ကော်ဖီဟာ အဆီကွက်တွေကို ပျောက်ကင်းအောင်လုပ်တာနဲ့ ရေချိုး ဂျယ်လ်စတဲ့ အသားအရေ လှပ
အောင် လုပ်တဲ့ ပစ္စည်းတွေမှာ အလွန်နာမည်ကြီးတဲ့ ပစ္စည်းတမျိုးဖြစ်ပါတယ်။
ကော်ဖီရဲ့ အသုံးဝင်မှုဟာ အလှအပလိုက်စားသူ အမျိုးသမီးတွေနဲ့ ကိုယ်ခန္ဓာကိုယ်ပေါ်က အဆီကွက်တွေ ပျောက် ကင်းစေတဲ့ နည်းလမ်းကောင်းတခုလည်းဖြစ်ပြီး ၃ ရက်၊ ၄ ရက်မှာ တကြိမ်လုပ်ဆောင်ပေးမယ်ဆိုရင် အတိုင်းအ တာ ပေါ် မူတည်ပြီး သိပ်မကြာခင်မှာပဲ အဆီကွက်တွေ ပပျောက်ကာ အသားအရေ ချောမွတ် သွားစေ တယ်လို့ Beautiful Girls Magazine က ဖော်ပြထားပါတယ်။
လုပ်ပုံလုပ်နည်းကလည်း အလွန်ပဲ ရိုးစင်းပါတယ်။ ကော်ဖီမှုန့်စစ်စစ်ကို ဇလုံတခုတည်း ထည့်ပါ။ ဆားအနည်းငယ် ထည့်ပါ။ ဆားနဲ့ ကော်ဖီကို သမအောင် မွှေပါ။ ပြီးတော့ သံလွင်ဆီ ဒါမှမဟုတ် anti-cellulite oil လို့ခေါ်တဲ့ အဆီကျဆီကို ထပ်ရောပြီး သမအောင် မွှေပါ။
ဒါဆိုရင် ကော်ဖီနဲ့ ဆား၊ သံလွင်ဆီတို့ သမအောင်မွှေထားတာကို အသင့်သုံးလို့ရနေပါပြီ။ ဒီလိုအခြေအနေရောက်ပြီဆိုရင် သင်ရဲ့ ခန္ဓာကိုယ်မှာ တပိုင်းစီ၊ တပိုင်းစီကို အသားထဲ့ စိမ့်ဝင်အောင် ပွတ်လိမ်းရပါမယ်။ အကြိမ်ကြိမ်ပွတ်လိမ်းပြီးရင် လက်နဲ့ပဲ ကော်ဖီနဲ့စပ်လိမ်းထားတဲ့ အဆီတွေကို ဖယ်ရှားသန့်ရှင်းရပါမယ်။
( မှတ်ချက်။ ။ မည်သည့် ဆပ်ပြာ၊ ရေတို့နဲ့မျှ မဆေးကြောပစ်ရပါဘူး)
နောက်တဆင့် က လျှောက်သီး၊ လျှောက်ခါးသီး၊ လိမ္မော်သီး ဒါမှ မဟုတ် လာဗင်ဒါလို့ ခေါ်တဲ့ ခရမ်းရောင် အဆင်းရှိတဲ့ Lavender ပန်းဆီတွေနဲ့ ခုနက ကော်ဖီပါတဲ့ အဆီတွေကို ရောသမမွှေရပါမယ်။
အဲဒီလို နောက်ဆုံး ရောစပ်ထားတဲ့ အဆီကို ခန္ဓာကိုယ်မှာ သုပ်လိမ်းကာ မိနစ်အနည်းငယ်ကြာဆုတ်နယ်ပေးပြီး ပလပ်စတစ်နဲ့ ပတ်ပြီး ဖုံးအုပ်ထားလိုက်ပါ။ ၁၀ မိနစ်လောက်ကြရင်တော့ သုပ်လိမ်းထားတဲ့ အဆီတွေကို ဖယ်ရှားလိုက်ပါ။
သိသိသာသာ အဆီကွက်တွေ လျော့ပါးလာတာတွေ့ရပါလိမ့်မယ်။ အမျိုးသမီးတွေ အဆီကွက်ကြောင့် အလှပျက်တယ်ထင်ပြီး စိတ်ညစ်စရာတွေ ကင်းဝေးစေမည့် နည်းလမ်းကောင်း တခု ဖြစ်တယ်ဆိုတာ အသုံးပြုသူများ လက်တွေ့ သိရှိနိုင်ပါလိမ့်မယ်။
အိမ့်သံစဉ် ~
No comments:
Post a Comment