး အဖွဲ့(ISI) တို့ ကြား ဆက်စပ်မှုကို ဖွင့်ချခဲ့ပြီး၊ အယ်လ်ခိုင်ဒါ နှင့်ပတ်သက်မှုရှိသော ရေတပ် အရာရှိများ၏ အမည်ကို ဖော်ထုတ်ခဲ့သည်။ ရှာဇတ်သေဆုံးမှု တွင် သူတို့ နောက်ကွယ်က ပါဝင်ခြင်း မရှိကြောင်း ထောက်လှမ်းရေး အဖွဲ့က ပြောဆိုခဲ့သည်။ အမှန်တရား ကိုတော့ ဘယ်တော့မှ သိနိုင်မည် မဟုတ်ပါ။ ရှာဇတ် သတ်ဖြတ်ခံရမှုကို စုံစမ်း စစ်ဆေးသည့် ကော်မရှင်က လက်သည်၏ အမည်ကို ဖော်ထုတ်ရန် မဖြစ်နိုင်ကြောင်းကို သာ နောက်ဆုံးတွင် ကောက်ချက်ချခဲ့သည်။ ရှာဇတ်အား သတ်ဖြတ်ခဲ့သူကို အပြစ်ပေးနိုင်မှု မရှိခြင်းက ဂျာနယ်လစ်များ ထံသို့ နောက်ထပ် မက်ဆေ့ဂ်ျတစ်ခု ပေးပို့ လိုက်ပြန်သည်။ နိုင်ငံတော်နဲ့ပတ်သက်ပြီး မင်းတို့ ရေးသားမယ် ဆိုရင် မင်းတို့ အသတ်ခံရမယ်၊ မင်းတို့ကို သတ်သူလည်း ဘယ်တော့မှ အပြစ်ပေး မခံရဘူး ဆိုသည့်  အချက်သာ ဖြစ်သည်။
                ရှာဇတ် သတ်ဖြတ်ခံရချိန်မှ စပြီး နိုင်ငံတော်နှင့် နိုင်ငံတော် အဆင့် မဟုတ်သော အုပ်စု များကြား ဆက်စပ်မှုကို မည်သူ ကမျှ ထုတ်ဖော် ရေးသားရဲခြင်း မရှိတော့ချေ။ တိုက်ခိုက်မှုများ ကတော့ ဆက်လက် ဖြစ်ပွားခဲ့သည်။ လွန်ခဲ့သော ရက်သတ္တပတ် အနည်းငယ်အတွင်းမှာပင် နာမည်ကျော် ဂျာနယ်လစ် တချို့ ပစ်မှတ်ထား တိုက်ခိုက်ခံခဲ့ ရသည်။ တိုက်ခိုက်ခံရသူများ ထဲတွင် GEO သတင်းဌာနမှ ဂျာနယ်လစ် ဟာမစ်မီရ်လည်း ပါဝင်ခဲ့သည်။
            ၂၀၁၁ ခုနှစ်တွင် ကျွန်တော် ဆာလင်း ရှာဇတ် အသတ်ခံရမှုနှင့် ပတ်သက်ပြီး သတင်း အချက်အလက် စုဆောင်းနေချိန်တွင် ထောက်လှမ်းရေး အရာရှိတစ်ဦးက အသံ တစ်သံတော့ ဆိတ်သွားပြီး၊ ဆူသံပူသံ သိပ်မကြားရ တော့ဘူးပေါ့ဗျာ ဟု ဟာသနှော ပြောဆိုခဲ့ဖူးသည်။ ထောက်လှမ်းရေး အရာရှိ က ရုတ်တရက် ပြောဆိုခဲ့ သော်လည်း သူ့ပြောစကားက ပါကစ္စတန် ထောက်လှမ်းရေး အသိုင်းအ၀ိုင်းက ဂျာနယ်လစ်များ အပေါ် ထားရှိသော သဘောထားကို လစ်ခနဲ ဖွင့်ပြလိုက် သလို ရှိခဲ့သည်။
