ညနေခင်းက အမြှုပ်တစီစီထလွန်းလှသည်။ အခိုးတရှိန်ရှိန် ထွက်နေသော သွေးရောင်လွှမ်းမျက်နှာများနှင့် မည်သည့် အဓိပ္ပာယ်ဟု အလိုလိုသိသာနေသော ရီဝေဝေ အကြည့်များကို လည်း ထိုနေရာ တွင်ပေါပေါသီသီရနိုင်ပါသည်။ ထိုကဲ့သို့ အရိုင်းဆန်လှသောနေရာ တစ်ခုတွင် ပေါင်လယ်ခန့်စကပ်တိုတို၊ ရင် တစ်ဝက်လှပ်ထားသော ကြိုးပျောက်ဘော်လီအင်္ကျီနှင့် မိန်းမ သားတစ်ဦးကို ဟိုစားပွဲဝိုင်းကူးလျက် ဒီစားပွဲဝိုင်းကူးလျက်မြင်တွေ့ရပါလျှင် သင့်မျက်လုံးများသည်ရော တစ်စုံတစ်ရာသော တပ် မက်မှုဖြင့် အရောင်မပြောင်းဟုအာမခံနိုင် ပါမည်လော။ အဘယ့်ကြောင့်ဆိုသော် နေရာ အချိန်နှင့် သုံးစွဲနေသော အရာ၏ ပံ့ပိုးမှုများက ပုထုဇဉ်တို့၏စိတ်ကို ဖောက်ပြန်ေ စတတ်သော ကြောင့်ဖြစ်သည်။ ထိုနေရာက နိုက်ကလပ်တစ်ခုမဟုတ်။ မော် ဒယ်လျှောက်လမ်းတစ်ခုမဟုတ်သလို အပျော်အပါးအတွက် သွေးသား အရောင်းအဝယ်နေ ရာတစ်ခုလည်း မဟုတ်ပါ။ ထို နေရာက ဘီယာဆိုင် တစ်ခုသာဖြစ်သည်။ အဖြေကိုသိပြီဆို သောအခါ သင့်ထံတွင်အတွေး တစ်ခုလည်းရှိနေပြီဖြစ်သည်။
ထိုအတွေးကတော့ ”ဒီလိုနေရာမျိုး ဒီလိုဝတ်လို့ကတော့ အထင် ခံရတာတောင်နည်းသေး” သို့မဟုတ် ”အင်း ဒီပုံစံဆို ဒီဆော် လေးတွေ ရတယ်ထင်တယ်” ဟူ၍ ဖြစ်နိုင် ပါသည်။ ထိုသို့ မဟုတ်ပါက သေချာသည်မှာ ထိုအဝတ်အစားအဆင်အပြင် နှင့်မိန်းကလေးများအပေါ် အထင်အမြင်သေးသွားခြင်းမျိုးလည်း ဖြစ်နိုင်ပါသည်။ ထို့အတွက် လည်းမြန်မာစကားကရှိ ပါသည်။ ”လူမှာအဝတ်တောင်းမှာအကွပ်”ဟူ၏။ ထို့သို့ဖြင့်ပင် ချဉ်စုတ်စုတ်အရက်နံ့နှင့် အမြှုပ်တစီစီထနေသောဘီယာ ခွက်များ တင်ထားသည့် စားပွဲများတစ်လျှောက် လိုအပ်၍ဖြစ်စေ၊ အ ကြောင်းမဲ့ ဆေးလိပ်ယူခိုင်း ဟိုမှာသည်မှာဖြစ်စေ လုပ်ပေးနိုင် သလောက် လုပ်ပေးနေရသော စကပ်တိုတို ရင်တစ်ဝက်ဟိုက် အင်္ကျီဖြင့် မိန်းကလေးများကတော့ ညနေ ညီအစ်ကို မသိတသိ အချိန်မှစ အားကောင်းမောင်းသန်ယောက်ျားကြီးများကတော့ သိသိကြီးနှင့်ပင် ဘီယာတကျိုက် အကြည့် တနှိုက်ဖြင့် ညက ပိုမိုက်လာခဲ့ပြီဖြစ်သည်။
