မြန်မာနိုင်ငံ ဆိုင်ရာ အမေရိကန် သံအမတ်ကြီး ဒဲရစ်ခ် မစ်ချဲလ်ဟာ မကြာခင် မြန်မာနိုင်ငံကို လာရောက်တော့မယ့် သမ္မတ အိုဘာမား ခရီးစဉ် အတွက် ကချင် ပြည်နယ်ကို သွားရောက်ပြီး အဲဒီက အခြေ အနေနဲ့ ဒေသခံတွေရဲ့ သဘောထားတွေကို သွားရောက် ရယူခဲ့ပါတယ်။
နောက်ပြီး ပြည်တွင်း အိုးအိမ် စွန့်ခွာ ထွက်ပြေးနေရတဲ့ အိုင်ဒီပီ ဒုက္ခသည်တွေ ဆီလည်း သွားရောက် တွေ့ဆုံခဲ့ပါတယ်။
ကချင်ပြည်နယ် ခရီးစဉ်အတွင်း အဓိက တွေ့ဆုံ ဆွေးနွေးခွင့်ရ သူတွေထဲက တဦး ဖြစ်တဲ့ ကချင် လူမှု အဖွဲ့ အစည်းတွေ ထဲက အမျိုးသမီးရေးရာ ဦးဆောင်သူ ဒေါ်ဂျာဆိုင်းခွန်က အမျိုးသမီးတွေ အခွင့်အရေး ချိုးဖေါက်ခံနေရတာ တွေကိုလည်း တင်ပြခဲ့တယ်လို့ ဘီဘီစီကို ပြောပါတယ်။
ဒါ့အပြင် အစိုးရနဲ့ တိုင်းရင်းသား လက်နက်ကိုင်တွေ အကြား ဆွေးနွေး မှုတွေ အဆင်မပြေ ဖြစ်နေရတာကို စိုးရိမ်ကြောင်း ပြောကြား ခဲ့တယ်လို့ ဆိုပါတယ်။
မစ္စတာ ဒဲရစ်ခ်ျ မစ်ချဲလ် ဘက်ကတော့ မြန်မာအစိုးရ စစ်တပ် အရာရှိတွေရဲ့ စိတ်နေ သဘော ထား ပြောင်းလဲ မှသာ ငြိမ်းချမ်းရေး ဆွေးနွေးရာမှာ တိုးတက် မှု ရှိလာ နိုင်မှာ ဖြစ်ကြောင်း ပြောကြားခဲ့တယ်လို့ ဒေါ်ဂျာဆိုင်းခွန် က ဘီဘီစီကို ပြန်ပြော ပြပါတယ်။
ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တွေ့တဲ့အခါမှာလည်း ဒီကိစ္စကို ပြောဆိုခဲ့တာတွေ ရှိကြောင်း ဒဲရစ်ခ် မစ်ချဲလ်က ပြောပါတယ်။
နောက်ပြီး မြန်မာ အစိုးရ စစ်တပ်နဲ့ အမေရိကန် စစ်တပ် အကြား ပူးပေါင်း ဆောင်ရွက်မှုတွေ လုပ်ဖို့ အစီအစဉ်ဟာလည်း မြန်မာ စစ်တပ်ကို စစ်ဓာတ်ရေးရာအရ မြှင့်တင် ဆောင်ရွက်ပေးဖို့ ရည်ရွယ်တာလို့ မစ္စတာ မစ်ချဲလ်က ရှင်းပြခဲ့တယ်လို့ ဆိုပါတယ်။
No comments:
Post a Comment