                ပါကစ္စတန်တွင် ၁၉၉၂ ခုနှစ်မှ စပြီး ဂျာနယ်လစ် (၅၄) ဦး သတ်ဖြတ်ခံခဲ့ရပြီး ဖြစ်ကြောင်း ဂျာနယ်လစ်များ ကာကွယ် စောင့်ရှောက်ရေး ကော်မတီ(CPJ) ၏ မှတ်တမ်းများတွင် ဖော်ပြထားသည်။ ၎င်းတို့ အနက် (၂၈) ဦးကို သတ်ဖြတ်ခဲ့သူ များမှာမူ ပြစ်ဒဏ် ချမှတ်ခြင်း မခံရဘဲ လွတ်မြောက် နေဆဲ ဖြစ်သည်။ ဝေါစထရိဂျာနယ်မှ ဒယ်နီယယ် ပါးနှင့် GEO သတင်းဌာနမှ ၀ါကီခန်း ဘာဘာတို့ကို သတ်ဖြတ်ခဲ့သူ များသာ ရုံးတင် စစ်ဆေး အပြစ် ပေးခံခဲ့ရသည်။ သို့သော် တကယ့်လက်သည်မှာမူ လွတ်မြောက်နေဆဲ ဖြစ်ကြောင်း စုံစမ်း စစ်ဆေးမှုနှင့် နီးစပ်သော သတင်း အရင်းအမြစ် တစ်ခုက ကျွန်တော့်ကို ပြောဆိုခဲ့သည်။
                ၂၀၀၈  ခုနှစ်မှစပြီး ဂျာနယ်လစ် (၃၄) ဦး သတ်ဖြတ်ခံခဲ့ရပြီး ဖြစ်ကြောင်း၊ နိုင်ငံတကာ လွတ်ငြိမ်း ချမ်းသာခွင့် အဖွဲ့ကြီး၏ မကြာသေးမီတွင် ထုတ်ပြန်ခဲ့သည့် အစီရင်ခံစာတွင် ဖော်ပြ ထားသည်။ ၎င်းတို့ထဲမှ အနည်းဆုံး ရှစ်ဦးမှာ နာဝက်ဇ် ရှာရစ်ဖ် ၀န်ကြီးချုပ် အဖြစ် ပြန်လည် ရွေးကောက်ခံခဲ့ရ ပြီးနောက်တွင် သတ်ဖြတ်ခံခဲ့ရခြင်း ဖြစ်သည်။ ဂျာနယ်လစ်များ သတ်ဖြတ်ခံနေရခြင်းနှင့် ပတ်သက်ပြီး စုံစမ်းဖော်ထုတ်မည်ဟု ရှာရစ်ဖ်က ကတိပြု ခဲ့သည်။ သို့သော် ရှာရစ်ဖ် ၀န်ကြီးချုပ် အဖြစ် တာဝန် ထမ်းဆောင်ချိန်သည် ပါကစ္စတန် သမိုင်းတစ်လျှောက် ဂျာနယ်လစ်များ အဓိက ပစ်မှတ်ထား တိုက်ခိုက်မှု အခံရဆုံး ကာလ ဖြစ်နေခဲ့သည်။
                အကြမ်းဖက် အဖွဲ့တချို့ ကတော့ ဂျာနယ်လစ်များ အပေါ် တိုက်ခိုက်ခဲ့ကြောင်း ၀န်ခံခဲ့သည်။ သို့သော် အကြောင်းအရင်းမှာ ယင်းလောက် ရိုးစင်းခြင်း မရှိခဲ့။ ဂျာနယ်လစ်များ တိုက်ခိုက်ခံရ ခြင်းတွင် နိုင်ငံရေး၊ စစ်ရေးနှင့် ထောက်လှမ်းရေး အင်အားစုများ နောက်ကွယ် ပါဝင် နေကြောင်း စုံစမ်း စစ်ဆေးမှုများ ပြုလုပ်သည့် အခါတွင် ပိုမို ထင်ရှားလာ ခဲ့သည်။ စစ်သွေးကြွ အဖွဲ့များ ဖြစ်ကြသော လက်ရ်ှကာ- အီ-တိုင်ဘာ၊ လက်ရ်ှကာ -အီ-ဂျန်ဂဗီ၊ ဆီဖာ ဆာဟာဘာအဖွဲ့၊အယ်လ်ခိုင်ဒါ၏ အဖွဲ့ခွဲ  ဂျိုင်ရှ်-အီ-အိုစမာအဖွဲ့တို့က ဂျာနယ်လစ် များအား ခြိမ်းခြောက်သည့် အခါတွင် တကယ်တမ်း