မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် အဖြစ် တောင်ကိုရီးယား နိုင်ငံသူ ရေပန်းစား

ရန်ကုန်၊ မတ် ၇
တာဝန် ထမ်းဆောင်ခွင့် သက်တမ်း ကုန်ဆုံးတော့မည့် ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် သောမတ်ဟိုဟေး ကင်တားနား နေရာတွင် အစားထိုးရန် လျာထားခံရသူ သုံးဦးအနက် တောင်ကိုရီးယား နိုင်ငံသူ Yanghee Lee မှာ ခန့်အပ် ခံရရန် ရေပန်းစားနေကြောင်း ကုလသမဂ္ဂ လူ့အခွင့်အရေး ကောင်စီက ထုတ်ပြန်သည်။
မြန်မာနိုင်ငံတွင် လူ့အခွင့်အရေး အထူးကိုယ်စားလှယ် အဖြစ် ခန့်ထားရန် လျာထားခံရသည့် တောင်ကိုရီးယား နိုင်ငံသား လူ့အခွင့်အရေး ကျွမ်းကျင်ပညာရှင် Ms. Yanghee Lee၊ အမေရိကန် နိုင်ငံသား Mr. Jared Gerser နှင့် ဖင်လန်နိုင်ငံသား Mr. Kimmo Kiljunen သုံးဦးတွင် Ms. Yanghee Lee မှာ ခန့်အပ် ခံရရန် နီးစပ်နေကြောင်း ယင်းထုတ်ပြန်ချက်တွင် ဖော်ပြထားသည်။
လူ့အခွင့်အရေး အထူးကိုယ်စားလှယ် ခန့်အပ်ရေးနှင့် ပတ်သက်၍ ကုလသမဂ္ဂ လူ့အခွင့်အရေး ကောင်စီတွင် မတ်လ ၃ ရက်နေ့မှ ၂၈ ရက်နေ့အထိ ဆွေးနွေးသွားမည် ဖြစ်ကြောင်း ကုလသမဂ္ဂ လူ့အခွင့်အရေး ကောင်စီက ထုတ်ပြန်ထားသည်။
မြန်မာနိုင်ငံအတွက် လူ့အခွင့်အရေး ကိုယ်စားလှယ် အသစ် ဖြစ်လာမည့်ဟု ရေပန်းစားနေသည့် Ms. Yanghee Lee သည် အမေရိကန်နိုင်ငံ Missouri Columbia တက္ကသိုလ်တွင် ရှေးဦး ကလေးသူငယ် ပြုစုရေးနှင့် ပက်သက်၍ မဟာဘွဲ့နှင့် ပါရဂူဘွဲ့ ရရှိခဲ့ပြီး ၂၀၀၇ ခုနှစ် မေလတွင် ကုလသမဂ္ဂ ကလေးသူငယ် အခွင့်အရေး ကော်မတီတွင် ဥက္ကဌအဖြစ် တာဝန် ထမ်းဆောင်ခဲ့သည်။
အသက် ၅၈ နှစ် အရွယ်ရှိ Ms. Yanghee Lee သည် တောင်ကိုရီးယား နိုင်ငံ၏ အမျိုးသား လူ့အခွင့်အရေး ကော်မရှင်တွင်လည်း အကြံပေး အဖြစ် ပါဝင်ခဲ့ပြီး တောင်ကိုရီးယား တက္ကသိုလ် Sungkyunkwan University တွင် ကလေးသူငယ် စိတ်ပညာနှင့် ပညာရေးဌာန ပါမောက္ခ တစ်ဦးဖြစ်ပြီး ကုလသမဂ္ဂ လူ့အခွင့်အရေး အဖွဲ့က ပေးသည့် ထူးချွန်ဆု ရခဲ့သည်။
အရှေ့တောင်အာရှ လူ့အခွင့်အရေး ယန္တရား အကောင်အထည် ဖော်ရေးတွင်လည်း တက်ကြွစွာ ပါဝင်သူဖြစ်ပြီး ဆုံးဖြတ်ရေး အဖွဲ့ကမှု Ms. Yanghee Lee သည် တပ်မတော် အုပ်ချုပ်ရေးစနစ်မှ ဒီမိုကရေစီ ကူးပြောင်းသည့် နိုင်ငံများနှင့် ပတ်သက်၍ အတွေ့အကြုံ ရှိသဖြင့် မြန်မာနိုင်ငံနှင့် ကိုက်ညီသည်ဟု ဆုံးဖြတ်ထားခြင်း ဖြစ်ကြောင်း ကုလသမဂ္ဂ လူ့အခွင့်အရေး ကောင်စီက ထုတ်ပြန်ထားသည်။
လူ့အခွင့်အရေး ကိုယ်စားလှယ် ထပ်မံ ခန့်ထားခြင်းသည် မြန်မာနိုင်ငံ၏ ပြုပြင်ပြောင်းလဲမှု လုပ်ငန်းစဉ်များကို အသိအမှတ် ပြုရန် ပျက်ကွက်ခြင်း ဖြစ်ပြီး နိုင်ငံအချို့က မြန်မာနိုင်ငံအပေါ် ဖိအားပေးရေး နည်းလမ်း ဆက်လက် သုံးစွဲလို၍ ဖြစ်ကြောင်း နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်က ပြောဆိုထားသည်။
ကုလသမဂ္ဂ လူ့အခွင့်အရေး ကိုယ်စားလှယ် တစ်ဦး၏ သက်တမ်းမှာ ခြောက်နှစ်ရှိပြီး ကင်တားနားသည် မြန်မာနိုင်ငံ လူ့အခွင့်အရေး အထူးကိုယ်စားလှယ် အဖြစ် ၂၀၀၈ ခုနှစ်တွင် စတင် တာဝန် ထမ်းဆောင်ခဲ့ရာ ၂၀၁၄ ခုနှစ် မတ်လတွင် သက်တမ်း ကုန်ဆုံးမည် ဖြစ်ကြောင်း ကုလသမဂ္ဂ သတင်းပြန်ကြားရေး ဌာနမှ သိရှိရသည်။
The Voice Weekly