မြို့ပြ အရိုင်းပန်းများ

“မြတ်နိုးအချိန်ပြည့်ပြီ” ဆိုသော အသံကြားလိုက်ရသည်နှင့် အခန်းထဲတွင် မူးနေသော အမျိုးသားကြီး တစ်ဦးကို နှိပ်ပေးနေသော အသက် ၂၀ ကျော်အရွယ် မိန်းကလေးငယ်သည် လန်းဆန်းပျော်ရွှင်သော မျက်နှာ အမူအရာနှင့်အတူ အခန်းအပြင်သို့ အပြေးကလေး ထွက်သွားသည်။ အနှိပ်ခံသော အမျိုးသားကြီးကလည်း ဒယီးဒယိုင်ဖြင့် အခန်းအပြင်သို့ ထွက်လာပြီး ကောင်တာတွင် ငွေရှင်းကာ ထွက်ခွာသွားသည်။

ထိုမြင်ကွင်းသည် မန္တလေးမြို့ရှိ အနှိပ်ခန်း တစ်ခုအတွင်းမှ မြင်ကွင်းဖြစ်ပြီး မန္တလေးမြို့တွင် ငယ်ရွယ်နုပျိုသော မိန်းကလေးငယ်များစွာ အလုပ်လုပ်ကိုင်နေသော အနှိပ်ခန်းမြောက်မြားစွာ ရှိလာပြီ ဖြစ်သည်။ မန္တလေးမြို့ရှိ အနှိပ်ခန်း မြောက်မြားစွာအနက် အနှိပ်ခန်းဗန်းပြ၍ ပြည့်တန်ဆာလုပ်ငန်း လုပ်ကိုင်နေသည့် နေရာများလည်း ရှိနေရာတွင် မန္တလေးအနှိပ်ခန်း အများစုမှာ ပြည့်တန်ဆာ လုပ်ငန်းနှင့် ပတ်သက်မှုမရှိဟု ဆိုကြသော်လည်း ကျန်းမာရေးအတွက် ဖွင့်လှစ်သည့် အနှိပ်ခန်းများ မဟုတ်သည်က အသေအချာပင်။ မြောက်မြားစွာသော မန္တလေး အနှိပ်ခန်းများ၏ အဓိက ဖောက်သည်များက တရုတ်အမျိုးသားဖြစ်ပြီး အများစုသည် အနှိပ်ခန်းကို မူးယစ်သောက်စား၍ လာကြသည်က အများဆုံး ဖြစ်သည်။

“ဒီလုပ်ငန်းမှာ ဝင်ရောက်လုပ်ကိုင် ဖြစ်ကတည်းက ကိုယ့်ကိုယ်ကိုယ် အသန့်ရှင်းဆုံး ဖြစ်အောင်နေတယ်၊ သူများတွေလို တရုတ်ကြီးတွေနဲ့လည်း ရင်းနှီးကျွမ်းဝင်သူတို့ အလိုလိုက်ပြီး မနေဘူး။ ဆိုင်လာတဲ့ တရုတ်တွေက မြန်မာစကားလည်း နားလည်ကြတာ မဟုတ်ဘူး။ ပြီးတော့ အမြဲတမ်း အရက်မူးနေကြတာ။ သားသမီးချင်းလည်း ကိုယ်ချင်းစာရမှန်းသိတာ မဟုတ်ဘူး” ဟု အနှိပ်ခန်း အလုပ်သမ မြတ်နိုးက ဆိုသည်။ အနှိပ်ခန်းတွင် အလုပ်လုပ်မည်ဆိုပါက အနှိပ်ပညာ တတ်လာရန်မလိုဘဲ ရုပ်ရည်ချောမော ပြေပြစ်မှု၊ စကားပြော ကောင်းမွန်မှုကိုသာ အဓိကထားသည်။

