သိန်းတစ်ထောင်က တော်ရုံတန်ရုံ မြေလည်း ဖြစ်တယ်။ သို့သော် သတင်းပို့ရမယ်။ သူတို့ကို ကျွန်တော်တို့က ဘာမှမလုပ်ဘူး။ ဥပမာ-ဒီတစ်ပတ် အတွင်း မြေကွက် ငါးကွက်ကို တစ်ပြိုင်တည်း ရောင်းလိုက်တယ်။ ဒီလိုဆို ရင်နည်းနည်း သံသယဖြစ်တယ်။ ရောင်းပြီး ဒီငွေကို ဘယ်မှာသွားပြီး ရင်းနှီး မြှုပ်နှံမှာလဲ။ သူ့ဘာသာ ရင်းနှီးမြှုပ်နှံရင် ဘာမှ မဖြစ်ပါဘူး ဟု အဆိုပါ တပ်ဖွဲ့မှ ဒုတိယ တပ်ဖွဲ့မှူးကြီး ကျော်ဝင်းသိန်းက ပြောသည်။ နိုင်ငံတကာတွင် လိုင်စင်ရ အိမ်၊ ခြံ၊ မြေ အကျိုးဆောင်များဖြင့် ဖွဲ့စည်းထားသော အသင်း အဖွဲ့များက သတင်းပို့ရန် တာဝန်ရှိပြီး မြန်မာနိုင်ငံတွင်လည်း အိမ်၊ ခြံ၊ မြေ အကျိုးဆောင်များ အသင်းအဖွဲ့များမှ သတင်းပို့ပေးရမည် ဖြစ်သည်။ အိမ်ခြံမြေ အရောင်းအ၀ယ်ပြု လုပ်ပါက (၃၀) ရာခိုင်နှုန်းကို အခွန်ဆောင်ပါက တရားဝင်ကြောင်း အိမ်ခြံမြေ ၀န်ဆောင်မှု အသင်းမှ သိရသည်။
စစ်ဆေးခံရရင် အခွန်ဘက်က (၃၀) ရာခိုင်နှုန်းဆောင်ပြီး ရင်မှန်တယ်။ ကျွန်တော်တို့က အထူး ဥပဒေဖြစ်လို့ ကျန်တဲ့ ဥပဒေကို ကျော် လွန်တယ်။ ဒီငွေသိန်းတစ်သောင်းက ဘယ်က နေရသလဲဆိုတဲ့ အကြောင်းအကျိုး ဖော်ပြရမယ့် တာဝန်က စစ်ဆေးခံရသူမှာ ရှိတယ် ဟု ရဲမှူးကြီး ကျော်ဝင်းသိန်းက ဆိုသည်။
ထို့ပြင် ကျပ်သိန်းတစ်ထောင် အထက် ရင်းနှီးမြှုပ်နှံမှုများကို သတင်းပေးပို့ရမည်မှာ အိမ်ခြံမြေကဏ္ဍ တစ်ခုတည်း မဟုတ်ဘဲ နိုင်ငံအနှံ့တွင် ရှိသော ဘဏ်များ၊ ဘဏ်ခွဲများမှလည်း ငွေကျပ်သိန်း တစ်ထောင် အထက် အသွင်းအထုတ်ပြု လုပ်ပါက ငွေကြေး ဆိုင်ရာ စုံစမ်း ထောက်လှမ်းရေး တပ်ဖွဲ့ ကို သတင်းပေးပို့ရမည် ဖြစ်ကြောင်း သိရသည်။
