ကိုးရီးယား ကင်ချီအကြောင်း တစေ့တစောင်း ဝင်းနိုင်သိန်း

ဝင်းနိုင်သိန်း

ဟင်းချက်တယ်ဆိုတာ အိမ်ရှင်မတွေအတွက် နေ့စဉ် လုပ်ရိုးလုပ်စဉ် အလုပ်တခု ဖြစ်လို့ ဘာမှ မထူးခြားပါဘူးလို့ ထင်နိုင်ပေမယ့် တကယ့်ကို ဟင်းချက်ဝါသနာ ပါသူတွေ အတွက်ကတော့ ဟင်းချက်ခြင်းဟာ အနုပညာတခုလိုပါပဲ။ ကပြက်ကချော် ချက်လိုက်တဲ့ ဟင်းတခွက်၊ အစပ်အဟပ် မတည့်တဲ့ ဟင်းတခွက်ကြောင့် ထမင်းပွဲမှာ စိတ်ညစ်ညူးရသလို၊ စနစ်တကျနဲ့ အနုပညာဆန်ဆန် ချက်ပြုတ်လိုက်တဲ့ ဟင်းတခွက်ကြောင့်လည်း တသက်လုံးစွဲအောင် ပြောမဆုံး ဖြစ်ရတတ်ပါတယ်။ ဟင်းချက်တာဟာ အမျိုးသမီးတွေရဲ့ အလုပ်လို့ တချို့က ထင်တတ်ပေမယ့် တကယ်တော့ အမျိုးသမီးရယ်၊ အမျိုးသားရယ်မဟုတ်ဘဲ ဝါသနာပါသူတိုင်းအတွက်တော့ စွဲလမ်းပျော်ရွှင်စရာကောင်းတဲ့ အလုပ်တခု ဖြစ်ပါတယ်။ ဒါကြောင့်ရဲ့ ဧရာဝတီရဲ့ အနုပညာကဏ္ဍမှာ ဟင်းချက်ခြင်း အနုပညာကို စာဖတ်သူတွေ စနေ အားလပ်ရက်မှာ ဖတ်ရှုလေ့လာနိုင်အောင် ချက်နည်းပြုတ်နည်း တမျိုးကို ဖော်ပြပေးလိုက်ပါတယ်။ လျှာရင်းမြက်အောင် ဘာဟင်းချက်ရလဲ စဉ်းစားနေသူတွေ အတွက်ကော၊ နိုင်ငံတကာမှာ ဘာကြောင့် ဒီအစားအသောက် တွေဟာ နာမည်ကြီး ထိုးဖောက် နိုင်တာလဲဆိုတာပါ သိရှိနိုင်ဖို့ ရည်ရွယ်ပါတယ်။ (အယ်ဒီတာ)

ဒီတပတ်တော့ ကိုရီးယားတွေရဲ့ အစားအသောက် ပုံစံမှာ မပါမဖြစ် အခြေခံ အကျဆုံး ကိုရီးယားချဉ်ပတ် ကင်ချီအကြောင်း တင်ပြချင်ပါတယ်။

ကင်ချီ အမျိုးအစား များစွာရှိတဲ့အထဲကမှ အခြေခံအကျဆုံးနဲ့ လူကြိုက်အများဆုံး မုန်ညင်းထုပ် ကင်ချီ၊
အင်္ဂလိပ်လို Napa Cabbage Kimchi ၊ ကိုးရီးယားလို Pogi-Kimchi (သို့မဟုတ်) Tongbacheu-Kimchi
အကြောင်း လေ့လာကြည့်ရအောင်ပါ။

စလုပ်မယ့် အချိန်မှာ လိုအပ်တဲ့ ပစ္စည်းတွေကတော့ -

မုန်ညင်းဖြူထုပ် – ၃ ကီလို (သို့) ၆ ထုပ်ခန့်
ဆား – ၁/ ၂ ခွက် (လက်ဖက်ရည်ပန်းကန်လုံး)

ပထမအဆင့်အနေနဲ့  မုန်ညင်းဖြူ အောက်ခြေ အမြစ်နားကိုဖြတ်ပြီး ဓားနဲ့ ၂ လက်မလောက် ထိုးခွဲ လှီးလိုက်ပါ (တထုပ်လုံးကို မလှီးရပါ)။ ဟသွားတဲ့နေရာကနေ လက်နှစ်ဘက်နဲ့ ဆွဲဖြဲ လိုက်ပါ။ ဒါမှသာ အတွင်းပိုင်း မုန်ညင်းသားတွေ နဂိုမူရင်းအတိုင်း ရရှိမှာ ဖြစ်ပါတယ်။

ရေများများ ထည့်ထားတဲ့ ဇလုံထဲမှာ ဆေးပြီး အနည်းငယ် စစ်ထားပါ။

မုန်ညင်းရွက် တရွက်ချင်းစီကြားထဲကို နှံ့အောင် ဆားပက်ထည့်ပြီး ဇလုံတခုထဲမှာပဲ ၁၀ မိနစ် ၁ ကြိမ် ဟိုဘက်ဒီဘက် လှန်ပေးရပါမယ် (ဆားတွေအားလုံး ပျံ့နှံ့ပြီး ကင်ချီလုပ်ချိန်မှာ ကြွပ်စေဖို့အတွက် ဖြစ်ပါတယ်)။

