၂ဝ၁၄ ခုနှစ်၊ ဒီဇင်ဘာလ ၂၂ ရက်နေ့ ည ၁၁ နာရီအချိန် ရှမ်းပြည်နယ်၊ နောင်ချိုမြို့၊ ဈေးရပ်ကွက်ရှိ ဖွားသီတောင် တောင်ယာတဲနေ ဦးလှရှိန်(၅၄)နှစ်နှင့် နောင်ချိုမြို့၊ နယ်မြေ(၈)၊ တောင်ရပ်ကွက်နေ ဦးမောင်နှင်း(၅ဝ)နှစ်တို့ ၂ ဦးသည် အရက်အတူသောက်ပြီး စကားများရန်ဖြစ်စဉ် ဦးလှရှိန်မှ ပေါက်ပြားဖြင့်ခုတ်၍ ဦးမောင်နှင်းတွင် ဦးခေါင်းယာချိုစောင်းပြတ်ရှ၊ ဝဲချိုစောင်းပေါက်ပြဲ ဒဏ်ရာများရရှိခဲ့သောကြောင့် အရေးယူပေးရန် ဈေးရပ်ကွက်အုပ်ချုပ်ရေးမှူးမှတိုင်တန်းခဲ့ရာ ဦးလှရှိန်အား နောင်ချိုမြို့မရဲစခန်း (ပ)၁၃၁/၂ဝ၁၄၊ ပြစ်မှုပုဒ်မ ၃၂၆ ဖြင့် အမှုဖွင့်အရေးယူခဲ့သည်။
အဆိုပါအမှုမှ ဒဏ်ရာရရှိသူ ဦးမောင်နှင်းမှာ နောင်ချိုပြည်သူ့ဆေးရုံတွင် ဆေးဝါးကုသမှုခံယူနေစဉ် ၂၃-၁၂-၂ဝ၁၄ ရက်နေ့ ဝဝ၂ဝ အချိန် သေဆုံးသွားသောကြောင့် ပြစ်မှုပုဒ်မ ၃၂၆ မှ ၃ဝ၂ သို့ ပြောင်းလဲစစ်ဆေးလျက် ရှိကြောင်း သတင်းရရှိသည်။
ရဲဇာနည်
https://www.facebook.com/yezarnimedia
No comments:
Post a Comment