အမြတ် ထွက်သည်မှာ နိုင်ငံတော်သာ ဖြစ်နေခဲ့သည်။ ထို့ပြင် ပါကစ္စတန် လုံခြုံရေး တပ်ဖွဲ့ဝင် များသည် မီဒီယာကို အကာအကွယ်ပေးရမည့် အပြင် သူတို့ ကိုယ်တိုင်က မီဒီယာများအား အမျိုးသား လုံခြုံရေး ခြိမ်းခြောက်မှု အဖြစ် သတ်မှတ်ကာ မီဒီယာ များ၏ လုပ်ငန်း လည်ပတ်မှု ရပ်ဆိုင်း သွားရန် တောင်းဆို ခဲ့သည်။
                မီဒီယာများ နှုတ်ပိတ်ခံရသည့် အတွက် ဆိုးကျိုး များလည်း ရှိခဲ့သည်။ အမေရိကန်က မောင်းသူမဲ့ လေယာဉ်ဖြင့် တိုက်ခိုက်မှု ပြုလုပ် နေသည့် မြောက်ဝါဇီရစ္စတန်ဒေသသို့ ဂျာနယ်လစ် များကို ၀င်ရောက်ခွင့် မပြုခဲ့ချေ။ စစ်သွေးကြွ များကို သတ်ဖြတ်ရန် မောင်းသူမဲ့ လေယာဉ်ဖြင့် စစ်ဆင်နေ ရခြင်း ဖြစ်ကြောင်း အမေရိကန်က ပြောဆိုခဲ့သည်။ ကလေးငယ်များ အပါအ၀င် အရပ်သား များလည်း သေဆုံးခဲ့ကြောင်း ပါကစ္စတန်က ပြောဆိုခဲ့သည်။ အစိုးရ နှစ်ဖွဲ့ စလုံးက တင်ပြသော သေဆုံးဦးရေမှာ အမြဲ လိုလိုပင် ကွဲပြားခဲ့သည်။ ဒေသတွင်း ဂျာနယ်လစ်များ ၀င်ရောက်ခွင့် မရသောကြောင့် တကယ် သေဆုံးသူ ဦးရေကို အတည်ပြုရန် မဖြစ်နိုင်ဘဲ ရှိခဲ့သည်။
                ခြိမ်းခြောက်ခံရမှု ပပျောက်သွားရေး အတွက် မီဒီယာများဘက်က လုပ်စရာ တစ်ခုသာ ရှိနေပါသည်။ လက်သည်ကို ဖော်ထုတ်ပြီး အပြစ်ပေး ရန် အစိုးရအား မီဒီယာက စုစည်း ညီညွှတ်စွာဖြင့် ဖိအားပေးရန်ဖြစ်သည်။ အစိုးရ ကလည်း စွပ်စွဲမှုတိုင်းကို အလေးထားပြီး ခြိမ်းခြောက်နေသော အင်အားစု များကို အပြစ်ပေးခြင်းဖြင့် ယုံကြည်မှု ရယူရမည် ဖြစ်သည်။
                လွတ်လပ်သော မီဒီယာသည် ပါကစ္စတန် လူ့အဖွဲ့အစည်းအတွက်သာမက ဒေသတွင်း စစ်သွေးကြွမှုနှင့် အကြမ်းဖက်မှု တိုက်ဖျက်ရေး အတွက်ပါ အရေးပါနေသည်။ မည်သို့ပင် ဆိုစေ နိုင်ငံတော် ကိုယ်တိုင်က ဒီမိုကရေစီ စနစ်၏ မဏ္ဍိုင်ကြီး တစ်ရပ်ကို ထိန်းသိမ်း စောင့်ရှောက် နိုင်ခြင်း မရှိသောကြောင့် ပါကစ္စတန်အား အကြမ်းဖက် တိုက်ဖျက်ရေးတွင် အရေးပါသော နိုင်ငံတစ်နိုင်ငံ အဖြစ် သတ်မှတ်ရန် ခက်ခဲနေဆဲ ဖြစ်သည်။
