စိတ်ကျန်းမာရေး အတွက် ဆိုးတဲ့ အကျင့် (၁၀) ချက်

စိတ်ဓာတ် ကျစေသည့် အကြောင်းရင်း အများစုသည် ကျွန်ုပ်တို့ ထိန်းချုပ်ခြင်းငှာ မစွမ်းသာသော ဘောင်ပြင်ဘက်က ကိစ္စများကြောင့် ဖြစ်ရသည်။ ချစ်ခင်ရသူ သေဆုံးခြင်း၊ အလုပ် ပြုတ်ခြင်း၊ ငွေကြေး အကျပ်အတည်း တွေ့ခြင်း စသည် စသည်ဖြင့် ထိန်းချုပ်ခြင်းငှာ မစွမ်းသာတာ များကို ခဏမေ့ ထားပြီး ထိန်းချုပ်ခြင်းငှာ စွမ်းသာသော နေ့စဉ်ဘ၀ အလေ့အထ လေးများကို ပိုကောင်းအောင် ပြုပြင်ခြင်းဖြင့် စိတ်ဓာတ်ကျ စေမည့် အလားအလာများကို ချေဖျက် ပြီးသား ဖြစ်သွား နိုင်သည်ကို စာဖတ်သူ သတိထားမိပါ သလား။

ကိုယ် ဖေ့စ်ဘွတ်ခ်၊ တွစ်တာ သုံးနေပုံ၊ လေ့ကျင့်ခန်း လိုက်စားမှု ရှိမရှိက အစ ကုန်ကုန် ပြောရလျှင် ကိုယ်လမ်းလျှောက်ပုံ အထိသည် ကိုယ့်စိတ်ကို အတက်အကျ အမျိုးမျိုး ဖြစ်စေ နိုင်သည်ကို စာဖတ်သူ သတိထားမိပါ၏လား။ ကိုယ့်ကို စိတ်ဓာတ်ကျ စေမည့် ဘက် အလေးကဲနေ စေသော အပြုအမူ များကို ပြုပြင် ပြောင်းလဲ လိုက်ခြင်းဖြင့် စိတ်လန်းဆန်းသူ တစ်ယောက် ဖြစ်လာ နိုင်သည်။ အောက်တွင် စိတ်ဓာတ်ကျစေ နိုင်သည့် နေ့စဉ်ဘ၀ အပြုအမူ (၁၀) ခု ကို ဖော်ပြထားပြီး မည်သို့ ပြုပြင် သင့်ပုံများကိုပါ တစ်ဆက်တည်း ဖော်ပြထား ပါသည်။

၁။ လမ်းလျှောက်ရင် လေးလေး ကန်ကန် ထိုင်းထိုင်း မှိုင်းမှိုင်း။

ကျွန်ုပ်တို့ စိတ်အခြေအနေသည် ကျွန်ုပ်တို့ လမ်းလျှောက်ပုံ ကိုပါ လွှမ်းမိုးမှု ရှိသည်။ ပျော်နေရင် ခြေလှမ်း တက်တက်ကြွကြွ၊ စိတ်ညစ် နေလျှင် မတက်မကြွ ထိုင်းထိုင်းမှိုင်းမှိုင်း။ စိတ်က လမ်းလျှောက်ပုံကို လွှမ်းမိုးသည့် နည်းတူ၊ ပြောင်းပြန် အားဖြင့် လမ်းလျှောက်ပုံ ကလည်း စိတ်ကို ပြန်လွှမ်းမိုးမှု ရှိကြောင်း မကြာသေးခင် ကမှ ထွက်လာသော စစ်တမ်း တစ်ရပ်က ဖော်ပြသည်။ ခန္ဓာကိုယ် အပြုအမူ ဆိုင်ရာ ကုထုံးနှင့် စိတ်ဝေဒနာ သုတေသန ဂျာနယ်တွင် ထည့်သွင်း ဖော်ပြ ထားသည်။ သုတေသနတွင် လူနှစ်စု ပါသည်။ ပထမ တစ်စုကို လက်လည်း မလွှဲ၊ ခြေလည်း လေးတိ လေးကန် အနေ အထားနဲ့ လျှောက်ခိုင်းသည်။ ဒုတိယ တစ်စု ကိုကား တက်တက်ကြွကြွ လျှောက်ခိုင်းသည်။ ထိုသို့ လမ်းလျှောက် နေစဉ် ဖြစ်နေသည့် စိတ်ခံစားချက်များ ကို စစ်တမ်း မေးခွန်း များဖြင့် ဖော်ထုတ်သည်။ ထိုအခါ ပထမ တစ်စုသည် ဒုတိယ တစ်စုထက် အဆိုးအပျက် များကို တွေးမိနှုန်း ပိုများ သလို၊ ပါးစပ်က လည်း အဆိုးအပျက် ကိစ္စ ပြောမိနှုန်းပို များကြောင်း တွေ့ခဲ့ရသည်။