သို့သော်—— ”ရင်ပြတ်အင်္ကျီဝတ်လုိ့ ကြိုးပျောက်ဘော် လီမဝတ်ရင် ဒဏ်ငွေပေးရတယ်”ဟု မနန်း(အမည်ပြောင်း)က ရှင်းပြသည်။ ၄င်းအပြင်ရေချိုး၊ ခေါင်းလျှော်၊ အလှပြင်ဆင်မှုတို့ကို မိနစ် ၃ဝသာအချိန်ပေးထားပြီး အချိန်ကျော်လွန်ပါကလည်းဒဏ်ငွေပေးရပါသည်တဲ့။ သူတို့ဝတ်ဆင်ရသောဝတ်စုံများသည် လည်း ဆိုင်ရှင်စိတ်ကြိုက် ဆင်ယင်ပေးထားခြင်းသာဖြစ်ကြောင်း သင်သိလိုက်ရပြီဆိုပါက အထက်ပါအမြင်များ ပြောင်းသွားပါ မည်လား။
တကယ်တော့ စားဝတ်နေရေး ရပ်တည်မှု တစ်စုံတစ်ရာ အခက်အခဲကြောင့် အလုပ်ကို စိတ်တိုင်းကျ မရွေးနိုင်ဘဲ ဝင် ရောက်လုပ်ကိုင်နေရသည့်အပြင် အလုပ်၏ ထို သို့သော ဂယက် များကြောင့် ဘဝရပ်တည်မှုအပေါ် အထင်အမြင် အသေးခံ ကြရသည်။ ထို့ပြင်အလုပ်ရှင်၏ သတ်မှတ်ဆင် ယင်ပေးမှုက ပျက်ကွက်ပါက ဒဏ်ငွေဟူသော ဝင်ငွေထိခိုက်မှု ပါရှိနေ သောအခါ ——-ရွေးချယ်ခွင့်နည်းသော ဘဝများအတွက် အဖြေသည် လွယ်ကူမည်ဟု သင်ထင်ပါသလား။ ထိုဆိုင်က အောင်မင်္ဂလာ အဝေးပြေး ကားဝင်းထဲတွင်ရှိသည်။ မနန်းနှင့် မဖြိုး(အမည်လွှဲ)တို့က ၂ဝ၁၂ခုနှစ်မှစကာ ထိုကားဝင်းအတွင်းရှိဘီယာဆိုင်တွင် တစ်လလျှင် ကျပ် ၃ဝဝဝဝ ဖြင့် စတင်ဝင် ရောက် ခဲ့သည်မှစ ထို့သို့ကြုံခဲ့ကြရခြင်း ဖြစ်သည်။
မနန်းမှာ အလုပ်ဝင်ပြီးနောက် ဆိုင်ရှင် ဒေါ်တင်တင်ကြီး (အမည်ပြောင်း)က ခြောက် လစာကြိုထုတ်ပေးခဲ့သည်ဟု ပြန်ပြောင်းပြော သည်။ တရားဝင်အလုပ်ချိန်က ညနေ ၄ နာရီ မှ ည ၁၂ နာရီ။ ထို့အတွက် သူတို့သည်လည်း လာ ရောက်သောက်စားကြသော ဖောက်သည်များဆီမှ မုန့်ဖိုးကိုမျှော်ကြရသည်။ သို့သော် ထိကပါးရိက ပါးပြုလုပ်၍ တိုင်တန်းမိပါကဆိုင်ရှင်က မိတ်ပျက် မည်စိုး၍ ခေါင်းရှောင်နေတတ်သည်ဟု မနန်းက ရင်ဖွင့်သည်။
နောက်ပိုင်းတွင် သူကဲ့သို့စားပွဲထိုးမိန်းက လေးတစ်ဦးနှင့် ရန်ဖြစ်ရာ ဆိုင်ရှင်က ရင့်ရင့်သီးသီး ပြော၍ အလုပ်ထုတ်ခဲ့သည်။ ဇာတ်ကတော့ ထူး ဆန်းသည်မဟုတ်ပါ။ သို့သော် ကျန်ခဲ့သည့် မဖြိုး မှာလည်း ဆိုင်မှာတင်း ကျပ်သည့် စည်းကမ်းများ သာမက နောက်ထပ် ဒုက္ခတစ်ခုပါ ကြုံလိုက်ရ သည်။ လုပ်ဖော်ကိုင်ဖက်ချင်း ခင်မင်ချစ်ခင် ၍ ပေးထားသည့်နားကပ်လေး မှာ ၂ဝ၁၃တွင် မဖြိုး အလုပ်ထွက်ပြီးနောက် ပါလာခဲ့သည်ဟု မနန်းက ပြောပြသည်။