သို့သော်လည်း တရုတ်စကား တတ်မြောက်သော အနှိပ်ခန်း အလုပ်သမတို့သည် တရုတ်ပေါက်ဖော်များနှင့် ဆက်ဆံရေး ပြေပြစ်သည့်အတွက် အနှိပ်ခံသော တရုတ်အမျိုးသားများက အပိုဆုကြေးငွေ ဘောက်ဆူးများ ပေးလေ့ရှိသဖြင့် အနှိပ်ခန်း အလုပ်သမတို့ တရုတ်ဘာသာစကား တတ်မြောက်ရန် သင်ယူမှုများလည်း ရှိနေသည်။ အနှိပ်ခန်း အလုပ်သမ အများစုသည် နယ်ဒေသများမှ ဖြစ်ပြီး မြို့ပြဒေသတွင် အလုပ်လုပ်ကိုင်ရန် လာရောက်ကြရာမှ နောက်ဆုံး အလွယ်တကူ ဝင်ငွေရနိုင်သော အနှိပ်ခန်းများသို့ ရောက်ရှိ အလုပ်လုပ်ကိုင်ကြခြင်း ဖြစ်သည်။

“နယ်ကနေတက်လာ တုန်းကတော့ ဒီမှာဆိုင်တစ်ခုခုမှာ အလုပ်လုပ်ဖို့ပါပဲ။ ဒီရောက်တော့လည်း ကိုယ့်အတန်းပညာနဲ့ ဘာမှလုပ်မရဘူး။ ဒီကို အရင်ရောက်နေခဲ့တဲ့ အစ်မတွေနဲ့ ချိတ်ဆက်ပြီး ဒီအနှိပ်ခန်းမှာပဲ အလုပ်ဝင်လုပ် ဖြစ်သွားတာ” ဟု မြတ်နိုးက ဆိုသည်။

မန္တလေးမြို့တွင် ဖွင့်လှစ်ထားသော အနှိပ်ခန်းများစွာရှိပြီး အနှိပ်ခန်း အားလုံးသည် တရားမဝင် ဖွင့်လှစ်ထားသော အနှိပ်ခန်းများ ဖြစ်ကြသည်။ ပေါ်ပေါ်တင်တင်ဖွင့် လှစ်ထားသော အနှိပ်ခန်းများနှင့် ပုန်းလျှိုးစွာ ဆိုင်လာနေကျ ဧည့်သည်အချင်းချင်း ဖောက်သည် အချင်းချင်းသာ သိနိုင်သော အနှိပ်ခန်းများစွာ ရှိနေသည်။ အနှိပ်ခန်း အားလုံးတွင် တူညီသောအချက်က ငယ်ရွယ်နုပျိုသော မြန်မာမိန်းကလေးငယ် အများစု အလုပ်လုပ်နေကြခြင်း ဖြစ်သည်။

အလုပ်အကိုင် ရှားပါးခြင်း၊ စားဝတ်နေရေး စရိတ်ကြီးမြင့်ခြင်း၊ နောက်ဆုံးပေါ် အဝတ်အစားနှင့် ခေတ်မီအလှအပ အသုံးအဆောင်များ သုံးစွဲလိုမှုက မိန်းကလေးငယ် အများစုကို အနှိပ်ခန်းများတွင် အလုပ်လုပ်ရန် တွန်းပို့လိုက်ခြင်းဟု ဆိုနိုင်သည်။

“အခု အလုပ်လုပ်နေတဲ့ အနှိပ်ခန်းက ဧည့်သည်ကို တစ်နာရီ ၅၀၀၀ ယူတယ်၊ ညီမတို့ကျတော့ တစ်နာရီကို ၁၀၀၀ ပြန်ရတယ်။ အလုပ်ချိန် သတ်သတ်မှတ်မှတ် ရှိတယ်မဟုတ်ပါဘူး။ ကိုယ့်နာမည်နဲ့ လာတဲ့ဧည့်သည် ရှိသလို အခြားဧည့်သည် လာလို့ အလှည့်ကျ နှိပ်ပေးရတာလည်း ရှိတယ်” ဟု အနှိပ်ခန်း အလုပ်သမ တစ်ဦးဖြစ်သူ ဆည်းဆာက ပြောကြားသည်။

