နေအိမ်မီးဖိုမီးကြွင်း မီးကျန်မှတစ်ဆင့် မီးလောင်မှု ဖြစ်ပွားသဖြင့် နေအိမ်(၁၂)လုံး မီးလောင်ဆုံးရှုံး
နေပြည်တော်၊ ဇန်နဝါရီ ၁၁
၂ဝ၁၅ ခုနှစ်၊ ဇန်နဝါရီလ ၁ဝ ရက်နေ့ ည ၈ နာရီခွဲအချိန် စစ်ကိုင်းတိုင်း ဒေသကြီး၊ ယင်းမာပင်မြို့နယ်၊ တံခါးရင်းကျေးရွာ၌ မီးလောင်မှု ဖြစ်ပွားကြောင်း သတင်းအရ ယင်းမာပင်ခရိုင် အုပ်ချုပ်ရေးမှူးနှင့် ဝန်ထမ်းများ၊ ယင်းမာပင်ခရိုင်ရဲတပ်ဖွဲ့မှူးရုံးမှတပ်ဖွဲ့ဝင်များ၊ ယင်းမာပင်မြို့မ ရဲစခန်းမှတပ်ဖွဲ့ဝင်များ၊ ယင်းမာပင်မြို့နယ်မီးသတ်တပ်ဖွဲ့မှ တပ်ဖွဲ့ဝင်များနှင့် ပုလဲမြို့နယ်မီးသတ်တပ်ဖွဲ့မှ တပ်ဖွဲ့ဝင်များ ပါဝင်သည့် ပူးပေါင်းအဖွဲ့က ရွာသူ/သားများနှင့်အတူ ဝိုင်းဝန်းငြှိမ်းသတ်ခဲ့ရာ ည ၁ဝ နာရီခွဲအချိန် မီးငြိမ်းသွားခဲ့သည်။
စစ်ဆေးချက်အရ အဆိုပါ ကျေးရွာနေ ဒေါ်မိစု(၅ဝ)နှစ်၏ နေအိမ် မီးဖိုမီးကြွင်းမီးကျန်မှ တစ်ဆင့် မီးလောင်မှုဖြစ်ပွားကြောင်း သိရှိရပြီး မီးလောင်မှုကြောင့် သွပ်မိုး ပျဉ်ထောင်နေအိမ်(၂)လုံး၊ သွပ်မိုးထရံကာနေအိမ်(၁ဝ)လုံး၊ စုစုပေါင်းနေအိမ်(၁၂)လုံး မီးလောင်ဆုံးရှုံး ခဲ့သောကြောင့် ဒေါ်မိစုအား ယင်းမာပင်မြို့မရဲစခန်း(ပ)၁၁/၂ဝ၁၅၊ ပြစ်မှုပုဒ်မ ၂၈၅ ဖြင့် အမှုဖွင့် အရေးယူထားကြောင်း သတင်းရရှိသည်။
ရဲဇာနည်
https://www.facebook.com/yezarnimedia
No comments:
Post a Comment