Sunday, March 02, 2014
ရွှေဘို၊ မဇ္ဈိမ။ ။ စစ်ကိုင်းတိုင်း၊ ရွှေဘိုတက္ကသိုလ် တွင် ကျောင်းသားတချို့သည် လ ၂၇ ရက် ညနေ ၅ နာရီခွဲ အချိန် က ကျောင်းသား အချင်းချင်း ရန်ပွဲဖြစ် ရာ ကျောင်းသားနှစ်ဦး ဒဏ်ရာရရှိခဲ့သည်ဟု ရွှေဘိုမြို့မ ရဲစခန်းမှ တပ်ဖွဲ့ဝင်တစ်ဦးကဆိုသည်။
ဖြစ်စဉ်မှာ ရွှေဘိုမြို့၊ အမှတ်(၁၀) သူဇာရပ်ကွက်အတွင်းရှိ အမျိုးသမီးအဆောင်တစ်ခုရှေ့တွင် အဆောင်သူ တစ်ဦးနှင့် သူမ၏ သူငယ်ချင်း သူငယ်ချင်းလေးယောက်သည် အဆောင်ရှေ့တွင် စကားပြောနေခဲ့သည်ဟု ရဲစခန်းတွင် ထွက်ဆိုထားသည်။
ထိုစဉ် သတ္တဗေဒ ပထမနှစ် ကျောင်းသားတစ်ဦးနှင့် သူ၏ သူငယ်ချင်း သုံးယောက်တို့ ရောက်ရှိလာပြီး အဆောင်သူမိန်းကလေး၏ သူငယ်ချင်းများကို သစ်သားတုတ်များဖြင့် ရိုက်နှက်ခဲ့ခြင်းဖြစ်သည်ဟု ရွှေဘိုမြို့မရဲစခန်းရှိ မှုခင်းမှတ်တမ်းတွင် ဖော်ပြထားသည်။
ထို့ကြောင့် ရိုက်နှက်ခံရသည့် ကျောင်းသားနှစ်ဦးမှာ ခေါင်းပေါက်ပြဲဒဏ်ရာများရရှိခဲ့ကာ ရွှေဘိုမြို့မရဲစခန်းက(ပ) ၉၈/ ၂၀၁၄ ပြစ်မှုပုဒ်မ ၃၂၅ အရ အမှုရေးဖွင့်ထားသည်ဟု တာဝန်ကျ ရဲအရာရှိတစ်ဦးက ပြောသည်။
စစ်ကိုင်းတိုင်း၊ ကလေးမြို့၊ တာဟန်းရပ်ကွက်ရှိ ဘော်ဒါဆောင်တစ်ခုတွင် ကျောင်း သားဆယ်ဦးမှ ကျောင်းသားတစ်ဦးကို အုပ်စုဖွဲ့ရိုက်နှက်မှုများဖြစ်ပွားခဲ့ကြောင်း သတင်းမှတ်တမ်းများတွင် ဖော်ပြထားသည်။
Mizzima - News in Burmese
No comments:
Post a Comment