နိုင်ငံတကာတွင် ဟိုတယ်များ၊ အလှပြင်ခန်းများနှင့် အပန်းဖြေဇိမ်ခံနေရာ တခုအဖြစ် Body Massage၊ Foot Massage ဟု အမည်တပ်၍ နှိပ်ခန်းများ ဖွင့်လှစ်သည့်နည်းတူ မန္တလေးရှိ နာမည်ကျော် ဟိုတယ်ကြီးများတွင် အနှိပ်ခန်းများ ရှိနေပါသည်။ သို့ရာတွင် အဆိုပါ အနှိပ်ခန်းများသည် အဓိကအားဖြင့် လာရောက် အပန်းဖြေတည်းခိုသော ဧည့်သည်များကို ကျန်းမာရေးအရ နှိပ်နယ်ပေးသည့် လုပ်ဆောင်မှုများကိုသာ အဓိက လုပ်ဆောင်လေ့ ရှိသည်။ ရပ်ကွက်များနှင့် လူစည်ကားရာ နေရာများတွင် အနှိပ်ခန်းအမည်ခံ ဖွင့်လှစ်ထားသော အနှိပ်ခန်းများကမူ ကျန်းမာရေး အတွက်ဆိုသော ရည်ရွယ်ချက်ထက် ဆန္ဒရမ္မက်ကို ဦးစားပေး ဖွင့်လှစ်ထားကြခြင်းသော အနှိပ်ခန်းများပင် ဖြစ်သည်။ ထိုသို့သော အနှိပ်ခန်းများသည် ဒေသခံ အာဏာပိုင်များနှင့် ချိတ်ဆက် ဖွင့်လှစ်ထားခြင်း ဖြစ်ပြီး အနှိပ်ခန်း ဖွင့်လှစ်ခွင့် အတွက်လစဉ် လိုင်းကြေးပေးဖွင့် လှစ်ရသည်ဟု သိရှိရသည်။

“တစ်ပတ်ကို သုံးခါလောက် နယ်ထိန်းတွေ ထင်တာပဲ ဆိုင်ကို ရောက်ရောက် လာတတ်ကြတယ်။ သူတို့လာရင်တော့ အနှိပ်ခန်းခကို မတောင်းတော့ပါဘူး။ ဒီတိုင်းပဲ အနှိပ်ခံခိုင်းတယ်။ ဘာလို့လည်းဆိုတော့ အဖမ်းအဆီး ရှိတယ်ဆိုရင် သူတို့ဆီကပဲ သတင်းပြန်ရတတ်တာလေ။ အဖမ်းအဆီးရှိတယ် ဆိုရင်တော့ ဆိုင်ကို ခဏပိတ်၊ ဝန်ထမ်း ကောင်မလေးတွေကို အခြားနေရာမှာ ခဏရှောင်ခိုင်း ထားရတာပေါ့” ဟု အနှိပ်ခန်း ဖွင့်လှစ်ထားသော အမည်မဖေါ်လိုသူ ဆိုင်ရှင်တစ်ဦးက ပြောကြားသည်။

အဖမ်းအဆီးရှိ၍ အနှိပ်ခန်းများ ခေတ္တပိတ်လျှင် အနှိပ်အလုပ်သမတို့ စားဝတ်နေရေးနှင့် ဝင်ငွေ ထိခိုက်သွားပြီး အချို့အနှိပ်အလုပ်သမများက လမ်းများပေါ် ရောက်ရှိသွားကာ ပြည့်တန်ဆာများ ဖြစ်သွားသည့် ဖြစ်စဉ်များလည်း ရှိသည်။ လူပေါင်းစုံနှင့် ဆက်ဆံနှိပ်နယ်ရသော အလုပ်ကား မိန်းကလေးငယ်များအတွက် ခက်ခဲကြမ်းတမ်းသော်လည်း ဝင်ငွေရ လွယ်သည့်အတွက် လုပ်ကိုင်သူ မရှားသော အလုပ်ဟုဆိုလျှင်လည်း မမှားနိုင်ပေ။

“တချို့ဧည့်သည်တွေဆို အသက်ကသာ ကြီးတာ၊ အပြောအဆို အပြုအမူက အရမ်းရိုင်းတယ်။ သားသမီးချင်း မစာနာကြဘူး။ ပြီးတော့ အရက်တွေ သောက်လာကြပြီး မူးနေကြတာ။ မကောင်းတာ လုပ်စားတဲ့ အမျိုးသမီးတွေကို ဆက်ဆံတဲ့ လေသံမျိုးတွေနဲ့ ဆက်ဆံပြီး၊ အသားယူချင်ကြတာ။ ဒါမျိုး ဧည့်သည်တွေနဲ့ တွေ့တဲ့နေ့ကတော့ အရမ်းစိတ်ညစ်ရတယ်၊ တစ်ခါတလေ ကိုယ်က လုံးဝသည်းမခံ နိုင်ရင်တော့ နောက်တစ်ချိန် ဆက်မနှိပ်ပေးတော့ဘူး။ လူချိန်းလိုက်ပါလို့ပဲ အဆင်ပြေအောင် ပြောပြီးထွက်လိုက်တယ်” ဟု ဆည်းဆာက ဆိုသည်။