ပျော်အောင် ။ ။ ရင်ကိုကော့ မေးကို မော့ပြီး တက်ကြွသည့် စတိုင်ဖြင့် လမ်းလျှောက်ပါ။ ထိုအခါ စိတ်သည်လည်း အလိုလို အကောင်းဘက် ကို ပိုတွေးမိလာမည်။

၂။ ဘာတွေ့တွေ့ ဓာတ်ပုံရိုက်သည်။

စမတ်ဖုန်း ကင်မရာများသည် ဒစ်ဂျစ်တယ် ကင်မရာ တစ်လုံးလောက် နီးပါး အားကိုးလ ရလာသည်တွင် လူတိုင်း လိုလို ဘယ်ပဲ ရောက်ရောက် ဓာတ်ပုံလေး တချပ်ချပ် ရိုက်လာ ကြသည်။ ရောက်သည့် နေရာကို စိတ်နဲ့ ၀င်ခံစားခြင်း မရှိ။ ဓာတ်ပုံ အဖြစ် ရိုက်ကာ မမ်မိုရီကတ် ထဲသာ ထည့်ကြသည်။ ဦးနှောက်နှင့် နှလုံးသားထဲ မ၀င်။ “စိတ်ပညာ သိပ္ပံ ဂျာနယ်တွင် ဖော်ပြ ထားသော လေ့လာမှု စစ်တမ်း တစ်ရပ်တွင် လူနှစ်စုကို ပြတိုက် သွားကြည့် ခိုင်းသည်။ တစ်စုကို ဒီအတိုင်း ကြည့်စေသည်။ နောက်တစ်စုကို ဖုန်းဖြင့် ဓာတ်ပုံ ရိုက်လိုက ရိုက်ခွင့် ပေးသည်။ ပြတိုက် သွားပြီး ပြန်လာသော ထိုနှစ်စုကို ပြတိုက်မှာ ပြထားတာများ ပြန်မေးသော အခါ ဒီအတိုင်း ကြည့်လာသူများသည် မှတ်မိမှု အများဆုံး ဖြစ်ပြီး ဓာတ်ပုံ ရိုက်လာသူများကား မှတ်မိမှု အနည်း ဆုံး ဖြစ်ကြောင်း တွေ့ခဲ့ရသည်။ ကင်မရာ များသည် အသုံးမချ တတ်ပါက မျက်လုံးရှေ့ကာ ကာထားမည့် ပ၀ါပါးများ သဖွယ် ဖြစ်သွားနိုင်သည်ဟု စစ်တမ်း က သတိပေး ထားသည်။

