“သေတစ်နေ့ မွေးတစ်နေ့” ခံယူချက်ရှိတဲ့ ပြန်ကြားရေး ၀န်ကြီးသစ်ဦးရဲထွဋ်နှင့် လိုတိုရှင်း မေးမြန်းခန်း

မီဒီယာကို စိတ်ဝင်စားသူ၊ လေ့လာသူ၊ တစ်ဖက်မှာတော့ အစိုးရအဖွဲ့ဝင်ဝန်ကြီး။ ဒီတော့ မီဒီယာတွေကို ပြန်ပြီး ထောက်ပြ တည့်မတ်ဖို့ ကြိုးစားတတ်သူ။ အဲဒီအခါ မီဒီယာ သမားတွေနဲ့ အငြင်းထွက်တဲ့ အထိ တစ်ခါ တရံ ပြဿ နာတွေ ရှိခဲ့ကြဖူးတယ်။ စစ်တပ်မှာ ဒုတိယဗိုလ်မှူးကြီး ရာထူးအထိ သေနတ်ကိုင်ပြီး တပ်ပိုင်းဆိုင် ရာ တွေကို ဆောင်ရွက်ခဲ့သူက နောက်တော့ ပြန်ကြားရေး ၀န်ကြီးဌာန၊ ဒုတိယညွှန်ကြားရေးမှူး ချုပ် ကနေ အခု တော့လွှတ်တော်ရဲ့အတည်ပြု ချက်နဲ့ သြဂုတ် ၁ ရက်က စလို့ ပြန်ကြားရေး ၀န်ကြီးအထိ ရာထူးအဆင့်ဆင့် တိုးကာ ကလောင်ကိုင်တဲ့ မီဒီယာ သမားတွေကို ကူညီသူ၊ ဝေဖန် စောကြော တတ်သူ ပြန်ကြားရေး ၀န်ကြီးသစ် ဦးရဲထွဋ်ကို မဇ္ဈိမက မေးမြန်းထား ပါတယ်။

ပြန်ကြားရေးဝန်ကြီးအဖြစ် ရာထူးတိုးသွားတာကို ကိုယ့်ဘာသာ ဘယ်လိုသုံးသပ်မိသလဲ။ အစိုးရ သက် တမ်းလက်ကျန် တစ်နှစ်နဲ့ ရှစ်လအတွင်း ၀န်ကြီး အနေနဲ့ အောင်မြင်အောင်လုပ်နိုင်မယ့် မီဒီယာနဲ့ ပတ် သက်တဲ့ လုပ်ငန်းသုံးခုလောက်ကို စဉ်းစားမိပါသလား။ ဘာတွေပါလဲ။

ဝန်ကြီးအဖြစ် ရာထူးတိုးသွားတဲ့အတွက် ပြန်ကြားရေးဝန်ကြီးဌာနမှာစတင် တာဝန်ထမ်းဆောင်ကတည်းက စိတ်ကူးခဲ့တဲ့ လုပ်ငန်းတချို့ကို လုပ်ဆောင်ခွင့်ရပြီလို့ ခံစားမိပါတယ်။ လာမယ့်ကာလအတွင်းမှာ ဖြစ်အောင် လုပ်ချင်တာ နှစ်ခုပဲရှိပါတယ်။ ပထမတစ်ခုက အစိုးရနဲ့ စာနယ်ဇင်းများကြားမှာ ကျင့်ဝတ်နဲ့ အပြန်အလှန် လေးစားမှုကို အခြေခံတဲ့ မီဒီယာဆက်ဆံရေးထူထောင် ဖို့ပါ။ ဒုတိယတစ်ခုကတော့ အများပြည်သူဝန် ဆောင်မှုမီဒီယာဥပဒေ ပေါ်ထွက်လာခြင်း မရှိသေးသည့်တိုင် နိုင်ငံပိုင်မီဒီယာများ ကို အများပြည်သူဝန် ဆောင်မှုမီဒီယာများရဲ့ လက္ခဏာများနဲ့ ဖြစ်နိုင်သမျှ ပြည့်စုံအောင် ဆောင်ရွက်ဖို့ဖြစ်ပါတယ်။

သမ္မတရဲ့ ပြောခွင့်ရပုဂ်္ဂိုလ်အဖြစ် ဆက်တာဝန်ယူမယ်လို့ သိရပါတယ်။ သမ္မတရဲ့ အကောင်းအဆိုး ဂုဏ် ရည်ကို မကာကွယ်ဘဲ အစိုးရအဖွဲ့ဝင်တွေအတွက် တံတိုင်းအဖြစ်မနေဘဲ တိုင်းပြည်နဲ့လူထုအကျိုးရည်တဲ့ ပြန်ကြားရေးဝန်ကြီးအဖြစ် ပုံဖော်နိုင်မလား။ ဘယ်လိုပုံဖော်နိုင်မလဲ။ (ကိုယ်က ဦးဆောင်ပြမယ်၊ အစိုးရ၀န် ကြီးဌာနတွေမှာ သတင်းမီဒီယာဆိုင်ရာ တာဝန်ခံတွေ ပေါ်လာအောင် ဆောင်ရွက်မယ်စသဖြင့်)။