ရည်မွန်အောင်
Ref: The Killing of Pakistan’s Journalists- Kiran Nazish; The Diplomat
http://www.messengernewsjournal.com/news/Article/detail.php?id=33995

• အရွယ်မရောက်သေးသောလူငယ်များအသုံးပြုလျှင် အန္တရာယ်ရှိသည့် application လေးခု
• ဘာမှမလုပ်တဲ့စက်
• စွမ်းအားရှင်ပြန်လာပြီလား 
• မှော်ဝန်းသားဦးခင်ညွန့် နှင့်အင်တာဗျူး
• ဆန္ဒပြလူငယ်များကိုအကြမ်းဖက်ခြင်းသမ္မတဦးသိန်းစိန်ပေးထားသည့်ကတိအားလုံးနှင့်ဆန့် ကျင်နေ 
• ကိုးကန့် တိမ်းရှောင်အဖွဲ့ ကိုကူညီသည်ဆိုကာရာထူးချခံရသည့်တရုတ်ဗိုလ်မှူးချုပ်
• မြောက်ကယ်ရိုလိုင်းနားမှာ မြန်မာဒုက္ခသည်မိသားစု တိုက်ခိုက်ခံရ
• ကိုယ်ဝန်ဆောင်တစ်ဦး၏ ၀မ်းဗိုက်ကို ဓားဖြင့်ခွဲ၍ သန္ဓေသားကို ယူဆောင်သွားသည့် အမျိုးသမီးတစ်ဦးကို ရဲတပ်ဖွဲ့ဖမ်းဆီး
• အရာအားလုံးကို သိနေတဲ့ အသက် (၇)နှစ် အရွယ် ကလေး 
• ချစ်တင်းနှီးနှောနေစဉ် လိင်အဂါင်္ ကျိုးပျက်သွားခဲ့တဲ့ အမျိုးသား ဆေးရုံသို့ အရေးပေါ် ပို့ဆောင်ခဲ့ရ
• လူထောင်နှင့်ချီ ၀ိုင်းအုံကြည့်ကာ အုတ်အော်သောင်းနင်းဖြစ်သွားသည့် အိမ်ထောင်ရေးဖောက်ပြန်နေသည့် စုံတွဲ၏ ထူးထူး ဆန်းဆန်းဖြစ်ရပ် 
• ကလေးများကစားနေသည့် ဗွီဒီယိုများကို အွန်လိုင်းတင်သည့်မိဘများ နှစ်စဉ် ဒေါ်လာ ၁ သန်း ၀င်ငွေရ
•  ပြည်ထောင်စုဝန်ကြီး ဦးရဲထွဋ်ထံ ပို့ပေးကြပါ 
• Free Phyoe Phyoe Aung!!! ဖြိုးဖြိုးအောင်ကိုလွှတ် 
• သေဆုံးတရုတ်တဦးလျှင် ဒေါ်လာတသောင်းကျော် ပေးရန် မြန်မာအစိုးရ ကမ်းလှမ်း
• CCTVမှရိုက်ကူးထားသောမုဒိန်းသမားများလှုပ်ရှားမှု(ရုပ်သံ)
• လက်ဆေးကန်မှာ ခြေထောက် ၀င်ဆေး သွားခဲ့တဲ့ တရုတ် ခရီးသွား 
• ထိုင်းနိုင်ငံတွင်ရင်သားအောက်ပိုင်း Selfie ရိုက်သူများထောင်ငါးနှစ်ကျမည်
• ကလေးအငို တိတ်အောင် ကလေးငယ်၏ လည်မြို ကိုဆွေမျိုးထဲမှ အမျိုးသမီး တစ်ဦးက လွှဖြင့် လှီးဖြတ် 
• နံရိုးအပြင်မှာထွက်နေတဲ့ နှလုံးသားတစ်စုံနဲ့ သနားစရာ သမီးကလေး
• မင်းအုပ်စိုးနဲ့ တေးနုယဉ်တို့ အမှုဖြစ်ရပ်မှန်