ရန်ကုန်၊ မဇ္ဈိမ။ ။ လူမှုကွန်ယက်စာမျက်နှာတွင် အင်္ဂလိပ်စာ
သင်ခန်းစာများ ပို့ချပေးသည့် အမေရိကန်နိုင်ငံသား ဦးမောင်မောင်ဝမ်းကို
မြန်မာနိုင်ငံသို့ လာရောက်လည်ပတ်စဉ် အင်္ဂလိပ်စာ ပညာဒါနသင်၍
လူဝင်မှုကြီးကြပ်ရေး ဦးစီးဌာနက မကွေးတိုင်း ရေနံချောင်းမြို့မှ ရန်ကုန်သို့
ညတွင်းချင်း ခေါ်ဆောင်လာကာ သြဂုတ်လ ၆ရက် နံနက်တွင် အနီးစပ်ဆုံးလေယာဉ်ဖြင့်
အမေရိကန်နိုင်ငံသို့ ပြန်လည်ထွက်ခွာနိုင်ရန် စီစဉ်မည်ဟု ဦးမောင်မောင်ဝမ်းက
မဇ္ဈိမကို ပြောသည်။
“လဝကက အခုလာခေါ်တော့မယ်။ အခုထွက်တော့မှာ။ လဝကတွေနဲ့ပဲသွားရမှာ။ ရန်ကုန်ကနေ
မင်္ဂလာဒုံလေဆိပ်ကို တိုက်ရိုက်ပို့မှာ။ ဖြစ်နိုင်တာကတော့
ထိုင်းကိုပို့ဖို့များပါတယ်။ အဓိကတော့ ဆရာတို့ ဗီဇာတွေက အခမဲ့ပဲဖြစ်ဖြစ်၊
အခနဲ့ပဲဖြစ်ဖြစ် ဘာမှလုပ်လို့မရဘူးဆိုတဲ့ အကြောင်းပြချက်ပေါ့။ အခွင့်မရှိဘဲ
ပညာဒါနသင်ပေးလို့ပေါ့”ဟု ဦးမောင်မောင်ဝမ်းက သြဂုတ်လ ၅ရက် ည ၁၀နာရီ
၃၀ခန့်က မဇ္ဈိမကို တယ်လီဖုန်းမှတစ်ဆင့်
ပြန်လည်ဖြေကြားခြင်းဖြစ်သည်။
ဦးမောင်မောင်ဝမ်းသည် ရေနံချောင်းမြို့နယ် မဲထီးဘုန်းကြီးကျောင်း (TOFLA
သင်တန်းကျောင်း)တွင် သြဂုတ်လ ၄ရက်က အင်္ဂလိပ်စာ ပညာဒါန သင်ကြားနေစဉ်
ရေနံချောင်း လဝကက စာသင်ကြားခြင်းကို လာရောက်တားမြစ်ခဲ့ခြင်းဖြစ်ပြီး
သြဂုတ်လ ၅ရက် ညတွင် ရန်ကုန်မှတစ်ဆင့် အမေကန်နိုင်ငံသို့ ပြန်လည်ထွက်ခွာရန်
နှင့် ရန်ကုန်လေဆိပ်သို့ လိုက်လံပို့ဆောင်မည်ဖြစ်ကြောင်း
လာရောက်အကြောင်းကြားခြင်း ဖြစ်သည်ဟု ၎င်းက ပြောသည်။
မြန်မာလူမျိုး အမေရိကန်နိုင်ငံသား ခံယူထားသည့် ဦးမောင်မောင်ဝမ်းသည်
မြန်မာနိုင်ငံသို့ Social Visaဖြင့် လာရောက်ခြင်းဖြစ်၍ Social Visa ၏
သဘောသဘာဝအရ လူမှုရေးကိစ္စ မိသားစုနှင့် တွေ့ဆုံခြင်း၊ ဆွေမျိုးသားချင်း၊
မိတ်ဆွေများနှင့် တွေ့ဆုံခြင်း၊ အလည်အပတ်
သွားခြင်းမျှသာခွင့်ပြုမည်ဖြစ်ပြီး အခကြေးငွေယူ၍ ဖြစ်စေ၊ အခကြေးငွေ
မယူသည်ဖြစ်စေ စာသင်ကြားခွင့်မရှိဟု လူဝင်မှုကြီးကြပ်ရေးဝန်ကြီးဌာန
စီမံကိန်းဌာနက အမည်မဖော်လိုသည့် တာဝန်ရှိသူတစ်ဦးက မဇ္ဈိမကို ပြောသည်။
“မြန်မာနိုင်ငံမှာ မြန်မာစစ်စစ်တစ်ယောက်က ကိုယ့်တိုင်းပြည်
ကိုယ့်လူမျိုးအတွက် အကျိုးပြုဖို့ ပြန်လာတာကိုတောင် အောက်တန်းကျ ညစ်ပတ်တဲ့
လုပ်ရန်မျိုး လုပ်မယ်ဆိုရင် နိုင်ငံတကာမှာရော၊ မြန်မာအသိုင်းအဝိုင်းမှာရော
ဘယ်တော့မှ အယုံအကြည်ရှိမှာမဟုတ်ဘူးဆိုတာ ဒီအစိုးရကို သိစေချင်ပါတယ်”ဟု
ဦးမောင်မောင်ဝမ်းက မှတ်ချက်ပြုသည်။
ဦးမောင်မောင်ဝမ်းက မြန်မာနိုင်ငံသို့ ဇွန်လ ၅ရက်က ရောက်ရှိခဲ့ပြီး
ရန်ကုန်မြို့ရှိ နာရေးကူညီမှုအသင်းက ဖွင့်လှစ်ထားသည့် သုခအလင်း
ပညာဒါနကျောင်းအပါအဝင် နေရာအချို့တွင် အင်္ဂလိပ်စာ အခမဲ့ ပို့ချခဲ့ပြီး
ရေနံချောင်းတွင် သြဂုတ် ၄ရက်မှ ၉ရက်အထိ ပို့ချရန် စီစဉ်ထားသော်လည်း
ပထမနေ့၌ပင် တားမြစ်ခံခဲ့ရသည်။ ထို့ပြင် သြဂုတ် ၁၆ရက်တွင် မန္တလေးမြို့၌
ပညာဒါန ပို့ချရန် စီစဉ်ထားသေးသည်။
၎င်းက အမေရိကန်နိုင်ငံသို့ စက်တင်ဘာ ၂ရက်တွင် ပြန်လည်ထွက်ခွာရန် မူလက စီစဉ်ထားခဲ့သည်။
mizzima
CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
Tuesday, August 5, 2014
အင်္ဂလိပ်စာအခမဲ့ပို့ချသည့် အမေရိကန်နိုင်ငံသား ဦးမောင်မောင်ဝမ်းကို ညတွင်းချင်း ရေနံချောင်းမှ ရန်ကုန်လေဆိပ်တန်းပို့မည်
အင်္ဂလိပ်စာအခမဲ့ပို့ချသည့် အမေရိကန်နိုင်ငံသား ဦးမောင်မောင်ဝမ်းကို ညတွင်းချင်း ရေနံချောင်းမှ ရန်ကုန်လေဆိပ်တန်းပို့မည်
Reviewed by သတင်းစုံပျော်ဝင်အိုးကြီး
on
August 05, 2014
Rating: 5
![](http://4.bp.blogspot.com/-xlJ-7_uOcMU/U-Fb5EETEiI/AAAAAAAAT2o/Aj98kaxBCrI/s72-c/262.jpg)
Subscribe to:
Post Comments (Atom)
No comments:
Post a Comment