နိုင်ငံတကာမှာလည်း ပြောခွင့်ရပုဂ်္ဂိုလ် ဆိုတာဟာ မိမိကိုယ်စားပြုရတဲ့ ပုဂ်္ဂိုလ် / အဖွဲ့အစည်းရဲ့ မူဝါဒများကို ပြည်သူတွေ ပိုသိအောင်၊ ပိုပြီးနားလည်အောင်ဆောင် ရွက်ပေးရသူဖြစ်ပါတယ်။ တစ်ဖက်ကလည်း ပြည်သူ တွေက မိမိတို့အဖွဲ့အစည်းကို ဘယ်လိုထင်မြင်ယူဆတယ်ဆိုတာ သိအောင် လေ့လာပြီး အဖွဲ့အစည်းရဲ့ မူဝါဒချမှတ်မှု လုပ်ငန်းစဉ်များမှာ ပြည်သူ့သဘောထားကို ထည့်စဉ်းစားအောင် ဆောင်ရွက်ရသူဖြစ်ပါ တယ်။ ဒီအချက်ကို ကျန်ဝန်ကြီးဌာနများက သတင်းထုတ်ပြန်ရေးအရာရှိများ နား လည်အောင် စံနမူနာပြ လုပ်ဆောင်ပြဖို့ ရည်ရွယ်ထားပါတယ်။

ဖေ့စ်ဘွတ်ဝန်ကြီးအဖြစ် လူသိများတယ်၊ ခင်ကြတယ်၊ စကြတယ်။ ၀န်ကြီးကလည်း မင်းတို့ရေးတာ မင်းတို့  တာဝန်၊ အဆင့်အတန်းဆိုပြီး ပြထားတယ်။ ဒါဟာလှုံ့ဆော်မှုလား၊ ဆွဲဆောင်မှုနည်းစနစ် တစ်ခုလား။ ပုံစံ ပြောင်းဖို့ ရှိပါသလား။

အဲဒါဟာ အသစ်ရရှိလာတဲ့ အင်တာနက်လွတ်လပ်မှုကို တာဝန်သိသိကျင့်သုံးတတ်အောင် ဆောင်ရွက်ပေး ထားတာဖြစ်ပါတယ်။ နောက်ပြီး ဒီလိုဖွင့်ပေးထားတဲ့အတွက် ကျွန်တော့်စာမျက်နှာမှာ ပွင့်ပွင့်လင်းလင်း လာရောက်ရေးသားအောင် ဆွဲဆောင်မှုလည်းဖြစ်ပါတယ်။ တစ်ခါတလေ ရိုင်းစိုင်းတဲ့ ရေးသားချက်များ ကြောင့်စိတ်အနှောင့်အယှက်ဖြစ်ရပေမယ့် အကျိုးကအပြစ်ထက်ပိုများတဲ့အတွက် ဒီအတိုင်းပဲ ဆက်ထား ပါ့မယ်။

မီဒီယာလုပ်ငန်းနဲ့ပတ်သက်ပြီး ၀န်ကြီးကလေ့လာတယ်၊ ပြောတယ်၊ ရေးတယ်။ မီဒီယာတွေ မှားတာကို လည်းဝန်ကြီးကအော်လေ့ရှိတယ်။ မီဒီယာတွေကို ဘယ်လိုသဘောထားသလဲ။

မီဒီယာတွေဟာ အစိုးရနဲ့ ပြည်သူများကြား၊ လူ့အဖွဲ့အစည်းအတွင်းကကွဲပြားခြားနားတဲ့ အုပ်စုတွေ အချင်းချင်းကြား ဆက်သွယ်ပေး တဲ့ပေါင်းကူးတံတားပါ။ တံတားအရည်အသွေးကောင်းရင် ကူးလူး ဆက်ဆံမှု ကောင်းတာပေါ့။ တံတားပျက် နေရင်ဆက် ဆံရေးတွေ ပြတ်တောက်ပြီး နားလည်မှုလွဲဖို့ ပိုများတာပေါ့။

အစိုးရအာဘော်သတင်းစာတွေ (ကြေးမုံ၊ မြန်မာ့အလင်း)ကို ပုဂ္ဂလိကပိုင်အဖြစ် အစိုးရက ပြောင်းလဲပေး မယ်ဆို မဇ္ဈိမ အပါအ၀င် ပုဂ္ဂလိကသတင်းစာတွေက သဘောကျမယ်လို့ထင်ပါတယ်။ ဒါဆို တန်းညီပြိုင် ပွဲလည်း ဖြစ်လာလိမ့်မယ်။ ရုပ်သံကိုသာ ပြည်သူ့ဝန်ဆောင်မှုမီဒီယာ အဖြစ်ထားပြီး၊ အစိုးရအနေနဲ့ အစိုးရ အာဘော်သတင်းစာတွေကို ပုဂ္ဂလိကပိုင် သတင်းစာအဖြစ် လုပ်နိုင်/ မလုပ်နိုင်။ အကြောင်းပြချက်ပေးပါ။

