Monday, March 10, 2014
ကြော်ငြာ၊ ဗီဒီယို ရိုက်ကူးမူများဖြင့် အနုပညာခြေလှမ်း စိပ်နေသည့် တက်သစ်စမော်ဒယ် သရုပ်ဆောင် ဆောင်းယွန်းစံသည် ကိုယ်ချစ်ကို ရှာခဲ့မိသည့်အတွက် အသည်းကွဲနေသည်ဟု မဇ္ဈိမ၏ မေးမြန်မှုကို ဖြေ ကြားခဲ့သည်။
“ဆောင်း အခု အသည်းကွဲနေတယ်။ သူချစ်ထက် ကိုယ်ချစ်ကို ရှာခဲ့မိတဲ့အတွက် အသည်းကွဲနေတယ်။ ဆောင်းကို ရုပ်သံဇာတ်လမ်းတွဲအတွက် လာပြီးကမ်းလှမ်းထားတာ ရှိတယ်။ ဒါကလည်း ပြည်ပနိုင်ငံ တစ်ခုက ရုပ်သံနဲ့ မြန်မာနိုင်ငံအတွင်းက ရုပ်သံတစ်ခုတို့ ပူးပေါင်းပြီး ရိုက်ကူးမှာပါ” ဟု ၎င်းက ပြောသည်။
၎င်းအနေဖြင့် နှလုံးသား၏ စိတ်ဒဏ်ရာကို အနုပညာအလုပ်များဖြင့် ကြိုးစားကာ ကုသလုပ်ဆောင်သွား မည်ဖြစ်ကာ အချစ်နှင့်ပတ်သက်သည့် အရာအားလုံးကို ကြိုးစားမေ့ပျောက်သွားရန် ဆုံးဖြတ်ထားသည်ဟု ဆိုသည်။
၎င်းအနေဖြင့် နောင်တစ်ချိန်တွင် ချစ်သူတွေ့ပါက ကိုယ်ချစ်ထက် သူချစ်ကိုသာရှာပြီး သင်ခန်းစာယူကာ လက်တွဲဖော်ကို သေချာစိစစ် ရွေးချယ်သွားမည်ဖြစ်သည်။ ၎င်း၏ချစ်သူကိုလည်း စံသတ်မှတ်ချက်များဖြင့် ရွေးချယ်သွားမည် မဟုတ်ဘဲ ကိုယ့်ကိုချစ်သူသည် ရိုးသားပြီး အကျင့်စာရိတ္ထကောင်းသူသာ ဖြစ်ရန်လို ကြောင်း ရင်ဖွင့်ပြောကြားခဲ့သည်။
ဆောင်းယွန်းစံသည် အနုပညာလောကထဲ၌ ရေရှည်ရပ်တည်နိုင်ရန်အတွက် ပရိသတ်များဖြင့် အဆက် မပြတ်အောင် ကြိုးစားခဲ့ရပြီး စိတ်ဓာတ်ကျစရာများကိုလည်း ဘာသာရေးစာအုပ်များ ဖတ်ခြင်းဖြင့် စိတ် ဓာတ်ကို မြှင့်တင် ခဲ့ကြောင်း ဆိုသည်။
၎င်းသည် ၂၀၁၁ ခုနှစ်တွင်ကျင်းပသည့် ကိုရီးယားရုပ်တူပြိုင်ပွဲတွင် ကိုရီးယားသရုပ်ဆောင် ဆောင်းဟေ ကို (အွန်စော)နှင့် ရုပ်အတူဆုံးဆုရရှိခဲ့ပြီး အနုပညာလောကထဲသို့ ၀င်ရောက်လာခဲ့သူ ဖြစ်သည်။
ဆောင်းယွန်းစံသည် ကြော်ငြာများနှင့် ဗီဒီယိုဇာတ်ကားပေါင်း ၁၅ ကားခန့် ရိုက်ကူးထားသူဖြစ်ပြီး ၂၀၁၁ ခုနှစ်တွင် ရိုက်ကူးခဲ့သည့် ရန်ကုန်လမ်းညွှန်ကြော်ငြာဖြင့် ၎င်းင်းကို ပရိသတ်သိခဲ့သူ ဖြစ်သည်။
မေနှင်းကြည်
Mizzima
No comments:
Post a Comment