ကျောင်းသားသပိတ်များနှင့် အောင်မြင်စွာဆုတ်ခွာခြင်းဗျူဟာ

15-2-2015 ထုတ်ဝေမည့် The Daily Eleven သတင်းစာ၏ အယ်ဒီတာ့အာဘော်
မလိုလားအပ်သော ပြဿ       နာများ မဖြစ်ပေါ်စေရန်နှင့် နိုင်ငံတော်လုံခြုံရေး၊ တရား ဥပဒေစိုးမိုးရေး၊ ရပ်ရွာအေးချမ်းသာယာရေးတို့အတွက် ရန်ကုန်တိုင်းအတွင်းသို့ သပိတ် စစ်ကြောင်းများဝင်ရောက်ခြင်းမပြုရန် အစိုးရသတင်းထုတ်ပြန်ရေးအဖွဲ့က ဖေဖော်ဝါရီ ၁၃ ရက်တွင် သတင်းထုတ်ပြန်ခဲ့သည်။

ဆန္ဒပြကျောင်းသားကျောင်းသူများသိရှိနိုင်ရန်အတွက် ထုတ်ပြန်ခဲ့သည့် သတင်း ထုတ်ပြန်ချက်တွင် ဖေဖော်ဝါရီ ၁၁ ရက်က ပြည်ထောင်စုသမ္မတမြန်မာနိုင်ငံတော် အစိုးရကိုယ်စားလှယ်များ၊ ပြည်ထောင်စုလွှတ်တော်ကိုယ်စားလှယ်များ၊ NNER ကိုယ်စား လှယ်များ၊ ဒီမိုကရေစီပညာရေးလှုပ်ရှားမှု ဦးဆောင်ကော်မတီမှ ကျောင်းသားကိုယ်စား လှယ်များနှင့် လေးပွင့်ဆိုင်တွေ့ဆုံညှိနှိုင်းဆွေးနွေးရာတွင် တောင်းဆိုချက် (၁၁) ချက် နှင့်ပတ်သက်၍ နှစ်ဖက်သဘောတူညီချက်များ ရရှိခဲ့ကြပြီးဖြစ်ကြောင်း၊ ထို့အပြင် အခြား သဘောတူညီချက်များကိုလည်း လိုက်လျောပေးထားပြီးဖြစ်၍ သပိတ်စစ်ကြောင်းများ ရန်ကုန်မြို့သို့ ဦးတည်ချီတက်ခြင်းမပြုရန် အဆိုပါ ညှိနှိုင်းအစည်းအဝေး၌ ပြောကြား ထားပြီးဖြစ်ကြောင်း ပါရှိသည်။

အဆိုပါ ဆွေးနွေးပွဲရလဒ်များကို ဆက်လက်အကောင်အထည်ဖော်ရန်အတွက် ဖေဖော်ဝါရီ ၁၄ ရက်တွင် လေးပွင့်ဆိုင် ထပ်မံတွေ့ဆုံဆွေးနွေးရန် သဘောတူညီထား ပြီးဖြစ်ကြောင်း၊ သို့သော် ယခုအခါသပိတ်စစ်ကြောင်းများသည် ရန်ကုန်မြို့သို့ ဆက်လက် ဦး တည်လှုပ်ရှားနေကြသဖြင့် မလိုလားအပ်သောပြဿနာများ မဖြစ်ပေါ်စေရန်နှင့် နိုင်ငံ တော် လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေးတို့အတွက် ရန်ကုန် တိုင်းဒေသကြီးအတွင်းသို့ သပိတ်စစ်ကြောင်းများ ဝင်ရောက်ခြင်းမပြုနိုင်ရန် ဥပဒေနှင့် အညီ ဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

သို့အတွက် အခြားကျောင်းသားများနှင့် ဆရာများ၊ ကျောင်းသားမိဘများအပါအဝင် တစ်နိုင်ငံလုံးမှ ပြည်သူလူထုတို့အနေဖြင့် မလိုလားအပ်သော ထိပ်တိုက်ရင်ဆိုင်မှုများ ဖြစ်ပွားကာ ဆုံးရှုံးမှုများ ဖြစ်ပေါ်လာမည်ကို ရင်တမမဖြင့် စိုးရိမ်ပူပန်နေကြသည်။ ယင်းနှင့်ပတ်သက်၍ ကျောင်းသားများအား သတိပြုစေလိုသည့်အချက်မှာ သမိုင်းတွင် မည် သည့်ညှိနှိုင်းမှုကမှ ရာနှုန်းပြည့်ရရှိခဲ့ခြင်း မရှိမှုဖြစ်သည်။ အခြေအနေအရ ယခု ထိရရှိထားသော အောင်မြင်မှုကိုပင် ကျောင်းသားများသာမက ပြည်သူလူထုပါ ကျေနပ် လက်ခံသင့်ပြီး ဆက်လက်၍ အရဲကိုးကာ မလိုလားအပ်သော စွန့်စားမှုမျိုး ထပ်မံမပြု လုပ်စေလိုပါ။ အစိုးရအနေဖြင့်လည်း သပိတ်နှင့်ပတ်သက်ဆက်နွှယ်နေသူများကို ကျောင်းသား ဟုတ်သည်ဖြစ်စေ မဟုတ်သည်ဖြစ်စေ ရန်သူကဲ့သို့သဘောထားကာ ဖမ်းဆီးအရေး ယူခြင်းဖြင့် နိုင်ငံရေးပဋိပက္ခ္ခ၊ နိုင်ငံရေးအကျပ်အတည်း ထပ်မံဖန်တီးခြင်းမပြုမိရန် လိုအပ်သည်။