အဲဒီအချိန်မှာ Potage လို့ခေါ်တဲ့ ကော်ရည်ဆန်ဆန် အရည်တမျိုး ပြုလုပ်ရပါမယ်။ ကော်ရည်အတွက် လိုအပ်တာတွေကတော့ -

ရေ – ၂ ခွက် (လက်ဖက်ရည် ပန်းကန်လုံး)
ကောက်ညှင်းမှုန့် – ၂ ဇွန်း (ထမင်းစားဇွန်း)
သကြားညို – ၂ ဇွန်း (ထမင်းစားဇွန်း)

ရေ၊ ကောက်ညှင်းမှုန့်နဲ့ သကြားကို ရောမွှေပြီး မီးအေးအေးမှာ အနည်းငယ် ပျစ်လာအောင် ကြိုပြီး အအေးခံထားရပါ
မယ်။

ကော်ရည်ကို အအေးခံထားချိန်မှာ ကင်ချီအနှစ် ပြင်ဆင်ရပါမယ်။ ကင်ချီအနှစ်အတွက် လိုတာတွေကတော့ -

ကြက်သွန်နီ နုပ်နုပ်စဉ်း – ၁ ခွက် (လက်ဖက်ရည် ပန်းကန်လုံး)
ကြက်သွန်ဖြူ နုပ်နုပ်စဉ်း – ၁/၂ ခွက် (လက်ဖက်ရည် ပန်းကန်လုံး)
ချင်းနုပ်နုပ်စဉ်း – ၂ ဇွန်း (ထမင်းစားဇွန်း)

အဲဒီ သုံးမျိုးကို ကြိတ်စက်မှာ ညက်နေအောင် ရောကြိတ်ထားပါ။

မုန်လာဥဖြူ (မီးခြစ်ဆံကဲ့သို့) အမျှင် – ၂ ခွက် (လက်ဖက်ရည် ပန်းကန်လုံး)
မုန်လာဥနီ (မီးခြစ်ဆံကဲ့သို့) အမျှင် – ၁ ခွက် (လက်ဖက်ရည် ပန်းကန်လုံး)
ကြက်သွန်မြိတ် – ၅ ပင် (ပါးပါးလှီး (သို့) လက် ၁ ဆစ်ခန့် လှီးဖြတ်ထားရန်)
ကုဆိုင် – ၁၀ ပင် (ပါးပါးလှီး (သို့) လက် ၁ ဆစ်ခန့် လှီးဖြတ်ထားရန်)
ပုစွန် ဆားရည်စိမ် -  ၂ ဇွန်း (ထမင်းစားဇွန်း)
အရည်ကို သီးသန့် ညှစ်ထုတ်ပြီး အဖတ်တွေကို နုပ်နုပ်စဉ်းပါ (၂ မျိုးစလုံး ထည့်ရန်လို)
ငရုတ်စပ် အစိမ်းမှုန့် – ၁ ခွက်မှ ၂ ခွက်ခွဲအထိ အစပ်ကြိုက်နှစ်သက်မှု အပေါ်မူတည်၍ ထည့်နိုင်သည်။

ဒါတွေအားလုံးရပြီဆိုရင် ထောင်းထားတဲ့အရော၊ ပါးပါး လှီးထားတဲ့ မုန်လာဥ၊ ကြက်သွန်မြိတ်၊ ပုစွန်ဆားရည်စိမ်၊ ငရုပ်စပ်မှုန့်တို့ အားလုံးကို အအေးခံထားတဲ့ ကော်ရည်ထဲ ရောပြီး နှံ့နေအောင် မွှေပေးရပါမယ်။

ရောထားတဲ့ ကင်ချီအနှစ်ကို ဆားပက်ထားတဲ့ မုန်ညှင်းရွက်တွေကြားထဲ လက်အိတ်အသုံးပြုကာ တလွှာချင်းစီထဲ နစ်ဝင်နေအောင် သိပ်ထည့်၊ စဥ့်အိုး (သို့) ဖန်ပုလင်း (သို့) မိုက်ခရိုဝေ့ ဒဏ်ခံနိုင်တဲ့ ပလတ်စတစ် ဗူးတွေထဲ သိပ်ထည့်ပေးပြီး အဖုံးလုံအောင် ဖုံးပေးပါ။

အချိန် ၁ ရက်ခွဲ (၃၆ နာရီ) အကြာ သာမန် အခန်းအပူချိန်မှာ ထားပေးထားရပါမယ်။ အချိန်ပြည့်လို့ ဖွင့်ကြည်တဲ့အခါ အရည်တွေ ထွက်လာမှာဖြစ်သလို အရည်မှာ ပူဖောင်းလေးတွေ ထလာပါမှ စားသုံးနိုင်တဲ့ ကင်ချီအဆင့်ကို ရောက်ပါတယ်။ အဲဒီကမှ တဖန် ပုံမှန် ရေခဲသေတ္တာ ခန်းထဲ ပြောင်းရွှေ့ပြီး ၁ ပတ်ကြာမှ စားတာက ပိုပြီးပြည့်စုံတဲ့ ကင်ချီ ရမှာဖြစ်ပါတယ် ဆိုတဲ့အကြောင်း လေ့လာရေးသားလိုက်ရ ပါတယ်။

Irrawaddy