အရှည်လျားဆုံး ရွှေဆွဲကြိုး

ဒူဘိုင်းမှာ ပြသခဲတဲ့ ရွှေဆွဲကြိုးဟာ (၅ ဒသမ ၅၂၂) ကီလိုမီတာ အထိ ရှည်လျား တာကြောင့် အရှည်လျားဆုံး ရွှေဆွဲကြိုး အဖြစ် စံချိန်တင် သွားပါတယ်။ ဒူဘိုင်းဟာ အရှေ့အလယ်ပိုင်းမှာ အခမ်းနားဆုံးမြို့ ဖြစ်တာနဲ့ အညီ ကြီးကျယ်တဲ့ မိုးမျှော် အဆောက်အဦ မျိုးစုံကို မြင်တွေ့ ရမှာ ဖြစ်ပြီး ဂင်းနစ် စံချိန် အမျိုးမျိုး ကိုလည်း ချိုးဖျက်နေတဲ့ မြို့တစ်မြို့လည်း ဖြစ်ပါတယ်။ အမြင့်ဆုံး အဆောက်အအုံ ကိုလည်း ဒူဘိုင်းမှာ တည်ဆောက်ထားပါ တယ်။ အခုလည်း အထိမ်းအမှတ် ပွဲတော် အဖြစ် အရှည်ဆုံး ရွှေဆွဲကြိုးကို ဖန်တီးခဲ့တာ ဖြစ်ပါတယ်။ ရွှေဆွဲကြိုးကို ဖန်တီးရာမှာ လူပေါင်း များစွာ အသုံး ပြုခဲ့ရ ပါတယ်။ ရွှေဆွဲကြိုးကို လက်မှု ပညာနဲ့ ပြုလုပ်ခဲ့ တာကြောင့် အချိန်ယူခဲ့ရ ပါတယ်။(၂၂) ကာရက်ရှိတဲ့ ရွှေကို လူပေါင်း(၁၀၀)နဲ့ ဖန်တီးခဲ့တာ ဖြစ်ပြီး (၄၅) ရက် အချိန်ယူခဲ့ရ ပါတယ်။ ရွှေရဲ့ အလေးချိန်က (၁၈၀) ကီလို အထိရှိပြီး ရွှေဆွဲကြိုးမှာ ပါဝင်တဲ့ ကွင်းဆက် အရေအတွက်က လေးသန်းကျော် ရှိပါ တယ်။ ဒီရွှေဆွဲကြိုးကို အများ ပြည်သူ ကြည့်နိုင်ဖို့ ဖွင့်လှစ် ပြသခဲ့ပြီး ဖန်တီး ပြုလုပ်ရာမှာ အချိန်ယူခဲ့ရ ခြင်းကြောင့် စိတ်ဝင်တစား လာရောက် ကြည့်ရှုသူ တွေ အများအပြားရှိခဲ့ ပါတယ်။ဒီရွှေဆွဲကြိုးကို လူပေါင်း (၁၀၀) နဲ့ တစ်နေ့ (၁၀) နာရီ အချိန်ယူကာ (၄၅) ရက်ကြာ ပြုလုပ် ခဲ့ခြင်း ဖြစ်ပါတယ်။ ဒူဘိုင်း ဈေးရောင်း ပွဲတော် အရောင်း မြှင့်တင်ခြင်း အစီအစဉ် တစ်ရပ် အနေဖြင့် ဒီရွှေဆွဲကြိုးကို ပြုလုပ်ခဲ့တာ ဖြစ်ပြီး လက်ဝတ် ရတနာ ကုမ္ပဏီတွေ ပူပေါင်း ဆောင်ရွက်ခဲ့ခြင်း ဖြစ်ပါတယ်။ ဒူဘိုင်း ဈေးရောင်း ပွဲတော်ဟာ ဒီနှစ်မှာနှစ်(၂၀) ပြည့် သွားခဲ့ပြီး၊ ဇန်န၀ါရီလ (၁) ရက်ကနေ ဖေဖော်ဝါရီလ (၁) ရက်အထိ ကျင်းပ ခဲ့ခြင်း ဖြစ်ပါတယ်။ ဒီရွှေဆွဲကြိုးကို ဒူဘိုင်းရွှေလက်ဝတ် ရတနာ ရောင်းဝယ်ရေး အဖွဲ့က ဦးစီး ပြုလုပ်ခဲ့တာ ဖြစ်ပြီး၊ အဲဒီ အဖွဲ့ရဲ့ တာဝန်ရှိ သူ ချန်ဒူးက မိမိတို့ ဒူဘိုင်းမြို့တော်သည် ကမ္ဘာလုံး ဆိုင်ရာ စီးပွားရေးမြို့တော် ဖြစ်ပြီး ဒီစံချိန်ကို ဆက်ထိန်း နိုင်ဖို့ ယခုလို ပြုလုပ်ခဲ့ ရခြင်း ဖြစ်ကြောင်း ဆိုခဲ့ပါတယ်။
http://www.messengernewsjournal.com/General/Eventure/detail.php?id=29502