မြန်မာနိုင်ငံလွတ်လပ်ရေးကြိုးပမ်းမှုသမိုင်းထဲမှ ကျောင်းသားသပိတ်များဖြစ်ကြသော ၁၉၂ဝ ပြည့်နှစ် ပထမတက္ကသိုလ်ကျောင်းသားသပိတ်၊ ၁၉၃၆ ဒုတိယတက္ကသိုလ်ကျောင်း သားသပိတ်နှင့် ၁၉၃၈ တတိယတက္ကသိုလ်ကျောင်းသားသပိတ်တို့တွင် ဤကဲ့သို့ပင် သဘောတူညီမှုအချို့ဖြင့် လုပ်ခဲ့ကြရသည်။ ၁၉၈၈ ခုနှစ်၌ တစ်နိုင်ငံလုံးအတိုင်းအတာဖြင့် သပိတ်မှောက်ဆန္ဒပြခဲ့ကြသည့်တိုင် ခိုင်မာသောနိုင်ငံရေးဗျူဟာ ချမှတ်ကာ လုပ် ဆောင်နိုင်ခဲ့ခြင်းမရှိ၊ အတိုးအလျှော့ လုပ်ဆောင်နိုင်ခဲ့ခြင်းမရှိသောကြောင့် လူ့အသက် ပေါင်း များစွာ ဆုံးရှုံးသော်လည်း မအောင်မမြင်ဖြစ်ခဲ့ရသည်။

သပိတ်ဟူသည် လက်နက်ကိုင် တော်လှန်ရေးမဟုတ်သောကြောင့် အဆုံးစွန်ထိ သွား၍မရဘဲ အကန့်အသတ်များရှိနေသည်ကို သတိပြုရမည်ဖြစ်သည်။ လက်နက်ကိုင်တော်လှန်ရေးကဲ့သို့ အဆုံးစွန်ထိ အပြီးအပြတ် ဆောင်ရွက်ရန် မလွယ်ကူဘဲ အခြေအနေအရ ကန့်သတ်လုပ်ဆောင်နိုင်ရန် လိုအပ်သည်။ “အကုန်ရရင်ရ မရရင်ဘာမှ မလိုချင်ဘူး” ဟူသော သဘောမျိုးထား၍ မရပါ။ ယခုအထိပင် ကျောင်းသားများ၏ သပိတ်မှောက် ဆန္ဒပြမှုအား တစ်နိုင်ငံလုံးရှိ ကျောင်းသားများနှင့် ပြည်သူလူထုတို့က ချီးကျူးထောက်ခံထားပြီးဖြစ်သည်။ ရန်ကုန်မြို့သို့ ဝင်ရောက်ခြင်းမပြုနိုင်လျှင်လည်း တစ်နိုင်ငံလုံးမှ ကျောင်းသားများနှင့် ပြည်သူတို့က ထောက်ခံနေဦးမည်သာ ဖြစ်သည်။
အကယ်၍ ကျောင်းသားစစ်ကြောင်းများအနေဖြင့် ရန်ကုန်မြို့သို့ ဝင်ရောက်မည်ဆို ပါကလည်း အစိုးရနှင့် ပြေလည်အောင်ညှိနှိုင်းကာ ငြိမ်းချမ်းစွာဆောင်ရွက်စေလိုပါသည်။

အစိုးရအနေဖြင့် အေးအေးဆေးဆေး ဖြစ်နိုင်မည့်နေရာတစ်ခုကို စီစဉ်ပေးသင့်ပါသည်။ ကျောင်းသားများအနေဖြင့်လည်း မလိုလားအပ်သော ပဋိပက္ခများ မဖြစ်စေဘဲ ရန်ကုန်မြို့ အတွင်းသို့ လူခွဲလျက် အေးဆေးတည်ငြိမ်စွာ လာရောက်သင့်ပါသည်။ ကျောင်းသားများ အနေဖြင့် မည်သူ့ကိုမျှ အနှောင့်အယှက်မဖြစ်စေသည့်နေရာမျိုးတွင် အောင်မြင်စွာဖြင့် သပိတ်ကို ပိတ်သိမ်းလိုက်သင့်ပါကြောင်း The Daily Eleven သတင်းစာက တိုက်တွန်းရေး သားအပ်ပါသည်။
Eleven Media Group