အနှိပ်ခန်းများ၏ ဝန်ဆောင်မှု ဈေးနှုန်းများမှာ ရိုးရိုးနှိပ်တစ်နာရီလျှင် ၅၀၀၀၊ ၆၀၀၀ ကျပ်ခန့်ရှိပြီး ဆီဖြင့်အနှိပ်ခံလျှင် တစ်နာရီ ၁၀၀၀၀၊ ၁၅၀၀၀ ကျပ် အထိရှိသည်။ အများအားဖြင့် အနှိပ်ခန်းများတွင် လိင်ကိစ္စနှင့် ပတ်သက်သော ဝန်ဆောင်မှုများ မရှိသော်လည်း ကာမရာဂ သန်လွန်းသူ အမျိုးသားတို့အတွက် အဆက်အသွယ် များစွာရနိုင်သော နေရာတခုဆိုလျှင်လည်း မမှားပေ။ သို့သော်လည်း ကျန်းမာရေးအတွက် အနှိပ်ခန်း သီးသန့် ဖွင့်လှစ်မှုများလည်း ရှိနေပါသည်။

“ဆိုင်မှာကတော့ ဘာမှမရောဘူး၊ လုံးဝ အနှိပ်သီးသန့်ပါပဲ။ ဝန်ထမ်း ကောင်မလေးတွေကိုလည်း သေချာမှာထားတယ်။ ရန်ကုန်တို့၊ နေပြည်တော်တို့မှာတော့ အခြားဝန်ဆောင်မှုတွေ ပါရတဲ့ အနှိပ်ခန်းတွေ အများကြီးရှိတယ်။ အနှိပ်ခန်း ဗန်းပြပြီး ပြည့်တန်ဆာ လုပ်နေကြတာပေါ့။ မန္တလေးမှာတော့ ဒါမျိုးဆိုင်တွေ မရှိသလောက် ရှားပါတယ်။ ရှိလည်း ဆိုင်အနည်းအကျဉ်းပါပဲ။ အနှိပ်ခန်းဗန်းပြပြီး ပြည့်တန်ဆာ လုပ်နေတဲ့ ဆိုင်တွေက သိတာပါတယ်။ အဲဒီလိုဆိုင်တွေက တစ်ချိန်စာကို ၂၅၀၀၊ ၃၀၀၀ လောက်ပဲယူပြီး ဧည့်သည်ကတော့ ကိုယ်ကြိုက်တဲ့ အမျိုးသမီးကိုရွေး၊ ပြီးတော့ အထဲရောက်မှ ဈေးစကားပြောပြီး ရှေ့ခရီးဆက်ကြတာ” ဟု မန္တလေးမြို့မှ အနှိပ်ခန်းပိုင်ရှင် တစ်ဦးကဆိုသည်။ “အလုပ်မှာ ပင်ပန်းပြီး ညောင်းညာနေလို့ သူငယ်ချင်းတွေနဲ့ သွားနေကျ အနှိပ်ခန်းမသွားဘဲ အခြားအနှိပ်ခန်းကို သွားခဲ့ကြတယ်။ အခန်းထဲ အသက် ၂၀ ကျော် လောက်နှိပ်ပေးမယ့် ကောင်မလေး ရောက်လာပြီး နှိပ်လည်း နှိပ်မပေးဘဲ မွေ့ရာဘေးမှာ ထိုင်နေတယ်။ ကျွန်တော်က မေးတော့လည်း မနှိပ်တတ်ဘူးတဲ့။ စကားပြောရင်း ပြောရင်းနဲ့မှ Sex ကိစ္စအတွက်ပဲ ဒီနေရာက ဖွင့်ထားတယ်ဆိုတာ သိရတော့တယ်။ နှိပ်တော့ မနှိပ်တတ်ဘူး၊ သူနဲ့ Sex ကိစ္စ လုပ်ဆောင် ချင်ရင်တော့ရတယ်၊ ဈေးညှိရမယ်လို့ ပြောလာတယ်။ မေးကြည့်လိုက်တော့ ၁၅၀၀၀ လို့ ပြောတယ်” ဟု မန္တလေး ဒေသခံ တစ်ဦးဖြစ်သူ ဦးနိုင်အောင်က ပြောကြားသည်။

