ပုပ်ရဟန်းမင်းကြီးက ခန့်အပ်တဲ့ ကာဒီနယ် ဘုန်းတော်ကြီး အဖြစ်နဲ့ မြန်မာနိုင်ငံမှာ မတူကွဲပြားတဲ့ ဘာသာတရားတွေကြား ငြိမ်းချမ်းရေးနဲ့ ပြန်လည်ရင်ကြား စေ့ရေး ပေါ်ပေါက်လာအောင် ကြိုးပမ်း သွားမယ်လို့ ဘုန်းတော်ကြီး ချားလ်စ်ဘိုက ပြောကြားပါတယ်။
ပုပ်ရဟန်းမင်းကြီးရဲ့အာရှ ခရီးစဉ်အတွက် ဖိလစ်ပိုင်နိုင်ငံကို ရောက်ရှိနေတဲ့ ချားလ်စ်ဘိုကို ဗာတီကန် ရေဒီယိုက တွေ့ဆုံမေးမြန်းရာမှာ ပြောဆိုခဲ့တာပါ။
မြန်မာနိုင်ငံမှာ ဘာသာရေးဆိုင်ရာ ငြိမ်းချမ်းရေးနဲ့ သဟဇာတဖြစ်မှုအတွက် ဘာသာရေး ခေါင်းဆောင် တွေရဲ့ အခန်းကဏ္ဍဟာ အင်မတန် အရေးကြီး ပါတယ်၊ ဗုဒ္ဓဘာသာဝင် အများစုရှိတဲ့ မြန်မာနိုင်ငံမှာ ဗုဒ္ဓဘာသာ ရဟန်းတော်တွေရဲ့ အဆိုအမိန့်တွေက လူထုအပေါ် အလွန်တရာ သြဇာညောင်းပါတယ်၊ ပုပ်ရဟန်းမင်းက ခန့်အပ်လိုက်တဲ့ ကာဒီနယ် တစ်ဦးအဖြစ် မြန်မာနိုင်ငံမှာ မတူကွဲပြားတဲ့ ဘာသာတရားတွေကြား ငြိမ်းချမ်းရေးနဲ့ ပြန်လည်ရင်ကြားစေ့ရေး ပေါ်ပေါက်လာအောင် ကြိုးပမ်းသွားဖို့ ရည်ရွယ်ထားပါတယ်လို့ ပြောကြားခဲ့ပါတယ်။
ပုပ်ရဟန်းမင်းက ကာဒီနယ် ခေါ် ဗာတီကန် ဘုန်းကြီးအမတ် ၂ဝ ကို မကြာခင်က တိုးမြှင့်ခန့်အပ်ခဲ့ရာမှာ ရန်ကုန် ကက်သလစ် ဂိုဏ်းချုပ်ဘုန်းတော်ကြီး ချားလ်စ်ဘိုကို မြန်မာနိုင်ငံသားထဲက ပထမဆုံး ကာဒီနယ်အဖြစ် ရွေးချယ်ခန့်အပ်ခဲ့တာဖြစ်ပါတယ်။ ကာဒီနယ် ဘုန်းကြီးတွေဟာ ပုပ်ရဟန်းမင်းကို အကြံပေးအဖွဲ့ဖြစ်သလို၊ ပုပ်ရဟန်းမင်းအသစ်ကိုလည်း ရွေးချယ်ကြရပါတယ်။
RFA Burmese
https://www.facebook.com/pages/RFA-Burmese/39218993127
No comments:
Post a Comment