လူတစ်ဦး တစ်ယောက်ဟာ ကိုယ်ကျင်လည်ရာ ပတ်ဝန်းကျင်ကနေ အနားယူသွားပြီ ဆိုရင် အရင်ကလို အောင်မြင်မူတွေရယူဖို့ မလွယ်ပါဘူး။ ဒါပေမဲ့ ဒီအထဲမှာ အင်္ဂလန် အသင်းခေါင်းဆောင်ဟောင်း ဒေးဗစ်ဘက်ခမ်း မပါဘူးလို့ ပြောရမှာ ဖြစ်ပါတယ်။ ဒေးဗစ်ဘက်ခမ်းဟာ ဘောလုံး လောကနေ အနားယူခဲ့တာ တစ်နှစ်ကျော်သွားပြီ ဖြစ်ပေမယ့် ၀င်ငွေ အကောင်းဆုံး ကစားသမား ထဲမှာ ပါဝင်နေဆဲ ဖြစ်ပါတယ်။ ဒေးဗစ်ဘက်ခမ်းဟာ ပြီးခဲ့တဲ့ တစ်နှစ် တာ ကာလ အတွင်းမှာ ၀င်ငွေ ပေါင်သန်း (၅၀)အထိ ရှိခဲ့တယ်လို့ ဆိုထား ပါတယ်။ အသက် (၃၉)နှစ်အရွယ် ရှိပြီ ဖြစ်တဲ့ ဒေးဗစ်ဘက်ခမ်းဟာ ၂၀၁၃ မှာ ဘောလုံး လောက ကနေ အနားယူခဲ့တာ ဖြစ်ပြီး အနားယူ ပြီးနောက် ၀င်ငွေ အကောင်းဆုံး ကစားသမား စာရင်းမှာ ဒုတိယ နေရာမှာ ရှိနေတယ်လို့ ဒေးလီးမေးလ် သတင်းမှာ ဖော်ပြထား ပါတယ်။ ဒေးဗစ်ဘက်ခမ်းထက် ပိုမိုဝင်ငွေ ကောင်းသူကတော့ အမေရိကန် ဘတ်စကက်ဘော ကစားသမား ဟောင်း မိုက်ကယ် ဂျော်ဒန် ဖြစ်ပြီး ပြီးခဲ့တဲ့ နှစ်မှာ ရရှိခဲ့တဲ့ဝင်ငွေက ပေါင် (၆၇) သန်းရှိတယ်လို့ သိရပါတယ်။ အသက် (၅၂) နှစ်ရှိနေပြီ ဖြစ်တဲ့ မိုက်ကယ် ဂျော်ဒန်ဟာ အားကစားသမားတွေ ထဲမှာ ဒေါ်လာ ဘီလီယံနဲ့ချီပြီး ၀င်ငွေ ရရှိ ထားတဲ့ ပထမဆုံးသူအဖြစ် သတ်မှတ်ခံထားရပါတယ်။ ဒေးဗစ်ဘက်ခမ်း ဟာ ဘောလုံး ကစားသမား အဖြစ်နှစ်(၂၀) ဖြတ်သန်းခဲ့ပြီး ပြီးခဲ့တဲ့နှစ်မှာ စပွန်ဆာ စာချုပ်နှစ်ခု ချုပ်ဆိုခဲ့ရာ ပေါင် (၁၃) သန်းကျော် ရခဲ့ပါတယ်။ ဒေးဗစ် ဘက်ခမ်းဟာ ကစားသမားဘ၀မှာ စပွန်ဆာ စာချုပ်တွေကြောင့် ၀င်ငွေကောင်းတဲ့ ကစားသမား ဖြစ်ခဲ့ပြီး အမြင့်ဆုံး ၀င်ငွေ အဖြစ် ၂၀၁၂ မှာ ပေါင် (၃၄) သန်းကျော်ရ ခဲ့ပြီး အနားယူ ပြီးတဲ့နောက် ရတဲ့ ၀င်ငွေက ပိုမိုကောင်းမွန်နေ တယ်လို့ ဆိုထားပါတယ်။ ဒေးဗစ်ဘက်ခမ်းဟာ ပြီးခဲ့တဲ့နှစ်မှာ တရုတ်ကုမ္ပဏီ တွေနဲ့ စာချုပ်ရာမှာ ၀င်ငွေတွေ တိုးလာတဲ့ အပြင် စကိုင်းစပို့တ် ရုပ်သံ၊ ဆမ်ဆောင်း စတဲ့ နာမည်ကျော် အမှတ်တံဆိပ်တွေနဲ့ စာချုပ်သစ်တွေ ချုပ်ဆို ခဲ့တာကြောင့် စံချိန်တင်ဝင်ငွေ ရှိခဲ့တာဖြစ်ပါတယ်။ နောက်ပြီး ဒေးဗစ်ဘက်ခမ်းဟာ ကိုယ်ပိုင် အမှတ်တံဆိပ်နဲ့ ပစ္စည်းတွေ ထုတ်ရောင်းမှု ပြုလုပ်ရာ မှာလည်း ၀င်ငွေတွေ များစွာ ရရှိ ခဲ့ပါတယ်။ ဒေးဗစ်ဘက်ခမ်းဟာ စပွန်ဆာ စာချုပ်တွေကြောင့် ၀င်ငွေတွေ အလိုအလျောက် ရနေတာ ဖြစ်ပြီး ကစားသမား ဘ၀မှာလည်း လုပ်ခလစာ အများအပြား ရရှိထား တာကြောင့် အချမ်းသာဆုံး ကစားသမား စာရင်း မှာ ပါဝင်နေတာ ဖြစ်ပါတယ်။
http://www.messengernewsjournal.com/General/Eventure/detail.php?id=33808
No comments:
Post a Comment