နယ်မှ မြို့တက်လာပြီး အနှိပ်ခန်းသို့ ရောက်ရှိသွားသော မိန်းကလေးငယ်များသည် ငွေရလွယ်သည့် နေရာတွင်ပင် ၎င်းတို့၏ဘဝကို မြှုပ်နှံထားလိုက်ကြသည်။ ပညာအရည်အချင်း နိမ့်ကျခြင်းနှင့် အပင်ပန်း မခံနိုင်မှု တို့ကြောင့်လည်း အနှိပ်ခန်း အလုပ်သမဘ၀က မိန်းကလေးငယ်တို့ ရုန်းမထွက်နိုင်ကြ။

‘အလုပ်လုပ်တာ နည်းနည်းကြာလာတော့ ကိုယ့်ဧည့်သည်လည်း ရလာတယ်။ ဧည့်သည် ရလာတော့ ကိုယ်လည်း အလုပ်လုပ်ခ ပိုရတယ်၊ ဘောက်ဆူးလည်း ရလာတယ်။ ပြီးတော့ ဧည့်သည်အသစ်တွေလို အကြာကြီး နှိပ်ပေးစရာ မလိုတော့ဘူး။ ကိုယ်နဲ့လည်း သူငယ်ချင်းလို၊ မိတ်ဆွေလို ရင်းနှီးလာတော့ သူများတွေလို ပြင်ပသူငယ်ချင်း မဟုတ်ဘဲ ဖောက်သည် သူငယ်ချင်း ဖြစ်သွားတာပေါ့။ ပြီးတော့ အိမ်ကိုလည်း ကိုယ့်စားစရိတ်ဖယ်ပြီး တစ်လကို နှစ်သိန်းနီးပါးလောက် ပို့နိုင်တော့ မိသားစု စားဝတ်နေရေလည်း အဆင်ပြေ သွားတာပေါ့၊ မတရားရထားတဲ့ ငွေမဟုတ်ဘူးလေ။ သမ္မာအာဇီဝ ရထားတဲ့ငွေနဲ့ မိဘတွေကို ထောက်ပံ့ပေးနေရတော့ ကိုယ်လည်း ကုသိုလ်ရတာပေါ့” ဟု အိဆိုသူ အနှိပ်ခန်း အလုပ်သမက ဆိုသည်။

အနှိပ်ခန်းတွင် အလုပ်လုပ်နေရသော မိန်းမငယ်လေး အများစုသည် နေအိမ်အကျယ်ချုပ် ကျသဖွယ် အလုပ် လုပ်ကိုင်နေသည့် အနှိပ်ခန်းပြင်ပကို မထွက်ရဘဲ အချိန်ပြည့် အခန်းအောင်း နေရလေ့ ရှိသည်။ အပြင်ထွက်မည် ဆိုပါကလည်း ဧည့်သည်ပါးသည့် အချိန်များတွင်သာ သွားလာနိုင်သည်။ တစ်လလျှင်ခွင့် နှစ်ရက်ရှိပြီး နားရက် ဆိုသည်က အနှိပ်ခန်း အလုပ်သမတို့အတွက် ရှားပါးလှသည်။ “မြတ်နိုးရေ တစ်ချိန်ဝင်မယ်” ဟု အခန်းပြင်ပမှ အသံကြားလိုက်ရသည်နှင့် မြတ်နိုးတစ်ယောက် ဧည့်သည်ရှိရာ အခန်းအတွင်းသို့ နှေးကွေးသော ခြေလှမ်းများဖြင့် ထပ်မံဝင်ရောက် သွားတော့သည်။

နေလင်း

- See more at: http://thevoicemyanmar.com/index.php/article/item/2515-mpar#sthash.nhNEpEvZ.dpuf