ပျော်အောင် ။ ။ တစ်ခုခုကို ဓာတ်ပုံရိုက် လိုသည် ဆိုလျှင်ပင် ကိုယ်ရိုက် လိုတာကို သေချာ ကြည့်ပြီးမှ ရိုက်ပါ။ အကောင်းဆုံး ကတော့ နောက် နည်းနည်းဆုတ် မျက်လုံးထဲ သေချာ ၀င်အောင် ကြည့်ပြီး ခံစားပါ။ ထိုသို့မှ သဘာဝ ပတ်ဝန်းကျင် ထဲက ကြုံတွေ့ရ သမျှကို စိတ်က ခံယူ မှတ်သားထား နိုင်မည်။ ထိုသို့မှ စိတ်ထဲ မှတ်သားထား တာများ မရှိလျှင် ဗလာ ဖြစ်နေသော စိတ်သည် ပျော်ရွှင်မှုနဲ့ ဝေးနေလိမ့်မည်။

၃။ အနိုင်ကျင့်သူများကို ပစားပေးထား မိခြင်း။

ကျောင်းမှာမှ အနိုင်ကျင့်ခံ ရတာ မဟုတ်။ အမေရိကန် လုပ်သား (၃၅) ရာခိုင်နှုန်း (၅၄ သန်း) သည် အလုပ်ခွင် ထဲမှာ ပုံစံ တစ်မျိုးမျိုး ဖြင့် အနိုင်ကျင့် ခြင်း ခံရဖူးကြောင်း “အလုပ်ခွင်တွင်း အနိုင်ကျင့်ခြင်း ဆိုင်ရာ လေ့လာရေး အဖွဲ့ ”၏ အစီရင်ခံစာတွင် ဖော်ပြ ထားသည်။ ပုံစံ တစ်မျိုးမျိုးဖြင့် အနိုင်ကျင့် ခြင်းကို ခံရပါ များလာသည့် အခါ မိမိကိုယ်ကို ညံ့ဖျင်းသူဟု ထင်လာ တတ်သည်။ ထိုသို့ ထင်လာခြင်းသည် ကိုယ့်ကိုယ်ကို ကျေနပ် အားရသော ဘ၀ ထူထောင်ရေးတွင် ကြီးမားသော အနှောင့်အယှက် ဖြစ်သည်။ ကြာလာလျှင် မနက် မနက် အိပ်ရာက ထကာ အလုပ် သွားချင် စိတ်ပါ ပျောက်လာ နိုင်သည်။ ထိုသို့ ဖြစ်ပြီ ဆိုလျှင် ဘ၀ တိုးတက်ရေး ကိုပါ ထိခိုက်တော့မည်။ စိတ်ပျော် ဖို့လည်း မရှိတော့။

ပျော်အောင် ။ ။ အနိုင်ကျင့်သူ များကို ထိပ်တိုက် ရင်ဆိုင်ဖို့ မကြောက်ပါနဲ့။ အနိုင်ကျင့်လို့ မရမှန်း သိသွားလျှင် နောင် အနိုင်ကျင့် ရဲတော့မည် မဟုတ်။ ကူညီနိုင်မည့်သူ တစ်ဦးဦးကို အကျိုးအကြောင်း ပြောပြကာ အကြံဉာဏ် တောင်းခံခြင်း ဖြင့်လည်း ပြဿနာ ပြေလည် နိုင်သည်။