သို့သော် ဆိုင်ရှင် ဒေါ်တင်တင်ကြီးက နား ကပ်အား မဖြိုး ခိုးယူသွားသည် ဟုဆိုကာ အမှုဖွင့်ခဲ့ သည်။ တရားရုံးတွင် မဖြိုးမှာအသက်မပြည့်သေးသောကြောင့် အမှုမှ ပလပ်ပေးခဲ့၍သာ ဘဝတွင် အမည်းစက်မစွန်းခဲ့ခြင်းဖြစ်သည်ဟု ဆိုပါသည်။ လျှပ်ပေါ်လျှပ်လီလည်းဝတ်ခိုင်း၊ ရေချိုးအလှပြင်ရာ တွင်ပင် အချိန်မစွန်းမခံဒဏ်ငွေတပ်သော ဘဝများတွင် ဘီယာ တန်ခိုးရီဝေစွာမစာမနာအရသာ ခံမြည်းဖို့တော့ သူတို့သည် လည်း ဘဝကို အလကား ပစ်ချထားခြင်းတော့ မဟုတ်ကြပါ။
”ဒီလိုဘီယာဆိုင်တွေမှာလုပ်တာတော့ ယောက်ျားတွေက တဏှာမျက် လုံးနဲ့ကြည့်တာတွေ ရှိတယ်။ အဲလိုမျိုးဆိုရင် သူများတွေတော့ မသိဘူး။ အစ်မဆိုရင် သူတို့နဲ့ ဝေးဝေးမှာ ရှောင်နေမယ်။ ဒါမှမဟုတ်လည်း စိတ်ကိုအဲဒီမှာနှစ်မထားဘူး။ အဲဒီလို အချိန်မျိုးဆို ဖယ်ရီကားမြန်မြန်လာ ပါစေလို့ ဆုတောင်း တယ်” ဟု ဘီယာကုမ္ပဏီတစ်ခုမှ အရောင်းမြှင့်တင်ရေး ဝန်ထမ်း တစ်ဦးဖြစ်သူ မသီတာက အသံခပ်ပြတ်ပြတ်ဖြင့် ပြောသည်။
သူသည်လည်း မိသားစုကိုထောက်ပံ့နေရခြင်းဖြစ်သည်။ သူ့အနေဖြင့် ဘဏ်ဝန်ထမ်းလုပ်ချင်သော်လည်း ဆယ်တန်းမ အောင်သဖြင့် ရရာအလုပ်ကိုရွေးလိုက် ရခြင်း ဟု ပြောသည်။ သူတို့အလုပ်အပေါ် အထင်သေးကြသော်လည်း ညနေ ၃ နာရီမှ ည ၁ဝ နာရီအထိ လုပ်ကိုင်ရသော နေ့တစ်ဝက်သာသာအတွက် လစာက တစ်သိန်းေ ကျာ်သည်ဟု ဆိုသည်။ ထိုအတွက်လည်း သူတို့ မက်ကြခြင်းဖြစ်သော်လည်း ဘဝနှင့်အရှက်တန်ဖိုးတို့ကို ထိပါးခံနေသူချည်းလည်းမဟုတ်ပါ။
”အစ်မတို့က ဒီအလုပ်လုပ်ရတာ အခက်အခဲက သူတို့ရစ် တာကိုခံရတယ်။ အစ်မတို့က သူတို့နဲ့စကားမပြောချင်လည်း ပြောရတယ်။ တချို့တွေကျတော့ ကိုယ့်နှမ သားချင်း မစာမနာ ပြောတယ်။ တချို့ဆို ဆိုင်ရှင်တွေ လည်းပါတယ်။ အစ်မတို့က အရောင်းမြှင့်တင်ရေး ဝန်ထမ်းတွေလေ။ အစ်မတို့ ခံယူချက်က ဒါပဲရှိတယ် ။ သူတိုိ့က အစ်မတို့လို ခံယူထားတာ မဟုတ်ဘူး” ဟု သူက ဆိုပါသည်။