ကျွန်တော်တို့ မီဒီယာပြုပြင်ပြောင်းလဲ ရေးလုပ်ငန်းစဉ်ထဲက ရည်ရွယ်ချက်တစ်ခုက ပြည်သူတွေအနေနဲ့ မတူကွဲပြားတဲ့ သတင်းအချက်အလက်တွေကို ကွဲပြားခြားနားတဲ့ သတင်းအရင်းအမြစ် အမျိုးမျိုးဆီက ရရှိနိုင်ရေး တစ်နည်းအားဖြင့် ဗဟုမီဒီယာဝါဒထွန်းကားရေးနဲ့ မီဒီယာလက်ဝါးကြီး အုပ်မှု ဆန့်ကျင်ရေးဖြစ် ပါတယ်။ ဒါ့ကြောင့် ရုပ်သံမီဒီယာမှာရော၊ ပုံနှိပ်မီဒီယာမှာပါ အများပြည်သူဝန်ဆောင်မှု၊ ပုဂ္ဂလိကနဲ့ လူမှု အခြေပြုမီဒီယာ Public, Private, Community Media များ ထွန်းကားအောင်ဆောင်ရွက်နေတာ ဖြစ် ပါတယ်။ ခင်ဗျားလည်း အင်္ဂလန်မှာ နေခဲ့တာပဲ။ မားဒေါ့ရဲ့ လက်ဝါးကြီးအုပ်မှုက ဗြိတိသျှရွေးကောက်ပွဲ အပေါ်ဘယ်လောက် သြဇာသက်ရောက်တယ်ဆိုတာ တွေ့ခဲ့မှာပါ။ ကျွန်တော်တို့ဆီ မှာ မြန်မာမားဒေါ့ လုပ်ချင်တဲ့သူတွေရှိတယ်။ ဒါကို ကာကွယ်နိုင်ဖို့အတွက် အများပြည်သူ ၀န်ဆောင်မှုမီဒီယာ ကောင်းကောင်း ရှိဖို့ လိုပါတယ်။ ဒါ့ကြောင့် ပုဂ္ဂလိကသတင်းစာ အဖြစ်ပြောင်းဖို့ အကြောင်းမရှိပါဘူး။

ဝန်ကြီးက လူတွေနဲ့ နီးအောင်နေတယ်။ အတူစားတယ်၊ စကားပြောတယ်လို့ တင်ထားတဲ့ ဓာတ်ပုံတွေအရ သိရပါတယ်။ အဲဒီလိုဆက်နေဦးမလား။ အန္တရာယ်တစ်ခု ခုရှိမှာကို မစိုးရိမ်ဘူးလား။ ၀န်ကြီးဌာနက ၀န် ထမ်းတွေနဲ့ရော အဲဒီလိုနေသလား။ ၀န်ကြီးကို သူတို့ ခင်ကြသလား။

ကျွန်တော့်ဝန်ထမ်းတွေနဲ့ အခုလိုပဲ ရင်းရင်းနှီးနှီးနေပါတယ်။ တာဝန်အရပြောရဆိုရ၊ လုပ်ရတာက တစ်ပိုင်း ပေါ့။ လူမှုရေးပိုင်းကတော့ မိသားစုလိုပဲနေပါတယ်။ ကျွန်တော့်ကို ခင်၊ မခင်ဆိုတာက ကျွန်တော်ဆက် တိုက်တာဝန်ယူခဲ့တဲ့ ပြန်ဆက်က ၀န်ထမ်းတွေကိုမေးတာ အကောင်းဆုံးပါပဲ။ ၀န်ကြီးဖြစ်တော့လည်း ဘာမှပြောင်းလဲစရာမရှိပါဘူး။ ပြည်သူတွေကြားကို တတ်နိုင်သမျှသွားမှာပါ။ နေပြည်တော်-ရန်ကုန် ကို အ ဝေးပြေးကားနဲ့ သွားတာမျိုးတော့ လုပ်ချင်မှ လုပ်နိုင် မှာပေါ့။ ပြည်သူတွေအသံကို ကြားရဖို့၊ သူတို့ကို နားလည် နိုင်ဖို့အကောင်းဆုံးနည်းက သူတို့ထဲကို ၀င်ရောက်ထိတွေ့ ခြင်းပဲလို့ ခံယူထားပါတယ်။ အန္တရာယ် အတွက် လည်းမစိုးရိမ်ပါဘူး။ သေတစ်နေ့ မွေးတစ်နေ့ပဲလေ။

Credit : Mizzima