ငွေကြေးခ၀ါချမှု တွေက အိမ်ခြံမြေအသင်းဝင် တွေကြောင့် စီးဝင်တယ်ဆိုတာ အသင်းသူ အသင်းသား (၃၀၀၀) လောက်ရှိတဲ့ နိုင်ငံတော် အပေါ်ထားရှိတဲ့ သစ္စာရှိမှုကို ကျွန်တော် တာဝန်ယူပါတယ်။ မဟုတ်တာလုပ်တဲ့ သူက သူ့ဟာနဲ့သူ လက်တို့ပြီး လျှို့ ၀ှက် ပွဲစားတွေနဲ့ အစီအမံ တွေနဲ့ ပြုလုပ်တာမျိုး ရှိပါတယ်လို့ ပြောချင်ပါတယ် ဟု အိမ်ခြံမြေ ၀န်ဆောင်မှု အသင်း ဥက္ကဋ္ဌ ဦးခင်မောင်းသန်း က ပြောသည်။ ၂၀၀၂ ခုနှစ်က ငွေကြေးခ၀ါ ချမှုတိုက်ဖျက်ရေး ဥပဒေ စတင်ပြဋ္ဌာန်းပြီးသည့် အချိန်မှ ယနေ့အထိ စုံစမ်း ဖော်ထုတ်ထားသော ငွေကြေး ခ၀ါချထားမှု (၇၃) မှုနှင့် ကျပ်သန်းပေါင်း (၂၀၀၀)ကျော်ကို ပြည်သူ့ ဘဏ္ဍာဖြင့် သိမ်းဆည်းမှုများပြုလုပ်ခဲ့သည်။
မြန်မာနိုင်ငံမှာ မြေယာ ၀ယ်ရောင်းခွင့် မဟုတ်ဘဲ ငွေကြေးစီးဝင်နေတာ ရာခိုင်နှုန်း (၅၀) အထက်မှာ ရှိတယ်။ တနည်းအားဖြင့် အိမ်နီးနားချင်း တိုင်းပြည်ဘက်က ဘဏ်တိုးသက်သာတဲ့ ငွေတွေအားလုံးကို ချေးပြီး ဒီဘက်ဘဏ်ထဲကို ထည့်ပြီးမှ မြန်မာပြည်မှာရတဲ့ ဘဏ်တိုးအမြတ်နဲ့ ငွေကစားတဲ့ သူက ငွေကြေးစိစစ်မှု ခ၀ါချတယ်လို့ ခေါ်ပါတယ် ဟု UMFCCI အတွင်းရေးမှူး ဦးအေးလွင်က ဆိုသည်။ သတင်းပေးမှု ပျက်ကွက်ခဲ့လျှင် သတိပေးခြင်း၊ လုပ်ငန်း ပိတ်သိမ်းခြင်း၊ ထောင်ဒဏ်ချမှတ်ခြင်းများပြု လုပ်နိုင်ကြောင်းနှင့် အရေးယူရာတွင် လူပုဂ်္ဂိုလ် သာမကဘဲ အဖွဲ့အစည်းကိုပါ အရေးယူနိုင်ကြောင်း ရဲမှူးကြီး ကျော်ဝင်းသိန်းက ပြောသည်။
အသစ်ပြဋ္ဌာန်း လိုက်သော ငွေကြေး ခ၀ါချမှု တိုက်ဖျက်ရေး ဥပဒေအရ အဖွဲ့ဝင် (၁၅) ဦး ပါဝင်သော အဖွဲ့ကို ဖွဲ့စည်း ထားသည်။ မြန်မာနိုင်ငံ သည် ငွေကြေးခ၀ါ ချထားမှု တိုက်ဖျက်ရေးနှင့် ပတ်သက်၍ ပူးပေါင်း ဆောင်ရွက်ခြင်း မရှိသောနိုင်ငံ အဖြစ် (၂၀၀၀) ပြည့်နှစ်တွင် လည်းကောင်း၊ ဆုံးရှုံး မှုမြင့်မားခြင်း ပူးပေါင်းဆောင်ရွက်ခြင်း မရှိသော နိုင်ငံများအဖြစ် ၂၀၁၁ ခုနှစ်တွင် လည်းကောင်း၊ ကမ္ဘာ့ ငွေကြေးဆိုင်ရာ အရေးယူဆောင်ရွက်ခြင်း အဖွဲ့ မှ သတ်မှတ်ခဲ့သည်။
ထက်ဝေထွန်း
Messenger
No comments:
Post a Comment