စားသုံးသူများ၏ ဆိုးဆိုးဝါးဝါးဆက်ဆံမှုကို မကြုံဖူးသော် လည်း သူတို့ သူငယ်ချင်းများ၏ အတွေ့အကြုံက ဆုံပါသည်။ လာသောက်နေကျဖောက် သည်က အရက် တစ်ပက် မှာလိုက်၊ ဆေးလိပ်မှာလိုက်ဖြင့် ထိုအရောင်းမြှင့်တင်ရေးဝန်ထမ်းအမျိုးသမီးငယ်အား မော်ဒယ်များကဲ့သို့ ဟိုဘက်သည်ဘက်လျှောက် ခိုင်းပါသည်တဲ့။ ထိုအရာ များက တကယ်ဆိုရပါလျှင် လူအခွင့်အ ရေးနှင့် အလုပ်သမား အခွင့်အရေးအရ လုံခြုံမှုမဲ့ခြင်းပင်ဖြစ် သည်။ သို့သော် အလွယ်တကူစကားလည်းရှိပါသည်။ အဲလို မခံစား ချင်ရင် အဲဒီအလုပ်ဝင်မလုပ်နဲ့ပေါ့ ဟူ၍ ဖြစ်နိုင်ပါသည်။
သို့သော် ”ပတ်ဝန်းကျင်က ဒီအလုပ်လုပ်လို့ အထင်သေး လားဆိုတော့ ပတ်ဝန်းကျင်နဲ့ အဆက်အသွယ်ပြတ်နေတာလည်း ကြာပြီ။ သူတို့ပြောတာလည်း စိတ်မဝင်စား ဘူးလေ။ အစ်မလုပ်မှ အစ်မစားရမှာ။ အစ်မမှာက မိသားစုငါးယောက်ရှိတယ်” ဟုမသီတာက ဆိုပါသည်။
ဆိုက်ကားဆရာက တက္ကစီသမားကိုအားကျသည်။ တက္ကစီ သမားကလည်း ကိုယ်ပိုင်ကားလေးပိုင်ချင်သည်။ ကိုယ်ပိုင်ကား ပိုင်သူကလည်းတစ်စီး မှ နောက်တစ်စီး။ ဘဝဟူသည်က မပြည့် သောလိုဘများနှင့်မို့ တစ်ယောက်အလုပ်တစ်ယောက် သာသည် နာသည်ဟုတွက်၍မရပါ။ ထို့အတူ ဘဝနှင့်ရင်းရသည်ဖြစ်စေ၊ဂုဏ်သိက္ခာနှင့် အရှက်တရားတို့ကို ရင်းရသည်ဖြစ်စေ ငါ့ဝမ်း ပူစာမနေသောဟူသော လောကဓံတွင် တစ်ခုတည်းသော လောကပါလတရားမှာ ”ကိုယ်ချင်းစာတရားပင်” ဖြစ် မည်ဟု ထင်မိပါသည်။ သို့သော် အကယ်၍ အလင်းရောင်ခပ်မှိန်မှိန်၊ စားပွဲပေါ်တွင် အမြှုပ်တစီစီဘီယာခွက်နှင့် အမြည်းစုံ။ ရှေ့ တွင် တော့ ပေါင်လယ်အထိ စကပ်တိုနှင့် လည် ဟိုက်အင်္ကျီဝတ်ဆင် ထားသော မိန်းမပျိုတစ်ဦးက ဝန်ဆောင်မှုပေးနေသည်ဆိုပါအံ့။ သင် သူ့အပေါ်မည်သို့ဆက်ဆံမိမည်ကို ကျွန်တော်လည်း စိတ် ဝင်စားနေမိပါ သည်။ အထူးသဖြင့် သင်သူ့အပေါ် ပြန်အမ်းငွေ သို့မဟုတ် သင့်အိတ်အတွင်း မှ သီးသန့်ထုတ်၍ မုန့်ဖိုးပေး သည့်အခါ ထိုတစ်ခုတည်းသော လောက ပါလတရားသည်လည်း တစ်ခါတည်းပါသွားစေချင်မိပါတော့သည်။
အောင်ခွန်းဆက်၊ ဇေဝေယံ
Popular Myanmar News Journal
No comments:
Post a Comment