၎။ ကျန်းမာရေး မလိုက်စား။

တစ်ပတ်ကို သုံးကြိမ် တက်တက်ကြွကြွ လေ့ကျင်ခန်း လုပ်လျှင် စိတ်ကျ ဝေဒနာ ခံစားရ နိုင်ခြေ (၁၉) ရာခိုင်နှုန်း နည်းသွားကြောင်း JAMA Psychiatry ဂျာနယ်တွင် ထည့်သွင်း ဖော်ပြ ထားသည်။ ၁၉၅၈ ခုနှစ်တွင် မွေးဖွားခဲ့ သူများကို အသက် (၅၀) ရောက်သည် အထိ လေ့လာ ထားချက်အရ ကျန်းမာရေး လေ့ကျင့်ခန်း များများ လုပ်လေ စိတ်ကျဝေဒနာ ခံစားရနိုင်ခြေ နည်းသွားလေ ဖြစ်ကြောင်း တွေ့ခဲ့ရသည်။ စိတ်ဓာတ်ကျနေ သူသည် မတက် ကြွဆုံး လူဖြစ်သလို၊ မတက်ကြွဆုံး လူသည်လည်း စိတ်ဓာတ် အကျဆုံးသူ ဖြစ်ကြောင်း တွေ့ရသည်။ ကိန်းဂဏန်း အားဖြင့် ပြောရလျှင် တက်တက် ကြွကြွ တစ်ကြိမ် နေတိုင်း စိတ်ဓာတ်ကျ နိုင်ခြေ (၆) ရာခိုင်နှုန်း နည်းသွားသည်။

ပျော်အောင် ။ ။ အပြင်ထွက်ပါ။ လှုပ်ရှားပါ။ ရေးကြီးခွင်ကျယ် ကိစ္စမျိုးမှ မဟုတ်။ လမ်းထိပ်ထွက် မုန့်ဝယ်တာက အစ လှေကား တက်တာ အဆုံး တက်တက်ကြွကြွလေး လုပ်ကြည့်ပါ။

၅။ အချိန်ဆွဲသူကြီး။

လုပ်စရာရှိတာ မလုပ်ဘဲ နေ့ရွှေ့ ညရွှေ့ လုပ်ထားမိသည့် အလုပ်များကို စာရင်းချ ကြည့်ပါ။ ဘာကြောင့် ရွှေ့နေမိလဲ စဉ်းစားပါ။ ပျင်းလို့ ရွှေ့နေ မိသည် ဆိုလျှင်တော့ ကုစရာ ဆေးမရှိတော့။ လုပ်ရမှာ ကြောက်လို့၊ စိတ်ရှုပ်မခံနိုင်လို့ ဆိုတာမျိုး ဆင်ခြေပေးမိသည် ဆိုလျှင်တော့ ထိုသို့ အချိန်ဆွဲ နေခြင်းသည် ကိုယ့်ကျောပေါ်မှာ ၀န်ထုပ်တွေ ပိုများ သထက်များ လာအောင် စုတင်နေခြင်းနဲ့သာ တူလိမ့်မည်။ကြာလေ လေးလေနှင့် စိတ်ပျော် စရာ မရှိတော့။

ပျော်အောင် ။ ။ လုပ်ရမှာ ၀န်လေး နေသည့် အလုပ်မျိုး မလုပ်ခင် စိတ်ပေါ့ပါး သွားအောင် သီချင်း နားထောင်တာမျိုး၊ လေ့ကျင့်ခန်း လုပ်တာ မျိုး လုပ်ပေးပါ။ ထိုသို့ လုပ်ခြင်းဖြင့် လုပ်ရတာ စိတ်ဖိစီးခြင်း အစား ပျော်ရွှင်ခြင်း ဖြစ်လာ လိမ့်မည်။

၆။ အဆိပ်သင့် ဆက်ဆံရေးထဲမှာ ပိတ်မိ နေသည်။

အိမ်ထောင်ရေး၊ မိသားစုရေး၊ ပေါင်းသင်း ဆက်ဆံရေး စသည် တို့မှာ အဖုအထစ် ဖြစ်နေခြင်းကို အဆိပ်သင့် ဆက်ဆံရေးဟု ခေါ်သည်။ လူ အများအပြား စိတ်ညစ်သည် စိတ်ညစ်သည် နှင့်သာ ပြောနေသည်၊ ဘာကြောင့် ညစ်ရ သည်ကို အကြောင်းရင်း မဖော်ထုတ် ဖြစ်ကြ။ အများစုကြီး စိတ်ညစ် စိတ်ဓာတ်ကျ စေသည့် အကြောင်းရင်းကား အဆိပ်သင့် ဆက်ဆံရေး များကြောင့် ဖြစ်ကြောင်း စိတ်ပညာရှင် များက ဆိုသည်။ မိသားစုနဲ့ အဆင်မပြေ၊ အိမ်ထောင်ဘက်က ကိုယ့်ကို မလေးစား စသည် တို့သည် စိတ်ထဲမှာ အဆိပ်သင့်နေ တတ်သည်။

