သံဓာတ်ချို့တဲ့သည့် လက္ခဏာများ

အောက်ဖော်ပြပါရောဂါလက္ခဏာများကို သတိပြုမိပါက ဒေါက်ခွရွက် (Spinach)နှင့် အမဲသားသုပ်စတင်စားသုံးပေးပါ။
အမေရိကန်ရောဂါထိန်းချုပ်ကာကွယ်ရေးဌာန CDCP ၏ လက်ရှိ စာရင်းဇယားများအရ အမျိုးသမီးများ၏ ၉ ရာခိုင်နှုန်းမှာ သံဓာတ်ချို့တဲ့မှုကြောင့် ဆိုးကျိုးများခံစားနေရကြောင်း သိရသည်။ သို့သော် သံဓာတ်ချို့တဲ့နေသည့် ရုပ်ပိုင်းဆိုင်ရာတက်တက်ကြွကြွရှိသော အမျိုးသမီးများအရေအတွက်မှာ ပို၍ပင်မြင့်မားကြောင်း ကျွမ်းကျင်ပညာရှင်များက ပြောသည်။ သံဓာတ်ချို့တဲ့မှုကို အောက်ပါလက္ခဏာရပ်များကို ကြည့်၍ သိရှိနိုင်သည်။

ပင်ပန်းနွမ်းနယ်ခြင်း

အောက်စီဂျင်သယ်ဆောင်သည့်သွေးနီဆဲလ်များအတွင်းပါဝင်သော ဟေမိုဂလိုဘင်ကိုထုတ်လုပ်ရန် ခန္ဓာကိုယ်က သံဓာတ်(Iron)ကို အသုံးပြုသည်။ ကျန်းမာသန်စွမ်းသည့် သွေးဆဲလ်များလုံလောက် သော ပမာဏမရှိပါက မောပန်းနွမ်းနယ်မှုကို စတင်ခံစားလာရမည်ဖြစ်သည်။

အာရုံစိုက်ရန်ခက်ခဲခြင်း

သံဓာတ်ချို့တဲ့မှုနှင့်အတူ လူများတွင် အာရုံကြောများကြားဆက်သွယ်ဆောင်ရွက်ပေးသော ဓာတုဒြပ်ပေါင်းမှာလည်း အပြောင်းအလဲရှိမည်ဖြစ်သည်။ သံဓာတ်ချို့တဲ့မှုကြောင့် ယင်းဒြပ်ပေါင်းလုပ်ဆောင်ချက်မှာ သာမန်ထက်လျော့ကျသွားနိုင်သည်။

စိတ်ပါဝင်စားမှုမရှိခြင်း

အာရုံကြောများကြား ဆက်သွယ်ဆောင်ရွက်ပေးသော ဓာတုဒြပ်ပေါင်းပြောင်းလဲမှု၏ နောက်ထပ်ဆိုးကျိုးတစ်ခုမှာ မည်သည့်ကိစ္စကိုမဆို စိတ်ပါဝင်စားမှုမရှိဖြစ်ခြင်းပင်ဖြစ်သည်။

အသက်ပုံမှန်ရှူ၍မရခြင်း

သွေးထဲတွင် လုံလောက်သောသံဓာတ်မရှိခြင်းကြောင့် ခန္ဓာကိုယ်တွင် အောက်စီဂျင်ဓာတ်များစွာလိုအပ်လာ၍ အသက်ပုံမှန်ရှူမရခြင်းကို ဖြစ်စေသည်။

ပုံမှန်မဟုတ်ဘဲ အသားအရေဖျော့တော့ခြင်း

သွေးလည်ပတ်စီးဆင်းမှုနှုန်းလျော့ကျခြင်းနှင့် သွေးနီဆဲလ်အရေအတွက်လျော့ကျသွားပါက အသားအရေဖျော့တော့လာနိုင်သည်။

ပုံမှန်ကိုယ်လက်လေ့ကျင့်ခန်းလုပ်ရန်ခက်ခဲခြင်း

သံဓာတ်ချို့တဲ့ပါက ယခင်က ပုံမှန်လုပ်ဆောင်နေကျဖြစ်သော ကိုယ်လက်လေ့ကျင့်ခန်းများကို လုပ်ဆောင်နိုင်တော့မည်မဟုတ်ပေ။

ကြွက်သားများအလွန်နာကျင်ခြင်း

လေ့ကျင့်ခန်းလုပ်ပြီးနောက် သာမန်ထက်ပိုမိုကြာရှည်စွာပင်ပန်းနွမ်းနယ်ပြီး ကြွက်သားများနာကျင်နေပါက သံဓာတ်မလုံလောက်ခြင်းကြောင့် ကြွက်သားများအသေအချာပြန်လည်ကျန်းမာရန် စွမ်းရည်နည်းပါးပြီး နာကျင်ကိုက်ခဲနိုင်သည်။

ခြေသည်းလက်သည်းများ ကြွပ်ဆတ်မာကျောခြင်း

ခြေသည်းလက်သည်းများ ကြွပ်ဆတ်မာကျောပြီး အလွယ်တကူ ကျိုးပဲ့ခြင်းမှာလည်း သံဓာတ်ချို့တဲ့မှုလက္ခဏာတစ်ခုဖြစ်သည်။

မကြာခဏနာမကျန်းဖြစ်ခြင်း

အထူးသဖြင့် အသက်ရှူလမ်းကြောင်းဆိုင်ရာနှင့် မကြာခဏနာ မကျန်းဖြစ်ခြင်းမှာ သံဓာတ်ချို့တဲ့မှုကြောင့်ဖြစ်သည်။

ဆီးပန်းရောင် (သို့မဟုတ်)အနီရောင်သွားခြင်း

သံဓာတ်ချို့တဲ့မှုကြောင့် အူသိမ်အူမများက အရောင်ပါဝင်သော ပစ္စည်းများကို ပိုမိုစုပ်ယူသဖြင့် ဆီးသွားသည့်အခါ ပန်းရောင် (သို့မဟုတ်) အနီရောင်ဆီးများသွားလေ့ရှိကြောင်း သိရသည်။

—Ref: Time
7Day Daily

K.K(ကနောင်)