ပျော်အောင်။ ။ အဆိပ်သင့် ဆက်ဆံရေး ဖြစ်နေရသည်ဟု ထင်ရသူ များနှင့် တိုက်ရိုက်သော် လည်းကောင်း၊ ကြားခံ လူတစ်ယောက် ယောက် အကူအညီဖြင့်သော် လည်းကောင်း ဖြေရှင်းပါ။

၇။ ခံစားချက်တွေ များလွန်းသည်။

လမ်းလျှောက်ရင်း ပလက်ဖောင်း အက်ကွဲကြောင်းထဲ ခြေချော် ကျပြီး ဟပ်ထိုး လဲတော့မလို ဖြစ်သွားပါက ပုခုံးတွန့်ပြီး အင်း…ဖြစ်ကို ဖြစ်ရ မယ် ဟု ပြုံးလိုက်တာ မျိုးပင် မလုပ်နိုင်ဘဲ လောကကြီးကို ဆဲဆိုသည် အထိ ဖြစ်လာပြီ ဆိုလျှင်တော့ ကိုယ် ခံစားချက်တွေ များလွန်းနေပြီ ဆိုတာ သတိ ထားပါ။ အသေး အမွှားလေးတွေကို ရယ်ပစ်နိုင်အောင် ကြိုးစားပါ။ ခလုတ် တိုက်တာက အစ လောကကြီးကို ဆဲရသည် အထိ စိတ် ၀န်ပိနေပြီ ဆိုလျှင် တစ်ကယ်တမ်း ကြီးမားသည့် ကိစ္စများ ကြုံလာရပါက ကိုယ့်စိတ်သည် ၀န်ထုပ်အောက်မှာ ပြားသွား ဖို့သာ ရှိတော့မည်။

ပျော်အောင် ။ ။ ရယ်မောခြင်းသည် စိတ်ကျခြင်းကို ကုစားဖို့ ပထမဆုံးနှင့် အကောင်းဆုံး ဆေးဝါး ဖြစ်သည်ကို အမြဲ သတိရပါ။

၈။ မအိပ်မနေ အသက်ချွေ။

အိပ်စက်ခြင်းသည် ခန္ဓာကိုယ် ယန္တရားကို ဆီဖြည့်ပေးခြင်း ဖြစ်သည်။ ဆီရှိမှ ကားမောင်း နိုင်မည်။ အိပ်စက်ခြင်းရှိမှ ခန္ဓာကိုယ် ပုံမှန် လည်ပတ် နိုင်မည်။ အိပ်စက်ခြင်းသည် စိတ်ပိုင်းရော၊ ကိုယ်ပိုင်း လုပ်ငန်းဆောင်တာ များကိုပါ လွှမ်းမိုးမှု ရှိသည်။ မိမိ အတွက် လိုအပ်သော အိပ်ချိန် မလုံ လောက်လျှင် ဆီမရှိသော ကားပမာ ဖြစ်နေမည်။

ပျော်အောင် ။ ။ အိပ်ရေး မ၀စေသည့် အကြောင်းများကို စာရင်းချ ရေးပါ။ ကုစား နိုင်မည့် နည်းလမ်းကို စဉ်းစားကာ လက်တွေ့ လုပ်ပါ။

၉။ ကိုယ်ပိုင်ချိန် မရှိ။

ကလေးတွေ ကိစ္စ၊ အလုပ် ကိစ္စ၊ အိမ်မှု ကိစ္စ၊ လူမှု ကိစ္စ စသည် စသည်ဖြင့် ရှိသမျှ အချိန် သူများကို ပေးနေရပြီး ကိုယ့် အတွက် ကိုယ်ကား အချိန်မပေးနိုင် ဖြစ်နေ ဖြစ်နေလျှင် စိတ်ကျခြင်း၊ စိတ်နုံးခြင်း များက ကိုယ့်ဆီ ရောက်လာ တော့မည် ဆိုတာ သတိရ လိုက်ပါ။ ကိုယ်တစ်ယောက်တည်း အေးအေး လူလူ လုပ်ချင်တာ လုပ်နေ နိုင်အောင် (၁၀) မိနစ် လောက် ဖြစ်ဖြစ်၊ တစ်နာရီလောက် ဖြစ်ဖြစ်၊ တစ်ရက်လောက် ဖြစ်ဖြစ် အချိန်ရအောင် ဖန်တီးပါ။ ကိုယ်ပိုင်ချိန် ဖန်တီး ရယူခြင်းသည် စိတ်ထဲက ၀န်ထုပ်များကို ဆေးချ ပစ်ခြင်းနှင့်လည်း ဆင်တူ၏။

ပျော်အောင် ။ ။ သူများ အတွက် အချိန် ပေးသလို ကိုယ့်အတွက်လည်း အချိန်ပေးပါ။ အလုပ်များ သူများ အချိန်ဇယားပါ ဆွဲပြီး ကိုယ့်အတွက် အချိန် သပ်သပ် ဖယ်ပါ။

၁၀။ ဘယ်သူနဲ့မှ မယ်မယ်ရရ စကား မပြောဖြစ်။

ဖေ့စ်ဘွတ်ခ် တွစ်တာ ဆိုရှယ် မီဒီယာ ခေတ်ကြီးမှာ အွန်လိုင်းက အချိန်မရွေး ဆက်သွယ်နိုင်ကြ သဖြင့် အပေါင်းအသင်း များနဲ့ အဆက် အသွယ် မပြတ် ရှိနေသည်မှန် သော်လည်း တကယ်တမ်း ဘယ်သူနဲ့ အားရပါးရ စကားပြောဖြစ်လဲ ပြန်စဉ်းစားရင် ဘယ်သူနဲ့မှ မပြောဖြစ်တာ သိရ လိမ့်မည်။ တစ်ယောက်ကို တစ်ယောက် နားလည်စေသည့် မျက်နှာချင်းဆိုင် ပွင့်ပွင့်လင်းလင်း ဆက်ဆံရေးမျိုးသည် မျက်နှာချင်းဆိုင် လူချင်းတွေ့မှသာ ဖြစ်နိုင်မည်။ ထို့ကြောင့် ချစ်သူခင်သူ မိတ်ရင်းဆွေဖော်များနဲ့ လူချင်း တွေ့ အားရပါးရ စကားပြောတာ တစ်လကို ဘယ်နှကြိမ်ရှိလဲ ပြန်စဉ်းစားပါ။ ကြိမ်ရေ တိုးနိုင်သမျှ တိုးအောင် ကြိုးစားပါ။ ရင်ဘတ်နဲ့ ပေါင်းလို့ရသော လူရင်း များများရှိလေ ဘ၀က နေပျော်စရာ ကောင်းလေ ဆိုတာ သုတေသန များစွာ ကလည်း လက်တွေ့ပြသ ထားကြပြီး ဖြစ်သည်။

ပျော်အောင် ။ ။ တစ်ပတ်ကို တစ်ကြိမ်လောက် မိသားစုဝင်များနဲ့ ဖြစ်စေ၊ မိတ်ဆွေ တစ်ယောက်ယောက်နဲ့ ဖြစ်စေ တွေ့ဆုံ နိုင်အောင် ကြိုးစားပါ။

Credit: messenger